Ջրի վա՞րձ, թե՞ ,,միայնակության հարկ,,

Երեկ, ցավոք, հաստատվեց կառավարության թե ՀԾԿՀ-ի կողմից որոշված այն անտրամաբանական ու անմարդկային որոշման թե ,,գաղտնի շրջաբերականի,, փաստը․շրջաբերական, որ ուղարկվել է մարզային ջրմուղ ցանցի տնօրինությանը՝ի գիտություն եւ ի տնօրինություն, ու դրա համարձայն՝ջրաչափ չտեղադրած բաժանորդների համար որպես ամսական կայուն վարձ է սահմանվում․․․5000դրամը․եթե բաժանորդը միայնակ է բնակվում/այսպես են հավաստել երեկ՝Լոռի-ջրմուղի բաժանորդներից մեկին, այս թիվը նաեւ հավաստեցին մեզ՝նախօրեին   ջրմուղի բաժանմունք այցելության ժամանակ․թեպետ միաժամանակ իրենք էլ էին զարմացել, որ այդ որոշումը հակասության մեջ է մեկ այլ որոշման հետ, ըստ որի ամսական սակագին է սահմանվում 1080 դրամը, որն, իբր, պաշտոնապես չի փոխվել/։Սա ,ամենայն իրավամբ, կարելի է ,,միայնակության հարկ,, համարել։Ահա թե ինչ է ստացվում, երբ ազգային ջրի տնտեսությունը հանձնվում է օտարերկրյա ընկերության․տվյալ դեպքում՝ֆրանսիական։

Մեզ զանգահարող քաղաքացին, որ բնակվում է Վանաձորի՝հայ-ֆրանսիական բարեկամության խորհրդանիշ Բանյո փողոցի վթարային շենքում՝70 տարի առաջ կառուցված ու վրայով մի երկրաշարժ անցած, քանիցս տեղեկացրել է ջրմուղի տեսուչին, որ իր բնակարանում ջրաչափ տեղադրելը հղի է վտանգավոր հետեւանքներով, որի արդյունքում շքամուտքի բոլոր բնակիչների ջրի ցուցմունքները կհայտնվեն իր ջրաչափի վրա, ու ,ըստ այդմ, ստիպված է եղել ըստ անձաքանակի մուծել՝ կայուն սակագնով, որն էլ պարբերաբար բարձրացվել է կառավարության կողմից ու հասել 1080 դրամի, եւ պարտքերի բեռ է գոյացրել մշտապես/այնպես, ինչպես շատ բաժանորդների պարագայում, որոնք տուժել են վերջին 10 տարում ջրի սակագնի պարբերական բարձրացումներից/։Պարտքերի ավելացմանը նպաստել է նաեւ այն, որ տարիներ առջ մահացած մոր մահվան փաստը տեսուչը չի արձանագրել բաժանորդային տվյալների մեջ, ու մահացածի անվամբ էլ է վարձ գրվել։Պատկերն ավելի տխուր է դարձել,  երբ պարզվել է, որ տեսուչին առձեռն վճարած գումարները երբեմն չեն մուտքագրվել։Ու հիմա նոր անակնկալ է մատուցվել, երբ փետրվարի 22-ին էլ ջրմուղի տեսուչը պահանջել է կամ ջրաչափ տեղադրել, կամ՝պայմանագիր կնքել ամսական 5000դրամ նոր սակագնով վճարելու պայմանով։ Ձմեռ օրով, սառույցներով, 60-ն անց կինը պետք է հասներ Դիմաց թաղամասի կորած-մոլորածներում, ,,սարի գլխին,, գտնվող ջրմուղի գրասենյակ, որ պարզաբաներ, թե ինչն ինչու եւ ինչից է/թեպետ՝ջրմուղի բաժանմունք կա նաեւ քաղաքի կենտրոնում, բայց որոշ հարցեր պետք է ճշտվեր մայր-գրասենյակի հետ/։

․․․Փաստորեն, ՀՀԿ ընտրարշավը Վանաձորում յուրօրինակ դրսեւորումներով է ընթանում․այստեղ 5000դրամ ոչ թե բաժանում են, այլ՝պահանջում, եթե ջրի բաժանորդը միայնակ է ապրում ու ջրաչափ չունի։Ջրային տնտեսությունը շահագործող ֆրանսիական ընկերությունը ՝ՀԾԿՀ-ի գործուն միջամտությամբ ու մեծ ախորժակով, անմարդկային ձեւաչափով՝սկսել է խոշոր մասշտաբի հարստահարումը՝ՀՀ շարքային անջրաչափ քաղաքացիների նկատմամբ․հաստատ՝ոչ ի շահ հայ-ֆրանսիական բարեկամության։Ուրեմն ,,կեցցե,, մեր կառավարությունն՝ի դեմս Հանրային ծառայությունները կարգավորող հանձնաժողովի, որ սեփական երկրի բնակիչների վզին է փաթաթում օտարերկրյա շահագործողի կամայականություններն՝առանց որեւէ հայտարարության/ու դրա համար ահռելի աշխատավարձ է ստանում/։Ու վերոնշյալ նորամուծության մասին՝հունվարից գործողության մեջ դրված, որեւէ հեռուստաալիքով դեռ չենք լսել։Եթե 1 անձի համար որպես սակագին է սահմանվում 5000դրամը, ապա որքա՞ն կկազմի 2  անձերից բաղկացած ընտանիքի պարագայում,եթե նրանց հաշվի համարին գրանցված 2 ամսվա գումարն էլ կազմել է մոտ 5400դրամ։Այս առթիվ ջրմուղում չունեին բացատրություն եւ սպասողական վիճակում էին՝սպասելով կառավարական նոր ցուցումի․թեպետ՝հավասիացնում էին, որ նախկին 1080դրամ սակագինը չի փոխվել, պարզապես՝հաշիվներն են խառնվել՝նոր ընկերության տնօրինության տակ անցնելու արդյունքում։Բայց մի աշխատակցի կցկտուր տեղեկատվությունից հասկացվեց, որ ,,բիրիքով,, էժան են հաշվում ,,վերեւում,,;Ինչպե՞ս հասկանալ այս թնջուկը․միգուցե հայրենի կառավարողներն իրենց թանկագին ժամանակից ու բիզնեսի ու ներդրումների շուրջ անվերջ ծամվող թեմաներից մի փոքր շեղվե՞ն՝ պարզելու, թե ինչ ,,խաշիլ-փլավ,, է ստեղծվել ջրային տնտեսությունում եւ հարցը կարգավորեն՝հօգուտ մի քիչ էլ բնակիչների։

ԳԱՅԱՆԵ ՀՈՎՍԵՓՅԱՆ