Ահազանգ՝հանուն ժողովրդավարության

 «Վիվասելը»կրկին 2500դրամանոց ինտերնետային փաթեթի գովազդ է անում։Բայց երբ նույն փաթեթում գործող ֆեյսբուք ցանցում սահմանափակումներ են արվում,ո՞վ է պատասխանատուն։Չէ՞ որ շատերն այդ ցանցի միջոցով գովազդ են տեղադրում,ու դա շատերի կամ ոմանց համար եկամուտ է(նախապես ասեմ,որ ինքս գովազդի դաշտում չեմ գործում,այլ պատճառներով)։Ստացվում է,որ գովազդի իրավունք միայն իշխանական կայքերն ունեն՝հաճախ ապազգային քարոզչություն տանելով,իսկ նրանք,ովքեր քննադատում են իշխանություններին,նրանց ֆեյսբուքի էջերն արգելափակվում են։…Անահիտ Մանասյան,«ժողովրդավարական»համարվող Հայաստանի ՄԻՊ,մինչև ե՞րբ են ընդդիմախոս լրագրող-բլոգեր-ակտիվիստների ֆեյսբուքյան էջերը սահմանափակվելու,նյութերի տարածումն արգելափակվելու մի անհասցեգրառումով՝հայտնի չէ ում կողմից։Ովքե՞ր և ինչու են սահմանափակում մեր ազատություններն ու իրավունքները.քննադատությունը սահմանափակվում է՝հայհոյախոսությունը խրախուսվու՞մ.որտեղ ընդդիմախոս ելույթներ-հոդվածներ են,դրանց տակ հայտնվում են կեղտոտ-հայհոյախոս գրառումներ,ֆեյսբուքն էլ տարածված է այլասերված նկարներով-տեսանյութերով-ինտիմ ծառայությունների գովազդով.ինչո՞ւ դա չի սահմանափակվում։

ԳԱՅԱՆԵ ՀՈՎՍԵՓՅԱՆ

Սահմանափակում

 Այսօր ֆեյսբուքում սահմանափակվեց նյութերիս տարածումը՝հերթական քննադատական նյութերի տեղադրումից հետո ընդդեմ ՀԷՑ-ի,«Վեոլիայի»չարաշահումների։Բայց բուն սահմանափակումը տեղի ունեցավ,երբ փորձեցի տարածեմ «Ովքեր են մեկնել Բաքու»հոդվածը՝կայքերից մեկից։Եթե այդ նյութն է սահմանափակման պատճառը՝ապա ինչու է այն հրապարակվել ոչ միայն մեկ,այլև մի քանի կայքերում։Ահա և «խոսքի ազատություն»։Եթե մենք ժողովրդավարական երկիր ենք,ինչու՞ է սահմանափակվում մեր անձնական էջը՝առանց որևէ բացատրության,և ո՞ւմ կողմից է սահմանափակվում։Հայհոյանքը չի արգելափակվում,լուտանքն ու հայհոյախոսական բառապաշարը թույլատրվում է,քննադատությունը սահմանափակվու՞մ։Ողջ համացանցը հեղեղված է ընդդիմադիր գործիչների,հայրենասեր,ազգասեր մարդկանց,քաղաքացիական ակտիվիստների,իրավապաշտպանների նյութերի տակ հայհոյանքներով,բայյց դրանց օգտատերերի էջերը չեն սահմանափակվում։Երկիրը վեր է ածվում բռնատիրական հասարակարգի՞։

ԳԱՅԱՆԵ ԳԵՈՐԳԻԻ ՀՈՎՍԵՓՅԱՆ,Վանաձոր

Արգելափակում

 Արդեն 5-րդ օրն է,որ ֆեյսբուքում սահմանափակված է նյութերով կիսվելու գործառույթն իմ էջում։Եվ ոչ միայն իմ,այլև դատելով այլոց համացանցային բողոքներից՝նաև ուրիշների։Ովքե՞ր և իՆչ իրավունքով են սահմանափակումներ կիրառում հայամետ,ազգային ուժերի համացանցային գործունեության նկատմամբ,փոխանակ արգելափակելու նրանց,ովքեր ատելության խոսք են տարածում և արցախցի-հայաստանցի ներազգային երկպառակություն հրահրում՝համացանցում՝հարձակվելով կամ իրենց իրավունքների պաշտպանության համար  պայքարող արցախցիների,կամ նրանց պաշտպանների վրա։

ԳԱՅԱՆԵ ՀՈՎՍԵՓՅԱՆ,Վանաձոր

Ահազանգ հանուն Հայաստանի

Հայաստանում շարունակվում է ժողովրդավարության նկատմամբ բռնությունը։Հերթական անգամ սահմանափակված է իմ՝14 տարվա բլոգերի և 30 տարվա լրագրողի ֆեյսբուքյան էջի գործունեությունը.սահմանափակված է նյութերի տարածումը խմբերով և անգամ ընկերներին։Միաժամանակ համացանցում պարբերաբար բողոքներ են հնչում էջերի արգելափակման մասին,իսկ մարդու իրավունքների պաշտպանը չլսելու է տալիս այդ բողոքները։Ովքե՞ր և ի՞նչ իրավունքով են սահմանափակում քաղաքացիական ակտիվ դիրքորոշում ունեցող, ազգային-պահպանողական մտածելակերպ ունեցող մարդկանց էջերը,իսկ սատանիստական էջերի,ինտիմ-սեռական ծառայությունների մատուցման էջերը խրախուսվում։Այս ամենը մարդու սահմանադրական իրավունքների խախտում է մի երկրում,որի իշխանությունները միջազգային կառույցներում հավաստում են,թե Հայաստանը շարունակում է զարգանալ ժողովրդավարության ուղիով։Հայաստանը հետընթաց է ապրում ժողովրդավարությունից,ինչն ակնհայտ է նաև նրանով,որ այսօր խոսքի,կարծիքի արտահայտման համար մարդկանց դեմ քրեական գործեր են հարուցվում։ ԳԱՅԱՆԵ ՀՈՎՍԵՓՅԱՆ,բլոգեր,ազատ լրագրող,Վանաձոր

Հայաստանում ինտերնետը մասնակի է ազատ

,,Ֆրիդոմ Հաուսը» գիտի՞,որ Հայաստանի ինտերնետ տարածքը մասնակի է ազատ, ու ֆեյսբուքյան օգտատեր ակտիվիստների էջերը կամ արգելափակվում են կամ սահմանափակումներ արվում էջերի նկատմամբ,եթե իշխանությանը անհաճո քննադատական հրապարակումներ կան։Նախօրեից սահմանափակումներ կան իմ ֆեյսբուքյան հեռախոսային էջի նկատմամբ.արգելված է նյութերով կիսվել խմբերում։Դա տեղի ունեցավ այն բանից հետո,երբ «Ազատություն» ռադիոկայանից նյութ տեղադրեցի՝Վանաձորի նախկին քաղաքապետ Մամիկոն Ասլանյանի դատավարության մասին և տարածեցի խմբերում։Ո՞ւմ կողմից են սահմանափակումներ արվում,համացանցում պարբերաբար հնչում են դժգոհություններ,որ իրենց էջերը թիրախավորվում են և հայտնվում «սպամի» մեջ։Դիմում եմ տեղեկատվական տեխնոլոգիաների մասնագետ Սամվել Մարտիրոսյանին և խոսքի ազատության պաշտպանության կոմիտեի նախագահ Աշոտ Մելիքյանին։Ի՞նչ հիմքով են անընդհատ խախտվում քաղաքացիական ակտիվիստների քաղաքացիական ու քաղաքական իրավունքները։Ամբողջ համացանցը հեղեղված է անբարո նյութերով,անբարո արտահայտություններով,որոնք չեն արգելափակվում,բայց իշխանության ապօրինություններն ու հակաժողովրդական կեցվածը դատապարտող նյութերի նկատմաբ սահմանափակումնե՞ր են արվում։ ԳԱՅԱՆԵ ՀՈՎՍԵՓՅԱՆ,Վանաձոր

Ահազանգ՝հանուն ժողովրդավարության

 Հայաստանում շարունակվում է հսկողությունը՝քաղաքացիական ակտիվիստների,բլոգերների ֆեյսբուքյան էջերի նկատմամբ։Այս առումով խոցելի են հատկապես հեռախոսային տարբերակով գործող էջերը։Մասնավորապես իմ էջի նկատմամբ անընդհատ հարձակումներ կան.կամ գրառումների տեղադրումն է արգելակվում,կամ տարածումը,կամ անգամ ընկերության հայտ ուղարկելը.մատուցվում է մի անմիտ հայտարարություն,թե իբր համացանցի մաքրության նպատակով սահմանափակումներ են անում և իբր՝աշխատում են,որ այդ աշխատանքները ավարտելուց հետո խնդիրը վերացնեն։Ու՞մ եք հիմարի տեղ դնում,ամբողջ համացանցը հեղեղված է այլասերված պոռնո-նկարներով,դա աղբ չի,բայց հենց իշխանական համակարգի աղբը ջրի երես ենք հանում «մաքրություն»եք անու՞մ։

Գայանե Հովսեփյան ,Վանաձոր ,բլոգեր

,,ՎԵՈԼԻԱՅԻ,, ՓԱՍՏԱԲԱՆՆԵՐԻ ԴԵՄ ՄԱՍՆԱՎՈՐ ՈՐՈՇՈՒՄ Է ՊԵՏՔ

                          ՀԾԿՀ-ԻՑ ԷԼ՝ԲԱՑԱՏՐՈՒԹՅՈՒՆ

Սեպտեմբերի 11-ին Լոռու մարզի առաջին ատյանի դատարանում կայանալիք նիստի առթիվ ,,Վեոլիայի,,կողմից իմ դեմ քաղհայցով՝գումարի բռնագանձման,սույն թվի սեպտեմբերի 5-ին դատարանին եմ ներկայացրել 6 էջանոց դիրքորոշում,որտեղ 5 կետով հատ-հատ անդրադարձել եմ ,,Վեոլիայի,, հայցի ետ վերադարձման անհրաժեշտությանը․հայց, որ լի է իրավաբանական բազում անճշտություններով։Ըստ այդմ, դատարանից պահանջել եմ կայացնել Մասնավոր որոշում՝ընդդեմ ,,Վեոլիայի,,փաստաբանական կազմի։Նշեմ, որ իրավաբանական անճշտությունների մասին վկայակոչել եմ եվ 2022թվին՝Հայցադիմումի պատասխանի մեջ/մատնանշել էի, որ Լոռու տեղամասի նախկին պետի՝ինձ ուղարկած գրության մեջ մատնանշված ,,պարտքի,, գումարը հակասության մեջ է ,,Վեոլիայի,, կողմից ինձ ներկայացրած ,,պարտքի,, հետ/, եվ 3 Առարկություններում՝,,Վեոլիայի,, փաստաբանների Դիրքորոշումներին առնչվող, եվ Միջնորդության մեջ՝չհիմնավորվող եվ ժամկետանց ,,պարտքի,, նկատմամբ վաղեմության ժամկետ կիրառելու պահանջով,  եվ, վերջապես, այս տարվա օգոստոսի 14-ին դատարանին ուղղված իմ դիմումի մեջ/մատնանշել էի, որ հայրանունս ՝,,Վեոլիայի,, Դիրքորոշման մեջ/որ թվով չորրորդն է/, սխալ են գրել,եվ,բացի այդ, ,,Վեոլիայի,, հերթական փաստաբանի լեգիտիմությունն ինձ համար կասկածելի է, քանի որ վերջինիս անունը չկա ,,Վեոլիայի,, կողմից 2022թվին դատարանին ներկայացրած լիազորվածների ընդհանուր ցանկում։Դատարանին ներկայացրած Դիրքորոշման մի օրինակն էլ սեպտեմբերի 4-ին ուղարկել եմ ,,Վեոլիային,,՝ի գիտություն։

Եթե միայն մեկ քաղգործով է այսքան անճշտություն/որոնց մի մասին այժմ անդրադարձա՝մասնակիորեն/, ապա ի՞նչ կլինի պատկերը՝ամբողջ հանրապետության մասշտաբով գործերի պարագայում։Ինչպե՞ս կարելի է մարդկանց ճակատագրերի հետ խաղալ՝այսքան անտարբեր ու հանգիստ խղճով,գործին մատների արանքով նայելով,եվ դեռ քաղաքացիների գխին սարքվող ապօրինի ,,պարտքի,, բռնագանձման պահանջից բացի՝նաեւ պահանջ ներկայացնել՝որպես ,,Վեոլիայի,, փաստաբանի ,,խելամիտ վարձատրություն,,՝36 հազար դրամ։Եթե իրենց թվում է, թե իրենց աշխատանքը՝,,Վեոլիայի,, օգտին, ,,խելամիտ,, է,ապա չարաչար սխալվում են եվ խորը թյուրիմացության մեջ են։Ի դեպ, դեռեվս 2022թվին դատարանը մերժել էր Վեոլիայի,, հայցը՝որպես ոչ լեգիտիմ․փաստաբանի կողմից չէր ներկայացվել համապատասխան պատշաճ փաստաթուղթ։

․․․Իրավաբանի դիպլոմը դեռ երաշխիք չէ՝ իրավաբանական բավարար գրագիտության։Դրա համար էլ, երբ քաղաքացիները ցանկանում են որեվէ փաստաբանի դիմել, ,,լավ փաստաբան,, գտնելու հարցուփորձի ժամանակ ասում են՝,,ինքը լավ փաստաբան ա՞,, կամ՝,,ինքը կարա՞ էդ գործի տակ մտնի,,․․․․․․․Եվ պատասխան՝ասենք՝,,Ի՜․․․․այ ցավդ տանեմ, դրանից ինչ փաստաբան է՜․․․,,։

․․․Ինքս ինձ պաշտպանելու համար փաստաբան չեմ վարձել ոչ 2017-ին/երբ ,,Վեոլիայի,, առաջին հայցով դատարանը/դատավոր Տ․Գրիգորյան/ գործը քննելով մերժեց ,,Վեոլիայի,, հայցը/,ոչ՝2022թվից սկսված եվ դեռեվս շարունակվող գործով,բայց՝շնորհակալ եմ այն իրավապաշտպան-փաստաբաններից, ովքեր անշահ խորհրդատվություն են մատուցել։

Միաժամանակ դատարանից պահանջել եմ բացատրություն պահանջել՝Հանրային ծառայությունները կարգավորող հանձնաժողովից/ՀԾԿՀ-ից/,կամ՝հարցում, թե ի՞նչ հիմքով է 2016թվին ջրի խողովակի ծախսը 12 խ/մետրից դարձվել 30 խ/մետր/այն էլ ապօրինի՝գաղտնի ու դավադիր որոշմամբ/․եվ, ըստ այդմ՝անջրաչափների համար սուսուփուս սահմանվել է 5400դրամ,2022թվին էլ դարձվել 6014դրամ։

Դատարանին ներկայացրած Դիրքորոշման մեջ մատնանշել եմ, որ դեռեվս 2022թվին դատարանը կարող էր ,,Վեոլիայի,,հայցը ետ վերադարձնել, քանի որ դատավորն ինքը նիստի ժամանակ զարմանքով պարզեց, որ ,,Վեոլիայի,, հայցում չի նշված, որ բաժանորդն անջրաչափ է,մինչդեռ ,,պարտքը,, գոյացրել են հենց անջրաչափների համար ապօրինի սահմանված սակագնով՝5400դրամ ամսավարձ/այնուհետ՝6014դրամ/։Սա ամենաիսկական կաշիքերթոց է․այն էլ՝աղետի գոտու այն բնակիչների նկատամբ, որոնց՝երկրաշարժից տուժած բնակարանները սանհանգույցի նորոգում չեն ունեցել,եվ ջրաչափ տեղադրելն էլ ռիսկային ու ծախսատար է՝կապված կառուցվածքային փոփոխությունների հետ։

Սեպտեմբերի 11-ին դատական նիստ է նշանակված Ալավերդիում,որ կկայանա առանց իմ մասնակցության, ինչը համարել եմ իմ դատավարական իրավունքների խախտում, քանիցս էլ բողոք եմ ուղարկել պատկան մարմիններին, թե ինչու պետք է իմ՝Վանաձորի 64 տարեկան բնակչիս գործը քննվի Ալավերդիում․բայց՝ձայն բարբառո․երկրորդ դիմումիս առայժմ արդարադատության նախարարությունն ,,ըմբռնումով է մոտենում,, եվ շարունակում է չպատասխանել, չնայած՝հավաստիացրել են, թե ,,հարցը կուսումնասիրվի,,։Նշեմ, որ գործը մինչեւ հունվար գտնվում էր Վանաձորում, դատավոր Նանե Սահակյանի վարույթում, եվ մտել էր ,,ապացույցների բաշխման փուլ,,․այսինքն ես պետք է իմ ճիշտն ապացուցեի, ,,Վեոլիան,, ՝իր, եվ դատարանը որոշեր, թե որիս ճիշտն է ավելի ուժեղ։Ես ներկայացրել էի Առարկություն՝ընդդեմ թվով երրորդ փաստաբան Հ․Մելքոնյանի, վերջինիս անունից ներկայացրած Դիրքորոշումը համարելով ոչ լեգիտիմ, սակայն դատավորը նախ գնաց գործուղման, այնուհետ՝ֆիզիոլոգիական արձակուրդ, գործն էլ ուղարկվեց Ալավերդի։Եվ մինչ մենք շարունակում ենք սպասել արդարադատության նախարարի պատասխանին՝երկրորդ անգամ նամակ գրելուց հետո,ու ակնկալում միջամտություն՝գործը Վանաձորում լսելու/ վարձ ընդունող կետերում զարմանքից չռվում են օպերատորների աչքերը, երբ տեսնում են, թե ինչ ահռելի թիվ է գրված իմ հաշվեհամարին․թիվ, որ արդեն վաղուց հատել է 300հազար դրամը՝,,Վեոլիայի,, տնօրինության եվ ՀԾԿՀ-ի շնորհիվ․դատարանին էլ ,,Վեոլիան,, ինձնից 243 հազար դրամի բռնագանձման պահանջ է ներկայացրել՝շարունակելով թիվն աճեցնել,ու այդ թիվը տարբեր փաստաբաններ՝,,Վեոլիայի,, ապօրինի շահերի պաշտպան, ֆուտբոլի գնդակի նման իրար են գցում։Իսկ ,,Վեոլիայի,,փաստաբաններից եվ ոչ մեկը դատարան չի ներկայանում։Մինչեւ ե՞րբ է արդարությունը շարունակելու Հայաստանում մնալ բանտված։

ԳԱՅԱՆԵ ՀՈՎՍԵՓՅԱՆ,Վանաձոր