Լոֆտը հասավ Վանաձոր

Կա՞ավելի մեծ աբսուրդ,քան՝այն, որ գրադարանի ընթերցասրահը կարող է ցերեկը որպես ընթերցասրահ ծառայել, որպես մշակութային միջոցառումների վայր, երեկոյան ժամը 18-20-ից հետո՝որպես ,,ժամանցի կենտրոն,,․խոհանոցով ու խոհանոցային ատրիբուտներով, սեղանի խաղերով։Ոչ մի կերպ հնարավոր չէ  մարդկային նորմալ ուղեղի մեջ տեղավորել այդ աբսուրդը, բայց, արի ու տես, որ ԿԳ նախարարության համար անհնարին ոչինչ չկա, ու այդ անհնարինը որոշել են փորձարկել Լոռու մարզային գրադարանի գլխին՝հակառակ այդ մշակութակործան․ հրեշավոր գաղափարի դեմ ընդվզող Լոռվա մտավորականության արդար զայրույթի, որին ականատես եղանք երեկ՝Լոռւ մարզային գրադարանի լեփլեցուն դահլիճում։Մանրամասները՝ստորեւ

-----------------------------------------------------------------------------------------------------------

Էս ինչքա՞ն ենք հետ մնացել ,,մոդեռն կյանքից․․․Պարզվում է, որ երկրի կառավարման մեջ տարիներ շարունակ մեծ դերակատարում ունեցող ու ծրագրերով ուղղորդող Սորոսից ու մասոնից բացի, կա նաեւ ոմն Լոֆտ։Սույն թվի մարտի 3-ին հայտնի դարձավ, որ սույն Լոֆտը/որ պարզվում է, Վանաձորում արդեն իսկ 3 տեղ կառույցներ ունի՝որպես յուրօրինակ ժամանցի կենտրոն՝երիտասարդության համար/, ,,սպառնում,, է իր շոշափուկները հասցնել նաեւ Լոռու մարզի՝105 տարվա պատմություն ունեցող, տարիներ առաջ փառավոր եվրանորոգված գրադարանին, ու խաթարել գրադարանի բնականոն կյանքը, գրական-մշակութային միջոցառումները, վտանգել ընթերցասրահի տպագիր մամուլից անվճար օգտվող ընթերցողների՝մատչելի տեղեկատվություն ստանալու իրավունքը․․․․

Դռները բացեք՝մեծ Լոֆտն է գալիս․․․․․

Ժամը 17-18-ի սահմաններում գրադարանի աշխատողները, մշտական ընթերցողները/որոնց թվում՝լրագրողներ/, կազմ ու պատրաստ, խիստ զայրացած ու մարտականորեն տրամադրված՝

սպասում էին ԿԳ նախարարության պաշտոնյաների ժամանմանը, որպեսզի քննարկում տեղի ունենա՝Լոֆտի ծրագրի առթիվ։Ժամը 18-ն անց մի ահագին, ի վերջո, ժամանեցին  ԿԳ փոխնախարար Նարինե Թուխիկյանը եւ նախարարի խորհրդական Արթուր Հովսեփյանը։Դե Թուխիկյանը մտավորական հանրության համար անհայտ անձ չէ, ու թերեւս դրա համար էլ չներկայացրին լսարանին՝նախքան նրա ելույթը, բայց այ՝նրա ուղեկից Արթուր Հովսեփյանի պաշտոնն ու անուն-ազգանունը մի կերպ կորզվեց լրագրողների կողմից՝համառ հարցապնդումներից հետո։

,,Էդքան լավ ծրագիր է՞՝թող տանեն առաջ Գյումրիում կամ Երեվանում, ազգային գրադդարանում, մատենադարանում  անեն, ,Լոռու մարզը հո փորձադաշտ չի՞,,-դեռ մինչեւ քննարկումն ու հյուրերի ժամանումը հնչում էին այս կարգի դժգոհություններ, որոնք ներկայացվեցին նաեւ ԿԳ-ականներին։Ի դեպ, նախարարության ներկայացուցիչ Ա․Հովսեփյանը կարծես թե դատական կարգադրիչի կարգավիճակով էր, քանի որ կոշտ միջամտություններ էր անում, որոշում, թե որ հարցն է խելացի, որը՝հրահրիչ կամ իրականությունը ,,խեղաթյուրելուն,, միտված։Իսկ Թուխիկյանն սկզբում փորձում էր համոզել, թե որքան հրաշալի ու գրադարանին հույժ անհրաժեշտ ծրագիր է Լոֆտի ծրագիրը/,,առողջացման,, ,,ուժեղացման,,/։Իսկ երբ տեսավ, որ ,,խաթրով,, համոզելն օգուտ չի տալիս, մտավորականները մնում են իրենց կարծիքին՝ծրագիրը մերժելուն, հասկացրեց, որ այն կառավարության կողմից արդեն որոշված ծրագիր է եւ պետք է անցկացվի/մնում էր ասեր՝,,շշուկներդ չլսեմ,,/։Ու նրան այդ գործում աջակցում էր Ա․Հովսեփյանը, որ կտրուկ տոնով հայտարարեց, որ գրադարանի աշխատողն իրավունք չունի ասել, թե ,,սա իմ տարածքն է՝դուրս չեմ գալիս,, ։,,Բայց գրադարանը հանրային տարածք է, հանրությանն է պատկանում,,-փոխնիփոխ աղաղակեցին ավագ սերնդի երկարամյա խմբագիր-լրագրողները,որոնցից ,ի դեպ, ակտիվությամբ ու ծրագիրը մերժելու պատրաստակամությամբ հետ չէին մնում նաեւ նոր սերնդի լրագրողներ։Դրանից հետո՝Թուխիկյանը փորձեց ծրագրի հանդեպ ,,անհյուրընկալ,, մոտեցումը բարդել գրադարանի երիտասարդ վարիչի վրա, նրան ուղղված հարցերի միջոցով փորձելով պարզել, թե արդյո՞ք ծրագիրը ներկայացվել է քննարկման։

Իսկ վերջինս ավելի շատ դիտորդի կարգավիճակում էր , եւ ծրագրի հանդեպ բուռն դիմադրությունն ավելի շատ աշխատակիցների ու ընթերցողների կողմից էր․ կարելի էր այս առումով հպարտանալ լոռեցի մտավորականների հպարտ, չընկճվող կեցվածքով։

,,Ինչու՞ ժամանցի կենտրոն չեք ուզում կազմակերպել մեկ այլ տեղ, քաղաքում լիքը ազատ տարածքներ կան, ինչպե՞ս կարելի է գրադարանի տարածքում խրախճանքի  կենտրոն ստեղծել,,-այս եւ այլ համանման հարցերին մեկ պատասխան կար․մարզային գրադարանը հանրապետության լավագույն գրադարաններից է՝դրա համար։Մի մտավորական էլ/իրավապաշտպան Գեւորգ Մանուկյանը/, նկատի ունենալով, որ այդ ծրագրով նախատեսվում է սեղան-աթոռները փոխարինել բազկաթոռներով, նշեց, որ գիտականորեն ապացուցված է, որ բազկաթոռին նստած մարդը հակված է քնելու։Իսկ գրադարանում գիտական աշխատանքներով զբաղվողների աշխատանքի հանգստավետության համար մտահոգ հնագույն աշխատակցուհու նկատառումը հարուցեց Թուխիկյանի քամահրանքը․,,Դե լավ էլի՜․․․,,։,,Մենք հիմա 21-րդ դարում ենք ապրում, դուրս եկեք հնացած կարծրատիպերից,,-փորձում էր համոզել Թուխիկյանը՝վկայակոչելով այլ երկրների ,,առաջավոր փորձը,,/այս առնչությամբ, ի դեպ, մի լոռեցի մեր հետ զրույցում ասաց՝,,ԱՄՆ կոնգրեսի գրադարանը աշխարհի ամենամեծ գրադարանն է, ինչ է, այնտես դիսկոտեկա են դնու՞մ,,։
Քննարկմանը ներկա մշակութային ոլորտի երկարամյա մի պաշտոնյա չխուսափեց հայտարարել, որ ԿԳ ներկայացուցիչները երեւի թե փորձում են Լոֆտի ծրագիրը հապշտապ կոտրել գրադարանի գլխին, որպեսզի անկախության տարեդարձի օրը՝սեպտեմբերի 21-ին, երբ Նիկոլ Փաշինյանը ժամանի Վանաձոր, պարծենալու բան ունենան։

․․․Այն, որ Լոֆտի ծրագիրը գրադարանի առողջացման նպատակ է հետապնդում/երբ որ գրադարանում շատ առողջ մթնոլորտ է, ու աշխատակիցներից մեկը փաստարկներ ներկայացրեց, որ իրենք եւ երիտասարդների, եւ տարեցների համար ծրագրեր են իրականացնում/, կասկածելի է, եթե նկատի ունենանք, որ հանրապետության մեկ այլ վայրում էլ գրադարանը ցանկանում են դարձնել ,,սգո սրահ,,/եւ այդ մաիսն հրապարակում եղել է տպագիր մամուլում/։Ինչ վերաբերվում է Լոռու մարզային գրադարանի ընթերցասրահի, միգուցե նաւ՝մատենագիտության բաժնի ճակատագրին/որոնց տարածքների վրա էլ է Լոֆտի աչքը/, ապա որոշվեց, որ գրադարանի աշխատողները եւս մեկ քննարկում կկազմակերպեն ու իրենց գրավոր դիտողությունները, առարկությունները կներկայացնեն ԿԳ նախարարություն/Բա ընթերցողների կարծիքը՞, հաշվի մեջ չէ՞․․․Գ․Հ․/

Ի դեպ, հավաստիացվեց, որ աշխատողները չեն կրճատվելու։

Ինչպե՞ս կարելի է մշակութային կենտրոնը երեկոյան ժամերի հանձնել մշակույթից միգուցե կիլոմետրերով հեռու մարդկանց, միգուցե՝դեբոշիստների, սա արհամարհանք է գիր ու գրականության հանդեպ։Սրանից մշակութային օջախների մեջ ,,դրսից,, ,,փայ մտնելու,, եւ տարածքներ յուրացնելու հոտ է՝ փչում, ու հայտնի չէ, թե ովքեր եւ ինչ նպատակներ հետապնդող մարդիկ կարող են լինել ,,փայատերերը,,․որոնց ընտրությունը կլինի Լոֆտի կողմից, բայց թե ինչ հիմունքներով, ինչ գործոններ հաշվի առնելով՝չկարողացավ պարզել մշակույթի երկարամյա պաշտոնյաներից մեկը։

Իսկ ի՞նչ է նշանակում Լոֆտ,այս հարցին Թուխիկյանը պատասխանեց․,,Վերնատուն,,։

ԳԱՅԱՆԵ ՀՈՎՍԵՓՅԱՆ,Վանաձոր, ազատ լրագրող-բլոգեր

Ակնկալում են Հայաստանի եւ Վրաստանի իրավապաշտպանների աջակցությունը

Հունվարի 27-ին, ժամը 12-ին Վրաստանի Բոլնիս քաղաքի շրջանային դատարանում կկայանա ՀՀ քաղաքացի Մ․Հ-ի դեմ հարուցված քրեական գործով դատական նիստը, որին անդրադարձել ենք այս թեմայով նախորդ հրապարակման մեջ՝միաժամանակ այն ուղարկելով համապատասխան կառույցների։Մ․Հ․-ի ծնողները, որոնք վատառողջ թոշակառուներ են, ակնկալում են Հայաստանի եւ Վրաստանի իրավապաշտպան կառույցների ներգրավվածությունը՝գործին։Չնայած այս գործին քաջատեղյակ են ՀՀ արտգործնախարարությունում, Վրաստանում Հայաստանի դեսպանատանը, ՀՀ օմբուդսմենի գրասենյակում, Հելսինկյան քաղաքացիական ասամբլեայի Վանաձորի գրասենյակում, սակայն Մ․Հ․-ի ծնողները չգիտեն, թե արդյո՞ք վերջիններս կարող են ապահովել արդար ու անաչառ դատավարություն։Որքան հասկացանք Մ․Հ-ի մոր հետ զրույցից, Վրաստանում ՀՀ դեսպանատան իրավաբանը/որ ազգությամբ հայ է/, շատ ավելի գործուն աջակցություն է ցուցաբերում/մեր տպավորությամբ/, քան՝մասնավոր փաստաբանը, որին վարձել են հապճեպ, միջնորդավորված կարգով, եւ որը չի տիրապետում ոչ հայերենին, ոչ ռուսերենին, ինչը դժվարությունների տեղիք է տալիս։Մեզ չհաջողվեց նաեւ պարզել, թե արդյո՞ք Մ․Հ-ն ծանոթացել է իրեն ներկայացվող մեղադրական եզրակացությանը/որ, բնականաբար, վրացերեն է լինելու․ենթադրաբար/, իսկ Մ․Հ-ի ծնողները շատ քիչ ինֆորմացիա ունեն այս գործով, որդու հետ էլ հաճախ չեն շփվում հեռախոսով։Հայրը վատառողջության պատճառով չի կարող մեկնել Վրաստան, բայց՝մայրը պատրաստվում է մեկնել՝մասնակցելու դատական նիստին, սակայն վստահ չէ, թե արդյո՞ք կարող է հանդիպել որդուն, որ մոտ 10 օր է՝հացադուլ է հայտարարել։

ԳԱՅԱՆԵ ՀՈՎՍԵՓՅԱՆ, Վանաձոր, ազատ լրագրող, բլոգեր

Հ․Գ․Հոդվածը պատրաստ էր, երբ հենց նոր տեղեկացանք, որ Մ․Հ-ի ծնողներն այսօր գրավոր նամակ են ստացել առ այն, որ արտգործնախարարությունն զբաղվում է խնդրով

Վրաստանի մեկուսարանում պահվող ՀՀ քաղաքացին՝ճնշման տակ

              Սպառնում է դիմել հացադուլի

2019թվից ,,Յանդեքս,,տաքսու անհատական վարորդ, ՀՀ քաղաքացի Մ․Հ-ն նույն թվի նոյեմբերի 9-ից գտնվում է Թբիլիսիի/Գլդանի/մեկուսարանում։,,Նոյեմբերի 6-ից ոչ մի լուր չունեինք որդուցս, հեռախոսազանգերին չէր պատասխանում, նոյեմբերի 7-ի երեկոյան զանգեց եւ տեղեկացրեց, որ Թբիլիսիից Երեվան վերադառնալիս Վրաստանի մաքսատանը տաքսու 2 ուղեվորների բեռն ստուգելիս հայտնաբերել են չգրանցված ոսկեղեն, ու դրա հետ կապված՝իրեն պահում են մաքսատանը, մինչեւ ուղեվորները կներկայանան։Հաջորդ օրն արդեն՝ուրիշի հեռախոսով զանգեց եւ ասաց․,,Չանհանգստանաք, ինձ տանում են Մառնեուլ,,։Ավելի ուշ տեղեկացանք, որ Մառնեուլից էլ տեղափոխել են Թբիլիսիի մեկուսարան իրեն եւ ուղեվորներից մեկին, ով խոստովանել է,որ բեռն իր պարունակությամբ՝իրեն է պատկանում։Մեքենայի մեջ գտնվող մյուս ուղեվորին, որ, ըստ տեղեկությունների, նախկին ոստիկան է, ազատ են արձակել ,,-պատմում է կասկածյալի մայրը։Ընդ որում, 2 օր մաքսատնից թույլ չեն տվել հեռանա, որից հետո հրահրել են վեճ, եւ դրա հետ կապված՝ գործ հարուցել, ու այդ հիմքով ձերբակալել, որովհետեւ, ըստ մեր զրուցակցի՝,,ուրիշ հիմք չեն ունեցել,,։Նա համոզմունք հայտնեց, որ իր որդու ,,գլխին սարքել,, են, եւ ուզում են, որ ուրիշի մեղքն իր վրա վերցնի՝օգտվելով հայրենիքից հեռու գտնվելու հանգամանքից։

Նոյեմբերի 12-ին Մ․Հ-ի մայրը եւ հարազատներից մեկն ուղեվորվել են Թբիլիսի, փաստաբան վարձել/հայրը, որ արցախյան պատերամի վետերան է, չի կարողացել նրանց հետ մեկնել, քանի որ վատառողջ է/։Իսկ փաստաբանն էլ, որ ազգությամբ վրացի է, չի տիրապետում ոչ հայերենին, ոչ ռուսերենին/միջնորդի միջոցով նրան են կարողացել հապշտապ վարձել՝այլընտրանք չունենալով/։Հատկանշական է, որ փաստաբանը, համոզված լինելով, որ Մ․Հ․-ն մեղավոր չէ, փորձում է նրան համոզել, որ իր վրա վերցնի բեռն իրենը պատկանելու հանգամանքը, երբ որ ուղեվորն արդեն իսկ խոստովանել է, որ այն իրենն է, ոչ թե՝տաքսու վարորդինը։Ու այս ուղղությամբ մեկուսարանում Մ․-ին սկսել են ճնշումների ենթարկել, որի հետ կապված՝վերջինս որոշել է դիմել հացադուլի/ինչը կարող է բացասաբար անդրադառնալ առողջականի վրա, մանավանդ, որ առողջական խնդիրներ ունի/։

Այժմ Մ․Հ․-ի ծնողները, որոնց միակ հենարանն է վերջինս,ու որոնք թոշակառուներ են եւ վատառողջ, դիմել են ՀՀ արտգործնախարարին՝խնդրանքով, որ վերջինս  Վրաստանում ՀՀ դեսպանատան միջոցով հսկողության տակ վերցնի գործը եւ հայերենին տիրապետող իրավասու անձի ներկայություն ապահովի դատական նիստի ընթացքում, որ նշանակված է հունվարի 27-ին/սկզբում նշանակված է եղել դեկտեմբերի 27-ին, բայց՝ինչ-ինչ պատճառներով հետաձգվել է/։Դիմել են նաեւ Հելսինկյան քաղաքացիական ասամբլեայի Վանաձորի գրասենյակ, որտեղից, սակայն, հայտնել են, որ իրենք ոչնչով չեն կարող օգնել, որովհետեւ այդ առումով իրավասություն չունեն, եւ կարող էին Վրաստանում փաստաբանի ներկայություն ապահովել, եթե ավելի վաղ տեղեկացվեին։Բայց ասել են, որ կարող են միջնորդության կարգով դիմել օմբուդսմենին։

Ի դեպ,Մ․Հ․-ի մայրը Վանաձորից հեռախոսով կապվել է ՀՀ օմբուդսմենի գրասենյակի հետ, որտեղից էլ խորհուրդ են տվել դիմել Վրաստանի օմբուդսմենին։,,Նրանք էլ ոչ հայերեն գիտեն, ոչ ռուսերեն, նրանց օմբուդսմենի հետ ի՞նչ լեզվով խոսենք, վրացերեն սովորե՞նք,,-վրդովմունք է հայտնում Մ․Հ․-ի մայրը։Իսկ առայժմ ՀՀ քաղաքացին շարունակում է  պահվել Վրաստանի մեկուսարանում, եւ, ըստ վերջինիս մոր, ծեծի է ենթարկվել ՝չարած հանցանքը խոստովանելու համար։Պատկերն էլ ավելի տխուր է դառնում, քանի որ Մ․-ի կողմից որպես տաքսի վարձակալած մեքենայի պարապուրդային օրերի համար էլ վարձ է ավելանում, տերն էլ, բնականաբար, պահանջում է մեքենան եւ վարձակալության գումարը։Միաժամանակ գումար է պահանջվում նաեւ մաքսատանը կանգնեցված լինելու ժամանակահատվածի համար՝օրերի քանակով։

Մ․Հ․-ի հարազատներին հետաքրքրում էր, թե ու՞մ պետք է դիմել, որպեսզի միջնորդեն, որ գործն ուղարկվի Հայաստան։Իսկ ինձ, որպես լրագրող-բլոգեր, հետաքրքրում է, թե արդյո՞ք Կովկասի գծով օմբուդսմեն չկա։

․․․Ելնելով անմեղության կանխավարկածից, կասկածյալի անուն-ազգանունը չենք նշել։

ԳԱՅԱՆԵ ՀՈՎՍԵՓՅԱՆ,Վանաձոր, ազատ լրագրող-բլոգեր

Անջրաչափ բաժանորդները ապօրինի սակագնի տակ են․սկսած՝2017թվից

Եթե ջրի վարձի սուբսիդավորումը հանվում է, ուրեմն վարձն ինքնաբերաբար մեծանում է

Հանրային ծառայությունները կարգավորող հանձնաժողովի նախագահ Գարեգին Բաղրամյանը/նախկին ՀԾԿՀ-ից մնացած կադր, ում պաշտոնը բարձրացրին հեղափոխությունից հետո/, հերթական ասուլիսում էլ ոչ մի խոսք չհնչեցրեց անջրաչափ բաժանորդների վրա 2017թվից ,,բռնադրված,, կամ ,,բռնակցված,, 5400դրամ ապօրինի սակագնի մասին, որ հաստատվել է նախորդ ՀԾԿՀ-ի օրոք, առանց հանրային լսումների, այդ նույն Բաղրամյանի լուռ համաձայնությամբ, ու արդեն 2 տարի է՝շարունակում է այդ սակագնով ապօրինի թիվ նկարվել բաժանորդների հաշվեհամարներին․չնայած, այդ մասին մոտ տասնյակի չափ համապատասխան կառույցների եմ ահազանգել, բաց նամակով դիմել․․․․Միայն ասաց՝որպես մխիթարություն, որ ջրի վարձը չի բարձրանա, բայց՝կառավարության կողմից սուբսիդավորումը կվերանա․․․․Բայց չէ՞ որ եթե կառավարության սուբսիդավորումը հանվում է, ուրեմն ինքնաբերաբար վարձի չափը մեծանում է․առավել եւս՝անջրաչափների պարագայում, որոնց համար եթե մինչեւ հիմա, սկսած 2017թվից 5400դրամ էր ,,նկարվում,, /իբր30խ/մ տարողությամբ խողովակի հաշվարկով/ապա հիմա արդեն՝5800դրամ ,,կնկարվի,, որովհետեւ 400դրամը մեծահոգաբար սուբսիդավորում էր կառավարությունը։Հետեվաբար, շարունակվելու է ապօրինի սակագնով գումարների աճը՝բաժանորդների հաշվեհամարներին ու դատարանում հայտվելու սպառնալիքը, ջրազրկվելու վտանգը, քանի որ ոչ մի նորմալ քաղաքացի, այդ սակագնով պայմանագիր չի կնքի ու կամավոր ,,ղազագիր,, ստորագրի․․․․Այն , որ նախորդ իշխանության օրոք բողոքներս մնացին ձայն բարբառո՝զարմանալի չէ, բայց որ այս իշխանության օրոք էլ մնացինք հարցի կարգավորման նամակին սպասող, կասկածի տակ է դնում այն, թե իրո՞ք երկրում հեղափոխություն է եղել․․․․Այս իշխանության օրոք էլ գրեցինք ԱԺ մարդու իրավունքների հանձնաժողովի նախագահին՝նախորդ նամակը վերահասցեագրելով, ու խոստացան, որ կքննարկեն հանձնաժողովում․մեկ տարի է անցել՝ոչ ձայն, ոչ ծպտուն․․․․Հիմա ինչ, մի նամակ էլ գրենք Հանրային խորհրդի՞ն, որ արդեն նոր նախագահ ունի,հետո երկու տարի էլ սպասենք նրանց արձագանքին․․․․Ի վերջո ինչքա՞ն կարելի է նույն խնդիրը բարձրաձայնել ու բարձրաձայնել, չէ՞ որ այն հասարակական հնչեղության հարց է․ապօրինի վարձ է փաթաթվել մարդկանց վրա, ինչու՞ այն չի չեղարկվում այս կառավարության կողմից,կամ ի՞նչ եղավ ,,Վեոլիայի,, ու նրա ապօրինի որոշումներւը հաստատած պաշտոնյաների նկատմամբ հարուցած քրեական գործը, ջրվեց-գնա՞ց․․․

ԳԱՅԱՆԵ ՀՈՎՍԵՓՅԱՆ․ Վանաձոր, ազատ լրագրող-բլոգեր

Միջին տարիքի հաղթանդամ մի կին՝գործունյա տեսքով, ,,գրտնակ թեւերով,, ՝մտավ մթերային խանութ ու հետաքրքրվեց վաճառողի թափուր հաստիքով, որի մասին հայտարարություն էր կարդացել։Երիտասարդ աշխատողներից մեկը պարզաբանեց՝զգուշացման կարգով,որ հայտարարությունը մինչեւ 40 տարեկանների համար է։

,,Ուրեմն մենք էլ պետք չենք հա՞,,-հեգնեց հետաքրքրվող կինն ու շուրջն սկսեց համախոհներ փնտրել։Ես էլ մխիթարության կարգով ասի՝,,Ազգային Ժողովում արդեն նոր օրենք են ընդունում, որ տարիքային սահմանափակումներ չկիրառվեն աշխատանքի ընդունելիս,,։

Ի պատասխան՝կինը հայտնեց, որ Ռուսաստանում արդեն օրենք են ընդունել, որ պատասխանատվության ենթարկեն տարիքային սահմանափակումներ կիրառող գործատերերին։,,Ռուսաստանից նոր եմ եկել, ուզում էի այստեղ աշխատանքի անցնեմ,բայց, փաստորեն, սա պատճառ է, որ ես ստիպված նորից ետ գնամ,,-հիասթափված ամփոփեց իմ զրուցակիցը։

․․․Պարոնայք օրենսդիրներ, ի՞նչ եղավ ձեր հեղինակած օրենքի նախագիծը, որով արգելվելու էր աշխատանքի ընդունելիս տարիքային սահմանափակումներ կիրառել։Առաջին ընթերցմամբ է անցե՞լ, թե՞ քնով է անցել, թե՞ անցել է՝բայց չի կիրառվում․․․․Ակնկալում ենք պատասխան՝օրենսդիրից եւ գործադիրից։Իսկ մինչ այդ՝Վանաձորի խանութներում, նաեւ բացահայտ՝կան հայտարարություններ,,25-35 տարեկան վաճառողուհիներ,, պահանջելու մասին։

ԳԱՅԱՆԵ ՀՈՎՍԵՓՅԱՆ

Ելնելով ֆինանսատնտեսական ճգնաժամային իրավիճակից, եւ ինտերնետ-ծառայությունների թանկությունից, ստիպված եմ համացանցային գործունեությունս եւ քաղաքացիական անկախ լրագրությունս/2011թվից/պարբերաբար կրճատել՝դարձնելով ոչ պարբերական եւ ոչ այնքան հաճախակի, որ ցանկալի կլիներ/որովհետեւ եթե նախկինում ինտերնետ-ծառայությունները շատ էին եւ անգամ զեղչեր կային կանանց համար, որի պայմաններում մեկ ժամ օգտվելն արժեր 100դրամ,մի քանի տարի առաջ, ապա հիմա դրանց թիվը կրճատվել է եւ, բնականաբար, ծառայություններն էլ թանկացել՝մեկ ժամի համար կազմելով 300դրամ/։Բա ի՞նչ անես, եթե այս երկրում քաղաքացիական անկախ լրագրությունն էլ,գրական համացանցային գործունեությունն էլ պետականորեն չի գնահատվում ոչ նախկինների, ոչ ներկաների օրոք/չնայած անվերջ պնդում են, թե ,,մեր երկրում քաղաքացիական նախաձեռնությունները խրախուսվում են/։Պետք է կամ Սորոսից կախում ունենաս, կամ՝քաղաքական որեւէ ուժից։Ի դեպ, որոշ մարդիկ՝իրավունքները այս կամ այն ոլորտում խախտված,հասկացողություն եւ ըմբռնողականություն ցուցաբերելով՝իրենց նյութի հետ կապված ինտերնետային ծախսերի նվազագույնը փոխհատուցում են՝հնարավորության սահմաններում, հաշվի առնելով, որ ինքս էլ ստիպված եմ այդ ծախսերը հոգալ իմ անձնական սուղ միջոցներից, նվիրատվություններից եւ անգամ՝անձնական-ընտանեկան գույքի վաճառքից ստացվող ոչ մեծ եկամտի միջոցով։,,Բա էս երկրում քեզ մի պետական ֆինանսավորում էլ չի հասնու՞մ,, էդքան խնդիրներ ես բարձրացնում,,-զարմացած ասում է մի վանաձորցի։Իսկ քաղաքականացված մեկ ուրիշը կես-կատակ, կես-լուրջ ավելացնում․,,Այ ընկերուհի, բա էս երկրում քեզ մի թոշակ էլ չի հասնու՞մ, գոնե թոշակ տային,,։Եթե սովետական տարիները լիներ, ապա հաստատ թոշակ էլ կհասներ, բայց քանի որ նախկինների օրոք է դեռ թոշակի շեմը բարձրացվել, ուստի սիպված եմ ,,ձգելը,, մինչեւ թոշակի անցնելը․թե որ ,,ձգեմ,,։

Եվ այսպես՝8 տարի համացանցային ազատ, անկախ եւ ,,անտեր,, կարգավիճակում էլ հանդես ենք գալիս՝հարկ եղած դեպքում հանրության խնդիրները բարձրաձայնելով/իհարկե մեր խնդիրներն էլ հետը, որոնք կարող են նաեւ հանրային նշանակության լինել/։Կամ արձագանք է լինում երբեմն եւ խնդիրն ինչ-որ կարգով կարգավորվում է /բարեբախտաբար/, կամ ընդհանրապես մնում է անարձագանք՝անգամ տարիներով/ինչպես օրինակ՝,,Վեոլիայի,, ապօրինի սակագնի դեմ գրված Բաց նամակս թե ներկա, թե նախկին իշխանություններին, որին միայն ՄԻՊ գրասենյակն արձագանքեց նախորդ իշխանության օրոք, բայց՝ոչ մխիթարական պատասխան ուղարկելով ու խնդրի մեջ խորամուխ չլինելով/։

Իսկ ֆեյսբուքայն որոշ էջեր՝,,ամբախ-զամբախ,, դուրս տվող, ըստ տեղեկությունների եւ ենթադրությունների եւ դրանց կասկածելի ակտիվության՝լավ էլ ֆինանսավորվում են հենց այդ ,,ամբախ-զամբախության,, կամ անհրաժեշտ ուղղությամբ սրան-նրան ձաղկելու համար։Գոնե աշխատանքային ստաժ հաշվարկվեր համացանցային գործունեությանս շրջանը/8 տարվա ընթացքում ստեղծել եմ 3 բլոգ՝տեղեկատվական-վերլուծական, իրավապաշտպան ուղղվածությամբ, գրական եւ պատմաքաղաքական,ֆեյսբուքյան մի քանի խմբեր/։Փորձենք Ազգային Ժողովին հերթական անգամ առաջարկ ներկայացնել՝որպեսզի քաղաքացիական անկախ լրագրությունը՝քաղաքական շահեր չհետապնդող, գովազդներից չսնվող, պետական աջակցությունը ստանա այնպես, ինչպես կուսակցություններն են ստանում, եւ աշխատանքային ստաժ հաշվարկվի այդ ժամանակահատվածը։

ԳԱՅԱՆԵ ՀՈՎՍԵՓՅԱՆ,Վանաձոր, ազատ լրագրող, բլոգեր

Օմբուդսմենի միջամտությունն էլ չօգնեց

Ապրիլին կատարված գողությունը նույն օրը բացահայտվել է, գողոնն՝առգրավվել ոստիկանության կողմից, բայց՝հոկտեմբերի 31-ի դրությամբ դեռ տուժողին չի վերադարձվել․անգամ՝օմբուդսմենի միջամտությունից հետո

--------------------------------------------------------------------------------------------------------------------

Արդեն 2 ամիս է անցել այն օրից, երբ ՀՀ մարդու իրավունքների պաշտպանի գրասենյակի թեժ գծին ուղարկված մեր ահազանգից հետո իրավաբանը հարցում ուղարկեց Վանաձորի քննչական բաժին, պարզելու, թե ինչու՞ օգոստոսի դրությամբ դեռ չէր վերադարձվել Վանաձորի տնակային ավանի 30 տարվա բնակիչ, միայնակ թոշակառու, 1937թվի բռնադատվածի ժառանգ Քնարիկ Պապիկյանի տնակից ոմն Վ․-ի կողմից գողացված բջջայինն ու գումարը/այն դեպքում, երբ նույն օրը գողությունը բացահայտվել էր՝հարեւանների հեռախոսազանգի արդյունքում ժամանած ոստիկանության օպերների կողմից, գողը խոստովանական ցուցմունք էր տվել, վերադարձրել գոզացված բջջայինն ու գումարը՝ոստիկանությանը,որն էլ այն իբր կցելու էր հարուցվելիք քրեական գործին, հետո էլ նյութերն ուղարկեր դատարան/․․․․Ընդ որում՝Պապիկյանի մեծահոգության արդյունքում՝գողը բաց էր թողնվել։Բայց՝հայտնի չէ, գործն այդպես էլ դատարան մտա՞վ, թե՞ չմտավ․Պապիկյանին հետագայում հայտնել էին, որ գողը, բաց թողնվելուց հետո արդեն մեկ այլ գողություն էլ Արագածոտնում է կատարել, ուստի քրեական գործը՝Վանաձորի մասով, ուղարկելու են Արագածոտն,այն կցելու քրեական հաջորդ գործին, Պապիկյանին էլ ,,հրավիրել,, Արագածոտնի մարզ՝այնտեղից ստանալու հեռախոսն էլ․ գումարն էլ․․․․սա ոչ այլ ինչ է, եթե ոչ՝ծաղր տուժած քաղաքացու նկատմամբ, որին համ գողության օրը գիշերով հասցրել էին ոստիկանություն՝ցուցմունք վերցնելու, համ մի քանի անգամ էլ այցելել՝կրկին եւ կրկին վկաներից վկայություններ հավաքելու, տեղազննության վայրով անցկացնելու․եւ սա այն դեպքում, երբ Պապիկյանը միայնակ, վատառողջ թոշակառու է, եւ մի կերպ ինքը կարողացավ ինքն էլ իր բողոքը հեռախոսով շարադրել ՀՀ մարդու իրավունքների պաշտպանի իրավաբանին/երբ ավելի վաղ տեսավ, որ ոստիկանության քննիչի հետ իր հեռախոսային բանակցությունները միայն նյարդերի քայքայում են առաջացնում, եւ գործին օգուտ չեն տալիս/։Այս մասին արդեն մի քանի հրապարակումներ ենք ունեցել, մի քանի անգամ պտտեցրել ֆեյսբուքով, բայց՝ձայն բարբառո։Ակնհայտ է, որ իրավապահ համակարգը գտնվում է ոչ անհրաժեշտ բարձրության վրա։Հուսանք, որ գոնե նոր ոստիկանապետի ականջին կհասնի երկարամյա քիմմանրաթելագործի, 30 տարվա տնակային ավանի բնակչի բողոքը, որի սոցիալ-կենցաղային խնդիրներին, փաստորեն, եւս մի հոգս գումարվեց։Ի վերջո չի կարելի այդքան արհամարհել մարդուն, քաղաքացուն, բտռնադատվածի ժառանգին,սոցիալապես ամենախոցելի խավին եւ վերջապես՝համացանցային լրագրությունը եւ անգամ՝օմբուդսմենի ինստիտուտը։Այլապես տպավորություն է ստացվում, թե ոստիկանական համակարգում պարզապես ,,քցում,, են անում առգրավված գույքը, քաղաքացիներին էլ ,,ցրում,, կամ այնքան տանում-բերում-քննում, որ արդեն ձեռքներն անհույս թափ տան ու իրենց պահանջից ետ քաշվեն։Վերադարձրեք մարդու կորսված հավատը՝պետության եւ իրավապահ համակարգի հանդեպ․այլապես՝նոր հեղափոխությունն էլ է վարկաբեկվում, եւ տուժած քաղաքացին լիիրավ իրավունք ունի դառնությամբ ասելու, թե ,,որ գրեցիք՝մե՞ջն ինչ կա, ի՞նչ փոխվեց,,։

ԳԱՅԱՆԵ ՀՈՎՍԵՓՅԱՆ,Վանաձոր, ազատ լրագրող, բլոգեր