пятница, 27 декабря 2019 г.
пятница, 13 декабря 2019 г.
Միջին տարիքի հաղթանդամ մի կին՝գործունյա տեսքով, ,,գրտնակ թեւերով,, ՝մտավ մթերային խանութ ու հետաքրքրվեց վաճառողի թափուր հաստիքով, որի մասին հայտարարություն էր կարդացել։Երիտասարդ աշխատողներից մեկը պարզաբանեց՝զգուշացման կարգով,որ հայտարարությունը մինչեւ 40 տարեկանների համար է։
,,Ուրեմն մենք էլ պետք չենք հա՞,,-հեգնեց հետաքրքրվող կինն ու շուրջն սկսեց համախոհներ փնտրել։Ես էլ մխիթարության կարգով ասի՝,,Ազգային Ժողովում արդեն նոր օրենք են ընդունում, որ տարիքային սահմանափակումներ չկիրառվեն աշխատանքի ընդունելիս,,։
Ի պատասխան՝կինը հայտնեց, որ Ռուսաստանում արդեն օրենք են ընդունել, որ պատասխանատվության ենթարկեն տարիքային սահմանափակումներ կիրառող գործատերերին։,,Ռուսաստանից նոր եմ եկել, ուզում էի այստեղ աշխատանքի անցնեմ,բայց, փաստորեն, սա պատճառ է, որ ես ստիպված նորից ետ գնամ,,-հիասթափված ամփոփեց իմ զրուցակիցը։
․․․Պարոնայք օրենսդիրներ, ի՞նչ եղավ ձեր հեղինակած օրենքի նախագիծը, որով արգելվելու էր աշխատանքի ընդունելիս տարիքային սահմանափակումներ կիրառել։Առաջին ընթերցմամբ է անցե՞լ, թե՞ քնով է անցել, թե՞ անցել է՝բայց չի կիրառվում․․․․Ակնկալում ենք պատասխան՝օրենսդիրից եւ գործադիրից։Իսկ մինչ այդ՝Վանաձորի խանութներում, նաեւ բացահայտ՝կան հայտարարություններ,,25-35 տարեկան վաճառողուհիներ,, պահանջելու մասին։
ԳԱՅԱՆԵ ՀՈՎՍԵՓՅԱՆ
воскресенье, 24 ноября 2019 г.
Ելնելով ֆինանսատնտեսական ճգնաժամային իրավիճակից, եւ ինտերնետ-ծառայությունների թանկությունից, ստիպված եմ համացանցային գործունեությունս եւ քաղաքացիական անկախ լրագրությունս/2011թվից/պարբերաբար կրճատել՝դարձնելով ոչ պարբերական եւ ոչ այնքան հաճախակի, որ ցանկալի կլիներ/որովհետեւ եթե նախկինում ինտերնետ-ծառայությունները շատ էին եւ անգամ զեղչեր կային կանանց համար, որի պայմաններում մեկ ժամ օգտվելն արժեր 100դրամ,մի քանի տարի առաջ, ապա հիմա դրանց թիվը կրճատվել է եւ, բնականաբար, ծառայություններն էլ թանկացել՝մեկ ժամի համար կազմելով 300դրամ/։Բա ի՞նչ անես, եթե այս երկրում քաղաքացիական անկախ լրագրությունն էլ,գրական համացանցային գործունեությունն էլ պետականորեն չի գնահատվում ոչ նախկինների, ոչ ներկաների օրոք/չնայած անվերջ պնդում են, թե ,,մեր երկրում քաղաքացիական նախաձեռնությունները խրախուսվում են/։Պետք է կամ Սորոսից կախում ունենաս, կամ՝քաղաքական որեւէ ուժից։Ի դեպ, որոշ մարդիկ՝իրավունքները այս կամ այն ոլորտում խախտված,հասկացողություն եւ ըմբռնողականություն ցուցաբերելով՝իրենց նյութի հետ կապված ինտերնետային ծախսերի նվազագույնը փոխհատուցում են՝հնարավորության սահմաններում, հաշվի առնելով, որ ինքս էլ ստիպված եմ այդ ծախսերը հոգալ իմ անձնական սուղ միջոցներից, նվիրատվություններից եւ անգամ՝անձնական-ընտանեկան գույքի վաճառքից ստացվող ոչ մեծ եկամտի միջոցով։,,Բա էս երկրում քեզ մի պետական ֆինանսավորում էլ չի հասնու՞մ,, էդքան խնդիրներ ես բարձրացնում,,-զարմացած ասում է մի վանաձորցի։Իսկ քաղաքականացված մեկ ուրիշը կես-կատակ, կես-լուրջ ավելացնում․,,Այ ընկերուհի, բա էս երկրում քեզ մի թոշակ էլ չի հասնու՞մ, գոնե թոշակ տային,,։Եթե սովետական տարիները լիներ, ապա հաստատ թոշակ էլ կհասներ, բայց քանի որ նախկինների օրոք է դեռ թոշակի շեմը բարձրացվել, ուստի սիպված եմ ,,ձգելը,, մինչեւ թոշակի անցնելը․թե որ ,,ձգեմ,,։
Եվ այսպես՝8 տարի համացանցային ազատ, անկախ եւ ,,անտեր,, կարգավիճակում էլ հանդես ենք գալիս՝հարկ եղած դեպքում հանրության խնդիրները բարձրաձայնելով/իհարկե մեր խնդիրներն էլ հետը, որոնք կարող են նաեւ հանրային նշանակության լինել/։Կամ արձագանք է լինում երբեմն եւ խնդիրն ինչ-որ կարգով կարգավորվում է /բարեբախտաբար/, կամ ընդհանրապես մնում է անարձագանք՝անգամ տարիներով/ինչպես օրինակ՝,,Վեոլիայի,, ապօրինի սակագնի դեմ գրված Բաց նամակս թե ներկա, թե նախկին իշխանություններին, որին միայն ՄԻՊ գրասենյակն արձագանքեց նախորդ իշխանության օրոք, բայց՝ոչ մխիթարական պատասխան ուղարկելով ու խնդրի մեջ խորամուխ չլինելով/։
Իսկ ֆեյսբուքայն որոշ էջեր՝,,ամբախ-զամբախ,, դուրս տվող, ըստ տեղեկությունների եւ ենթադրությունների եւ դրանց կասկածելի ակտիվության՝լավ էլ ֆինանսավորվում են հենց այդ ,,ամբախ-զամբախության,, կամ անհրաժեշտ ուղղությամբ սրան-նրան ձաղկելու համար։Գոնե աշխատանքային ստաժ հաշվարկվեր համացանցային գործունեությանս շրջանը/8 տարվա ընթացքում ստեղծել եմ 3 բլոգ՝տեղեկատվական-վերլուծական, իրավապաշտպան ուղղվածությամբ, գրական եւ պատմաքաղաքական,ֆեյսբուքյան մի քանի խմբեր/։Փորձենք Ազգային Ժողովին հերթական անգամ առաջարկ ներկայացնել՝որպեսզի քաղաքացիական անկախ լրագրությունը՝քաղաքական շահեր չհետապնդող, գովազդներից չսնվող, պետական աջակցությունը ստանա այնպես, ինչպես կուսակցություններն են ստանում, եւ աշխատանքային ստաժ հաշվարկվի այդ ժամանակահատվածը։
ԳԱՅԱՆԵ ՀՈՎՍԵՓՅԱՆ,Վանաձոր, ազատ լրագրող, բլոգեր
четверг, 31 октября 2019 г.
Օմբուդսմենի միջամտությունն էլ չօգնեց
Ապրիլին կատարված գողությունը նույն օրը բացահայտվել է, գողոնն՝առգրավվել ոստիկանության կողմից, բայց՝հոկտեմբերի 31-ի դրությամբ դեռ տուժողին չի վերադարձվել․անգամ՝օմբուդսմենի միջամտությունից հետո
--------------------------------------------------------------------------------------------------------------------
Արդեն 2 ամիս է անցել այն օրից, երբ ՀՀ մարդու իրավունքների պաշտպանի գրասենյակի թեժ գծին ուղարկված մեր ահազանգից հետո իրավաբանը հարցում ուղարկեց Վանաձորի քննչական բաժին, պարզելու, թե ինչու՞ օգոստոսի դրությամբ դեռ չէր վերադարձվել Վանաձորի տնակային ավանի 30 տարվա բնակիչ, միայնակ թոշակառու, 1937թվի բռնադատվածի ժառանգ Քնարիկ Պապիկյանի տնակից ոմն Վ․-ի կողմից գողացված բջջայինն ու գումարը/այն դեպքում, երբ նույն օրը գողությունը բացահայտվել էր՝հարեւանների հեռախոսազանգի արդյունքում ժամանած ոստիկանության օպերների կողմից, գողը խոստովանական ցուցմունք էր տվել, վերադարձրել գոզացված բջջայինն ու գումարը՝ոստիկանությանը,որն էլ այն իբր կցելու էր հարուցվելիք քրեական գործին, հետո էլ նյութերն ուղարկեր դատարան/․․․․Ընդ որում՝Պապիկյանի մեծահոգության արդյունքում՝գողը բաց էր թողնվել։Բայց՝հայտնի չէ, գործն այդպես էլ դատարան մտա՞վ, թե՞ չմտավ․Պապիկյանին հետագայում հայտնել էին, որ գողը, բաց թողնվելուց հետո արդեն մեկ այլ գողություն էլ Արագածոտնում է կատարել, ուստի քրեական գործը՝Վանաձորի մասով, ուղարկելու են Արագածոտն,այն կցելու քրեական հաջորդ գործին, Պապիկյանին էլ ,,հրավիրել,, Արագածոտնի մարզ՝այնտեղից ստանալու հեռախոսն էլ․ գումարն էլ․․․․սա ոչ այլ ինչ է, եթե ոչ՝ծաղր տուժած քաղաքացու նկատմամբ, որին համ գողության օրը գիշերով հասցրել էին ոստիկանություն՝ցուցմունք վերցնելու, համ մի քանի անգամ էլ այցելել՝կրկին եւ կրկին վկաներից վկայություններ հավաքելու, տեղազննության վայրով անցկացնելու․եւ սա այն դեպքում, երբ Պապիկյանը միայնակ, վատառողջ թոշակառու է, եւ մի կերպ ինքը կարողացավ ինքն էլ իր բողոքը հեռախոսով շարադրել ՀՀ մարդու իրավունքների պաշտպանի իրավաբանին/երբ ավելի վաղ տեսավ, որ ոստիկանության քննիչի հետ իր հեռախոսային բանակցությունները միայն նյարդերի քայքայում են առաջացնում, եւ գործին օգուտ չեն տալիս/։Այս մասին արդեն մի քանի հրապարակումներ ենք ունեցել, մի քանի անգամ պտտեցրել ֆեյսբուքով, բայց՝ձայն բարբառո։Ակնհայտ է, որ իրավապահ համակարգը գտնվում է ոչ անհրաժեշտ բարձրության վրա։Հուսանք, որ գոնե նոր ոստիկանապետի ականջին կհասնի երկարամյա քիմմանրաթելագործի, 30 տարվա տնակային ավանի բնակչի բողոքը, որի սոցիալ-կենցաղային խնդիրներին, փաստորեն, եւս մի հոգս գումարվեց։Ի վերջո չի կարելի այդքան արհամարհել մարդուն, քաղաքացուն, բտռնադատվածի ժառանգին,սոցիալապես ամենախոցելի խավին եւ վերջապես՝համացանցային լրագրությունը եւ անգամ՝օմբուդսմենի ինստիտուտը։Այլապես տպավորություն է ստացվում, թե ոստիկանական համակարգում պարզապես ,,քցում,, են անում առգրավված գույքը, քաղաքացիներին էլ ,,ցրում,, կամ այնքան տանում-բերում-քննում, որ արդեն ձեռքներն անհույս թափ տան ու իրենց պահանջից ետ քաշվեն։Վերադարձրեք մարդու կորսված հավատը՝պետության եւ իրավապահ համակարգի հանդեպ․այլապես՝նոր հեղափոխությունն էլ է վարկաբեկվում, եւ տուժած քաղաքացին լիիրավ իրավունք ունի դառնությամբ ասելու, թե ,,որ գրեցիք՝մե՞ջն ինչ կա, ի՞նչ փոխվեց,,։
ԳԱՅԱՆԵ ՀՈՎՍԵՓՅԱՆ,Վանաձոր, ազատ լրագրող, բլոգեր
вторник, 29 октября 2019 г.
,,Վեոլիան,, շարունակում է սպառնալ կանոնավոր մուծող քաղաքացիներին՝պարտադրելով ապօրինի ու ռիսկային պայմանագիր կնքել
Այսօր, 2019թվի հոկտեմբերի 29-ին ահազանգ ստացանք Վանաձորի Բանյո փողոցի 10 շենքի մի բնակչից՝ թոշակառու, չաշխատող,որ ,,Վեոլիայից,, զանգում եւ պահանջում են գնալ եւ պայմանագիր կնքել․հակառակ դեպքում՝կգնան ջուրը կանջատեն։Եվ սա՝այն դեպքում, երբ վերջինս, որպես անջրաչափ, կանոնավոր մուծումներ է կատարում ․իհարկե՝նախկին սակագնով, ըստ անձաքանակի, իսկ նոր պայմանագիր կնքելն էլ, ինչպես քանիցս ենք նշել, ռիսկային է, քանի որ այդ պայմանագրով ,,Վեոլիան,, պարտավորեցնում է վճարել նաեւ 2016թվին իր կողմից ՀԾԿՀ ներկայացրած, ու վերջինիս կողմից առանց հանրային լսումների ապօրինաբար հաստատած 5400դրամ կայուն ամսավարձով ,,սարքած,, ,,պարտքը,,՝որ արդեն անցնում է 100հազար դրամի սահմանը։Ընդ որում, քաղաքացին նաեւ մի կերպ՝իր վթարային բնակարանի ջրատար համակարգը նորոգել է, որպեսզի հնարավորություն ունենա ջրաչափ տեղադրել, որ ջրաչափով մուծի, բայց՝անգամ այդ դեպքում՝,,Վեոլիան,,ցանկանում է պայմանագրով պարտավորեցնել նաեւ այդ պարտքի վճարումը/հիշեցնենք, որ ավելի վաղ տարիներին, մոտ 15-20 տարի առաջ, երբ ջրմուղն իր միջոցներով ջրաչափ էր տեղադրում, բնակիչների նախկին պարտքերը չեղարկում էր այդ դեպքում, իսկ հիմա բնակիչներից պահանջում են ,,վիզ վերցնեն,, նաեւ այդ ապօրինի ,,պարտքը,,/։
,,Ասեցի դե փորձեք անջատեք, տեսեք թե ինչ կլինի, ձեր ընկերության դեմ արդեն մեծ դատական գործ է սկսվում,,-իր հերթին զգուշացրել է քաղաքացուհին։
․․․․Պարոնայք կառավարողներ, ի վերջո ինչքա՞ն կարելի է չնկատելու տալ ,,Վեոլիայի,, կողմից հաստատած ապօրինի սակագինը չեղարկելու մասին բողոքները, բաց նամակները։Մարդիկ հո կրակը չե՞ն ընկել այս ընկերության ձեռքին։Ինչու՞ չի չեղարկվում 2016թ․ապօրինի հաստատած 5400դրամ սակագինը/որն իրականում ամրագրված է 5800դրամ, բայց՝կառավարությունն այն չեղարկելու փոխարեն՝սուբսիդավորւմ է 400դրամի չափով/։Վախենում ե՞ն այս ընկերությունից, թե՞ հայ-ֆրանսիական հարաբերությունների խաթարումից․չէ՞ որ հենց ֆրանսիան ինքն է այս ընկերությանը մեղադրել՝Ռումինիայում կոռուպցիոն չարաշահումների համար։Իբր մարդիկ ուրախ են, որ 1100դրամ արդեն իսկ ահռելի վարձ են մուծում, մի հատ էլ պետք է արդեն 5400դրամի ,,ղազագիր,, ստորագրե՞ն․այն էլ՝աղետի գոտու վթարային բնակարններում գոյություն քարշ տալու պայմաններում։Չէ՞ որ ջրաչափ տեղադրելն էլ այդ պայմաններում ռիսկային է ու ֆիանսական ներդրումներ է պահանջում՝30 տարի չվերանորոգված սանհանգույցի համար։
ԳԱՅԱՆԵ ՀՈՎՍԵՓՅԱՆ
понедельник, 7 октября 2019 г.
Աշխատանքի տոնավաճառ՝առանց պետական ոլորտի թափուր աշխատատեղերի ներգրավվածությա՞ն
Նրանք, ովքեր Վանաձորի Հայքի հրապարակով չեն անցնում, ովքեր քաղաքի կենտրոնական հատվածում չեն բնակվում, չէին էլ կարող իմանալ, որ հոկտեմբերի 4-ին Վանաձորում առաջին անգամ կազմակերպվող աշխատանքի տոնավաճառ կա, որտեղ ներկայացվելու են թափուր աշխատատեղերի վերաբերյալ հայտարարություններ/մի ժամանակ՝2000-2010թվերին, դեռեւս արդյունաբերական տոնավաճառ էլ էր կազմակերպվում, բայց, քանի որ վերջին 10 տարում արդյունաբերությունը վերջնականապես կործանված է/ու մնացել են միայն ենթակառուցվածքների մնացորդները/, ուստի իշխանություններն ստիպված են ժողովրդին մխիթարել մասնավոր հատվածում առկա թափուր աշխատատեղերին առնչվող տոնավաճառով, որի կայացման վերաբերյալ էլ խոշոր հայտարարություն կար Հայքի հրապարակում։Սա ավելի շատ՝իրազեկման ակցիա էր։
Տոնավաճառի մասին մարզային պաշտոնաթերթում որեւէ հայտարարության չհանդիպեցինք․չի բացառվում՝տեղական հեռուստատեսությամբ էլ չի հայտարարություն եղել։Դրա փոխարեն՝մարզային պաշտոնաթերթի բոլոր համարներում ներկայացվում են մարզի գյուղական համայնքներում առկա մանկավարժական կադրերի պահանջարկի մասին․բայց՝այս ոլորտում էլ ,,անունը կա, ամանում չկա,,․քանի որ համ ուսուցիչ են ուզում, համ էլ ՝դիպլոմից բացի՝,,մասնագիտական կարողությանը համապատասխան,, հավաստագիր ուզում։Հարց է ծագում, եթե մարդը մանկավարժ չի աշխատել բուհն ավարտելուց հետո, որտեղի՞ց կարող է ,,ստաժը հավաստող,, փաստաթուղթ ունենալ։Ու այս պայմաններում, չի բացառվում, գյուղական դպրոցներում ով ասես դասավանդի/համայնքի ղեկավարի ազգուտակից/, պատճառաբանելով, թե ,,մասնագետ չկա,,։
Ինչ վերաբերվում է տոնավաճառին, ապա , ինչպես սովորաբար, պետական ոլորտում առկա թափուր աշխատատեղերի մասին/այն աշխատատեղերի, որոնք քաղծառայողի մրցույթով չեն անցնում այլ ՝տվյալ հաստատության տնօրենի ,,ձեռքի տակով,,/, որեւէ հայտարարություն չկար, ,այլ միայն՝մասնավոր ընկերություններում առկա աշխատատեղերի,ու ամենամեծ պահանջարկը՝ներկայացված 430 թափուր հաստիքներից, ,,կարող բանվորուհիներն,, էին/թվով 132 թափուր հաստիք՝գումարած կարի 2 տեխնոլոգ եւ 4 հսկիչ/։
Այսպիսով,ԽՍՀՄ տարիների վատագույն ավանդույթները՝կադրային ոլորտին վերաբերվող, շարունակվում են․հիշեցնենք, որ այդ տարիներին մշակույթի ոլորտում աշխատատեղերը հիմնականում կամ ռայկոմ-քաղկոմի ներքին միջնորդությամբ էին, կամ՝ԿԳԲ-ով, կամ՝ ԽԾԲ-ով։
Ի դեպ, ԱԺ նոր օրենքն առ այն, որ աշխատանքի ընդունելիս գործատուները չպետք է առաջնորդվեն տարիքային ցենզով, կամ դեռ Վանաձոր չի հասել, կամ՝օրենքը չի դեռ ուժի մեջ մտել․3 խանութներում հանդիպեցինք դռան վրա փակցված այսպիսի հայտարարության․,,Պահանջվում են 25-30 տարեկան վաճառողուհիներ,,։Այս պայմաններում հարկավոր է օրենք ընդունել կենսաթոշակի տարիքի շեմը 35-ից սկսելու վերաբերյալ։
ԳԱՅԱՆԵ ՀՈՎՍԵՓՅԱՆ
среда, 28 августа 2019 г.
Մեծ թափով շարունակվում է նախորդ իշխանությունների օրոք տեղի ունեցող ապօրինությունների գործընթացը Վանաձորում:Կ.Դեմիրճյան 28 շենքի դիմաց գտնվող աղբարկղերի տեղափոխությունը, փաստորեն, նպատակ էր հետապնդում մայթին կից գազոնի վրա շինարարություն սկսելու.եւ սա այն դեպքում, երբ հարակից շենքում բնակվում է քաղաքի գլխավոր ճարտարապետը, որի լուռ հսկողության ներքո էլ դեռ անցած տարի, հեղափոխության օրերին ընթանում էր 26 շենքին կից ապօրինի կցակառույցի շինարարությունը, որի մասին քանից ենք ահազանգել սույն բլոգում.բայց լսո՞ղն ով է, մենք միայն անունով ենք ,,իրավական,, ու ,,ժողովրդավարական,,:Եվ սա՝իբր ,,Նոր Հայաստանում,, կամ ,,Վանաձորի Նոր էջում,,.որի գլխին էլ 2016թվին կանգնած է հին քաղաքապետի 17 տարվա ,,գործի շարունակողը,,՝դեռեւս ՀՀԿ-ի օրոք ,,ընտրված,, բայց՝դեռեւս հին իշխանության օրոք սահմանադրական դատարանի կողմից վերջինիս ընտրությունը ոչ լեգիտիմ ճանաչված:
...Դեռեւս 2003թվին հիշյալ գազոնի մի հատվածը թաղամասային ձեռնարկության մի նախկին տնօրենի կողմից /Վանաձորի նախորդ, ՀՀԿ-ական քաղաքապետի մերձավոր շրջապատից/ կանաչազրկվեց, որ վերջինիս համար ծառայի որպես մեքենայի երթեւեկության տեղանք/այդ մասին կա վկայություն ,,Առավոտի,, 21.12.2003թվի ,,Գործարարությունն ուղեկցվում է ապօրինի հատումներով,,հոդվածում,,/ հիմա էլ մյուս հատվածն է նշանառության տակ ընկել.հնարավոր է, հարակից ծառն էլ կտրվի.հանուն ,,գործարարության,,՝մի ծառով ավել-պակաս...անտեր քաղաք, տեր չկա, տիրական չկա, վերահսկողություն չկա.......
...Կարող է՞ անկախությունից հետո նոր օրենք է ընդունվել, որ գազոնների/սիզամարգերի/ վրա կարելի է շենք-շինություն կառուցել՝մենք տեղյակ չենք.... Տնակները հավաքեցին, որ հիմա քաղաքը ,,գեղական,, միահարկ կառույցներով հեղեղե՞ն....Ակնկալում ենք Լոռու մարզպետարանի արձագանքը:
ԳԱՅԱՆԵ ՀՈՎՍԵՓՅԱՆ,Վանաձոր
вторник, 27 августа 2019 г.
Բարձր մինուսով տեսողությամբ մարդը, եթե ցանկանա ակնոց գնել, ապա եթե մայրաքաղաքում չի բնակվում, ստիպված է բախվել շատ բարձր գների հետ:Ու հետաքրքիրն այն է, որ բարձր միունսով տեսողության համար նախատեսված ակնոցների համար զեղչեր չեն գործում/եւ անգամ՝պատվերով կարող են լինել ակնոցները/,իսկ մյուսների համար գործում են:Ընդ որում, ,,օպտիկ,, ծառայություններ կան, որ ակնոցի գինը չեն նշում, այլ միայն զեղչի չափը/70 տոկոս, 30 տոկոս/, ինչն ակնհայտ գնային խախտում է, քանի որ կարող են ինչ գին ասես հրամցնել, հետո ,,զեղչել,,:Այն, որ ,,թանկանոց,, ակնոցներ վաճառող ծառայություններն են կցված համաբուժարաններին, կարող է խոսել այն մասին, որ դեղատնային ,,օպտիկներն,, ստվերում են:Ու միակ մխիթարությունն այս դեպքում այն է, որ համաբուժարանը, ի տարբերություն ստվերային ,,օպտիկի,,՝աչքի անվճար հետազություն է կատարում:Բայց քիչ է մխիթարական այն, որ համաբուժարանը ակնոց գնելու ուղեգիր է տալիս. որովհետեւ այդ ուղեգիրն էլ չի կարող զեղչելու հիմք հանդիսանալ՝թանկուկրակ ակնոցի/մինչեւ 18 հազար դրամ/ համար:Իհարկե ստվերային ,,օպտիկը,, համեմատաբար էժան է արտասահմանյան ֆիրմայի ,,օպտիկից,,.բայց՝անգամ ստվերային լինելը չի խանգարում, որ սրանք բարձր մինուսով ակնոցները սովորականից 4 անգամ ավել գնով վաճառեն, ու սովորական մինուսի դեպքում գինը կազմի անգամ 1800դրամ, բարձր մինուսի դեպքում՝սկսվի 6000դրամից.անգամ այն դեպքում, երբ վաճառողը միամտաբար, նախքան տնօրենի կարծիքը ճշտելը հայտնում է, որ գինը 3000դրամ է:
Ամենայն հավանականությամբ, նույն հասցեում գործող դեղատնային ծառայությունն ու օպտիկան նույն հասցեի տակ են, հարկերից խուսափելու նպատակով:
ԳԱՅԱՆԵ ՀՈՎՍԵՓՅԱՆ,Վանաձոր
понедельник, 19 августа 2019 г.
Հայրենի արդարադատության անպերճանք թշվառությունը
Վանաձորցի միայնակ թոշակառու , 1937թ․բռնադատվածի ժառանգ, տնակային ավանի 30 տարվա բնակիչ Քնարիկ Պապիկյանից գողացված բջջայինն ու 1000դրամը Վանաձորի ոստիկանությունն ուղարկել է․․․․Արագածոտնի մարզ․,,մեռնեմ օրենքին,,
Ի պատասխան մեր՝օմբուդսմենի թեժ գծին արված ահազանգի/այն բանից հետո ,երբ ՄԻՊ ֆեյսբուքյան էջին ուղարկած նամակին ու բլոգային նյութին ի պատասխան ռոբոտը խորհուրդ էր տալիս զանգել ՄԻՊ թեժ գծին/, իրավաբանական խորհրդատվություն ստացանք հուլիսի 31-ին առ այն, թե ինչու մինչ օրս ոստիկանությունը Պապիկյանին չի հանձնում առգրավված բջջայինն ու ․․․․․1000դրամը/ով զավեշտ․ռուսների ասած՝,,սմեխ կուրյամ,,այսինքն՝եփած հավի ծիծաղն էլ կգա/։Եվ ահա, ՄԻՊ գրասենյակից շատ հիմնավոր փաստարկներով մեզ բացատրեցին այն, ինչն արդեն իսկ ոստիկանության քննիչը բանավոր/միայն բանավոր/ հայտնել էր նաեւ Պապիկյանին․այն էլ՝նրա հեռախոսային հարցումից հետո․գործն ուղարկվել է Արագածոտնի մարզ, որովհետեւ Պապիկյանի գործով կասկածյալը,չնայած գողության բացահայտման օրն արդեն իսկ խոստովանական ցուցմունք էր տվել եւ քննիչի ներկայությամբ բջջայինն ու 1000դրամը ներկայացրել ի տնօրինություն, սակայն քանի որ Պապիկյանը չի ցանկացել, որ երիտասարդ ավարային ,,նստացնեն,,՝ուստի վերջինս ազատ է արձակվել․բայց թե գործն ինչ է եղել՝անհայտ է․․պահել-ձգել-քաշքշել են այնքան, մինչեւ բաց թողնված գողը նոր գողություն անի, այս անգամ՝Արագածոտնի մարզում, ու գործը քննիչը որոշել է ուղարկել Արագածոտնի մարզ,, որ կցեն Արագածոտնում հարուցված գործին, Պապիկյանին էլ ասել է, որ հարկ կլինի գնալ Արագածոտնի մարզ՝ցուցմունք տալու․․․․սա արդեն իսկական ,,համ տնազ, համ վնաս է,, կրկնակի տուժողի համար, որ 30 տարի է՝տնակում է գոյություն քարշ տալիս ու 8 տարի է՝կենցաղային անհարմարություններ է քաշում՝կոյուղուց ու ջրից զրկվելով։Դա դեռ քիչ է՝մոտ մեկ ամիս առաջ մի քննիչ էլ է եկել, կրկին տեղազննություն կատարել, նախորդ քննիչի հասցեին ամոթանքներ հղել Պապիկյանի ներկայությամբ՝գործին ընթացք չտալու համար, հետո հեռախոսահամար տվել, որ զանգի այդ համարով, ու Պապիկյանն էլ զանգել է․․․․Հետո էս նոր քննիչը հին ու նոր վկաներ է հավաքել, նույն մարդկանց կրկին քննել, Պապիկյանին կրկին պտտեցրել տեղազննության վայրով, ինչի հետեւանքով տարեց կնոջ նյարդային համակարգը կրկին սկսել է տեղի տալ․․․․․Օմբուդսմենի հետ մեր հեռախոսազրույցը՝հուլիսի 31-ին, ընթացավ Պապիկյանի ներկայությամբ, եւ նրա մոտ գտնվող մեկ այլ բջջայինով, որ ժամանակավոր տրամադրել է բարին կամեցողներից մեկը․․․․Պապիկյանն ինքն էլ իր խնդիրը հուզված ներկայացրեց օմբուդսմենի իրավանին՝դեռ հուլիսի 31-ին, այնուհետ, այլեւս անկարող լինելով շարունակել զրույցը, հեռախոսը փոխանցեց մեզ․իրավաբանը, ճշտելով քննիչի անուն-ազգանունը, խոստացավ կապվել նրա հետ եւ հետո կապվել մեզ հետ․հաջորդ օրը, օգոստոսի 1-ին կապվեց եւ հայտնեց պատասխանն առ այն, որ գործն ուղարկվել է Արագածոտնի մարզ․․․․ինչն արդեն իսկ հայտնի էր Պապիկյանին։Միաժամանակ, ի պատասխան մեր խնդրանքի, խոստացավ իր եզրակացությունն ուղարկել նաեւ էլեկտրոնային փոստով․բայց՝առ այսօր ՄԻՊ գրասենյակից Պապիկյանի խնդրով պատասխան չենք ստացել․․․իսկ գործը նոր զարգացում է ստացել։Զանգահարելով հերթական քննիչի՝իրեն տրամադրված հեռախոսահամարով, 2 օր առաջ Պապիկյանը կապվեց տվյալ գործով ոմն քննիչի հետ, որն էլ, ով զարմանք, պարզվեց, բնակվում է․․․․Աշտարակում, ու Պապիկյանին խորհուրդ տվեց մարդ ուղարկել Աշտարակ, ինչն արդեն ակնհայտորեն հունից հանեց տուժողին ու վերջինս զայրացած սկսեց բղավել․,,Չեք ամաչու՞մ, ես հիվանդ կին, անկողնում պառկած, հազիվ եմ շարժվում, ես ի՞նչ գործ ունեմ գամ հասնեմ Աշտարակ, կամ ինչի՞ պետք է ես հասնեմ Աշտարակ, ինչի՞ չեք իմ հեռախոսը վերադարձնում, ձեռ ե՞ք առնում, բա դուք մայր չունե՞ք, դու քույր չունե՞ք, ես էս գործն էսպես չեմ թողնի, ես կդիմեմ ավելի վերեւ,,-հուսակտուր բղավում էր տարեց կինը՝հեռախոսով, որին ի պատասխան, քննիչը մեկ այլ ,,խելացի,, խորհուրդ տվեց․,,Ես հեռախոսը Վոլոդյայի հետ կուղարկեմ,։,,Վոլոդյան ո՞վ է՝, Վոլոդյան հենց տնակից գողություն կատարածն է, Վոլոդյայի ձեռն եք տալիս, որ գա նորից գողություն անի՞,փոստով ուղարկեք,,։Այս պատասխանն էլ թերեւս քննիչի սրտով չէր։
․․․Ակնկալում ենք համապատասխան կառույցների արձագանքը․Քնարիկ Պապիկյանի հեռախոսն ի վերջո ու՞մ մոտ է , Վանաձորի ոստիկանությունում է՞, թե՞ Արագածոտնի մարզում, եւ ի՞նչ կապ ունի այս ամենի հետ․․․ Աշտարակի քնիչը․․․․
․․․․Այս ամենն իսկական ծաղր է ու անարգանք՝ՀՀ քաղաքացու հանդեպ, որը ցանկացել է իրավապահ համակարգի միջոցով իրենից վերցվածը հետ ստանալ, ու սա նաեւ օրենքի բացն է, որի առթիվ մեր դիտարկումը հայտնեցինք ՄԻՊ իրավաբանին, որ միգուցե նրանք ոչ միայն Պապիկյանի, այլեւ՝այլ քաղաքացիների շահերից ելնելով միջնորդագիր ներկայացնեն Ազգային Ժողովին, որ մի հասարակ գողության հարցը չբարդացնեն,դարձնեն հայոց հարց․գողությունը բացահայտվել է՝ուրեմն 2 ընթերակայի ներկայությամբ թող արձանագրություն կազմեն-վերջացնեն,տուժողից գողացածն էլ հանձնեն նույն պահին, ոչ թե քաղաքացուն հա տանջեն ու չարչարեն, ինչ է, թե ,,օրենքն է այդպես նախատեսում,,․․․իսկ ու՞մ է պետք այդ կարգի օրենքը, այն էլ արդեն՝Նոր Հայաստանում։Հիմա տուժող Պապիկյանի համար ի՞նչ տարբերություն, իրենից գողացվածը ոստիկանությունում է՞, թե գողի մոտ․կարեւորը՝իր մոտ չէ․բա էլ ո՞րն էր գիշերվա կեսին նրան որպես տուժող ապրիլ ամսին ոստիկանություն տանելն ու հարցաքննելը, առողջությունը կրկնակի քայքայելը, եթե 4 ամիս անց՝դեռ գողոնը չի վերադարձվել։Ի դեպ, ապրիլ ամսին այս գողության մասին տեղադրված նյութ կա ոստիկանական կայքում, որ դեռ այն ժամանակ տարածեցինք ֆեյսբուքով։
ԳԱՅԱՆԵ ՀՈՎՍԵՓՅԱՆ
вторник, 16 июля 2019 г.
Քաղաքական ինքնակենսագրություն
Այն սկսվում է սովետական տարիներից
1986թվին Կիրովականի քիմմանրաթելի գործարանի կողմից ընտրվել եմ Կիրովականի ժողդատարանի ատենակալ․մինչեւ՝1996թիվը, դատաիրավական բարեփոխումները, որից հետո ատենակալների համակարգը լուծարվեց։
1988թվին ՀԼԿԵՄ ուղեգրով գործուղվել եմ Բելառուս՝որպես մանկավարժ, ,,Զուբրյոնոկ,, միջազգային ճամբարում ստեղծված ժամանակավոր հայկական դպրոցում դասավանդելու՝աղետի գոտուց էվակուացված երեխաներին, մինչեւ դպրոցի փակվելը,6 ամիս ժամանակով։Դասավանդել եմ ՍՍՀՄ պատմություն, հասարակագիտություն, իրավունքի հիմունքներ, հայոց լեզու եւ գրականություն։Մանկավարժ աշխատելու ընթացքում հայաստանյան ,,Ավանգարդ,, եւ կիրովականյան,,Կայծ,, թերթերում լուսաբանել եմ ճամբարի առօրյան՝Բելառուսից լուսանկարներ եւ թղթակցություններ ուղարկելով։
1989թ․վերադառնալով Հայաստան, որտեղ արդեն աշխատանքային մեծ կրճատումներ էին սկսվել քիմմանրաթելի գործարանում, աշխատանքի անցա Կիրովականի ժողդատարանում՝որպես գրասենյակի գործավար։1990թվին մասնակցել եմ արդարադատության համակարգի աշխատողների մեկամսյա դասընթացներին՝Երեվանում, ստանալով համապատասխան վկայական։1994թվին ստիպված էի ազատվել աշխատանքից՝իրավա-քաղաքական դրդապատճառներով,որի առթիվ առանձին ծավալուն հոդված ունեմ. ,,Ինչպես ես մկրտվեցի իմ իրավունքների պաշտպանության գործում,,։
1994թվին աշխատանքի անցա Վանաձորի մանկավարժական ինստիտուտի գրադարանում՝որպես մատենագետ․զուգահեռաբար՝թղթակցում էի եւ թարգմանական հոդվածներով հանդես գալիս վանաձորյան եւ հանրապետական թերթերում․/1994-1998թվեր/, ինչը որոշ ժամանակ անց սկսեց ակնհայտորեն դուր չգալ բուհի ղեկավարությանը, քանի որ նախկին ռեկտորը համայնքի ավագանու անդամ էր, իսկ ես տեղական իշխանությունների համակարգի խախտումներին էլ էի անդրադառնում․առավել եւս, որ 1997թվին մասնակցել էի Հայկական սահմանադրական իրավապաշտպան կենտրոնի կազմակերպած՝մարդու իրավունքների դասընթացներին եւ ստացել վկայական։
1998թվին, ՀՀ իշխանափոխությունից հետո, ստիպված էի բուհի ղեկավարության եւ գրադարանի վարիչի ճնշման եւ ուղղակի պահանջի տակ/,,Դիմում գրի՝դուրս արի,,/դիմում գրել՝աշխատանքից ազատվելու ,,խնդրանքով,,․,,այլ աշխատանքի անցնելու,, պատճառաբանությամբ․իսկ իրականությունն այն էր, որ ցանկացա ամբողջապես զբաղվել լրագրությամբ՝կախում չուենալով տեղական իշխանություններից եւ նրանցից կախում ունեցող պաշտոնյաներից։Աշխատանքից ազատվելուց հետո ,ռեկտորը մի երկարամյա լրագրողի միջնորդությամբ ետ հրավիրեց՝այլ աշխատանք առաջարկելու պատրաստակամությամբ, սակայն մերժեցի, չցանկանալով իմ լրագրողական գործունեությունը կախվածության մեջ դնել մարդու իրավունքները ոտնահարող պաշտոնյաներից։
․․․1996-2004թվին թղթակցել եմ ,,Վերածնունդ,, ,,Առավոտ,, ,,Գիտություն,, ,,Կանչ նախնյաց,, ,,Ընտանիք,, ,,Տեսադաշտ,, ,,,Բանբեր,,թերթերին/որոնցից հիմնական հաստիքով,4 ու կես տարի՝,,Առավոտի,, հետ/։2000-2005թվերին համագործակցել եմ ,,Հակաստվեր,, իրավական-հասարակական կազմակերպության հետ/ղեկավար՝Վ․Ամիրխանյան/, հանդիսանալով կազմակերպության ներկայացուցչը՝Վանաձորում, եւ թղթակցելով վերջինիս հիմնադրած ,,Մամուլն ընդդեմ կոռուպցիայի,, տեղեկագրին, որում 1999-2005թվերին լուսաբանել եմ կոռուպցիոն դրսեւորումները Վանաձորում, մասնակցել եւ զեկուցումներով հանդես եկել կազմակերպության վանաձորյան 2 սեմինարների, առանձին հետաքննություններ կատարել՝կազմակերպության դրամաշնորհային ծրագրի շրջանակներում/որ ավարտվեց 2005թվին/։
2002թվին ,,Ֆեմիդա,, դատաիրավական լրագրողների միության/ղեկավար՝Ջ․Ամիրխանյան/ հրավերով մասնակցել եմ Սեւանում կազմակերպված սեմինարին՝հանդես գալով ,,Դատաիրավական լրագրության ներկան, անցյալը եւ զարգացման հեռանկարները Վանաձորում,, զեկուցմամբ, 2002-2003թվերին թղթակցել միության ,,Մամուլ եւ իրավունք,, տեղեկագրին, լուսաբանել տնակային դատարանի խնդիրներն ու դատական նիստերը, մարդու իրավունքների ոտնահարման վերաբերվող հետաքննություններով հանդես եկել։
2002-2005թվերին հասարակական հիմունքներով թղթակցել եմ Հելսինկյան քաղաքացիական ասամբլեայի Վանաձորի գրասենյակի/ղեկավար՝Ա․Սաքունց/ հիմնադրած ,,Քաղաքացիական նախաձեռնություն,, երկշաբաթաթերթին, հանդես գալով հետաքննական նյութերով՝մարդու իրավունքների ոտնահարման վերաբերյալ, լուսաբանել եմ զինվորական դատական գործեր, հետաննություններով հանդես եկել՝հասարակական հիմունքներով, որի համար արժանացել եմ շնորհակալագրերի, իսկ 2004թվին՝մրցանակ ստացել՝,,Լրագրողներն ընդդեմ կոռուպցիայի,, մրցույթին մասնակցելով։
2004թվին թղթակցել եմ Հայաստանի Հելսինկյան կոմիտեի/նախագահ՝Ա․Իշխանյան/ ,,Մարդու իրավունքները Հայաստանում,, տեղեկագրին՝/,,Դիտորդ,,/ 3 հետաքննական նյութեր հրապարակելով զինվորական համակարգի չարաշահումների, անհիմն օպտիմալացված մանկավարժների, ինչպես նաեւ՝ մարդասիրական օգնության պահածոների վաճառքի վերաբերյալ։
2005թվին,,Առավոտ,, թերթում իմ աշխատանքային պայմանագրի դադարեցման պատճառով/հնարավոր է՝Վանաձորի նախորդ իշխանությունների միջամտության շնորհիվ/, անցա հոնորարային թղթակցության՝այլ թերթերում/,,168ժամ,, ,,Փակագիծ,, ,,ժամանակ-Երեւան,, ,,Հրապարակ,,/։Հասարակական հիմունքներով միաժամանակ թղթակցել եմ ,,Տարեգիր,, ,,Չորրորդ իշխանություն,, ,,Օրինաց երկիր,, ,,Հայաստանի կոմունիստ,, թերթերին, ,,Զորավիգ,, իրավապաշտպան թերթին, ,,Անկախ,, եւ ,,7օր,, ,,Իրատես,,լրատվական կայքերին։
2011թվին, հիմնավոր կասկածներ ունենալով, որ տեղական իշխանությունների չար ձեռքը հասնում է այն թերթերին, որոնց կայուն թղթակցում եմ, ստեղծեցի AZAT ANKAKH բլոգը, որի միջոցով առ այսօր շարունակում եմ լրագրողական-իրավապաշտպան գործունեությունս․բայց՝առանց որեւէ դրամաշնորհային ծրագրի աջակցության, առանց պետական հովանավորության, քաղաքական որեւէ ուժից կախում չունենալով, անձնական խնայողությունների ու նվիրատվությունների հաշվին․առանց անձնական համակարգչի՝օգտվելով ինտերնետ-ծառայություններից․չեմ կարող չխոստովանել, սակայն, որ այդ ընթացքում բլոգը կայացել է նաեւ՝շնորհիվ հարազատներիս ու բարի կամեցողների ֆինանսական աջակցության՝հնարավորության սահմաններում։Իսկ որեւէ մրցույթի մասնակցելու կամ գրանտային ծրագրից օգտվելու ջանքերս անօգուտ են եղել․թերեւս այն պատճառով, որ քաղաքական ուղղվածություն չունեմ կամ՝,,գրանտ պոկելու,, ,,արվեստին,, չեմ տիրապետում։Իսկ բլոգներին աջակցելու մրցույթի երբեւէ չեմ հանդիպել՝որեւէ կազմակերպության կողմից/ հետո էլ ասում են՝,,մեր երկրում խրախուսվում են քաղաքացիական նախաձեռնությունները,,/։/
AZAT ANKAKH-ի եւ ֆեյսբուքյան նյութերիցս մեծ քանակությամբ արտատպել են նաեւ այլ կայքեր՝գովազդներից սնվող, որից կարող էր թյուրիմացաբար տպավորություն ստացվել, թե բլոգի հեղինակն էլ է այդ գովազդներից օգտվում․ամեն դեպքում՝արտատպությունները նպաստել են բլոգում կամ ֆեյսբուքում բարձրացված հարցերի հասարակական հնչեղությանը, որի համար էլ եմ շնորհակալ/։Ստեղծել եմ նաեւ ,,Լրագրողական նոթեր,, եւ Պատմաքաղաքական բլոգները, ֆեյբուքյան խմբեր/,,Ձորագէս,, ,,Մարդու իրավունքները Վանաձորում,, ,,Սփյուռաահայեր,, ,,Հայկական պետություն,, ,,Մարդ եւ օրենք,, ,,Կիրովական,, ,,Գրական-երաժշտական աշխարհ,,/միաժամանակ համագործակցելով նաեւ այլ խմբերի հետ։
Ներկայումս չեմ աշխատում ոչ պետական, ոչ մասնավոր հատվածում, թոշակառու չեմ։Այսպիսով, 1998թվին զրկվելով պետական համակարգում աշխատելուց, կորցրել եմ ավելի քան 14 տարվա աշխատանքային ստաժ, քանի որ 24 տարվա լրագրողական գործունեությանս միայն 4 ու կես տարին է գրանցված աշխատանքային գրքույկում,մնացածը՝հոնորարային կարգով կամ բանավոր պայմանավորվածությամբ վարձատրությամբ, որպես ստաժ չեն հաշվարկվում/ինչը կապված է օրենքի անկատարության հետ/։
Մշտապես մասնակցել եմ ընդդիմության վանաձորյան հանրահավաքներին՝սկսած 1997թվից։Լրագրողական ակտիվ գործունեության եւ քաղաքացիական ակտիվ դիրքրոշման համար պարբերաբար ենթարկվել եմ հալածանքների ու սոցիալական ճնշումների՝տեղական իշխանությունների կողմից, որի մասին կա հստակ ժամանակագրություն, մամուլի եւ համացանցի հրապարակումներ,նամակներ՝իրավապաշտպան կառույցներին տարբեր ժամանակներում տարբեր բնույթի հալածանքների մասին տեղեկացվող, իսկ ավելի վաղ այն արձանագրվել է 2002թվին՝ԱՄՆ ՄԶԳ-ի կողմից Վանաձորում կազմակերպված սեմինարի ժամանակ, որի ընթացքում իմ ելույթը ձայնագրվում էր՝Վաշինգտոնի ներկայացուցչի կողմից/այդ սեմինարի մասին կա հրապարակում՝,,Առավոտ,, թերթի 2002թվի մայիսին/։Միաժամանակ առկա է տեղեկանք՝տրված ՀՔԱ Վանաձորի գրասենյակի կողմից՝իմ եւ իմ ընտանիքի անդամներին հալածանքների ենթարկելու մասին։
ԳԱՅԱՆԵ ՀՈՎՍԵՓՅԱՆ,Վանաձոր, ազատ լրագրող, բլոգեր
пятница, 5 июля 2019 г.
Ազատությունը գողին, գողացված բջջայինն ու 1000դրամը՝ոստիկանությանը՞
Ապրիլ ամսին Վանաձորի քիմիագործների թաղամասի տնակային ավանի 30 տարվա բնակիչ, միայնակ թոշակառու, բռնադատվածի ժառանգ, նախկին երկարամյա քիմմանրաթելագործ Քնարիկ Պապիկյանի տնակից կատարված գողության գործը, որ չնայած բացահայտվել է տեղնուտեղը՝թարմ հետքերով եւ հարեւանային ահազանգով, գողն էլ նույն օրը՝ժամեր անց խոստովանական ցումունք է տվել եւ փաստերի ճնշման տակ ներկայացրել գողոնը՝Պապիկյանի բջջային հեռախոսն ու 1000դրամը/որ անմիջապես առգրավվել է ոստիկանության կողմից,Պապիկյանի ներկայությամբ/,ոչ փակվել է, ոչ կարճվել է, տուժողին էլ մինչ օրս չի վերադարձվել բջջայինն ու 1000դրամը/ով զավեշտ ու ողբալի արդարադատություն/:Փաստորեն, այս գործի վրա ,,նստած,,՝4 ամիս աշխատավարձ են ստանում ,,փառապանծ,, ոստիկանները.մեկը բացահայտում է, մեկը՝քննում, մեկը՝վկաների ցուցմունքները կրկին ի մի է բերում....Ըստ այդմ, պարզվում է, երեկ առավոտյան այս գործով կրկին ոստիկան էր այցելել Պապիկյանին, ու կրկին տարածքում տեղազննություն կատարել, կրկին բացատրություն վերցրել, ոտքերը մի կերպ քարշ տվող կիսահիվանդ կնոջը/որ վատառողջության պատճառով ի վիճակի չէ անգամ համաբուժարան գնալ, թաղամասային բժիշկն էլ համառորեն հիվանդանոցի ուղեգիր չի տալիս/ կրկին պտտեցրել է հարակից տարածքներով/երեւի որ այս տարածքի հետ կապված մյուս գողություններն էլ կցվեն նույն գործին, որովհետեւ հարակից խորդանոցն էլ է եղել թիրախի տակ, ինչի մասին պաշտոնապես նշվել է ոստիկանական հաղորդագրության մեջ՝դեռ ապրիլյան գողության ժամանակ/:Հընթացս էլ հարեւաններից ցուցմունքներ է փորձել վերցնել.այդ թվում՝ապրիլ ամսին կատարվածի առթիվ ահազանգած մի կնոջից/:Իբր քիչ էր Պապիկյանի՝ապրիլին ունեցած սթրեսը, երբ տնակի բակում օր-ցերեկով դեմը հայտնվում է աժդահա երիտասարդը՝կիսամերկ, կացինը ձեռքին, ու ,,այ տղա դու ով ես, ինչ գործ ունես իմ տնակի մոտ,, հարցին հոխորտում, թե ,,էկել եմ ծառ կտրեմ,,.ու դրանից հետո էլ երբ տնակ մտնելով հասկանում է, որ երիտասարդ աժդահան ոչ միայն ծառ կտրելու էր եկել/ապօրինի ծառահատում/, այլեւ՝գողության, ու վերջինիս հայ-հավարին հարեւհաս մարդկանցից մեկը զանգում է ոստիկանություն, գալիս են գողին բերման ենթարկում՝հարակից տնակներից մեկից, տուժող Պապիկյանին էլ ուշ գիշերով ոստիկանական մեքենայով տանում ոստիկանություն՝ցուցմունք վերցնելու....ի՞նչ հոգեվիճակում կհայտնվեր տարեց կինը.հաստատ՝ոչ նախանձելի, որի հետեւանքով էլ, թերեւս, վերջինս երկու ամիս է՝բուժման կուրս է անցնում՝տնային պայմաններում, հարազատների ու բարին կամեցողների հոգածությամբ, ու հիմա կրկին վերջինիս նյարդային համակարգը խանգարվելու եւ սթրեսի ենթարկվելու վտանգ կա.այսինքն՝ողջ բուժումը կարող է հօդս ցնդել.մանավանդ, որ երեկ, վերջինիս հեռախոսազանգին ի պատասխան, թե ե՞րբ է վերադարձվելու իր բջջայինը,քննիչը սառնասրտորեն ասել է, թե մինչեւ գործը չավարտվի՝չի վերադարձվի.այսինքն՝մինչեւ ազատ արձակված գողի կատարած նոր գողությունը՝Արագածոտնի մարզում, կցվի այս գործին, եւ միգուցե նաեւ այլ գողություններ էլ կցվեն, հետո նոր՝թե որ տուժողն այդքան համբերություն ունենա ու դիմանա, եւ կամ միգուցե համաձայնվի գնալ Արագածոտնի մարզում էլ ցումունք տալ՝նոր բջջայինն ու 1000դրամը վերադարձնեն...Չգիտես խնդաս, թե լաս...երեւի ողբաս՝արդարադատության վրա..../վրացիք կասեին՝վայ մե դեդա՜..../
....4-րդ ամիսն է գնում՝գողությունը բացահայտվել է, գողոնն առգրավվել, բայց տուժողի բջջայինը դեռ գտնվում է ոստիկանությունում;Էլ ի՞նչ իմաստ ուներ գողության բացահայտումը:Փաստորեն, այս գործով մի քանի ոստիկաններ են ներգրավված..ոնց որ՝,,փաստահավաք խումբը,,՝2008թվի մարտի մեկի գործով....մի հասարակ գողության գործը վեր է ածվել աղմկահարույց սպանության գործի...Այս ամենի մասին ահազանգել ենք ՀՀ մարդու իրավունքների պաշտպանի ֆեյսբուքյան էջին, բայց՝մի ռոբոտացված պատասխան է հրամցվել, թե ինչպես կապվել ՄԻՊ թեժ գծի հետ.կարող է Թեժ գծին էլ կապվեն՝այնտեղից էլ ասեն՝,,գրեք մեր ֆեյբսուքյան էջին...փողեր է , որ անկապ ծախսվում են պետական ոլորտում՝գործ չանելու դիմաց....էլ ի՞նչն է փոխվել իրավապահ համակարգում, որ դեռ ոստիկանապետն էլ այսօր պարգեւատրվում է ՝ՀՀ նախագահի կողմից, սահմանադրության օրվա առթիվ....
ԳԱՅԱՆԵ ՀՈՎՍԵՓՅԱՆ
пятница, 31 мая 2019 г.
Ու՞մ համար է ,,լացում,, անցումային արդարադատությունը
Մեկ տարի առաջ Վանաձորի քաղաքապետարանի՝տնակների հարցերով զբաղվող մարմնից այցելել են Վանաձորի քիմիագործների թաղամասի տնակային ավան, որ ի՞նչ անեն, եթե ոչինչ չէին անելու՝ բնակիչների խնդիրներով զբաղվելու ուղղությամբ։Աշուն-գարուն ժամանակահատվածում էլ բնակիչներին 3 անգամ տարել-բերել են քաղաքապետարան՝հաշվառելու եւ կրկին ու երիցս հաշվառելու, որ տեսնեն ,,ով՝սաղ, ով՝մեռած,,․․․իսկ այս գարնանն էտված ծառերի գերաններն էլ էլի լավ է, որ ամառնամուտին հասցրին մի քանիսին՝անցնցում ձմեռ անցկացնելուց հետո/նախորդ էտից ,,փայ չհասավ,, բոլորին․ԽԾԲ-ով էր երեւի, չնայած՝դիմումներ գրել էլ տվին, գլխների տակ էլ փափուկ բարձ դրին, թե ,,դուք հանգիստ մնացեք, ձեր փայտը կհասցվի,,․բայց՝խոստացողի ձեռքից այդ գործը վերցրին, նորանշանակն էլ արդեն ,բնականաբար, կարող էր ,,իրավասու չլինել,, այլ պաշտոնյայի խոստման համար․․․․Լավ, գերանները հասցրիք՝լավ արիք/լավ է ուշ, քան՝երբեք/, բա չեք մտածու՞մ, թե միայնակ,անժառանգ թոշակառուն ո՞նց է ջարդելու այդ գերանները, հիմա էլ ընկնելու է ,,դրուժբա,, ման գա՞, որ սղոցի գործը գլուխ բերի՝,,փողին մուննաթ,, տարբերակով․․․մանավանդ, եթե տվյալ թոշակառուն այն թաղամասի բնակիչ է, որ 8-10 տարի առաջ դավադրաբար զրկվել է ջրամատակարարումից էլ, կոյուղու համակարգից էլ, ու երեւի թե 8-10 տարի է՝ջուր է կրում ավելի քան 50-100մետրից․․․․Արդյունքում՝ժամանակ առ ժամանակ տղամարդու նման փայտ ջարդող, որեւէ կամեցողից սայլակով փայտ քարշ տվող ու օրական 20լիտր ջուր կրող/5 լիտրանոց տարաներով/, միայնակ, անժառանգ թոշակառու, նախկին երկարամյա քիմիագործ, բռնադատվածի ժառանգ Քնարիկ Պապիկյանը ժամանակ առ ժամանակ առողջականի հետ կապված ծանր խնդիրներ է ունենում, որի հետեւանքով երեկ ուշ երեկոյան վերջինիս այցելել է շտապօգնությունը, անհրաժեշտ օգնություն ցույց տվել, խորհուրդներ տվել, մինչեւ սկսի բուժզննում անցնել՝պետպատվերի շրջանակներում, որն ավելի մեծ փորձություն ու քար-առողջություն է պահանջում, քան՝ջուր կրելը, որովհետեւ անալիզ հանձնելու, ռենտգեն անցնելու համար պետք է մի քանի օր վազեցնեն հիվանդին/թե որ դիմանա/։
,,Էս կաբինետով վազվզի, էն կաբինետով վազվզի,մատից անալիզ տուր, ոտից անալիզ տուր, դիշի-նե դիշի,գնալ-գալուց հետո ավելի եմ վատացել․․․հիմա էլ ասում են մի քանի օր սպասի, մինչեւ շաբաթ կիրակին անցնի, տենանք անալիզի պատասխաններն ինչ են ասում, որ եզրակացություն տանք․․․է կարող է ես էդ ընթացքում չդիմանամ․․․,,-դառնությամբ նկատում է Քնարիկը,ում, ըստ էության՝հիվանդանոցային համալիր ստուգում է պետք՝պետպատվերի շրջանակներում, բայց, ըստ տեղեկությունների, դրա համար հատուկ հերթագրում է պետք, ու անգամ շաբաթներով սպասում․․․շտապօգնությունը հրաժարվել է հիվանդանոց տեղափոխել, պատճառաբանելով, թե իրավասու չէ․բա էլ ի՞նչն է փոխվել հեղափոխությունից հետո, առողջապահության համակարգում․․․իսկ հիվանդությունը չի սպասում․․․ու կարող է շատ ծանր հետեանքներ ունենալ․առավել եւս՝30 տարի շարունակ տնակում բնակվող միայնակ ,տարեց թոշակառուի համար, որին թաղամասային բժշկուհին/ որ հավանաբար Քնարիկի տարիքին լինի, եթե ոչ՝ավելի մեծ/, խորհուրդ է տվել․․․․ծերանոց գնալ։,,Դուք ուզում եք, որ ես երկու օր հետո մեռնե՞մ,,-դառնությամբ նկատել է Քնարիկը, որ սարսափում է ,,ծերանոց,, բառից․․․սիրում է իր անկախությունն ու ինքնուրույնությունը, բայց կյանքի հանդեպ մեծ սիրով է լցված․․․․
․․․Կենցաղային խնդիրների մի ողջ կույտ է նստած տնակային թաղամասում․ինչպես Քնարիկը, այստեղ բնակվող մյուս ընտանիքներն էլ են ստիպված ջուր կրել 50-100մետր հեռավորությունից, զրկված մնալ կայուղատար համակարգից այն բանից հետո, երբ ,,ներքի թաղում,, գտնվող մի տարածք վաճառվել է նախկին քաղաքապետի կողմից, ու տարածքի սեփականատերն էլ այդտեղ շինարարություն է կատարել, ջրատար համակարգն ու կոյուղատար համակարգն էլ վերացրել․ու 8-10 տարի այդպես էլ ոչ մի պատկան մարմին չի մտահոգվում, թե ինչպե՞ս կարելի է այդ անմարդկային պայմաններում ապրել/մի քրեական գործ էլ հարկավոր է հարուցել այդ ոճրագործության հեղինակների դեմ․ահա թե ում համար է ,,լացում,, արդարադատությունը/․մի՞թե դժվար է ջրատար համակարգի կառուցումը, չէ՞ որ մենք 21-րդ դարում ենք․․․Կամ մի՞թե բռնադատվածի ժառանգը, երկարամյա քիմիագործն ու նախկին շախմատիստ-թենիսիստը պետության հանդեպ այնքան ,,ամագ,, չունի, որ գոնե նրան մի որեւէ արտոնություն հասցվեր, ոչ թե՝ծերանոցի ճամփան ուղղորդեին․․․բա մի սանատորիայի ուղեգիր էլ չէր հասնու՞մ 30 տարի տնակում տառապող բնակչին․ իսկ 30 տարի ինչու՞ է գտնվել տնակում․որովհետեւ երկրաշարժից հետո կառուցված որոշ շենքեր՝,,Տարոն,, թաղամասում, հանձնվել են անորակ, ուստի բնակիչները հրաժարվել են տեղափոխվել այնտեղ․․․/այդ առթիվ անգամ՝հանձնաժողով կազմվեց 98-ի իշխանափոխությունից հետո, քննարկումներ եղան Լոռու մարզպետարանում, բայց բնակիչներն այդպես էլ չստացան շինարարության համար խոստացված գումարները, որ պետք է տրվեր անորակ կառուցանողների կողմից, իսկ մեղավորներից ոմանք անգամ մեդալներ ստացան՝երկրաշարժի 20-ամյա տարելիցի կապակցությամբ/։
Այսպիսով՝երկրաշարժից տուժածները մի հատ էլ՝90-ականներին են տուժել, հետո էլ ՝1998թվի իշխանափոխությունից հետո․․․իրենք տնակներում տառապել են, մյուսները նրանց հաշվին հարստացել, ծլել-ծաղկել-բարգավաճել, դղյակների ու ,,մալումուլքի,, տեր դառել․․․Իսկ ո՞վ պետք է պատասխան տա այս աննախադեպ ոճրագործության համար, որ տեղի ունեցավ տարածքի վաճառքի արդյունքում․մեկի ջրազրկման հաշվին՝մյուսի համար շինարարություն է արվել․եւ որն է ամենահետաքրքիրը․այդ շինարարությունն էլ նպատակային չէր, փաստորեն, քանի որ տարիներ շարունակ՝մի ցուցանակ է հայտնված,որի վրա գրված է ,,վաճառվում է,,։ Ինչպես նշել ենք մի առիթով, Պապիկյանը մեծ սեր ունի կենդանիների հանդեպ, իր համեստ թոշակ-նպաստի պայմաններում պատսպարում է կատուների ու շների,մայրական հոգատարություն ցուցաբերում վերջիններիս հանդեպ․․․արտերկրում նման մարդկանց արտոնություններ են հասնում, իսկ մեր երկրում ճնշու՞մ են․․․
,,Ցավ քիչ ունեինք՝ծաղիկ էլ հանեցինք,,․ ժողովրդական ասացվածքն այս դեպքին է վերաբերվում․2 ամիս առաջ էլ Քնարիկի տնակից գողություն կատարած մի երիտասարդ ստահակի հայտնաբերեց ոստիկանությունը՝թարմ հետքերով գնալով ու վերջինիս մոտ գտնվող Պապիկյանի բջջայինն ու գողացված 1000դրամն առգրավելով․բայց մինչեւ հիմա՝Պապիկյանին ետ չի հանձնվել գողոնը․սա անփութությու՞ն է, դիտավորությու՞ն, թե՞անտարբերություն․․․․միգուցե հենց այդ դեպքից հետո/երբ Պապիկյանին որպես տուժող գիշերով տարան ոստիկանության բաժանմունք՝վկայություն տալու/Պապիկյանի մոտ առողջության վատթարացում է տեղի ունեցլ․չէ՞ որ նրա մոտ կարող էր ուժեղ սթրես առաջանալ՝իր գաղտնի շրջանով․․․
ԳԱՅԱՆԵ ՀՈՎՍԵՓՅԱՆ
пятница, 24 мая 2019 г.
Նախկինում կայացած ապօրինի դատական վճիռների հրապարակայնացման կոչ՝տուժողներին ուղղված․ի՞նչ միջոցների հաշվին
ԱԺ փոխնախագահ Լենա Նազարյանը երեկ կոչ արեց դատարանների ապօրինի որոշումներից տուժած քաղաքացիներին՝հրապարակել այդ որոշումները/այսօր էլ ԱԺ լսումների ժամանակ, որ նվիրված էր անցումային արդարադատությանը, մի մասնակից գրեթե նույնն առաջարկեց՝որպես օգնություն փաստահավաք խմբին/ԻԻսկ դա որեւէ օգուտ տալու է՞ այդ ապօրինի որոշումներից տուժածներին կամ նրանց հարազատներին, իրավահաջորդներին, բացի՝նոր ֆինանսական ծախսերի մեջ ներքաշվելը, թե՞ ուղղակի այդ վճիռներն օգտագործվելու են որպես զենք՝դատավորների դեմ։Հրապարակայնություն եք ուզու՞մ՝դրամաշնորհային մրցույթ հայտարարեք, որին մասնակցելու իրավունք ստանան կայքեր, բլոգներ, իրավական թեմաներ, կոռուպցիոն թեմաներ լուսաբանող անկախ լրագրողներ․․․Կամ ինչու՞ միայն դատավորների ապօրինի վճիռները․համայնքապետերը քիչ ե՞ն ապօրինի որոշումներ կայացրել, ԲՇՏ-ների լուծարումը, ձեւական ստորագրություններով, ձեւական ժողովներով համատիրությունների ստեղծումը ապօրինություն չէ՞/որի առթիվ անգամ դատախազության կողմից իրավական գնահատական է տրվել՝դեռ 1998թվի իշխանափոխության շեմին ու դրանից հետո,բայց՝մեղավորները չեն պատժվել, իսկ տուժողները, որ այդ մասին ահազանգել են իրավապահ մարմիններին, թերթերին․ ավելի շատ են ճնշման ենթարկվել, ընդհուպ՝մինչեւ ընտանիքի նկատմամբ հալածանքներն ու բոլոր տիպի օդերի հաջորդաբար փակում ը/սա՝իմ անձնական դառը փորձից/․․․Իսկ մի՞թե անցումային արդարադատության մեջ չի մտնելու այն, որ մարդիկ հարկադրանքով դիմում են գրել՝աշխատանքից ազատվելով/բարոյահոգեբանական անառողջ մթնոլորտի կամ ճնշման արդյունքում/։
ԳԱՅԱՆԵ ՀՈՎՍԵՓՅԱՆ
воскресенье, 14 апреля 2019 г.
Գողություններ, ասպատակություններ ու ապօրինի ծառահատումներ՝Վանաձորի քիմիագործների տնակային ավանում
Գողոնն առգրավել են, բայց միայնակ թոշակառուին հատկացվելիք 1000դրամն ու բջջայինը դեռ չի հանձնվել իրեն.թեպետ՝գողն արդեն բաց է թողնվել
--------------------------------------------------------------------------------
Հեռախոսային ահազանգ ստացանք քիմիագործների թաղամասի տնակային ավանի մի բնակչից, որ միայնակ թոշակառու, տնակային ավանի 30 տարվա բնակիչ, 1937թվի բռնադատվածի ժառանգ Քնարիկ Պապիկյանի տնակից 2 օր առաջ գողություն է կատարվել, որի հետեւանքով վերջինս մնացել է առանց հեռախոսի, աշխարհից կտրված, ու խնդրել է, որ իր ,,ծանոթ ժուռնալիստին,, կատարվածի մասին տեղեկացնի զանգահարողը:Այցելելով Պապիկյանի խարխուլ տնակ/որտեղ սովորաբար մշտական ,,պարետապահակային պահպանություն,, են իրականացնում Պապիկյանի հավատարիմ 2 շներն ու հարակից տնակներից մեկի տանտերերի հոգածությամբ բնակվող սեւ,ահռելի գամփռը՝Լեդի անվանումով, որ հենց՝օտար ոտնաձայն է զգում, անմիջապես հայտնվում է ու սկսում ողջ ող ուժով հաչալ, քանի դեռ տանտերը չի սաստել:Իսկ 3 թե 4 կատուները նրա մշտական ընկերակիցներն են, առանց որոնց՝միայնակ, անժառանգ թոշակառուն չի պատկերացնում կյանքը, սիրում է մայրական սիրով ու երբեմն էլ մոր իրավունքով՝զայրանում վրաները, երբ բարկացնում են:Այդ անսահման բարի, բնության ու կենդանիների մեծ սիրահար կնոջը գտանք ճգնաժամային ծանր իրավիճակում,այլայլված,գունատ ու անքնության ակնհայտ հետեւանքներով, քանի որ նախօրեին ծանր ապրումներ էր ունեցել ու տհաճ իրավիճակում հայտնվել, ու այդ առթիվ պատմեց հետեւյալը:
,,Ապրիլի 12-ին, ժամը 17-ի կողմերը տանից դուրս եկա՝ինձ հյուր եկած հարազատիս ճանապարհելու, Ռուսաստանից էր վերադարձել ու ինձ այցելել, հետո էլ պետք է գնայի մոտիկ խանութ, մեկ էլ մի 20 րոպե հետո,տուն վերադառնալիս տեսնեմ տնակիս մոտ մի երիտասարդ՝մոտ 25 տարեկան, կացինը ձեռքին, դրան էլի եմ տեսել էս կողմերում,հետն էլ իր շունը՝շղթայով, ինքն էլ սպիտակ մայկայով.ասի՝ի՞նչ ես անում էստեղ, ասեց՝էկել եմ ծառ կտրեմ.զայրացա, ասի՝ես նույնիսկ մթի,ցրտի տարիներին չեմ ծառ կտրել, ինչքան էլ տեղս նեղ է եղել, դու հիմի էկել ես իմ տարածքի մոտ ծառ կտրելու՞, էն է՝լ պտղատու ծառ, թող գնա էստեղից,,:Ու ինքը գնաց, բայց ես դեռ տուն չմտած՝ասի կարող է՞ դա մտած լինի տուն, սեղանիս վրայի փողը վերցրած, որովհետեւ դուռը չեմ փակում՝մոտիկ տեղ գնալիս, ու կասկածներս ճիշտ դուրս եկան.մտա տեսնեմ ոչ փողս կա՝1000դրամ, ոչ բջջայինս,,:
Տեղի ունեցածի առթիվ ահավոր ծանր զգացողություն ապրած՝Պապիկյանը գնում է հարեւանի տուն ու պատմում տեղի ունեցածը.բարեբախտաբար՝հարեւանի երիտասարդ աղջիկն անմիջապես զանգում է ոստիկանություն, որտեղից էլ մոտ 20 րոպե անց՝ժամանում են ոստիկանության աշխատողներն ու Քնարիկի պատմածով, նկարագրածով,թարմ հետքերով՝գնում հարակից տնակներից մեկում հայտնաբերում են երիտասարդ հանցագործին, որ, ըստ Քնարիկի պատմածի, տեւական ժամանակ է, ինչ բնակվում է իր ընկերոջը պատկանող տնակներից մեկում/ որի տերն էլ այդտեղ չի բնակվում/, ու այն օգտագործում է կասկածելի նպատակներով:Դա դեռ քիչ է՝սույն ,,ղաչաղը,,ժամանակ առ ժամանակ էլ, երբ խելքին փչի, Քնարիկի տնակին շատ մոտ հարեւանությամբ գտնվող միահարկ, քարաշեն կառույցն է ասպատակության ենթարկում/այն կառույցը, որ Վանաձորի քաղաքապետի բանավոր թույլտվությամբ հանձնված է Պապիկյանին, որ եթե ցանկանա՝այն նորոգի, վերակառուցի, ու այնտեղ բնակվի,քանի որ Պապիկյանի 30 տարվա ժանգոտ տնակի համեմատությամբ կարող է առավելություն ունենալ/:Պարզվում է, այս երիտասարդ ..ղաչաղն,, այս տարածքներում իրեն լիակատար տեր է զգում, պտղատու ծառեր կտրում/Պապիկյանը ցույց տվեց հատված ծառերի հետքերը/. Պապիկյանին քաղաքապետի թույլտվությամբ տնօրինության հանձնված քարաշեն կառույցի փականը հանում՝իրեն դուր եկած պիտանի ու անպետք իրերը/լարեր, երկաթեղեն, փայտեղեն/ ջոկջկում, տարածքն աղտոտում՝այն որպես պետքարան էլ օգտագործելով.մի խոսքով՝զգում է այնպես, ինչպես իր անձնական ֆազենդայում.լավ է նապաստակ ու եղնիկ չկա այս տարածքում, թե չէ դրանց որսով էլ կզբաղվեր: Ինչեւէ, դա արդեն այլ թեմա է, իսկ տեղի ունեցած հանցագործության օրը, ոստիկանների ճնշման տակ, հանցագործն ստիպված է լինում խոստովանել, որ գումարն էլ է վերցրել, բջջայինն էլ/թեպետ՝սկզբում հերքել է/:
,,Սկզբում ատկազ եկավ, բայց հետո խոստովանեց, հեռախոսն էլ սկզբում բերեց ուրիշ տվեց, բայց որ ես տեսա, որ դա իմը չի, ու ասեցի՝սա իմ հեռախոսը չի, նոր դրանից հետո բերեց իմ հեռախոսը հանձնեց,,-պատմում է Քնարիկն ու ավելացնում, որ հետո ակտ է կազմվում ոստիկանության կողմից, իրեն ու հանցագործին տարբեր մեքենաներով տանում են ոստիկանություն, ու 3 ժամ քննիչի մոտ ցուցմունք է գրում, որից հետո,ուշ գիշերով, իրեն տուն են տանում, ու հավաստիացնում, որ հաջորդ օրը հեռախոսն ու 1000դրամը կբերեն, բայց՝այսօրվա դրությամբ տարեց,միայնակ կինը մնացել էր դեռեւս առանց հեռախոսի, ու հարազատների հետ որեւէ կապ չէր կարող ունենալ, մտահոգ էր, որ նրանք հիմա անհանգիստ կլինեն իր համար, տեսնելով, որ հեռախոսը անհասանելի է.մանավանդ, չէր էլ հասցրել լիցքավորել:
,,Միլիցիայից ինձ մի ուրիշ հեռախոս տվին, մինչեւ իմը տան, բայց ես էդ հեռախոսով ի՞նչ անեմ,դրանով չեմ կարողանում օգտվել, իմ ամբողջ տեղեկատուն, ծանոթներիս ու բարեկամներիս համարներն իմ հեռախոսի վրա էին, ես էս հեռախոսով ի՞նչ անեմ, եթե գողին արդեն բաց են թողել, իմ հեռախոսն ու գումարն ինչի՞չեն վերադարձնում,,-զարմանում ու նեղվում էր տիկին Քնարիկը:
....Լավ, ու՞ր է հասել մարդկային խիղճը.ո՞նց կարելի է ասպատակության ենթարկել միայնակ թոշակառուի տնակը, այն էլ՝Մեծ պասի օրոք, բա դրանց չեն սովորեցրե՞լ ,,Մի գողանարը,,:
....Հուսանք, որՊապիկյանը շատ չի սպասի իր հեռախոսի ու գումարի վերադարձին:
ԳԱՅԱՆԵ ՀՈՎՍԵՓՅԱՆ, Վանաձոր,ազատ լրագրող, բլոգեր
среда, 27 марта 2019 г.
Եթե ժողովրդի խնդիրներից անտեղյակ են, ինչի՞ են առաջադրվել
Ուրեմն պարզվում է, պատգամավորները տեղյակ էլ չեն, թե ժողովուրդն ինչ հիմնախնդիրներ ունի, ու առաջարկություն հնչեց ամբիոնից, որ 4-ական հոգով ավտոներ նստեն, գնան ժողովրդի դուռը, որ իրենց հուշեն, թե ինչ օրենք կարելի է ստեղծել։Եթե ժողովրդի խնդիրներից անտեղյակ են, ինչի՞ են առաջադրվել ու ընտրվել, թող նրանք հայտնվեին խորհրդարանում, ովքեր լավ տեղեկացված են։Չնայած՝ժողովրդի դուռը պարբերաբար գնալն ու ,,ֆուխարայի հալով,, հետաքրքրվելն իրենց ուղիղ պարտականությունն է։Իսկ եթե ցանկանում են օրենքներ ընդունել, բայց չգիտեն, թե ի՞նչ ընդունեն, ապա սիրով կհուշենք․չնայած՝մի հարյուր անգամ գրել ենք այդ մասին բլոգում էլ, ֆեյսբուքում էլ։
1․Մի օրենք է պետք մշակել, որ եթե մարդը կենսաթոշակային տարիքին մոտ է, եւ ունի աշխատանքային ստաժը հաստատող փաստաթուղթ, գրքույկ,նրան թոշակավորելու համար չպահանջեն էս ու էն լուծարված կամ թեկուզ՝չլուծարված հիմնարկների դռներն ընկնել, որ իրենց տեղեկանք տան, թե ինչքան մուծումներ են կատարվել իրենց համար՝կենսաթոշակային ֆոնդին։
2․Վերանայել ՀՀ-ում մարդկանց թոշակային տարիքի նվազագույն շեմը, որ նախկին 55-ից 1990-ականներին դարձրին 63-ը․անկախության ծանր ու դժվար տարիների ընթացքում մարդիկ հազարումի տառապանքներ են կրել, առողջություն քայքայել, աշխատունակությունից մասամբ ընկել, այդ մարդիկ ինչպե՞ս գոյատեւեն՝մինչեւ 63-ի ,,ձգելը․․առավել եւս՝հիմնարկների լուծարման ու աշխատատեղերի կրճատման պայմաններում։Հետեվաբար, անհրաժեշտ է թոշակի շեմն առնվազն 60-ի հասցնել կամ՝նախկին 55-ին բերել, որ ավագ սերունդն ստիպված չլինի երկրից հեռանալ ռուսաստան, որ գոնե կարողանա մինչեւ 60 տարին լրանալը թոշակավորվի։
3․Մի օրենք էլ պետք է, որ տնակային պայմաններում աշխատած անձանց ստաժը հավասարեցվի վտանգավոր պայմաններում աշխատածների կարգավիճակին․չէ՞ որ մինչեւ 2000թվերի սկիզբը, հատկապես աղետի գոտու հիմնարկներում՝ մարդիկ փայտի ու ածուխի ծուխումուր են կուլ տվել, առողջություն քայքայել, հիվանդություններ ձեռք բերել․․․
4․Մի օրենք էլ պետք է՝ԽՍՀՄ ավանդների վերադարձի մասին օրենքում փոփոխություններ կատարելու, փոխհատուցման ինդեքսավորումը բարձրացնելու եւ բաշխման հստակ ժամկետներ տալու երաշխիքների մասին․եւ նկատի ունենալ, որ այդ ավանդները 30 տարի առաջ են դրվել, ու պետք է փոխհատուցվեն 30 տարվա տոկոսադրույքներով։
5․Մի օրենք էլ պետք է՝պետական հիմնակրների ղեկավարներին պարտադրել, որ իրենց հիմնարկներում առկա թափուր աշխատատեղերի մասին պարտադիր իրազեկեն հանրությանը՝մամուլի եւ հեռուստատեսության միջոցներով, ու դրա հսկողությունը հանձնարարվի սոցապ մարմիններին։
6․Օրենք այն մասին, որ եթե տվյալ համայնքի ղեկավարը, որ ընտրովի մարմին է, ու թերանում է պարտականություններում, կառավարությունն իրավունք ունենա ազատել պաշտոնից, ոչ թե՝մարդիկ հույսները դնեն, թե ավագանին պետք է այդ համայնքապետի հրաժարականը պահանջի․եթե տվյալ համայնքապետին իր ,,դրած,, ավագանին է բերել, նա այդ համայնքապետին անվստահություն կհայտնի՞։,,Պառավն իր թանին թթու կասի՞,,։
7․Մի օրենք՝լրատվական դաշտի մասին, որ լրագրողի թղակցությունն էլ համարվի աշխատանքային ստաժ․չէ՞ որ նրանց անունից հոնորարներ են դուրս գրվել, չի խանգարի, եթե այդ թվում՝համացանցային անկախ գործունեությունն էլ դիտարկվի որպես հասարակական աշխատանք, քաղաքացիական գործունեություն, եւ այդ տարիներն էլ ներառվեն աշխատանքային ստաժի մեջ․բա թե չէ էլ ինչի՞ համար ենք քաղաքացիական հասարակություն կոչվում։
ԳԱՅԱՆԵ ՀՈՎՍԵՓՅԱՆ,Վանաձոր, ազատ լրագրող, բլոգեր
вторник, 26 февраля 2019 г.
Ձմեռային էտն ու ԽԾԲ-ով բաժանվող ,,փետը,,՝ Վանաձորում
Ձմեռային օրերին էլ է Վանաձորում ծառերի էտ արվում.եթե եղանակներն արեւային են լինում:Հերթականը շաբաթ օրն էր՝վարչապետ Փաշինյանի այցի օրը, Տիգրան Մեծ պողոտայում:Բայց թե հետո ինչ նպատակի են ծառայեցվում հատված ճյուղերը՝այդ ոլորտում, չկա հրապարակայանություն:Համենայն դեպս՝տնակային ավանի բնակիչները՝քիմիագործների թաղամասում,մնացին այս տարվա վառելափայտին սպասող.այն դեպքում, երբ քաղաքապետարանում կազմվել էր հատուկ հանձնաժողով՝տնակների բնակիչների խնդիրներն ուսումնասիրելու նպատակով՝դեռ ամռանը:Վերջերս էլ կրկին հաշվառում էին տնակների բնակիչներին....երեւի որ տեսնեն, թե քանիսն են դիմացել՝առանց վառելափայտի բավարար պաշարներ ունենալու, առանց պետական աջակցության.միգուցե այն հույսով, թե ,,չկա մարդ, չկա պրոբլեմ....,,
...,,Որ փողոցում ասես՝ծառեր են կտրում, յարաբ ի՞նչ են անում....ու՞մ են բաժանում,,-ասում են տնակային ավանի բնակիչները:Ամենայն հավանականությամբ, այս ոլորտում էլ ԽԾԲ կա....
ԳԱՅԱՆԵ ՀՈՎՍԵՓՅԱՆ
...,,Որ փողոցում ասես՝ծառեր են կտրում, յարաբ ի՞նչ են անում....ու՞մ են բաժանում,,-ասում են տնակային ավանի բնակիչները:Ամենայն հավանականությամբ, այս ոլորտում էլ ԽԾԲ կա....
ԳԱՅԱՆԵ ՀՈՎՍԵՓՅԱՆ
среда, 16 января 2019 г.
Մարդ կա՝ավանդների վերադարձին է սպասում, մարդ կա՝վաուչերների 70 տոկոսին, մարդ էլ կա՝ անցումային արդարադատությանը
Մի լոռեցի կին, որ տարիներ առաջ այլ բնակավայրից է տեղափոխվել Վանաձոր, ու ոչ միայն տուն չունի, այլեւ անգամ՝տնակ-կացարան,ու բնակվում է ընկերուհիների տանը, պարբերաբար զայրացած ասում է․,,Նիկոլն ինչի՞ չի իմ ավանդը տալիս, ես ինչո՞վ ապրեմ, ոչ աշխատանք ունեմ, ոչ թոշակառու եմ, ոչ նպաստ եմ ստանում,,։Մատնանշում եմ համապատասխան կառույցներ, ում պետք է դիմի՝առնվազն կացարան ստանալու խնդրով, ասում է․,,Ի՜․․․․ում ասես դիմել եմ, ուր ասես՝գնացել եմ, սաղ գիտեն ինձ, դու թազա բան ասա, Նիկոլը ե՞րբ պետք ա իմ ավանդը տա․․․,,։Ու ես այս հարցում պատասխան չունեմ անգամ այն բանից հետո, երբ արդեն քանի տարի է, այդ հարցը բարձրացնում եմ համացանցում․․․սկսած՝2011թվից․բայց՝ձայն բարբառո․․․․Ոչ հանձնաժողով է ստեղծվում, որ պարզեն, թե ով է ստացել, ով է մնացել, ով է ապօրինի ստացել, ում մեղքով են հազարավորները դուրս մնացել ցուցակներից․․․․Բայց՝այս հարցում օրերս մի ,,առաջընթաց,, նկատեցի․ի թիվս ժողովրդի համար կարեւորություն ներկայացնող խնդիրների, վարչապետ Փաշինյանը նշեց ,,թոշակների բարձրացում եւ այլ, եւ այլն․․․․,,։Միգուցե այդ ,,եւայլնների,, մեջ ավանդների վերադարձն է՞լ լինի ներառված։Իսկ ավագ սերնդի մի վանաձորցի մտահոգված է ոչ թե ավանդների, այլ՝քաղաքացիների հանդեպ պետության 70 տոկոս պարտքի մասին՝կապված 1990-ականններին սեփականաշնորհման գործընթացի, ժողովրդին այդ գործընթացից մասնաբաժին հանելու հետ։Իմ զրուցակիցը պնդում է, որ ինքն անձամբ է լսել, որ 1997թվին ՀՀ առաջին նախագահ Լեւոն տեր-Պետրոսյանն ասել է, որ քաղաքացիներին վաուչերներ հանձնելով՝պետությունը դրանով կատարում է իր պարտքի 30 տոկոսը, մնացած 70 տոկոսը հետագայում կհանձնվի։,,Բա ու՞ր է մեր 70 տոկոսները, կերել են, չկա, Հանրապետականը կերել է,այդ հարցին է պետք անդրադառնալ,,-պնդում է իմ զրուցակիցը։Փորձեցինք որոնողական համակարգով գտնել 1997թվին Լեւոն տեր-Պետրոսյանի ելույթը, բայց՝այն չգտնվեց։Բայց մենք էլ հիշում ենք, որ 90-ականներին իրոք մարդկանց արժեթղթեր հանձնեցին/յուրաքանչյուրին՝մեկ հատ/, ու դրանք վալյուտային արժեք էին համարվում, բայց՝դարձան սպեկուկյացիայի աղբյուր․շուկայական նվազագույն արժեքը 1500դրամ էլ էր իջել, քանի որ երկրում աղքատությունը մեծ էր, մարդիկ ստիպված չնչին գներով վաճառում էին դրանք,հետո միանգամից հասավ 20հազար դրամի,ով հնար չուներ՝ծախում էր, ով միջոց ուներ, դիրք ուներ պաշտոն էր զբաղեցնում՝առնում -կուտակում էր ու այդ ստվերային բիզնեսի շնորհիվ շատերի բառացիորեն ,,հերկուլեսներ,, դարձան՝մեծ քանակի արժեթղթերով ձեռք բերելով գործարանններ, արտադրական ենթակառուցվածքներ․․․․իսկ ժողովուրդն անգամ մոռացավ, որ պետությունն իր հանդեպ 70 տոկոսի պարտավորություն ունի․չհաշված՝ԽՍՀՄ ավանդների վերադարձի պարտավորությունը։Տեր-Պետրոսյանի խոստումը չիրականացավ, որովհետեւ այդ ելույթից մեկ տարի անց/եթե ելույթը եղել է 1997թվին/նա հարկադրաբար հրաժարական տվեց՝,,հայտնի ուժերի ճնշման տակ,,․ իսկ 1999թվի հոկտեմբերի 27-ի ոճրագործությունից հետո, երբ ,,Միասնություն,, դաշինքը գլխատվեց, եւ իշխանությունն անցավ Հանրապետականների ու դաշնակցականների ձեռքը, արդեն ոչ միայն նախորդների խոստումը մոռացվեց, այլեւ՝տեր-Պետրոսյանի կառավարության օրոք սահմանված ժողովրդանպաստ օրենքներն արհամարհվեցին․օրինակ՝1995թվի կառավարության այն որոշումը, որով արգելվում էր երկրի ռազմավարական կառույցները վաճառքի հանել, բայց՝2000թվից հետո մենք տեսանք, թե ինչպես վաճառքի հանվեց հեռախոսակապը,ՀԷՑ-ը, իսկ 2016թվին՝ջուրը/ոչ միայն լավ հիշում եմ, այլեւ՝անձնական արխիվներիս մեջ պահպանվում է այդ տարիներին Վանաձորի երկաթուղայինների ակումբում ՀՅԴ անդամ պատգամավորների հանդիպման ժամանակ լուսահոգի Վահան հովհաննիսյանի այն կարծիքը՝Արմենթելի վաճառքի մասին,, որ ,,հանցագործ եւ դաժան մարդ է եղել նա, ով վաճառել է այն,,/։Առհասարակ ռազմավարական կառույցների վաճառքն ամենաիսկական դավաճանություն է՝երկրի անկախության հանդեպ։
․․․Մարդ կա՝ավանդների վերադարձին է սպասում, մարդ կա՝վաուչերների խոստացված 70 տոկոսին, մարդ էլ կա՝անցումային արդարադատությանը․թավշե հեղափոխության ժամանակ խոստացված։
ԳԱՅԱՆԵ ՀՈՎՍԵՓՅԱՆ
среда, 9 января 2019 г.
Հեղափոխությանն աջակցել ենք, որ ՀՀԿ-ի զոռբաները շարունակեն մեզ դուխով ճնշե՞լ
Վանաձորի քաղաքային ոչ լեգիտիմ ու ,,Հանրապետական,, իշխանությանն անգործության մեջ մեղադրող ֆեյսբուքյան այսօրվա հրապարակմանս/,,էշը կերել են, պոչում խռովել,, վերնագրով/հոդվածից 2 ժամ էլ չէր անցել, երբ մեր բնակարան այցելեց համատիրության տեսուչն ու մատյանը ձեռքին ներկայանալով որպես ,,նոր աշխատող,, հետաքրքրվեց, թե ինչու՞ չենք մինչեւ հիմա/թերեւս՝մի 10 տարի/, համատիրության ,,սպասարկման վարձ,, մուծում:Ակամա հիշեցի ,,Վիտամինի,, Վաչոյին՝,,Ահա՜.....,,....էնա մենակ ,,սպասարկման վարձն,, էր պակասում մեզ՝,,լիակատար երջանկության,, համար...էդ ո՞նց է լինում, որ հենց քաղաքային իշխանության կամ նրա հովանավորյալների ,,պոչին կպչում,, ենք՝նոր են հիշում այդ ,,կույր աղիք,, վարձի մասին: Ո՞ր կարգի ,,սպասարկման ,, համար պետք է քաղաքացին վարձ մուծի, եթե բնակարանը սեփականաշնորհված է, իսկ նրա տան մեջ էլ սպասարկում չի արվում/չի էլ կարող արվել՝եթե բնակիչը պահանջ չդնի/:Մի խոսքով, ստիպված էի հիշեցնել, որ այդ վարձը ամբողջ հանրապետության մասշտաբով բողոքարկման փուլում է, եւ ես էլ, մյուս բողոքավորների նման, չեմ էլ պատրաստվում որեւէ մուծում անել այդ ,,ծառայությանը,,.առավել եւս՝հեղափոխությունից հետո.../,,հեղափոխություն,, բառի վրա տեսուչ կինը ներողամտորեն ժպտաց ու խոստացավ էլի այցելել..../,,ահա՜....,,-ասած ,,Վիտամինի Վաչեին/:Իբր մյուս վարձերի տալից շատ ենք կարողանում դուրս գալ, մնաց՝ողջ ազգաբնակչության վզին նստած էդ ,,կույր աղիք,, վարձը, որ փորձում են անգամ՝դատական սպառնալիքով կորզել:Տվեք, գնացեք դատի տվեք/այդպես էլ փոխանցել եմ/, մեկ է՝արդեն դատարանում ինձ պաշտպանելու փորձ ունեմ. որտեղ ջրի ապօրինի բարձրացված վարձը, այնտեղ էլ՝համատիորթյան չհիմնավորված վարձը, հետո էլ միգուցե՝ աղբը/ոչ լեգիտիմ քաղաքապետի կողմից վրան ոչ լեգիտիմ տոկոս դրած/, էներգիան՝թանկացած...Ինչ լավ է չէ, քաղաքապետին ես կչում՝համատիրության վարձն են հիշում, ՀԷՑ-ի տնօրինությանն ես քննադատում, որ 30 տարվա բնակիչներին մարդկանց է բնակարաններն ազատել՝առանց փոխհատուցման, ապօրինաբար, այդ ժամանակ էլ էլցանցի տեսուչներն են տարեմուտի շեմին վերջին գրոշներդ ,,տանում,,....էս է՞ր հեղափոխությունը, սրա համար էի՞նք պայքարում ու քայլ անում, որ 20 տարի շարունակ ՀՀԿ-ի տեղական մաֆիոզների կողմից հալածվելուց , աշխատանքից ու ապրուստի միջոցից զրկվելուց հետո հիմա էլ շարունակենք ճնշվենք...բա հեղափոխության առաջնորդները հարթակից ասում էին՝վարձ մեք մուծի....բա տեր եղեք էդ ոչ լեգիտիմ վարձեր մուծելուց հրաժարվողներին, տեր եղեք մարդկանց իրավունքներին,գոնե մարդկանց ավանդները վերադարձրեք, որ կարողանան բազում վարձերի տակից դուրս գալ, ինչ է, եկամտազրկված մարդիկ պարտավոր են վարձ մուծել, որ ապրելու իրավուն ք ստանա՞ն...Ահա ձեզ հեղափոխություն, հպարտ քաղաքացի....ՀՀԿ-ի օրոք տարիներով հալածված մարդիկ հիմա էլ Նոր Հայաստանում ե՞ն հալածվելու....միգուցե էն աշխարհում է՞լ են պատրաստվում հետապնդել....
Իսկ Վանաձորի Հանրապետական քաղաքապետի ,,դուխը,, հազար է խփում հեղափոխությունից առաջ էլ, հետո էլ...ջհանդամ, թե սահմանադրական դատարանը ոչ լեգիտիմ է ճանաչել նրա ավագանու գործունեությունը...,,զատո,, ՀՀ նոր իշխանությունները ,,պրիզնատ,, են եկել երեւի թե.... Ու դրա համար՝որ քաղաքում կամ գյուղում, որ կոլեկտիվում ասես պահանջում են իրենց համայնքապետերի, ղեկավարների հրաժարականները, իսկ Վանաձորում ,,արշալույսները,,խաղաղ են, եւ միայն՝հատուկենտ հպարտ քաղաքացիներ են ,,բզբզում,, ու վերջինիս ոչ լեգիտիմության կամ անգործունեության մասին հիշեցնում ,,վերեւներին,,:
ԳԱՅԱՆԵ ՀՈՎՍԵՓՅԱՆ,ք.Վանաձոր, ազատ լրագրող, բլոգեր, ՀՀԿ-ի զոռբաներից տուժած
...
Подписаться на:
Сообщения (Atom)