вторник, 1 августа 2017 г.
Գոնե վետերանների բողոքներին տիրություն արեք, պարոնայք կառավարողներ
Արդեն կես տարի կլինի՝Վանաձորի վետերանների միության կինխորհրդի նախագահ,Լենինգրադի բլոկադայի տուժած Հենրիետա Մխիթարյանը Վանաձորի- քաղաքապետարան-Լոռու մարզպետարան-պատգամավորական գրասենյակներ ճանապարհներին՝փորձում է կարգավորել իր բնակարանին ու իրենց շենքին/Վարդանանց 23 հասցեում/ առնչվող մի թնջուկ, բայց՝չի կարողանում։Խնդիրը կապված է 9 հարկանի շենքի տանիքի անտերության հետ, քանի որ տանիքում ով ասես՝ապօրինի գործողություններ է կատարում ու դրա հետեւանքով՝ձմեռվանից սկսած՝անձրեւաջրերն ու ձնաջրերը հեղեղել են իր բնակարանն ու առաստաղը քարուքանդ արել/Հիշեցնենք, որ 2 ամիս առաջ էլ՝տանիքում արված խորովածից առաջացած հրդեհի հետեւանքվ այրվել էին շքամուտքի կաբելային գծերն ու խափանվել էր վերելակը,ինչի մասին այն ժամանակ ահազանգեցինք․վերելակի ու կաբելային գծերի աշխատանքը կարգավորվեց/։
,,Դիմում եմ քաղաքապետարան՝տանս առաստաղի ու տանիքի հարցով՝ինձ ասում են դատարան տուր, մարզպետարան եմ գրել՝նամակս ուղարկում են քաղաքապետարան․ քաղաքապետարանն ուշադրություն չի դարձնում, ինչի՞ են նրանց ուղարկում՝չգիտեմ,հիմա էլ 3-րդ ամիսն է գնում՝դիմել եմ ,,Ելքին,,․մի անգամ 2 տղաներ եկան, նայեցին վիճակը՝գնացին, բա հիմա ո՞վ պետք է էդ հարցը կարգավորի,,-դժգոհում է զրուցակիցս։Պատրաստ է նաեւ դատարան դիմել,որպեսզի մեղավորին որոշեն ու նրանից փոխհատուցում պահանջեն/իսկ դատարանը, բնականաբար, պետք է պահանջի, որ բողոքում նշի կոնկրետ պատասխանողի անունն ու հասցեն, բայց եթե չգիտի, թե ով է մեղավորը՝ինչպե՞ս նշի/։ Սրա հետ միաժամանակ՝ գտնում է, որ նախքան դատարան դիմելը պետք է բոլոր ատյանների պատասխաններն ունենա, ու հիմա սպասում է ,,Ելքի,, պատասխանին․,,Իսկ Ելքն ի՞նչ կարա անի․․․,,/հարցնում է․,,՜՞․․․/։
Իսկ խնդիրը զուտ համայնքային նշանակության է եւ ոչ թե՝"մեկ առանձին վերցրած բնակարանի",որպեսզի դատարան դիմի, քանի որ նա բողոքում է նաեւ տանիքի անմխիթար վիճակից։Բայց՝խորհրդարանական ընտրությունների շեմին գրավոր դիմել էր նաեւ պատգամավոր եւ թեկնածու Կարեն Կարապետյանի ժամանակավոր բացված շտաբային գրասենյակ։
․․․Լավ, մի՞թե կարելի է պատկառելի տարիքի կնոջը՝միայնակ թոշակառու, որ հասարակության մեջ որոշակի դիրք է զբաղեցնում, հասարակական ակտիվիստ է, դատարանի դուռը ցույց տալ կենցաղային հարցով։Մի՞թե այդքան դժվար բան է շքամուտքի տանիքի նկատմամբ վերահսկողություն սահմանել, ու բնակարանի առաստաղի հետ կապված խնդիրը լուծել, որ դատարանի դուռն են ցույց տալիս համայնքապատկան պաշտոնյաները, իսկ կոմունալ բաժնի աշխատողն էլ հասկացրել է, որ եթե համատիրության վարձ չի մուծում, ուրեմն՝իրավունք չունի սպասարկում պահանջել։Բա էլ ինչի՞ համար են կոմունալ բաժնի ավելի քան 10-12 աշխատողները, որ հարցի էության մեջ խորանալու փոխարեն՝անմիջապես հիշեցնում են համատիրության ,,սպասարկման վարձի,, մասին։Եթե առաստաղը քայքայվել է ոչ իր մեղքով եւ ուրիշի ակնհայտ ապօրինի գործողությունների հետեւանք է՝տանիքում առաջացած, ի՞նչ կապ ունի այս դեպքում ,,սպասարկման վարձը,,։Իսկ սպասարկման վարձ չի մուծում, քանի որ այն համարում է իրավաբանորեն չհիմնավորված/այնպես, ինչպես ՀՀ բնակչության գերակշիռ մասը չի մուծում՝նույն հիմնավորմամբ/։
,,Քանի տարի է՝ոչ համատիրության վարձ եմ մուծում, ոչ աղբի վարձ եմ մուծում, ի՞նչ են անում, որ մուծեմ, շենքն աղբի մեջ թաղված է, քանի անգամ բողոքել ենք՝բանի տեղ դնող չկա,,-պատմում է մեր հետ զրույցում՝հերթական անգամ։Ի դեպ, մոտ մեկ ամիս առաջ շենքի բնակիչների կողմից գրավոր հայտարարությամբ հրավիրված է եղել համատիրության ժողով, բայ բնակիչները հավաքվել են, իսկ ղեկավարը չի ժամանել ու ժողովն էլ չի կայացել/մինչդեռ կարող էին իրենք իրենց որոշմամբ ղեկավարին գահընկեց անել ու նոր ընտրություն կազմակերպել/։Նշենք, որ Մխիթարյանենց շենքի աղբահանության անմխիթար ու խայտառակ, հակահիգիենիկ վիճակին քանից անդրադարձել է վանաձորյան հեռուստաալիքը․լավ կլիներ, եթե մի տեսանյութ էլ պատրաստվեր տանիքի անմխիթար վիճակի մասով։
․․․Հիշեցան կարգով նշենք, որ Մխիթարյանին կենցաղային հողի վրա 2003թվին ծեծի էր ենթարկել իր ներքեւի հարեւանուհին, այդ առթիվ դատական որոշումներ կայացվեցին/անդրադարձել ենք 2004թվին՝,,Առավոտում,, եւ 2005թվին՝,,Զորավիգում,,․,,Փոխհատուցում՝տոմսի արժեքով,, եւ ,,Ծեծն արժե 9100դրամ,,/։
ԳԱՅԱՆԵ ՀՈՎՍԵՓՅԱՆ
суббота, 29 июля 2017 г.
Հայաստանի էդքա՜ն մինուսների կողքին մի պլյուս էլ չեն ուզում տեսնե՞ն մաղձից կուրացածները
Պանիկովսկին ոնց էր հանկարծ բուռն պոռթկումով հարձակվում Օստապ Բենդերի վրա/ովքեր դիտել են ,,Ոսկե հորթը,, սովետական ֆիլմը՝կհիշեն/ ու բղավում․,,տո դու ով ես է՜․․․,,։Այ էս կարգի 2 հարձակման ենթարկվեցի ֆեյսբուքով՝վերջին 2 օրում։Մի հարձակվողը հայաստանցի տղամարդ/օրվա բարլուսը ֆեյսբուքում քֆուրով սկսող/, հանկարծ որոշել էր ինձ մեղադրել ,,իշխանամետության,, մեջ/երբ որ ալամ-աշխարհն ու ֆեյսբուքը հեղեղված է իմ եւ իմ ընտանիքին հալածելու 17-ամյա պատմության մասին փաստագրական նյութերով/,մյուսը՝,,կնիկ,,․էն էլ՝սփյուռքահայ ու լավ կատաղած․կատարը ցից՝կռվի պատրաստ ու ահավոր մաղձոտ՝հայաստանյան ամեն մի փոքրիկ դրականի հանդեպ։Մեկի հարձակումը քշում ես, հաջորդ օրը տեսնում ես մի մութ անկյունից մի ուրիշ Պանիկովսկի հայտնվեց ու բառացիորեն՝Պանիկովսկու նման ասում է՝,,դու ով ես,,/զայրույթի պատճառն էլ ի՞նչ․թե ինչու եմ ֆեյսբուքում որպես ուրախ լուր՝զետեղել Վանաձոր-Բագրատաշեն մայրուղու վրա վերջապես ավարտին հասցղող դարի շինարարության, աղետալի վիճակում գտնվող կամրջի փոխարեն նորը կառուցելու մասին/։Բա չասե՞ս՝բա դու՞ ով ես, այ ինքնահավան-ինքնագոհ, կատարդ աքլորի պես ցցած, ես հլա՝6 տարվա ֆեսյբուքյան ակտիվիստ եմ, 22 տարվա անխոնջ լրագրող, գիր ու գրականության մշակ, ժողովրդի մունետիկ, որ իր թշվառ երկրի ցավն իր ցավն էլ է համարում՝տիրոջ իրավունքով ու հաջողությունն ՝իր հաջողությունը, քանի որ դրա մեջ ամենայն իրավունքով իր լուման էլ է տեսնում, իր լրագրողական պայքարի արդյունքը, որ ձեզ եւ ձեր նմանների համար երեւի շա՜տ անհասկանալի է, քանի որ ձեզ համար պաշտամունքը, փաստորեն․․․․ուտելիքն է, քանի որ շատ պարզ, բայց՝ցինիկորեն գրել եք ձեր լատինատառ քոմենթում,,․Ժողովուրդը թող էդ կամուրջը ուտի՝կշտանա,,։Եվ դեռ ,,ցինիզմի,, մեջ ինձ է մեղադրում այդ ստահակուհին, այ թե որն է արմանք-զարմանքը։Հայաստանի տառապյալ ժողովրդի համար մխիթարություն համարվող դրականի համար չես ուրախանում՝ջհանդամը, դեռ մի բան էլ ուրախացողներին ձեռ ես առնու՞մ։/,,Յանի,,՝Հայաստանում մնացել է մենակ ուտելիքը կուլտ սարքած մասսա՞, հա՞, դա ես ուզում ասե՞լ, այ սփյուռքի ամոթանք ու պախարակիչ։Համենայն դեպս, Հայաստանի ժողովուրդը սեղանի առաջ ուտելիքը չի շարում ու շուրջբոլորով հետը չեն նկարվում ու գցում ինտերնետ․ինչպես որ երբեմն կամ հաճախ կարելի է տեսնել արտերկրի հայերի նկարներում/փոխանակ տեսարժան վայրերի, հուշարձանների կամ կոթողների մոտ նկարվեն՝ուտելիքի շուրջ են ,,համախմբված,, նկարվում․ցավոք/։եթե Հայաստանի պատմությանը կինոներից կամ գրքերից գոնե փոքր-ինչ տեղյակ լինեիր/ասա որտեղից/, գոնե կիմանայիր, թե հայերի համար ինչ կաեւոր ու սուրբ գործ է եղել կամրջի կառուցումը, ու կամուրջ կառուցող վարպետները,նախքան կամուրջը փորձարկելը, իրենց ընտանիքի անդամներին շարել են կամրջի տակ, որից հետո նոր՝ֆայտոնն անցել է կամրջի վրայով,գլխով ու ընտանիքով պատասխանատու են եղել կամրջի ամրության համար։Եթե էդ կամուրջը՝Ձորագետավանում գտնվող, շարունակեր եւս 1 տարի այդ աղետալի վիճակով ծառայել, ապա հետեւանքներն ավելի վատ կարող էին լինել, քան՝մինչ օրս եղել են, ու կարող է մի օր դու կամ հարազատներիցդ որեւէ մեկն ուզենար գալ միջազգային տուրիզմի կենտրոն համարվող Ձորագետավանի հյուրանոցում հանգրվանել, բայց չհասներ հյուրանոց, ու դու՜զ հայտնվեր գետում կամ մոտակա գերեզմանոցում։,,Էգուց-էլօր որ հանկարծ կռիվ էլավ, տանկը դետը կարալ չտի անցկենա,,-քանիցս ասում էր ավանի հնագույն բնակիչներից մեկը՝դժգոհելով մայրուղու վրա գտնվող կամրջի վիճակից։Ի վերջո չի կարելի այդքան չկամ լինել ու միմիայն վատը տեսնել։Նման վերաբերմունքը հարիր է միայն թշնամում՝արտաքին եւ ներքին։Երեւի թե տիկինը շա՜տ գոհ կլիներ, եթե էլի մի քանի տարի կամուրջը չնորոգվեր ու ես էլ շարունակեի անվերջ ահազանգել այդ մասին,ու ինքն էլ չարախնդար, որ Հայաստանում ամեն ինչ վատ է, շատ վատ է, անգամ մի կամուրջ չեն նորոգում․․․լավ էդքան մինուսների կողքին մի պլյուս էլ չեն ուզում տեսնե՞լ մաղձից կուրացածները․․․ Հասկացողին՝ մին, չհասկացողին՝ հազար ու մին․հազիվ թե սփյուռքահայ երիտասարդ լեդին երբեւէ իր մաշկի վրա զգացած լինի այն, ինչ իրենց մաշկի վրա զգում էին Ձորագետավանի քարուքանդ եղած կամրջի մոտ Վանաձոր-Ալավերդի միկրոավտոբուսից կամ հնամաշ Պազիկից իջած լոռեցիները, երբ ճաղերը թափված ու գետինը ծակվող կամրջով վազելով անցնում էին, որ հանկարծ որեւէ հանդիպակաց կամ ետեւից եկող մեքենայի չբախվեն, ու դրա հետեանքով ուղիղ գետում չհայտնվեն կամ շպրտվեն գերեզմանատուն/քանիցս մեքենաներ են գլորվել գետը՝կամրջի աղետալի վիճակի պատճառով/։Կամ հազիվ թե զգացած լինի այն, ինչ զգում էին Թումանյան կայարանից երկաթուղու ռելսերով մեկ տարի շարունակ դպրոց հաճախող երեխաներն ու ուսուցիչները, որոնց բողոքներին Հարավ-կովկասյան երկաթուղին այդպես էլ ուշադրություն չդարձրեց ու չգործարկեց Գյումրի-Այրում գնացքը։Ու հիմա, որ ավտոճանապարհն էլ արդեն բացվում է, նոր կամրջի կառուցումն էլ ավարտին է հասցվել, չգրե՞նք, որ մի դրական բան եղավ։Այ քեզ տարօրինակ դատողությու՜ն, որ առաջնորդվում է ինչքան վատ, այնքան՝լավ տրամաբանությամբ։Էդ շինարարության շնորհիվ՝մի քանի հարյուր մարդ մի տարի ապահովված էր աշխատանքով, էդ մի քանի հարյուրը կարող էր Ռուսաստան խոպան գնալ՝մնաց Հայաստանում, անգամ՝մայրաքաղաքից էին շինարարներ եկել, տներ վարձել ավանում, էդ վարձու տների շնորհիվ էլ էլի մի քանի ընտանիք մի առժամանակ յոլա գնաց ու դեռ կգնա՝քանի դեռ շինարարությունը ավարտին չի հասցվել, նոր ընտանիքներ ծնվեցին մի քանի ընտանիքներում․․․
ԳԱՅԱՆԵ ՀՈՎՍԵՓՅԱՆ,Վանաձոր, ազատ լրագրող, բլոգեր
суббота, 15 июля 2017 г.
ՄԻՊ գրասենյակը՝,,Վեոլիայի,, շահերի պաշտպա՞ն
Սա ամենաիսկական սոցիալ-տնտեսական ահաբեկչություն է՝ՀՀ շարքային քաղաքացու նկատմամբ։Ինչպես արդեն իսկ ահազանգել ենք Բաց նամակով թե ՀՀ վարչապետին, թե ՀՀ մարդու իրավունքների պաշտպանին, ֆրանսիական ,,Վեոլիա,, ընկերությունը, այս տարվա հունվարից, ստանձնելով Հայաստանում ամբողջ ջրային տնտեության շահագործման իրավունքը, Հանրային ծառայությունները կարգավորող հանձնաժողովի հետ ,,դավադիր,, համաձայնությամբ, առանց որեւէ հանրային քննարկման՝ջրի սակագինը նախկին 1100դրամ անձաքանակ հաշվարկից/որ արդեն իսկ պատկառելի թիվ է՝ՀՀ քաղաքացու համար/, դարձրել է ․․․5400դրամ՝անջրաչափ բաժանորդների համար։Ու այդ առթիվ ՝ՀՀ անջրաչափ բաժանորդների շահերը ներկայացնող Բաց նամակի առնչությամբ, որ տեղադրել ենք բլոգում եւ տարածել համացանցում, ՀՀ մարդու իրավունքների պաշտպանի գրասենյակից պատճառաբանում են,թե նրանք, ովքեր գտնում են, որ այդքան ջուր չեն կարող ծախսել, թող դիմեն ջրմուղ՝ջրաչափ տեղադրելու խնդրանքով/փաստորեն, մինչ օրս ,,գլխի չէինք ընկել,,՝որ ,,կարելի,, է ջրաչափ տեղադրել, ու մեզ հուշում են այդ մասին՝մեծահոգաբար/։Բա հենց ամբողջ խնդիրն ու բաց նամակ գրելու իմաստն էլ այն է, որ ջրաչափի տեղադրումը որոշ դեպքերում, որոշ բնակարաններում անհնար է ու ռիսկային, ու հենց այդ հանգամանքն էլ շահարկելով՝,,Վեոլիան,, որոշել է էլ ավելի մեծացնել անջրաչափ բաժանորդների սոցիալական բեռն ու բարձրացնել ջրի սակագինը, ու այդ մասին պարզ, մատչելի ձեւով արդեն քանի ամիս է՝հա գրում ու ահազանգում ենք համացանցում, տարածում ֆեյսբուքյան խմբերում․․․/Մասնավորապես՝,,Ջրի վա՞րձ, թե՞ միայնակության հարկ,, ,Բյուջեի ճեղքվածքը որոշել են անջրաչափ բաժանորդների հաշվին փակել,, ,,Նախ ջրի վարձը սուսուփուս բարձրացնում են, հետո ստիպում ,,ղազագիր,, ստորագրել,, ,,Որքա՞ն կարելի է կեղեքել ՀՀ քաղաքացուն եւ մղել անկանխատեսելի գործողությունների,,՝բլոգային եւ ֆեյսբուքային նյութեր/։
Առհասարակ, որքանո՞վ է խելքին մոտ այն հաշվարկը, ըստ որի ջրաչափ չունեցող, շենքում բնակվող բաժանորդը կարող է 5400դրամի ջուր սպառել․առավել եւս, երբ բնակարանի սանհանգույցի տեխնիկական ոչ բավարար վիճակն անգամ հնարավորություն չի կարող տալ ոչ միայն ջրաչափ տեղադրել, այլեւ՝գազամատակարարումը վերականգնել կամ ջրատաքացուցիչ օգտագործել, ինչը ֆինանսական լրացուցիչ ահռելի ծախսեր է պահանջում, տեխնիկական վերազինում ու վերակառուցում։Հազիվ թե ,,Վեոլիան,, տեղյակ չլինի, որ ջրաչափ չտեղադրած բաժանորդները ,,էլիտար,, բաժանորդների թվին չեն պատկանում ու ոչ նախարար են, ոչ պատգամավոր, որոնց, միգուցե, կարելի էր պարտադրել ջրաչափ չունենալու պարագայում 5400դրամ ամսական վարձ մուծել։Եվ, այդուհանդերձ՝մերօրյա նեոգաղութարարը որոշել է հենց այդ արեւմտյան հաշվարկը կիրառել ՀՀ շարքային քաղաքացիների նկատմամբ։Իսկ միգուցե պատճառները քաղաքակա՞ն են․,,Վեոլիան,, ՀՀ կառավարողների գործուն միջամտությամբ որոշել է այդ կերպ պատժել՝հասարակության ընդդիմադիր շերտերին՝պարզելով, որ անջրաչափ բաժանորդների թվում կան նաեւ քաղաքացիական ակտիվ կեցվածք ունեցող մտավորականներ։Ամեն դեպքում՝ՄԻՊ գրասենյակում կամ Բաց նամակի իմաստը չեն հասկացել՝լրիվ չկարդալով կամ չխորանալով/որ քիչ հավանական է/,կամ՝,,Վեոլիայի,, շահերի պաշտպանի կամ մամուլի խոսնակի դերն են ստանձնել, քանի որ ,,Վեոլիայի,, շահը, միգուցե, բխում է ՀՀ կառավորղների շահերից․ու դա՝ավելի հավանական է։Եվ սա՝այն դեպքում, երբ ,,Վեոլիայի,, դեմ բազմաթիվ բողոքներով ամեն օր հեղեղված է հեռուստաեթերը, եւ որպես դրա դեմ ,,առնելու,, միջոց՝,,Վեոլիան,, մի քանի ,,հատընտիր,, ԶԼՄ-ներում պարբերաբար իր գովքն է տանում՝տպագիր եւ առցանց․բացթողումներից չեն խոսում, ,,ձեռքբերումները,, թմբկահարում են։Այսպիսով, ոգեւորված ջրի սակագինն անջրաչափ բաժանորդների հաշվին ռեկորդային բարձրացնելու եւ բյուջեն սոցիալապես խոցելի խմբերի հաշվին ՀԾԿՀ-ի ,,դաբրոյով,, լցնելու հանդեպ կառավարողների/այսուհետ նաեւ՝Մարդու իրավունքների պաշտպանի գրասենյակի/ չեզոք-կրավորական կեցվածքով, ,,Վեոլիան,, շարունակում է ուղտի համառությամբ ամեն ամիս 5400դրամ սակագին գրանցել անջրաչափ բաժանորդների հաշվեհամարներին․թերեւս նպատակադրված՝ վերջնականապես ոչնչացնել նրանց սոցիալապես ու , միգուցե նաեւ զրկել բնակարաններից՝,,գույք՝ջրի պարտքի դիմաց,, ծրագրով։
ԳԱՅԱՆԵ ՀՈՎՍԵՓՅԱՆ,Վանաձոր, ազատ լրագրող, բլոգեր
четверг, 29 июня 2017 г.
520 միլիոն դրամը՝կարկատանային ասֆալտապատման գործողության մեջ
Մի՞թե մայթերը շարունակելու են անբարեկարգ մնալ
120միլիոն դրամ կառավարության կողմից հատկացվել է Վանաձորի փողոցների բարեկարգման նպատակով/որ իր մեջ ներառում է երեւի թե միայն ավտոճանապարհների ասֆալտապատումը, քանի որ, չգիտես ինչու՝փողոցները կարկատանային ասֆալտապատման ենթարկելիս մայթերին, որպես կանոն արհամարհում են, թեպետ՝բացառիկ դեպքեր կարող են լինել/։Եվս 300 թե 400 միլիոն դրամ էլ նախատեսված է հատկացնել/տարբեր հեռուստաալիքներ՝տարբեր թվեր մատուցեցին/։Հետաքրքիր է, կա՞ որեւէ խորհրդարանական կամ արտախորհրդարանական մարմին, որ իրավունք ունենա պահանջել, որ հստակ ներկայացվի հաշվետվություն, թեինչպես են բաշխվում գումարային հատկացումներն՝ ասֆալտապատման ընթացքում։Ապրիլից սկսած, ու որոշ փողոցներում ակնհայտ 1 ամիս ընդմիջված շինարարական աշխատանքներն, ի վերջո, վերսկսվեցին ու ավարտվեցին մեկ շաբաթում․Լուսավորիչ, Խորենացի փողոցներում/բարեբախտաբար, Խորենացու փողոցը մեկ-երկու օր մնաց քանդած-փորած, իսկ Լուսավորիչը մեկ ամիս քարուքանդած վիճակում էր․քառակուսիներով քանդած-թողած։Որպես կանոն՝մայթերի բարեկարգման հոգսը դրված է այն գործարարների վրա, ովքեր մայթերին կից օբյեկտներ ունեն/իսկ արդյո՞ք նրանք մայթային հատվածի տերն էլ են/, ու իրենք իրենց բիզնեսի շահերից ելնելով՝ստիպված են անգամ սալիկապատել իրենց մայթային հատվածը, իսկ մնացած ,,անտեր,, մայթե՞րն ով պետք է բարեկարգի, եթե ոչ՝պետությունը։Անհիշելի ժամանակներից ահավոր անբարեկարգ ու ասֆալտ չտեսած վիճակում է Երկաթուղայինների այգուն հարող մայթը, իսկ այդ այգում են գտնվում եւ վետերանների ակումբը,եւ ժամանցի կենտրոնը, եւ Հրանտ Մաթեւոսյանի արձանը, եւ բռնադատվածների հուշարձանը, եւ կարուսելներ ու սրճարաններ են գործում․․․Նույն ահավոր անբարեկարգ վիճակն էլ հանդիպակաց մայթին է, որոնց նկատմամբ անուշադրության պակասը կարելի է բացատրել նրանով, որ այս կողմերով կառավարական այցեր չեն լինում։Մի՞թե 520 միիոն դրամն ի զորու չէ բավականացնել, որ գոնե այս անգամ մայթերին էլ պատշաճ ուշադրություն դարձվի․թեպետ՝առայժմ անգամ Կ․Դեմիրճյան փողոցը չի կարկատանային ասֆալտապատման արժանացել եւ շարունակում է թումբուփոսային վիճակում մնալ․այնպես, ինչպես Ղուկասյան, Տերյան եւ այլ փողոցներ, որոնք եւս ,,լացակումած,, վիճակում են։
ԳԱՅԱՆԵ ՀՈՎՍԵՓՅԱՆ
суббота, 17 июня 2017 г.
Բաց նամակ՝ՀՀ մարդու իրավունքների պաշտպան Արման Թաթոյանին
Հարգելի Արման Թաթոյան,մինչ ես փետրվար ամսից սկսած՝կարելի է ասել ,,մեռա,, Բաց նամակներ գրելով ու ֆեյսբուքում տարածելով, տարբեր պատկան մարմինների էլեկտրոնային փոստերին հղումներ ուղարկելով ու բողոքելով առ այն, որ ֆրանսիական ,,Վեոլիա,, ընկերությունը ,,ինկոգնիտո,, պայմաններում, դավադրաբար, ջրի սակագինը նոր ձեւաչափի կիրառմամբ թանկացրել է՝/Հանրային ծառայություններ իրականացնող հանձնաժողովի լուռ համաձայնությամբ/անջրաչափ բաժանորդների համար, նախկին 1100դրամ անձաքանակի փոխարեն դարձնելով 5400դրամ կայուն սակագին՝անկախ տվյալ ընտանիքի անդամների թվից/ասյինքն՝1 անձն էլ է այդքան մուծելու, 5 անձն էլ/, պարզվում է, ,,Վեոլիան,, օտվելով այն հանգամանքից, որ Հայաստանի հանրապետությունում շարքային քաղաքացու, աղետի գոտու բնակչի այդ բողոքն անուշադրության է մատնվում պատկան մարմինների կողմից/ջրային ռեսուրսների պետական կոմիտե, վարչապետ, կառավարություն,Լոռի-ջրմուղ/, արդեն այն աստիճան է թեւաւորվել, որ խելքին փչած ցանկացած թիվ է սկսել հրամցնել․դրանում համոզվեցի այսօր՝այցելելով կոմունալ վարձահավաքման բաժին՝,,Բիլայն,, Վանաձորի համակարգում գործող, որտեղ ինձնից առավել զարմանալով, հայտնեցին, որ ջրի պարտքը կազմում է․․․20200դրամ․եւ սա՝այն դեպքում, երբ նախկին ձեւաչափով 2014թվին կնքված պայմանագրի համաձայն՝մշտապես վճարում ենք վարձը/բայց՝որպես բողոքի ձեւ՝ջրային ոլորտում համատարած անտարբերության, պարզապես մուծումները այդ ոլորտում կատարում եմ 2 ամիսը մեկ՝սկսած այս տարվա փետրվարից, մինչ օրս գործող սակագնով՝իմ հերթին արհամարհած ունենալով ,,Վեոլիայի,, անտրամաբանական որոշումը։Այս պայմաններում որքանո՞վ է խելքին մոտ, երբ այս պայմաններում ,,Վեոլիան,, ջրի պարտքը ,,հասցրել է 20200դրամի․ի՞նչ է, բյուջեի ճեղքերը որոշել են անջրաչափ, նվազ ապահովված, անեկամուտ բաժանորդների հաշվի՞ն մուծել, թ՞ ՀՀ աղքատ բնակչությունից որոշել են արւեմտյան չափանիշներով գանձումներ կատարել։ Ի վերջո՝ինքա՞ն կարելի է աղաղակել, որ աղետի գոտում կան 40-60 տարվա բնակելի շենքեր, որոնք, վերջին 27 տարում, երկրաշարժից տուժելուց հետո չեն ամրացվել, ջրատար համակարգն էլ այն աստիճան է քայքայվել, որ այդտեղ ջրաչափ տեղադրելը պայթյունավտանգ է, ու այս հարցին քաջատեղյակ են նաեւ Լոռի-ջրմուղում, բայց պատճառաբանում են, թե իրենք այդ հարցում օգնել չեն կարող կամ չեն կարող ,,Վեոլիային,, ստիպել փոխել որոշումը, քանի որ իրենք չեն ջրի սակագին որոշողը,այլ՝,,Վեոլիան,,։Ի վերջո ինչքա՞ն կարելի է այս մասին բարձրաձայնել, գրել ու գրել՝այդ ընթացքում նոր հարստահարման ենթարկվելով։Սա կարող է հանգեցնել նրան, որ Վեոլիայից,, տուժած ՀՀ քաղաքացին ստիպված կլինի քաղաքական ապաստան խնդրել այլ երկրներում, որովհետեւ նման ձեւով շարունակվելու դեպքում մարդիկ կարող են զրկվել սեփական բնակարաններից։
ԳԱՅԱՆԵ ՀՈՎՍԵՓՅԱՆ,Վանաձոր, ազատ լրագրող, բլոգեր, ,,Վեոլիայից,, տուժած քաղաքացի
e-mail:Gayane1960@gmail.com
gayanehovsepyan91@gmail.com
hovsepyan_60@mail.ru
вторник, 13 июня 2017 г.
Մի նամակին արձագանքեցին․մնաց՝մյուսը
Արձագանք՝մարդու իրավունքների պաշտպանի գրասենյակից՝առաստաղի կաթոցների առնչությամբ
-----------------------------------------------------------------------------------------------------
Պարզվում է, ՀՀ մարդու իրավունքների պաշտպանի գրասննյակն ավելի ուշադիր է համացանցային հրապարակումների, Բաց նամակների առնչությամբ/եթե այնտեղ շոշափվում է գրասենյակի անունը/,քան՝հայրենի կառավարությունը։Ամիսներ առաջ՝Բաց նամակի կարգով գրած իմ բլոգային նյութի առնչությամբ/որ հասցեագրել էի նաեւ ՀՀ մարդու իրավունքների պաշտպանին, քանի որ շուրջ 8 ամսվա ընթացքում հարցն արդեն դարձել էր մի ամբողջ հիմնահարց, կենցաղային թնջուկ՝անտանելի դարձնելով սոցիալ-կենցաղային վիճակը՝իր մեր ներառելով նաեւ միջհարեւանային պարբերական լեզվամարտեր, պայթյունավտնագ իրավիճակ/։Հիշեցնեմ, որ մայիսի 15-ին Վանաձորի քաղաքապետարանից զանգեցին եւ հետաքրքրվեցին առաստաղի կաթոցների հետագա ճակատագրով՝այն բանից հետո երբ մարդու իրավունքների պաշտպանին գրած իմ նամակն այնտեղից վերահասցեագրվել էր Վանաձորի քաղաքապետարան/այդ առթիվ տես՝,,Այ որ անջրաչափ բաժանորդների բողոքին էլ արձագանքեն օմբուդսմենի գրասենյակից՝շատ լավ կլինի,, ֆեյսբուքյան նոթագրությունը՝մայիսի 15-ին գրված/։Բայց զարմանալին այն էր, որ մինչ օմբուդսմենի նամակն ստանալը, քաղաքապետարանը, փաստորեն/որ խնդրին տեղյակ էր մասամբ/,տեղյակ չէր, որ ապրիլի 10-ին համատիրության գործուն միջամտությամբ հարցը կարգավորվել էր՝մեր մոտ խողովակաշարի փոփոխմամբ/,որպեսզի այն համապատասխանեցվեր վերեւում արված կառուսվածքային փոփոխությանը, որ տարիներ առաջ արվել էր առանց մասնագիտական հսկողության, ինչն էլ հանգեցրել էր մեւ եւ ավելի ներքեւ բնակարաններում ջրի պարբերական հոսքի։Մի խոսքով՝ապրիլի 10-ից սկսած՝առաստաղի կաթոցներն ավարտվեցին, ինչի առթիվ քաղաքապետարանի հարցմանն ի պատասխան՝հայտնել էի, եւ այդ պատասխանն էլ, բնականաբար, փոխանցվել էր մարդու իրավունքների պաշտպանին, որն էլ, բնականաբար, հարուցված վարույթը կարճել էր՝մայիսի 29-ին, եւ որոշման մի գրավոր օրինակը հունիսի 8-ին ուղարկել մեզ՝փակ ծրարով, որն էլ ստացանք հունիսի 12-ին/Հուսանք, որ սա կենցաղային 7-նամյա ,,պատերազմի,, ավարտական փուլը կլինի/ որի ոչ բոլոր ,,սերիաներին,, նվիրված նյութեր եմ տեղադրել ֆեսյբուքում եւ բլոգում, բայց՝անտիպներն էլ խնամքով պահպանում եմ անձնական արխիվներում։
Մարդու իրավունքների պաշտպանի որոշման մեջ նշվում է/ներկայացնեմ՝որոշ կրճատումներով/․,,բարձրացված խնդիրը շենքի կառավարման մարմին հանդիսացող համատիրության կողմից լուծվել է․փոխվել են բնակարանից 1 հարկ վերեւ բնակվող հարեւանի բնակարանի ջրատար խողովակները, որի հետեւանքով այլեւս ջրի արտահոսք տեղի չի ունենում,,։
Մեկ փոքրիկ ուղղում․արտահոսքը դադարեց ոչ թե նրա համար, որ վերեում խողովակները փոխեցին/վերեում փոխել էին ավելի շուտ՝տարիներ առաջ, ինչն էլ ներքեւում անհամամասնություն էր առաջացրել ու հանգեցրել ջրի հոսքի/, այլ՝փոխեցին ներքեում՝մեր մոտ,ս․թ․ապրիլի 10-ին, ու այդ փոփոխությանն ստիպված էինք ընդառաջել, քանի որ այն համարվեց որպես հարցի կարգավորման միակ լուծում/։Օմբուդսմենի գրասենյակ դիմելու մի պատճառ էր այն, որ քաղաքապետարանն ու վերին հարկի բնակիչ ոստիկանը գտնում էին, որ պետք է մենք եւս ֆինանսական ներդրում կատարենք՝փոփոխության համար, իսկ մենք էլ պնդում էինք, որ այդ փոփոխությանն ստիպված ենք ընդառաջել՝կապված վերեւի փոփոխության հետ, ու մեր մոտ խնդիրներն առաջացել էին նրանց մոտ կամայական փոփոխության ու գործին ոչ մասնագիտական մոտեցման արդյունքում, հետեւավար՝տեղին չէինք համարում մեր կողմից ներդրում կատարելը։
Ինչ խոսք՝կաթոցներն ավարտվեցին՝մեր մոտ խողովակների փոփոխություից հետո՝ս․թ․ապրիլի 10-ից, բայց ջրի 8 ամսյա արտահոսքի ավերածության հետեւանքներն՝առաստաղի վրա/որոնք էլ գումարվել են տարիների ընթացքում պարբերական խոնավության հետեւանքներին/վերացնելն արդեն մի ամբողջ սոցիալական խնդիր է/որ արդեն օմբուդսմենի գրասենյակի գործառույթների մեջ չի մտնում/եւ մի ամբողջ սոցիալական փաթեթ։Ամեն դեպքում՝շնորհակալություն օմբուդսմենի գրասենյակին՝արձագանքի համար․հուսանք, որ գրասենյակը մի օր էլ կարձագանքի իմ կողմից բարձրացված մեկ այլ հիմնախնդրի, որին անդրադարձել եմ կրկին Բաց նամակով՝ընդդեմ ,,Վիոլիա,, ընկերության եւ այն հասցեագրել նաեւ մարդու իրավունքների պաշտպանին․իսկ ավելի վաղ էլ՝ջրային ռեսուրսների պետական կոմիտեին, կառավարությանը, վարչապետին, սակայն ամիսներ շարունակ որեւէ կառույցից որեւէ արձագանք չկա մինչ օրս այն մասին, թե ինչու՞,,Վիոլիա,,ընկերությունը, որ այս տարվա հունվարից ստանձնել է նաեւ ,,Լոռի-ջրմուղի,, շահագործումը՝սեփականության իրավունքով, ռեկորդային ձեւով բարձրացրել է ջրի սակագինը՝անջրաչափ բաժանորդների համար․նախկին անձաքանակ 1100դրամի փոխարեն դարձնելով կայուն 5000դրամ՝մեկ բնակարանի համար, ու այդ անտրամաբանական որոշումն ավելի շատ գաղտնի շրջաբերական է հիշեցնում՝ջրմուղի տարածքային գրասենյակներին ուղղված, քան՝որոշում, քանի որ այդ մասին որեւէ պաշտոնական հիշատակություն չկա՝որեւէ ինտերնետային տիրույթում, իսկ ընկերության կոնտակտային տվյալներն էլ անհասանելի են այնպես, ինչպես այս տարվա հունվարից անհասանելի են ջրային ռեսուրսների պետական կոմիտեի տվյալները։Ըստ այդմ՝ստիպված ենք համացանցում պարբերբար տարածել ՀՀ վարչապետին եւ այլ պատկան մարմինների ուղղված Բաց նամակն՝ընդդեմ ,,Վիոլիայի,,․հուսալով, որ մի օր այն պատկան մարմինների աչքով կընկնի։
․․․Ի դեպ, երեկ պարզվեց, որ օմբուդսմենի Թեժ գիծն արդեն գործում է մարզերի համար․մի բան, որ չկար նախորդ օմբուդսմենի օրոք․մարզերի համար Թեժ գիծն անհասանելի էր տարիներ առաջ/ինչի մասին ահազանգել էինք 2014թվին/։
ԳԱՅԱՆԵ ՀՈՎՍԵՓՅԱՆ, Վանաձոր,ազատ լրագրող, բլոգեր
Подписаться на:
Сообщения (Atom)