Ընդդեմ ,,Վեոլիայի,,

Այսօր Լոռու մարզի ընդհանուր իրավասության դատարանին ներկայացրի հայցադիմումի պատասխան՝ընդդեմ ,,Վեոլիայի,, կողմից իմ դեմ ներկայացված հայցադիմումի, որով ,,Վեոլիան,, դատարանից պահանջում է ինձնից բռնագանձում կատարել՝իր որոշած ու ՀԾԿՀ-ի կողմից հաստատված սակագնով։Ես էլ իմ հերթին հայցադիմումի պատասխանի մեջ՝2,5 էջից բաղկացած, մատնանշել եմ այն գործոնները, որոնց հիման վրա դատարանը պետք է ,,Վեոլիայի,, հայցը ետ վերադարձնի։Ստորեւ ներկայացնում եմ հայցադիմումի պատասխանը։

Ձեր կողմից 14․11․2017թ․ կայացրած որոշման առթիվ՝,,Վեոլիա,, ընկերության կողմից իմ դեմ գումարի գռնագանձման հայցադիմումը վարույթ ընդունելու մասին, որ ստացել եմ 2017թ․դեկտեմբերի 14-ին՝,,Հայփոստ,, ծառայության կողմից,հայտնում եմ, որ  բռնագանձման ենթակա համարվող 32200դրամ  գումարը անհիմն է, նկատի ունենալով, որ ,,Վեոլիա,, ընկերությունը 2017թվից անջրաչափ բաժանորդների համար ջրի վարձ է սահմանել 5400դրամ կայուն թիվը՝անկախ ընտանիքի անդամների քանակից/նախկին 1100դրամ անձաքանակի փոխարեն/։,,Վեոլիան,, այդ առթիվ նախ պետք է գրավոր տեղեկացներ ինձ՝որպես բաժանորդ, որը չի արել։Այդ վարձավճարի մասին անգամ հեռուստատեսությամբ չի արվել համապատասխան հայտարարություն։Նշեմ, որ 2017թվի փետրվար ամսին, ջրի վարձի իմ հաշվեհամարին տեսնելով կասկած հարուցող թիվ, , այցելեցի Լոռի ջրմուղ-կոյուղու գրասենյակ,փորձելով ճշտել,թե արդյո՞ք ինձ ներկայացված թիվը 2 ամսվա գումար է, թե՞ նոր սակագին է ամրագրվել,  պատասխանատուն ասաց, որ իրենք կոնկրետ փաստաթուղթ չունեն՝վարձի թանկացման մասին,իսկ թե ինչ թիվ է եկել՝այդ առթիվ էլ իրավասու չեն պատասխանել, իսկ այն, որ ես այդ օրն արդեն 2000դրամ գումար էի մուծել, ասացին, որ իզուր էլ մուծել եմ, եւ նախ՝պետք է ճշտել, թե որքան է կազմում ջրի վարձը եւ ինձ խորհուրդ տվեցին դիմել Երեւան՝ ուղիղ ,,Վեոլիա,, ընկերությանը, որն այդ ժամանակ ստանձնել էր նաեւ ,,Լոռի,,ջրմուղի կառավարումը։Եվ, քանի որ ,,Վեոլիան,, չուներ կոնտակտային տվյալներ եւ անգամ՝համացանցային էջ, դրա հետ մեկտեղ՝անհետացել էր նաեւ ջրային ռեսուրսների պետական կոմիտեի կայքը, քանի որ կոմիտեն դուրս էր եկել նախկին գերատեսչության կազմից եւ միավորվել գյուղնախարարության հետ / ինչի առթիվ հանդես եկա համացանցային տիրույթում՝հղում անելով նաեւ համապատասխան մարմիններին/, ուստի շարունակում էի ջրի ամենամսյա վարձը վճարել սովորական, մինչ ,,Վեոլիայի,, որոշումն ուժի մեջ մտնելն ընդունված սակագնով՝1100դրամ անձաքանակ հաշվարկով՝2 անձի համար, ըստ ընտանիքի անդամների թվի, հուսալով, որ համապատասխան մարմիններին ուղարկած ահազանգերս արձագանք կստանան։Եվ, մինչ ես տարբեր պատկան մարմինների հետ էի փորձում կապվել/այդ թվում՝Մարդու իրավունքների պաշտպանի գրասենյակի/, ,,Վեոլիան,,  շարունակում էր իմ/ավելի ճիշտ՝իմ անունով գրանցված ընտանեկան հաշվեհամարին/ ամեն ամիս նոր սակագնով գումար հաշվարկել․այն դեպքում, երբ ինձ հետ չունի գրավոր պայմանագիր։Դրա հետեւանքով էլ գոյացել է 32200դրամ ,,պարտք,։Դատարանը կարող է  2017թ․ իմ հաշվեհամարին ներկայացված  էպիկրիզը պահանջել ,,Վեոլիայից,,՝8 ամսվա կտրվածքով/քանի որ ինձ ներկայացված է 8 ամսվա պարտք/, որով հստակ կերեւա, որ մինչ ,,Վեոլիայի,, հայտնվելը ես կանոնավոր մուծումներ եմ կատարել՝երբեւէ պարտքեր չկուտակելով/բացառությամբ՝2016թ․դեկտեմբեր ամսվա, որի համար մասնակի վճարել եմ, ինչպես վերը նշեցի՝2017թ․հունվար ամսին, քանի որ ինձ հստակ պատասխան չտրվեց, թե արդյո՞ք իմ հաշվեհամարին ներկայացված գումարը 2 ամսվա է։ Հարկ է նկատել, որ 2200դրամ վարձն էլ արդեն իսկ պատկառելի թիվ է, եթե հաշվի առնենք, որ ջրաչափ ունեցողներն անհամեմատ փոքր գումար են մուծում/։Այդ էպիկրիզից/հաշվի քարտ/ կերեւա նաեւ, որ ես 2017թ․հունվարին ամսին 2000դրամ եմ մուծել, բայց ,,Վեոլիան,, այն չի հաշվարկել փետրվար ամսվա անդորրագրերում եւ գրել է ,,նախորդ վճարում՝0,,․ իսկ նոր սակագինն էլ՝5400դրամ, համարել ,,մնացորդ,,/որպես ասվածի ապացույց՝կից ներկայացնում եմ 2017թ․հունվար եւ փետրվար ամիսների  անդորրագրերը/։Իսկ ,,Վեոլիայի,,՝դատարան ներկայացրած հաշվի քաղվածքում, որն , ի դեպ, բավականին մանրատառ է ու դժվարընթերցելի/որ կարելի է համարել ոչ պատշաճ ներկայաված փաստաթուղթ/, չի երեում այդ գումարը։ Եթե հունվարին մուծած գումարը չէր երեում փետրվարի անդորրագրում, ես ի՞նչ երաշխիք ունեի, որ հետագայում մուծած գումարները կմուտքագրվեն եւ կերեվան անդորրագրերում ․ըստ այդմ՝մարտից սկսած՝ստիպված էի մուծումներ կատարել անկանոն/օրինակ՝մի անգամ մուծել եմ 2 ամսվա գումար միանգամից՝նախկին սակագնով, ինչը երեւում է ,,Վեոլիայի,, կողմից ներկայացրած հաշվի քաղվածքում/, հուսալով, որ , ի վերջո, խնդիրը կկարգավորվի համապատասխան կառույցների ահազանգելուց հետո։

    Ի պատասխան իմ բողոք-նամակի՝որ բաց նամակի տեսքով ուղարկել էի նաեւ Օմբուդսմենի գրասենյակ, այնտեղից հուլիս ամսին  

 ինձ նամակով խորհուրդ տվեցին ջրաչափ տեղադրել,այն դեպքում, երբ ջրմուղում էլ են քաջատեղյակ, ինքս էլ բացատրել էի, որ բնակարանի սանհանգույցը վթարային վիճակում է եւ երկրաշարժից հետո չի նորոգվել, իսկ ջրաչափ տեղադրելու համար կառուցվածքային փոփոխություններ են պետք, որ մեծ ֆինանսների հետ է կապված, որ ջրաչափ տեղադրելը ռիսկային է ու վտանգավոր հետեւանքներ կարող է ունենալ՝ծորակների մաշվածության  հետեւանքով։Նշեմ, որ մեր շենքը՝Կ․Դեմիրճյան 26, երկրաշարժից հետո համարվել է քանդման ենթակա, բայց հետագայում կարգավիճակը փոխվել է։Նշեմ նաեւ, որ ,,Լոռի,,ջրմուղ- կոյուղու գրասենյակում՝ Հայքի հրապարակում գտնվող տեղամասում, ինձ խորհուրդ էին տվել հենց այդ պատճառաբանություններն էլ նշել ,,Վեոլիային,, ուղարկվելիք նամակում․բայց ինչպե՞ս նամակ ուղարկեի ,,Վեոլիային", եթե այդ ընկերությունն անգամ՝ կոնտակտային տվյալներ չուներ, ինչի առթիվ մի անգամ էլ ,,Սուր անկյունն,, է ահազանգել հեռուստատեսությամբ։

                 Դատարանը կարող է պահանջել նաեւ ջրի վարձի իմ հաշվեհամարի  2010-2017թվերի ամբողջական էպիկրիզը՝ջրի վարձի մուծման , որից հստակ կերեւա, որ մինչ ,,Վեոլիայի,, հայտնվելը, ամեն ամիս կանոնավոր մուծումներ եմ կատարել՝առանց պարտք գոյացնելու/2010-    2014թվերին՝3 անձի հաշվարկով, 2014-2017թ․հունվար ժամանակահատվածում՝՝2 անձի հաշվարկով,/ըստ ջրմուղում իմ ունեցած եւ նորացված պայմանագրերի եւ ըստ բնակարանի անձերի քանակի/այդ առթիվ ջրմուղում կան համապատասխան փաստաթղթեր/։

 

32200դրամ ,,պարտք,, եւ 1500դրամ՝պետտտուրքը՝ինձնից բռնագանձելու, , համարում եմ անօրինական՝ելնելով վերը նշած հանգամանքներից։,,Վեոլիայի,, հայցը ենթակա է մերժման ոչ միայն այն հիմնավոր պատճառներով, որոնց արդյունքում ի վիճակի չենք ջրաչափ տեղադրել, բայց եւ ի վիճակի չենք այդ հաշվարկով գումար մուծել, այլեւ՝որ ,,Վեոլիան,, ինձ հետ չունենալով պայմանագիր, խախտել է նաեւ մինչ այդ իմ ունեցած պայմանագրի՝՝2014թ․հունվարի 22-ի որոշման 7-րդ կետը․՝,,Վեճերի լուծման կարգը,,։Այն է՝,,պայմանագրի կապակցությամբ ծագած վեճերը լուծվում են բանակցությունների միջոցով։Բանակցությունների արդյունքում փոխադարձ համաձայնության չգալու դեպքում վեճերը լուծվում են դատական կարգով,,/Կից ներկայացվում է 2014թ․պայմանագիրը/։,,Վեոլիան,, ինձ հետ պայմանագիր չունի, ինձ գրավոր չի զգուշացրել՝վարձի բարձրացման մասին, այդ սակագնով՝5400դրամ, վարձ հաշվարկելու առթիվ չկա հիշատակություն՝անգամ ,,Վեոլիայի,, նոր պայմանգրերում/այլ միայն՝խողովակի տարողությունն է մատնանշվում՝որպես 30խ/մ․երբ որ մինչ այդ հաշվարկվել է 12խ/մ․եվ սա այն դեպքում, երբ հանրապետությունում նույն խողովակներն են, նույն շենքերն են,,/։

,,Վեոլիայի,, կողմից իմ դեմ ներկայացված հայցադիմումի պատասխանը սահմանված ժամկետում, այն է՝որոշումն ստանալուց հետո՝երկշաբաթյա ժամկետում դատարան չներկայացնելու պատճառն այն է, որ այս ընթացքում բողոք-նամակներ եմ ուղարկել Հանրային Խորհրդին, Մարդու իրավունքների պաշտպանին/վերջինիս՝երկրորդ անգամ, քանի որ առաջին անգամ ուղարկած նամակի պատասխանը`12.07.2017թ․ իմ ներկայացած հիմնախնդիրը չէր շոշափում եւ չէր կարող ինձ գոհացնել․ես բողոք էի ներկայացրել, որ ջրաչափ տեղադրելը տեխնիկապես անհնար է, ՄԻՊ գրասենյակը խորհուրդ էր տվել ջրաչափ տեղադրել/ , քանիցս ահազանգել եմ ,,Վեոլիայի,, սահմանած 5400դրամ/ավելի կոնկրետ՝30 խ/մ հաշվարկ/ առասպելական սակագինը հաստատելու ՀԾԿՀ-ի գաղտնի որոշումը չեղարկելու մասին/քանի որ այն ոչ միայն իմ, այլեւ՝համանման օբյեկտիվ պատճառներով ջրաչափ տեղադրելու հնարավորություն չունեցող բաժանորդների շահերին էր առնչվում, սակայն պատասխան չեմ ստացել/։Ըստ այդմ, խնդրում եմ ՀՀ քաղ․դատ․օր․95հոդվածի 1-ին կետով, այն է՝,,Ելնելով գործի առանձնահատկություններից՝դատարանը կարող է սահմանել պատասխան ուղարկելու ավելի երկար ժամկետ,,/, խնդրում եմ ընդունել հայցադիմումի պատասխանը։Միաժամանակ գտնում եմ ,որ ,,Վեոլիայի,, հայցը ենթակա է մերժման՝վերը նշած պատճառներով։

Կից ներկայացնում եմ․

 1․ ՀՀ մարդու իրավունքների պաշտպանի գրասենյակի պատասխանը՝առաջին նամակիս առթիվ,, 

 2․ ,,Լոռի,, ջրմուղի հետ 2014թ․ իմ պայմանագրի պատճեն։ 

 3․ 2017թ․հունվար եւ փետրվար ամիսների ջրի վարձի մուծման անդորրագրերը:

ԳԱՅԱՆԵ ՀՈՎՍԵՓՅԱՆ

,,Բանը հասավ դիվանբաշուն,,

Ահա եւ եկանք հասանք ,,Վեոլիայի,, կողմից իմ դեմ դատական հայց ներկայացնելու առթիվ իմ կողմից  հայցադիմումի պատասխան ներկայացնելու փուլին։Անկեղծ ասած՝միայն այսօր եմ պարզել, որ պատասխան հայցը պարտավոր եմ ներկայացնել իմ դեմ հայցն ստանալուց հետո՝երկշաբաթյա ժամկետում/քանի որ միայն այսօր եմ մանրամասն ուսումնասիրել հայցադիմումին կից փաստաթուղթը՝իմ իրավունքների ու պարտականությունների մասին․հույս ունեի, որ մեր ,,ժողովրդավարական երկրում", որտեղ օմբուդսմենն էլ, ՀԾԿՀ-ն էլ, այլ համապատասխան կառույցներն էլ, ում բաց նամակով եւ էլեկտրոնային փոստով ուղարկել էի բողոք-նամակս՝ահազանգելով, որ ՀՀ-ում շարքային քաղաքացու իրավունքների աննախադեպ ոտնահարում է տեղի ունենում՝,,Վեոլիայի,, կողմից սահմանված անտրամաբանական որոշման առթիվ/այն է՝2017թ․հունվարից անջրաչափ բաժանորդների համար ջրի վարձ սահմանել 5400դրամ՝անկախ ընտանիքի անդամների քանակից /, միջոցներ կձեռնարկեն այդ տխրահռչակ որոշումը չեղարկելու համար, բայց, ցավոք, այդ կառույցները մնացին քաղաքացու ահազանգի հանդեպ քար-անտարբերության տիրույթներում։Հիշեցնեմ, որ բաց նամակով դեկտեմբերին ահազանգել էի նաեւ ՀՀ նախագահին։

Ըստ այդմ, ստիպված եմ օգտագործել առկա օրենքի բոլոր հնարավորությունները՝,,Վեոլիայի,, դեմ իմ պայքարում, եւ դատարանին միջնորդել, որ հայցադիմումը ուշացումով  ընդունի՝ելնելով քաղ․դատ․օր-ի 95 հոդվածի 1-ին կետից, որի համաձայն՝,,Ելնելով գործի առանձնահատկություններից՝դատարանը կարող է սահմանել պատասխան ընդունելու ավելի երկար ժամկետ կամ պատասխանողի միջնորդությամբ երկարաձգել պատասխանը՝ներկայացնելով ժամկետը,,։Հարցի առիթվ այսօր դատարանի ներթին հեռախոսով կապվեցի դատավորի  գործավարի հետ, պատասխանեց, որ կարող եմ հայցադիմումի պատասխանը ներկայացնել, սակայն այն ընդունելու հայեցողությունը թողնված է դատարանի վրա։

Սպասենք մինչեւ երկուշաբթի։

․․․Ի դեպ, երեկ տեղեկացանք, որ դատարան դիմելու սպառնալիքով մի քաղաքացի էլ է զգուշացվել ,,Վեոլիայի,,կողմից, սակայն քաղաքացին էլ իր հերթին, ,,Վեոլիայի,, ներկայացուցչին է զգուշացրել․,,Հլա փորձեք դատի տվեք․մինչեւ Եվրոդատարան կգնամ,,։Ու հրաժարվել է եւ պայմանագիր կնքելուց՝այդ ահռելի սակագնով վարձ մուծելու պատրաստակամության վերաբերյալ, եւ ջրաչափ տեղադրելուց է հրաժարվել։,,Ասեցի 1100դրամ ամեն ամիս մուծում եմ, էլ ի՞նչ եք ուզում,,-տեղեկացրեց վթարային շենքի բնակչուհին, որ նույնպես հնարավորություն չունի ջրաչափ տեղադրել։

ԳԱՅԱՆԵ ՀՈՎՍԵՓՅԱՆ,Վանաձոր,2․02․2018թ․

Գնա վարկային պատմություն ստեղծի՝արի վարկ տամ

Որ վարկ չտան՝վարկային վատ պատմություն ունենալու, անբարեխիղճ հաճախորդ լինելու համար՝դա հասկանալի կլինի, բայց որ վարկ չտան՝վարկային պատմություն չունենալու համար՝դա արդեն տարօրինակ է․մանավանդ, երբ մեկին տրվում է, մյուսին չի տրվում/երբ որ երկուսն էլ վարկային պատմություն չունեն/։Ամբողջ հանրապետությունում, այդ թվում՝Վանաձորւմ, արդեն   2 ամիս է՝անտոկոս ու անգրավ, կարճաժամկետ վարկերի համար հերթեր են նորաբաց մի բանկում, որի հետեւանքով մյուս բանկերում ,որոնք բարձր տոկոսներով են վարկ տալիս ու գրավի կամ աշխատավարձի առկայությամբ, իդեալական խաղաղություն է։Արդեն 2 օր է՝ուսումնասիրություն եմ կատարում․հերթերը կանոնավոր են, խաղաղ, հանգիստ, լարվածություն չկա, երիտասարդ աշխատողները բարեհամբույր պատասխանում են ու տարբեր հաճախորդների բացատրում նույն կանոնները՝մի քանի անգամ, առանց հոգնելու․բայց՝երեւի թե հրահանգված է՝չասել ամենակարեւորը․այն, որ վարկային պատմություն չունենալը կարեւոր ,,այիբ,, է վարկ վերցնողի համար, ու այն հավաստեց այդտեղ գտնվող մի զինվորական․,,Ես ձեզ բան եմ ասում՝եթե վարկային պատմություն չունեք՝հաստատ չեն տա, հրեն իմ եղբորը մերժել են,,։Ասածի հավաստիությունն ստուգելու նպատակով՝աշխատողին հարցում արվեց, բայց՝վերջինս ժխտեց այն, ասելով, թե ,,համակարգիչն է դա որոշում,,։Ու սպասողներից մեկը, որ վարկային պատմություն չուներ, շարունակեց սպասել․բայց, երբ հերթը հասավ նրան՝զինվորականի ասածը հաստատվեց, քանի որ վերջինիս մերժեցին վարկ հատկացնել, պատճառաբանելով, որ ,,համակարգիչն այս պահին մերժում է, դուք վարկային պատմություն չունեք,,։Մի հետաքրքիր, բայց չգրված նախապայման էլ բջջային հեռախոսի առկայությունն է ու անպայման՝աշխատողը պետք է այդ պահին զանգի հաճախորդի հեռախոսի վրա ու պահանջի, որ էկրանը պահեն դեպի իրեն/բայց չէ՞ որ կարող է այդ պահին մեկի մոտ չլինել հեռախոսը, կամ այդ մարդը բջջային հեռախոս չունենա, ուրեմն նրան վարկ չի հասնու՞մ/։

Ասում էին, որ սոցիալապես ամենաանապահով խավերն են գալիս այստեղ՝վարկ ստանալու․դրանում էլ համոզվեցինք՝մի կնոջ հետ զրույցի բռնվելով․,,Էկել եմ վարկը մարեմ, ու նոր վարկ վերցնեմ, որ ուղարկեմ Արցախ՝էրեխես էնտեղ հիվանդանոցում է, վիրավորվել է՝չգիտեմ էլ, թե ինչի հետեւանքով է վիրավորված,,-ասաց ամուսինը մահացած, 2 որդիների մայր կինը՝մեր հետ զրույցում, միաժամանակ հավելելով, որ ականջով է ընկել, որ կառավարությունը մտադիր է կրճատել աղքատության նպաստները, եւ թողնել միայն երեխաների նպաստը, ու մտահոգված էր, որ իր նպաստն էլ՝որպես տնակի բնակչի, կկտրեն։Միաժամանակ տեղեկացանք, որ մի վարկն արդեն մարել էր՝2000դրամ օրավարձու տաժանակիր աշխատանքի հաշվին, ու պատրաստվում էր այդ աշխատանքի հաշվին էլ նոր վարկ վերցնել․․․․

․․․Նայելով այդտեղ հավաքված մարդկանց, ու իմանալով նրանց կյանքի պատմությունները, գալիս ենք եզրակացության, որ ազգը սոսկալի ու ողբալի վիճակում է։

ԳԱՅԱՆԵ ՀՈՎՍԵՓՅԱՆ

․․․Հ․Գ․Այնուամենայնիվ հետաքրքիր է, թե ինչպե՞ս է, որ վարկային պատմություն չունեցող մեկի վարկ է հասնում, մյուսին՝չի հասնում։Երեւի  մտածում են, որ եթե մինչեւ հիմա վարկ չեն վերցրել, ուրեմն կարող է վերցնեն ու ,,թռնեն,, երկրից։Այս վարկածը հաստատեց ծանոթներիցս մեկը՝ինձ հետ զրույցում․,,Մեկ էլ տեսար՝վերցրին ու թռան․ի՞նչը պետք ա բռնագրավեն, եթե բնակարանը սեփականաշնորհված լինի ու միակ սեփականությունը, օրենքն էլ թույլ չի տալիս մարդուն զրկել միակ սեփականությունից։Էդտեղ մարդիկ են գալիս վարկ ստանալու, որ ախր զարմանում ես, թե ոնց են վարկ փակելու․․․․,,։

Բաց նամակ-2՝ մարդու իրավունքների պաշտպան Արման Թաթոյանին

Պարոն Թաթոյան, ամիսներ առաջ բաց նամակով դիմել էի Ձեր ղեկավարած կառույցին, ահազանգելով, որ ,,Վեոլիա,, ընկերությունն անջրաչափ բաժանորդների համար 2017թ․հունվարից՝ապօրինաբար ջրի նոր սակագնային վարձ է ,,նկարում,,՝5400դրամի հաշվարկով/նախկին 1100դրամ անձաքանակ սակագնի փոխարեն/։Բացատրել էի, որ վթարային պայմաններում գտնվող բնակարաններում ռիսկային է ու տեխնիկապես խրախուսելի չէ ջրաչաի տեղադրումը, քանի որ այն ռիսկային է ու ֆինանսական լրացուցիչ ծախսեր է պահանջում, որին բնակիչը կարող է ի վիճակի չլինել։Բայց, որքան էլ զարմանալի է, ձեր գրասենյակից ինձ պատասխան եկավ՝խորհրդի ձեւով ,որ․․․․ ջրաչափ տեղադրեմ/չի բացառվում, որ կարդալիս չեն խորացել նամակի էության մեջ/։Նշեմ, որ նոր սակագնի առթիվ հանրային քննարկումներ չեն եղել, հեռուստատեսությամբ չի հայտարարվել այդ 5400դրամ նոր վարձատեսակի մասին, այլ՝պարզապես հիմք է ընդունվել 30խ/մ ծավալի ջրատար խողովակը՝նախկին 12խ/մետրի փոխարեն․այն դեպքում, երբ շենքերն էլ են նույնը մարդիկ էլ, ջրի խողովակներն էլ։

2017թ․դեկտեմբերի 14-ին անսպասելիորեն ծանուցում ստացա դատարանից առ այն, որ ,,Վեոլիան,, իմ դեմ դատական հայց է ներկայացրել՝8 ամսվա կտրվածքով, 32հազար դրամի բռնագանձման պահանջով, եւ այդ գումարը, փաստորեն, գոյացել է շնորհիվ ՀԾԿՀ-ի ձեռամբ ապօրինաբար ,,անցկացված,, ու 5400դրամ առասպելական սակագնի հաշվարկով։Նշեմ, որ ,,Վեոլիան,, ինձ հետ պայմանագիր չունի, եւ դատական հայցում վկայակոչել է ջրմուղի նախկին տնօրինության՝իմ հետ ունեցած պայմանագրի իրեն ձեռնտու կետը՝,,անբարեխիղճ սպառողին,, պատասխանատվության ենթարկելու ,,իրավունքի,, ,,մասով,,․բայց այդ նույն պայմանագրի այն կետը ,,չի տեսել,, որ բաժանորդի հետ նախ՝պարտավոր են բանակցություններ վարել, որից հետո նոր՝համաձայնության չգալու դեպքում դատարան դիմել։Հիմա դուք կարող եք պատճառաբանել, որ մարդու իրավունքների պաշտպանն իրավունք չունի միջամտել արդեն դատարան մտած գործին, բայց, քանի որ ,,Վեոլիան,,շարունակում է նոր թվեր ,,նկարել,, իմ անունով գրանցված ջրի վարձի հաշվեհամարին, ու նոր պարտք գոյացնել, ուստի կարծում եմ, ՀՀ մարդու իրավունքների պաշտպանը պետք է իր խոսքն ասի՝ՀՀ քաղաքացիներին կեղեքելու այս ակնհայտ փաստի մասին, որ կարող է նպաստել շատուշատ քաղաքացիների ունեզրկմանը, բնակարանից զրկվելուն եւ երկրից արտագաղթելուն, ուստի հարկավոր է չեղյալ համարել այդ տխրահռչալ որոշումը՝վերադառնալովնախկին սակագնին։Ինչ վերաբերվում է իմ անձնական բողոքին՝,,վեոլիայի,, հետ կապված, ապա բարի եղեք կազմակերպել մեր ընտանիքի 4 անդամների/այդ թվում՝հանգուցյալ ծնողներիս/ ԽՍՀՄ ավանդների արժանապատիվ հաշվարկով փոխհատուցումը՝28 տարվա տոկոսներով, որպեսզի հնարավորություն ունենամ վճարել ոչ միայն ,,Վեոլիայի,, այլեւ՝այլ կոմունալ վարձերի օրավուր աճող պարտքերը/որոնց մի մասը վիճարկելի են/ ու հեռանալ այս երկրից։Ցավով ստիպված եմ տեղեկացնել, որ կոմունալ պարտքերի մի զգալի մասը գոյացել է այն պատճառով, որ ես եւ իմ ընտանիքը, սկսած 1998թվից, պարբերաբար հալածանքների ենք ենթարկվել տեղական իշխանությունների կողմից, որի արդյունքում զրկվել եմ պետական աշխատանքից, իսկ լրագրողական գործունեությունս էլ պարբերաբար խոչընդոտվել է մասնավոր -ինտելեկտուալ հատվածում, ու այս խնդիրների պատճառով էլ այժմ հայտնվել եմ բնակարանից զրկվելու վտանգի առջեւ։հենց լրագրողական գործունեությանս հանդեպ տարատեսակ ճնշումների պատճառով էլ  2011թվին ստիպված եմ եղել համացանցային գործունեություն ծավալել՝սեփական ուժերով, անձնական միջոցներով եւ անձնական խնայողությունների հաշվին, որոնք, անշուշտ, անսպառ չեն։

ԳԱՅԱՆԵ ՀՈՎՍԵՓՅԱՆ,Վանաձոր, ազատ լրագրող, բլոգեր 

Հ․Գ․Օգտվելով ավանդների թեմայով խոսելու հնարավորությունից, նշեմ, որ առհասարակ ավանդները պետք է շուտափույթ վերադարձվեն ՀՀ բոլոր այն քաղաքացիներին, ովքեր ԽՍՀՄ բանկում ավանդներ են ունեցել, եւ ոչ թե՝ինչ-որ աբսուրդային ժամանակահաշվարկով հերթեր սահմանել ու առաջնահերթությունը տալ․․․․86 տարեկաններին․մյուսներին, փաստորեն, հուշելով սպասել եւս 20 տարի։

Հանրային խորհրդի քար-լռությունը

Հետաքրքիր է, չար երազները չե՞ն տանջում Երեւանի նախկին քաղաքապետ, ,,Հզոր հայրենիք,, երբեմնի կուսակցության նախագահ, Հանրային ծառայությունները կարգավորող հանձնաժողովի նախագահ Ռոբերտ Նազարյանին, որ 2016թ․ տարեվերջին հաստատել է ֆրանսիական ,,Վեոլիա,, ընկերության կողմից ներկայացված 5400դրամ առասպելական ջրի վարձը՝որպես անջրաչափ բաժանորդների կայուն վարձ/անկախ ընտանիքի անդամների քանակից,նախկին անձաքանակ 1100դրամ սակագնի փոխարեն, որ արդեն իսկ մեծ թիվ էր՝ՀՀ շարքային քաղաքացու համար/։Եվ, օգտվելով այդ հանգամանքից, ,,Վեոլիան,, 2017թվի  հունվարից սկսեց անջրաչափ բաժանորդների հաշվեհամարներին թիվ նկարել՝5400դրամ սակագնային հաշվարկով, արհեստական պարտքեր գոյացնել ու հետո էլ՝այդ պարտքերի հիման վրա դատական հայցեր ներկայացնել դատարաններ՝գումարի բռնագանձման պահանջով,քանի որ այդ  գումարներն արդեն ի վիճակի չէին մուծել ՀՀ շարքային քղաքացիները։ Հետաքրքիր է, ի՞նչ հաշվարկով է ՀԾԿՀ նախագահը հաստատել մի որոշում, որով որպես ջրի վարձ է սահմանվում 30խ/մետր ծավալով ջրի խողովակը, երբ որ տարիներ շարունակ հաշվարկվել է 12խ/մ, ու երբ որ շենքերն էլ են նույնը, խողովակներն էլ, մարդկանց եկամուտներն էլ ոչ միայն չեն աճել, այլեւ՝նվազել են։Չի բացառվունմ, որ հենց հայրենի կառավարողներն են ,,Վեոլիային,, հուշել ժողովրդին կեղեքելու առավել արագ եւ ,,արդյունավետ,, միջոցի մասին, ու դրա համար՝ՀՀ ջրային տնտեսության ողջ ցանցը սեփականաշնորհելուն պես՝,,Վեոլիան,, ձեռնամուխ է եղել ջրի վարձի կտրուկ բարձրացմանը՝անջրաչափ բաժանորդների համար, որոնց թվին են պատկանում նաեւ վթարային շենքերի բնակիչներ, որոնց բնակարաններում տեխնիկապես խրախուսելի չէ ջրաչափի տեղադրում, քանի որ այն ռիսկային է ու կառուցվածքային փոփոխություններ եւ ֆինանսական մեծ ծախսեր է նախատեսում։

Ամենայն հավանականությամբ, ,,Հզոր հայրենիք,, ասելով նկատի է առնվել կուսակցության նախագահի հետագա հզորացումն ու դիրերի ամրապնդումը․նշենք, որ վերջինս ՀՀ ամենաբարձր աշխատավարձ ստացող պաշտոնյաների թվին է պատկանում , եւ թերեւս,  անջրաչափ բաժանորդներին դիտարկում է իր հզորության տեսանկյունից։

Ի դեպ, ,,Վիքիպեդիայից,, տեղեկացանք, որ 2013թվին Ռոբերտ Նազարյանն արժանացել է 2-րդ աստիճանի մեդալի՝հայրենիքին մատուցած ծառայությունների համար։Հետաքրքիր է, ջրի վարձի առասպելական բարձրացման համար ո՞ր կարգի մեդալ է այժմ նախապատրաստվում՝նրան հանձնելու համար։

Այս համատեքստում զարմանալի է Հանրային խորհրդի քար-լռությունն այն դեպքում, երբ վերոնշյալ խնդրի առնչությամբ 2017թ․դեկտեմբերի 18-ին գրած բաց նամակը ոչ միայն հասցեագրել ենք նաեւ Հանրային խորհրդին, այլեւ՝ էլեկտրոնային փոստով ուղարկել այդ առթիվ բլոգային բաց նամակը։Ապօրինի, առանց հանրային քննարկումների, հակասահմանադրական ու հակաժողովրդական որոշում է կայացվել՝ՀՀ խոցելի խավերին էլ ավելի էլ ավելի խոցելի դարձնող, մի՞թե այդ խնդիրը չի հուզում Հանրային խորհրդի անդամներին կամ հանձնաժողովներին։Նշենք, որ տարիներ առաջ էլ այդ կառույցին ահաղանգել էինք, որ համատիրության ,,սպասարկման վարձ,, կոչվող ծառայությունը իրավաբանորեն չհիմնավորված ծառայություն է, բայց՝կրկին ձայն բարբառո․եվ ուրեմն ո՞րն է հանրային խորհրդի դերը, եթե չի արձագանքում քաղաքացիների ահազանգին։
ԳԱՅԱՆԵ ՀՈՎՍԵՓՅԱՆ,Վանաձոր,ազատ լրագրող, բլոգեր,

Քաղաքական նախաձեռնությունները ոչ միայն չեն խրախուսվում, այլեւ՝խոչընդոտվում են, եթե նախաձեռնության հեղինակն իշխանության թիմից չէ

Փաստորեն, 6 ու կես տարի առաջ անկախ բլոգերային-ֆեյսբուքյան գործունեություն սկսելով՝մի ծանր բեռի տակ հայտնվեցի․հուսալով, որ մի որեւէ դրամաշնորհային աջակցություն կգտնվի անկախ-համացանցային գործունեության համար,բայց՝ավաղ, այդ առթիվ հայտարարություններս մնացին ձայն բարբառոյ․․․դրամաշնորհային ծրագրերն էլ են հավանաբար քաղաքականացված․կամ պետք է այս կամ այն քաղաքական ուժին հարես՝,,անկախ,, կոչվելով, կամ՝որոշակի ուղղորդված քաղաքական ծրագրեր իրականացնես։Մի առիթով էլ եմ նշել, որ պետք է պետությունն աջակցի անկախ-համացանցային գործունեությունը՝տեղեկատվական ոլորտում․այնպես, ինչպես աջակցում է այս կամ այն հ/կ-ներին /որոնցից շատերը՝թղթի վրա գործող/։Բայց՝ձայն բարբառո։

Վեցուկես տարվա ընթացքում ստեղծեցի 3 բլոգ/որոնցից մեկը՝

-տեղեկատվական-վերլուծական, հետաքննական՝սոցիալ-քաղաքական ու իրավական ուղղվածությամբ՝AZAT ANKAKH/

- Լրագրողական- հուշագրական/Լրագրողական նոթեր/

- եւ՝ Պատմաքաղաքական

Ստեղծել եմ ֆեյսբուքյան մի քանի խմբեր, որոնց անդամների թիվը պարբերաբար ավելանում է եւ որոնցում  մշտապես աշխույժ քնարկումներ են տեղի ունենում,  բարձրաձայնվածշ որոշ խնդիրներ անարձագանք չեն մնում, որոշ հարցեր հարթվում են․․․Երեւի թե դրամաշնորհային ծրագրերից օգտվելու համար կամ պետք է հայհոյախոսությամբ զբաղվես համացանցում․ գռեհիկ բառապաշարով ու անգրագետ հայերենով հանդես գաս եւ կամ՝քաղաքական այս կան այն թիմին հարես ու նրանց ուղղորդված ծրագրերի ջաղացին ջուր լցնես՝հարկ եղած դեպքում խիղճդ ուրանալով․․․

․․․Հետո էլ ասում են՝,,քաղաքացիական նախաձառնությունները խրախուսվում են,,։Քաղաքացիական նախաձեռնությունները՝ի պաշտպանություն մարդու իրավունքների եւ ի շահ իսկապես քաղաքացիական հասարակության, ոչ միայն չեն խրախուսվում, այլեւ՝խոչընդոտվում են, որի ապացույցն այն է, որ մի քանի անգամ արգելափակվել է մի բլոգս եւ ֆեյսբուքյան էջս, մի քանի անգամ արգելափակվել մուտքս՝ֆեսյբուքյան խմբեր, կառուցվածքային փոփոխություններ են տեղի ունեցել էլեկտրոնային փոստիս վրա՝որոշ գործառույթներ սահմանափակելով/ժամանակ առ ժամանակ էլ գաղտնալսվում է հեռախոսս․այն դեպքում, երբ ինչ մտածում՝այն էլ գրում եմ եւ ոչ մի գատնիք չունեմ/։Այս երկրում խրախուսվում է միայն պատվերով լրագրությունն ու իշխանահաճությունը, խղճի ուրացումը,քծնանքը, որոնց չեմ տիրապետում․․․

Վերջին 2-3 տարում ստիպված եմ եղել բլոգերային գործունեությունս ,,մարզական կարգավիճակում,, պահելու, քաղաքացիական հասարակության ու մարդու իրավունքների խախտումների մշտական թեման ուշադրության կենտրոնում պահելու, ինչպես նաեւ՝հնարավոր արտագաղթին նախապատրաստվելու  նպատակով ինձ կտրել շատ ու շատ շռայլություններից ու շքեղություններից, շուկայականից անհամեմատ էժան գներով ստիպված լինելով տարբեր ոլորտի դալալների միջոցով վաճառքի հանելով ոչ այնքան անհրաժեշտ գույք, իրեր՝որոշակի արժեք ներկայացնող/անձնապատկան եւ ընտանեկան/․․․մինչդեռ ,,ժողովրդավարության զարգացմանն,, ուղղված միլիոնավոր դոլարներ են փոշիանում երկրում կամ փայ-փայ արվում։

ԳԱՅԱՆԵ ՀՈՎՍԵՓՅԱՆ

Վանաձորի ավագանու ,,Լուսավոր Հայաստան", ՀՎԿ եւ ԲՀԿ խմբակցություններին

                          Բաց նամակ

Անցած տարվա հունվարից՝Վանաձորի աղբահանման ծառայության բաժանորդների հաշվեհամարների վրա՝դեռեւս 1990-ականներից եկող աղբի վարձի պարտքերի վրա․․․տոկոսներ սկսեցին հայտնվել։Ի՞նչ հիմքով եւ ի՞նչ տրամաբանությամբ են այդ տոկոսները հայտնվել բաժանորդների հաշվեհամարներին՝արհեստականորեն ավելի մեծացնելով պարտքի գումարները, եթե Վանաձորի ավագանին, փաստորեն եւ իրավաբանորեն՝ իրավունք չուներ այդ ընթացքում որոշումներ կայացնել, քանի որ ավագանու նիստերն այդ ընթացքում/ուղիղ մեկ տարի/ բոյկոտել էին ԲՀԿ-ն,ՀՎԿ-ն եւ ,,Լուսավոր Հայաստանը,,։Եթե տոկոսներ ավելացնելու որոշում է եղել՝առանց ավագանու գիտության, ապա ինչու՞ այդ  որոշման մասին չի իրազեկվել քաղաքապետարանի կայքում։Իսկ եթե ավագանու ապօրինի որոշում է եղել, ապա այն պետք է չեղյալ համարվի, քանի որ սահմանադրական դատարանը վերջերս Վանաձորի ավագանու մեկ տարվա գործունեությունը համարեց ոչ լեգիտիմ։Ըստ այդմ՝տոկոսային հավելագրումները պետք է մաքրվեն բաժանորդների հաշվեհամարներից։Միաժամանակ պետք է չեղարկվեն նաեւ այն պարտքերը, որոնք ավելի քան 3 տարվա վաղեմություն ունեն, մինչդեռ այսօր քաղաքի ազգաբնակչության զգալի հատվածի վրա թերեւս 18-20 տարվա վաղեմության պարտքեր են կուտակվել, որոնց չմուծելն էլ կարող է իր օբյեկտիվ պատճառներն ունենալ։

ԳԱՅԱՆԵ ՀՈՎՍԵՓՅԱՆ, Վանաձոր, ազատ լրագրող, բլոգեր