Մարդ եղեք

Ստորեւ ներկայացվում է Վանաձորի քիմիագործների թաղամասի տնակային ավանի 30 տարվա բնակիչ Քնարիկ Պապիկյանի նախատոնական նամակը՝ոչ նախատոնական տրամադրվածությամբ.այն ավելի շուտ սոցիալական բնույթի  հոգու պոռթկում է...

---------------------------------------------------------------------------------------------------------------------

                                   Մարդ եղեք

Իրոք զարմանում եմ, որ հայաստանյան հեռուստատեսությամբ  պարբերաբար հայտարարում են, որ համատարած բարեգործություններ են անում բոլոր կարիքավորներին՝չքավոր ընտանիքներին, միայնակ ծերերին եւ այլն:Բայց ես ապշած եւ զարմացած եմ, որ եթե այդքան օգնություններ են հատկացվում վերոհիշյալ մարդկանց, ինչու՞ գոնե մի անգամ չգտնվեց մի բարերար,որ այցելեր Վանաձորի քիմկոմբինատի տնակային ավանում ապրող բնակիչներին եւ տեսներ նրանց ապրելակերպը, ցավն ու դարդը:Չնայած մեկ-երկու ամիս առաջ եկավ մի երիտասարդ՝Գեւորգ անունով,բնակիչները շրջապատեցին այդ ,,բարերարին,,եւ պատմեցին իրենց պայմանների մասին, սակայն այդ տղան գնաց եւ առ այսօր հետքն անգամ չկա;

Ես, Քնարիկ Երվանդի Պապիկյանս, 30 տարի է,բնակվում եմ նույն տնակային ավանում, 9 մետրանոց երկաթե կլոր տնակում, ,,ցիստեռն,, տիպի:Չորս բոլորը սեփական կառույցներ են, 12 տարի առաջ կառուցված, տերերից մի քանիսն այդպես թողել-գնացել են արտերկիր, ոմանք մահացել են, մի քանի կառույցների վրա գրված է ,,վաճառվում է,,:ես մնացել եմ կղզիացած:Չունեմ ոչ կոյուղու, ոչ ջրային համակարգ/մի քանի տարի առաջ դրանցից զրկվեցի, երբ ներքեւի մի տարածք վաճառվեց/:7 տարի է, ջուրը բերում եմ 100մետր հեռավորությունից:Երկրաշարժից առաջ բնակվում էի Բանյո փողոցում:Ունեի լավ բնակարան, բայց աղետը քանդեց իմ շենքը/մեր շենքից 8 զոհ եղավ/:Ցավը նրանում է, որ առ այսօր ես ոչ մի օգնություն չստացա, նույնիսկ քանդված բնակարանիս ավանդը սառեցրին եւ չտվեցին:Ավարտել եմ Վոլգոգրադի տեխնիկումը եւ Մոսկվայի ինստիտուտը. աշխատել եմ քիմմանրաթելերի գործարանում՝ինժեներ:Երկրաշարժից հետո գործարանը փակվեց:Մնացի միայն  թոշակի հույսին:Անցած տարվա դեկտեմբերին իմ եւ մի քանի բնակիչների անունից օգնություն խնդրեցի Սեպուհ Չուլջյանից, որ գոնե վառելափայտ ունենանք կամ՝մարդասիրական օգնության որեւէ տեսակից օգտվենք, որ գոնե Նոր տարին սեղանը դատարկ չլինի, բայց արձագանք չեղավ:Հետո էլ ասում են՝,,Օգնիր, ձեռք մեկնիր  եղբորդ,,.բայց մեզ ոչ մի օգնություն չեղավ, չնայած՝շատ տեղեր գրվեց մեր անունից՝կոմպյուտերով եւ նամակով:Այսքանից հետո եկա այն եզրակացության, որ այդ բոլոր բարերարներն օգնում են միայն այն մարդկանց, ում ուզում են, ում հարմար են գտնում;

ՁԵԶ ԲԱՐԻ ՆՈՐ ՏԱՐԻ

/Պապիկյանի ստորագրությունն է նամակում/

-------------------------------------------------------------------------------------------------------------

Հ.Գ.,,բարերար,, Գեւորգը, ում մասին Պապիկյանը նշում է, Վանաձորի քաղաքապետարանի փաստահավաք խմբի աշխատանքները համակարգող երիտասարդ ակտիվիստ Գեւորգ Քոթանջյանն է, որ ամիսներ առաջ այցելել է թաղամաս, գրանցել բնակիչների խնդիրներն ու գնացել:Բայց՝մոտ 5 ընտանիք/Պապիկյանի հավաստմամբ/, այդպես էլ չեն ստացել Վանաձորի քաղաքապետարանի կողմից տնակների բնակիչներին տրվելիք վառելափայտը, եւ երեկվա դրությամբ՝Պապիկյանը ծանոթներից մեկի նվիրաբերած մի քանի հին ,,դեսպեների,, հույսին էր/ընդ որում՝ինքն էր հասել մի քանի կանգառ ներքեւ ու սայլաքարշակով բերել՝մեջքի ցավ ստանալով/, որ ջարդելու մտահոգություն ուներ եւ նաեւ մտահոգված էր, թե որքան կձգեն այդ ,,դեսպեները,,/:Եվ սա այն դեպքում, երբ տարեց թոշակառուի խնդիրը ոչ միայն քանիցս բարձրաձայնել ենք համացանցում, այլեւ՝անձամբ ենք գնացել քաղաքապետարան, եւ հավաստիացում ստացել Աշոտ Կարապետյանից, որ առաջիկայում անպայման կհատկացվի վառելափայտը:Բայց՝հետո տնակային ավանի բնակիչների ցուցակները Կարապետյանից վերցրել եւ հանձնել են մեկ այլ պաշտոնյայի, որին էլ 2 անգամ մեկ ուրիշ անձի կողմից է խնդրանք-հիշեցում արվել/մինչ այդ էլ՝անգամ՝Պապիկյանն ինքն է հասել քաղաքապետարան եւ պարզել, որ ցուցակն արդեմն Կարապետյանի մոտ չէ, եւ իրավասությունն էլ նրա ձեռքին չէ/:Այսքանից հետո ինչպե՞ս չասենք, որ բռնադատվածներն այսօր էլ են բռնադատված:Թերեւս, քաղաքապետարանին թվում է, թե մեկ տարի առաջ տված վառելափայտը դեռ ,,պարտավոր,, էր դիմանալ այնպես, ինչպես տնակային ավանների բնակիչներն են դիմանում այդ անմարդկային պայմաններում՝30 տարի:Միգուցե  Վանաձորի ՀՀԿ-ական իշխանությունները,,պատժու՞մ,, են Պապիկյանին, որ տարիներ առաջ եղել է երբեմնի ընդդիմադիր ,,ժառանգության,, ակտիվիստ-անդամ, 2008-ին էլ՝ՀԱԿ-ին է ձայն տվել, ինչի մասին վկայում են մամուլի արխիվները.իսկ այս խորհրդարանական ընտրություններին նախընտրեց ձայն տալ ,,Լուսավոր Հայաստանին,, եւ անգամ՝նախապես անթաքույց հայտարարեց այդ մասին:

ԳԱՅԱՆԵ ՀՈՎՍԵՓՅԱՆ

14 դեկտեմբերի, Վանաձոր, նախատոնական եռուզեռ եւ աճապարանքներ՝,,Լաչինի միջանցք,, կոչվող բացօթյա առեւտրի վայրում, հրոց-հրմշտոց․․․մի խումբ մարդիկ հավաքվել էին վերին հատվածներից մի փոքր ներքեւ, որտեղ ամենախոցելի հատվածն է՝տարածքի անբարեկարգության պատճառով։Փողոցի լայնքով մի փոքր աջ քաշած պառկեցրել էին/թե ինքն էր գետնատարած հայտնվել ինչ-ինչ պատճառներով/ մի տղամարդու՝միջինից բարձր տարիքի, իսկ մտահոգներից մեկն էլ հարցրեց՝,,կարող է՞ շաքար ունեք,,։Չի բացառվում, որ տարածքի անբարեկարգության պատճառով  քաղաքացին սայթաքել-ընկել էր/մի բան, որ հաճախ է լինում այստեղ ոչ միայն ձմռանը, այլեւ՝ամռանը․․․եթե ամռանն են ընկնում, բա ձմռանը,երբ մարդիկ իրենց քաշից 2 անգամ ծանր հագուստներով են, ի՞նչ կլինի վիճակը․մանավանդ, որ երկկողմանի առեւտրի բացօթյա կետերն արդեն այնքան են առաջ եկել, որ 2 գեր կամ ձմեռային հագուկապով անցորդ իրար կողքի հաստատ չեն կարող անցնել, ու սայթաքումներն անպակաս են։Նախորդ սայթաքումը, որին ականատես եղանք, այս նույն հատվածում, ամռանն էր, երբ վայր ընկած մի գեր կնոջ 2 տղամարդ թեւերն ընկած՝մի կերպ բարձրացրին/։

․․․Իսկ այսօրվա դեպքի առնչությամբ շտապօգնությունը, իր ,,ճանապարհ, ճանապարհ,, գոռացող աշխատակիցներով, շատ արագ տեղ հասավ․բայց՝թե որտեղ էր կանգնեցրել մեքենան՝անհայտ մնաց։Հարկ է նկատել, որ ուշաթափության դեպքեր էլ են հաճախ լինում, ինչը կարելի է բացատրել սթրեսների եւ հիվանդությունների, լարված հոգեվիճակների պատճառով։Ու դրա համար՝ողջ օրվա ընթացքում շտապօգնության մեքենան անընդհատ ,,վզզալով,, սուրում է քաղաքում։

ԳԱՅԱՆԵ ՀՈՎՍԵՓՅԱՆ

Քաղաքապետարանն առաջնորդվում է ,,չկա մարդ, չկա պրոբլեմ,, կարգախոսո՞վ

Ցավով տեղեկացանք, որ երեկ, այցելելով Վանաձորի քաղաքապետարան,քիմիագործների տնակային ավանի 30 տարվա բնակչուհի, միայնակ, անժառանգ թոշակառու , նախկին երկարամյա քիմմանրաթելագործ-ինժեներ,1937թվի բռնադատվածի ժառանգ Քնարիկ Պապիկյանը պարզել է, որ տնակների բնակիչներին վառելափայտ տրամադրելու հարցն ու մասնավորապես՝շահառուների ցուցակները, հիմա էլ Աշոտ Կարապետյանից փոխանցվել են քաղաքապետարանի աշխատակից Վլասին/ազգանունը ճշտել չհաջողվեց/։Ընդ որում, դեռ մեկ տարի առաջ էին այդ գործառույթները գտնվում Վլասի ձեռքում/եւ  Պապիկյանը մեծապես երախտապարտ է, որ այդ պաշտոնյան անցած տարի մեծ աջակցություն ցուցաբերեց՝անձամբ վառելափայտը իր տնակ հասցնելով/։Այս տարի,կարգը փոխվելուց հետո/երբ սկսեց վառելափայտ տրամադրվել շահառուներին՝ դիմումների համաձայն/, ցուցակները հանձնվել են Աշոտ Կարապետյանին/ում մոտ մեկ ամիս առաջ անձամբ ենք համոզվել, որ Պապիկյանի անունը կա ցուցակում, եւ դիմում գրելու անհրաժեշտություն չկա․այդ մասին գրել ենք այս թեմայով նախորդ հրապարակման մեջ/։Թե որն է եղել Կարապետյանից ցուցակը վերցնելու եւ կրկին Վլասին հանձնելու իմաստը՝դժվար է ասել․ամեն դեպքում, պարոն Կարապետյանը երեկ Պապիկյանին/ով արդեն 2 ամիս է՝իր տարածքին հարակից մի քանի ընտանիքների հետ մնացել է վառելափայտի նամակին սպասող/ հայտնել է, որ ինքը ցուցակը հանձնել է Վլասին, որին էլ,ցավոք, այդ օրը չի կարողացել հանդիպել Պապիկյանը եւ ճշտել, թե ՞նչ ընթացքի մեջ է վառելափայտի հարցը։,,Հեռախոսի համարն էլ չեմ գտնում,,-մեր հետ զրույցում ցավով նկատեց Պապիկյանը։Հիշեցնենք, որ տնակների բնակիչների խնդիրներով այս տարվանից սկսել էր զբաղվել փաստահավաք խումբ՝քաղաքապետարանին կից/հայտնի չէ՝հասարակական հիմունքներո՞վ, թե՞՝համայնքի միջոցների հաշվին վարձատրմամբ։Փաստ է այն, որ տնակների բնակիչների խնդիրներով զբաղվում են մի քանի աշխատողներ եւ անգամ՝մի ամբողջ հանձնաժողով/որի աշխատանքները համակարգող երիտասարդ ակտիվիստ Գեւորգ Քոթանջյանը դեռ ամիսներ առաջ էր այցելել տնակային ավաններ եւ գրանցել խնդիրները/, բայց՝ձմեռ օրով բնակիչներից մի քանիսը/այդ թվում՝խոցելի խմբի պատկանող Պապիկյանը/, դեկտեմբերի 11-ի դրությամբ մնացել են վառելափայտի նամակին սպասող։Պատկերն ավելի ողբերգական է, եթե հաշվի առնենք, որ այս թաղամասի բնակիչները նաեւ 7 տարի է՝ստիպված են ամեն օր ջուր կրել՝ամեն մեկը մի հեռավոր տեղից/Պապիկյանն, օրինակ, մոտակա ավտոլվացման կետից է օգտվում, որի համար էլ մեծապես շնորհակալ է այդ կետի աշխատողների բարեհաճ վերաբերմունքից/․պատճառն այն է, որ 7 տարի առաջ, նախկին քաղաքապետի օրոք ներքեւի տարածքն օտարվել է, եւ այդտեղ տեղի ունեցած շինարարության արդյունքում վերին թաղամասի բնակիչները զրկվել են թե ջրամատակարարման, թե կոյուղու համակարգից/կատարյալ ,,անտիսանիտարիա,,/։Իսկ այսօր, վերջնականպես հուսահատվելով, թե իրեն վերջապես խոստացված փայտը կհասնի, Պապիկյանը հուսահատ՝ օգնական ուժեր էր փնտրում, որպեսզի կարողանա սայլակով տեղափոխել մի քանի կանգառ ներքեւ ապրող ծանոթներից մեկի խոստացված ,,դեսպե,, տեսակի նյութը՝որպես վառելափայտ։Հիմա ինչպե՞ս չասենք, որ բռնադատվածներն այսօր էլ են շարունակում բռնադատված մնալ․այն էլ՝1988թվի երկրաշարժից 30 տարի անց։Ու՞ր է կորել պաշտոնյաների խիղճը/եթե եղել է այն/։

,,Գոնե ավանդս չեն հատկացնում․ երկրաշարժից հետո տունս փլվել է, բայց ես դեռ փախհատուցման գումարս չեմ ստացել,,-հերթական անգամ գանգատվում է Պապիկյանը՝մեր հետ զրույցում։Վերջին անգամ այդ առթիվ նամակ է ուղարկել ՕԵԿ-ին՝ավելի քան 10 տարի առաջ։․․․Ցավով գալիս ենք եզրակացության, որ քաղաքապետարանում, ամենայն հավանականությամբ, առաջնորդվում են այն հին, ստալինյան կարգախոսով, թե ,,չկա մարդ, չկա պրոբլեմ,,։Սպասում են օդերեութաբանների կողմից խոստացված առատ ձյանը, որ նո՞ր էտեն ծառերի ճյուղերը/քաղաքապետարան մեկ ամիս առաջ մեր այցի ժամանակ պարոն Կարապետյանը պատճառաբանեց, որ ըստ հերթականության է կատարվում վառելիքի տրամադրումը, ըստ կարգերի եւ ըստ՝տերիտորիայի, եւ Սպանդարյան փողոցին ու այդ տարածքի ծառերն էտելուն  դեռ հերթը չի հասել․․․․Սա առնվազն ծաղր է, ու սրանից կոռուպցիայի հոտ է փչում․․․․մի քանիսին տվել են, մի քանիսին չե՞ն տվել․․․․ակնկալում ենք Լոռու մարզային իշխանությունների, Վանաձորի համայնքի ավագանու, տարածքային կառավարման նախարարության,Վանաձորից ընտրված պատգամավորների  ուշադրությունը՝սույն խնդրի հանդեպ․ո՞վ է տնակների բնակիչներին վառելափայտ տրամադրելու հարցի պատասխանատուն։Սա այն կարեւոր հարցն է, որ չի կարելի թողնել միայն համայնքային ենթակայության տակ, ու անհրաժեշտ է վերահսկողություն թե մարզպետարանի, թե տարածքային նախարարությանբ կողմից։Ահա թե ինչ է լինում, երբ համայնքի կառավարումը՝ մեկ առանձին վերցրած քաղաքում, շարունակում է գտնվել Հանրապետականի ձեռքում՝շուրջ 20 տարի, 1999թվից սկսած։Հույսները դրել են տարեց, միայնակ թոշակառուի վատառողջության եւ տարիքի վրա՞, սպասելով, թե երբ է ցրտից ու անբարենպաստ պայմաններում ապրելուց շունչը փչելու։Ի դեպ, ցանկացած կենցաղային տարրական հարց կամ՝քաղաքապետարանում չի լուծվում ամիսներ շարունակ, կամ՝լուծվում է կռիվ-ղալմաղալների արդյունքում․այնպես, ինչպես լուծվեց Բանյո փողոցի վթարային շենքի մի բնակչուհու առաստաղի հարցը, երբ վերջինս իր խնդրի մասին ամիսներ շարունակ քաղաքապետարանին իրազեկելուց եւ հարցի լուծում չստանալուց հետո ստիպված եղավ բնակարանի աղետալի վիճակը կանխելու նպատակով եւ առաստաղից կաթացող ջուրը դույլերով հավաքելուց ու բջջայինով նկարելուց-համացանց գցելուց հետո մի հատ էլ այցելել ավագանու նիստ, եւ բոլոր մասնակիցների ուշադրությունը հրավիրել խնդրի վրա՝աղմուկ բարձրացնելով։

․․․Ցանկալի կլիներ, եթե տեղեկան հեռուստաալիքներից որեւէ մեկը նկարահաներ ու լուսաբաներ  Սպանդարյան 2-5-7 տնակի 30 տարվա բնակչի /ինչպես նաեւ՝հարակից այլ տնակների բնակիչների/կյանքը՝Ռոբինզոն Կռուզոյի կարգավիճակով․եւ սա՝21-րդ դարում, երկրաշարժից 30 տարի անց։Այս տարածք այցելող քաղաքացին տպավորություն է ստանում, թե կյանքը կանգ է առել 1988թվի դեկտեմբերի 7-ի վրա։

Մի՞թե Պապիկյանն իրավունք չունի գոնե կյանքի մնացած հատվածն ապրել Լուսավոր Հայաստանում․միգուցե՝,,Լուսավոր Հայաստա՞նն,, աջակցի այդ հարցում, ում Պապիկյանը ձայն է տվել՝մեծագույն հավատով եւ ընտրություններից առաջ էլ հավաստիացրել նախապես, ասելով․,,Ուզում է փայտս տան, ուզում է՝չտան, ես ,,Լուսավորին,, եմ ընտրելու,,։

ԳԱՅԱՆԵ ՀՈՎՍԵՓՅԱՆ

Ինչքան ուզում եք ,,Վելոլիային,, տուգանեք, դա հարցի լուծում չէ․նա շարունակում է գռփել քաղաքացիներին՝ապօրինի հաստատված բարձր սակագնով

Օգտվելով երկրում ներքաղաքական խառնակ իրավիճակից, ,,Վեոլիան,, որոշել է ապօրինի ջրօգտագործող օլիգարխների՝պետությանը պատճառած վնասը փոխհատուցել շարքային քաղաքացիների հաշվին, ու կրկին գործի է դրել շարքային բաժանորդների նկատմամբ իր ,,սարքած,, ,,պարտքերով,, դատի տալու մեխանիզմը։Ով չալարեց՝թող գլուխ դնի ու դատարանում ապացուցի, որ ,,ուղտ չի,,․․․․ով չէ՝թող գլուխը կախ մուծի՝ապօրինի գումարը․․․․

․․․․Պարոնայք կառավարողներ, դուք ինչքան ուզում է ՏՄՊՊհ-ի միջոցով տուգանեք ,,Վեոլիային,/շուկայում մոնոպոլ դիրք գրավելու  կամ այլ մոտիվներով/,միեւնույն է, դրանով ամենագլխավոր խնդիրը չի լուծվում/բա ի՞նչ եղավ ,,Վեոլիայի․․ նկատմամբ քրեական գործը․․․որ իբր թե հարուցվել էր՝ապօրինի սակագին հաստատելու համար մի շարք պաշտոնատարներին ,,կաշառելու,, մեղադրանքով․․․․ջրվեց-գնա՞ց․․․․/։Իսկ այսօր ,,Վեոլիան,, ոգեւորված՝շարունակում է բաժանորդների վզին ապօրինի սակագին փաթաթել ու այդ ապօրինի սակագնով պարտք գոյացնել ու դատարան քարշ տալ․հերթական բողոքն այս առթիվ երեկ էր՝մի վանաձորցուց, որ, չնայած արդեն ջրաչափ է տեղադրել, ու մուծումները կատարում է ջրաչափով,բայց՝,,Վեոլիան,, մինչ այդ եղած ,,պարտքը,,՝2016թ․նոյեմբերից ապօրինի սակագնով հաստատած/5400դրամ կայուն վարձ՝նախկին անձաքանակ 1100դրամի փոխարեն/, պահանջում է քաղաքացուց՝դատարանով․եւ սա՝խորհրդարանական ընտրությունների շեմին, Նոր տարվա շեմին․․․․

․․․Պարոնայք կառավարողներ, ինչքա՞ն կարելի է բղավել, որ եթե մենք Նոր հայաստան ենք կառուցում, պետք է չեղարկվի 2016թ․նոյեմբերին ՀԾԿՀ նախկին նախագահ Ռոբերտ Նազարյանի ձեռամբ հաստատված ապօրինի սակագինը, դրանով ,,Վեոլիան,, արդեն 2 տարի է, կեղեքում է բնակիչներին ու պարտադրում որ ,,վիզ վերցնեն,, նրա ,,սարքած,, ապօրինի սակագնով գոյացող ահռելի պարտքերը, ու եթե անջրաչափ են՝նախ ,,ղազագիր,, ստորագրեն ու ,,վիզ վերցնեն,, այդ ,,պարտքը,, հետո նոր՝ջրաչափ տեղադրեն։Սա ՀՀ քաղաքացու նկատմամբ ամենաիսկական գաղութային շահագործում է, ինքա՞ն կարելի է՝ չլսելու տալ այդ առթիվ բողոքները, եւ մարդկանց մխիթարել, որ տեսեք՝,,Վեոլիան,, էլի էր ուզում ջուրը թանկացնել, բայց մենք չհաստատեցինք․․․․Սա ոչ այլ ինչ է, եթե ոչ՝ինքնախաբեություն, թե ,,Վեոլիային,, պատժում են․նրան տուգանում են, բայց ջրի ապօրինի սակագինը չեն չեղարկում, այ թե որն է ցավը։Եթե հնարավոր եղավ ԲԷՑ-ի պայմանագիրը՝նախորդ կառավարության կողմից կնքված, չեղարկել, ինչու՞ չի չեղարկվում ,,Վեոլիայի,, առուվաճառքի պայմանագարն էլ, այդ գործարքին անմիջապես հաջորդած ջրի վարձի ահռելի բարձրացումն էլ։

․․․․Հիշեցնեմ, որ արդեն 2 տարի է, ահազանգում եմ այս մասին, ուր ասես, ում ասես՝ուղղել եմ բաց նամակս էլ, էլեկտրոնային փոստով ուղարկած նամակս էլ,որին ի պատասխան՝նախորդ կառավարության օրոք ,Վեոլիան,, ինքը նախահարձակ եղավ ու իմ դեմ դատական հայց ներկայացրեց՝այդ ապօրինի սակագնով, սակայն համապատասխան իրավական հիմնավորումներ ներկայացնելուս արդյունքում դատարանը մերժեց ,,Վեոլիայի,, հայցն՝ինձնից գումար բռնագանձելու վերաբերյալ։Բայց, դա չի խանգարում, որ ,,Վեոլիան,, շարունակի իմ նկատմամբ արհեստական պարտք գոյացնել ու գոյացնել/այնպես, ինչպես անջրաչափ այլ բաժանորդների նկատմամբ/, եւ այն հասցնել երկինք․ապօրինի ջրօգտագործող օլիգարխներին պատժելու փոխարեն շարքային քաղաքացիներին ե՞ն կեղեքում․․․․Ո՞ր տրամաբանությամբ է խողովակի ծավալի տարողությունը մեծացվել, երբ որ երկրում նույն շենքերն են, նույն բնակարանները, նույն ջրատար խողովակները․․․

ԳԱՅԱՆԵ ՀՈՎՍԵՓՅԱՆ

Լոռու մարզի Դարբաս գյուղից երեկ ահազանգ ստացանք, որ 5-րդ փողոցի վրա հերթական անգամ ջրագիծ է պայթել.զանգել են ,,Վեոլիայի,, մասնաճյուղ՝դեռ օրեր առաջ, բայց այդպես էլ չեն ժամանել վթարը վերացնելու/ինչպես սովորաբար/, իսկ վնասված խողովակաշարից ջուրը շարունակում է հոսել՝սպառնալով խարխլել տների հիմքերը.նման դեպքերում, եթե եղանակն արեւային է՝փողոցները ցեխաջրերի մեջ կորչում են, եթե ցուրտ՝սառցակալում է տեղի ունենում:Նախկինում էլ են նման դեպքեր եղել, ու ջրմուղից, որպես կանոն, միշտ ժամանել են մեծ ուշացումներով.եղել է անգամ դեպք, երբ 20 օր հետո են ժամանել:Մեզ հայտնեցին, որ գյուղապետն էլ է խնդրից տեղյակ, եւ նաեւ ինքն է զանգել ,,Վեոլիային,,.բայց՝օգուտ չկա:

...Վթարների հաճախակի պատճառը նաեւ այն է, որ տարիներ առաջ գերմանական վարկային ծրագրով ջրագծեր են փոխել, բայց՝աշխատանքներն անորակ են կատարվել, ու դրա համար անընդհատ վթարներ են լինում:

ԳԱՅԱՆԵ ՀՈՎՍԵՓՅԱՆ

Մի մասոն էլ մենք դառնա՞նք. թե՞ հոգիներս վաճառենք

7 ու կես տարի է՝բլոգային գործունեություն եմ ծավալում/ֆեյսբուքայինին զուգահեռ/:Ստեղծել եմ 3 բլոգ.AZAT ANKAKH/տեղեկատվական-վերլուծական, իրավապաշտպան ուղղվածությամբ/, Լրագրողական նոթեր/նաեւ՝գրական ուղղվածությամբ/ եւ Պատմաքաղաքական բլոգ:/:Բլոգեր դարձա այն բանից հետո, երբ համոզվեցի, որ հայաստանյան լրատվական դաշտում տեղ գտնելու համար ,,տանիք,, է պետք.անպես, ինչպես պետական համակարգում աշխատանք ունենալու կամ՝ունեցած աշխատանքը չկորցնելու, ու ստիօված էի ,,գուգլ,, համակարգի անվճար գրանցման ծառայությունից օգտվել/դրա համար մեծապես շնորհակալ եմ գուգլից էլ ֆեյսբուքից էլ/:7ու կես տարվա ընթացքում ինձ այդպես էլ չհաջողվեց քաղաքացիական նախաձեռնությանս համար, կամավորական լրագրողական գործունեության ու հասարակական-քաղաքացիական ակտիվությանս համար որեւէ դրամաշնորհային ծրագրից օգտվել.եւ սա՝այն դեպքում, երբ քանիցս է քննադատվել, որ տարիներ շարունակ ահռելի գումարներ են փոշիացվել այս ու այն աննպատակ ծրագրերի անվան տակ:Պարզաեպս աբսուրդ է.քաղաքական հատուկ ուղղվածությամբ գործունեություն ծավալողներն ու բհայհոյախոսներն օգտվում են գրանտներից՝,,ժողովրդավարության եւ մարդու իրավունքների անվան տակ,, տրվող, բայց քաղաքական շահ չհետապնդող այլընտրանքային լրատվական աղբյուրը, որ լուսաբանում է մարդու իրավունքների խախտումները, հասարակության ներսում առկա հիմնախնդիրները, որոնք հաճախ դուրս են մնացել մամուլի ուշադրությունից, չի ֆինանսավորվում ոչ գրանտից, ոչ պետությունից ,ոչ որեւէ հիմնադրամից/հետո էլ ասում են, թե մեր երկրում քաղաքացիական նախաձեռնությունները խրախուսվում են,,/:Ինչ է, պետք է պարտադիր հակառուսական քարոզչությու՞ն անենք, կամ լեսբոգոմիկների իրավունքնե՞րը լուսաբանենք, որ դրամաշնորհային  ծրագրից օգտվենք, թե՞ մի մասոն էլ մենք պիտի դառնանք, կամ հոգիներս վաճառենք:Ինչքա՞ն սպասենք, որ քաղաքացիական նախաձեռնությունների խրախուսաման հիմնադրամները/եթե կան այդպիսիք՝մեր երկրում/ դառնան հասանելի քաղաքական շահեր չհետապնդող ստեղծագործողներին/ եթե չկան նման հիմնադրամներ՝թող ստեղծվեն/:Հիմա ես ո՞ր կարգի քաղաքացիների թվին եմ պատկանում, եթե 7ուկես տարվա ընթացքում իմ անձնական խնայողությունների,փոքր նվիրատվությունների,  հարազատների ու բարի կամեցողների աջակցությամբ, նախկին իշխանությունների կողմից իմ գործունեության հանդեպ թշնամական վերաբերմունքի, տեռորի ու հետապնդումների ,սոցիալական կեղեքումների ու գլխիս կեղծ ու իրական վարձեր փաթաթելու պայմաններում շարունակել եմ պահպանել լրագրողի ու հասարակական ակտիվիստի իմ կեցվածքը, քանի որ ստեղծագործող մարդը չի կարող ձեռքերը ծալած պարապ նստել ու միտքը բթացնել.չէ՞ որ ամեն մարդ պետք է աշխատի իր նախասիրությանը համապատասխան/ինչպես երեկ իրավացիորեն նկատեց ազգագրագետ Հրանուշ Խառատյանը՝Հ-1-ի եթերով,աշխատանքի զբաղվածության վերաբերյալ բանավեճի ժամանակ:Ցավոք, այդ հաղորդման ընթացքում չհնչեց այն միտքը, որ թե նախկինում, թե հիմա՝մշակությին ոլորտի, մտավորականության բնագավառի թափուր աշխատատեղերը շարունակում են մնալ ԽԾԲ-ով կամ՝անհասանելի, կուսակցականացված, չկա բավարար հրապարակայնություն, որպեսզի մտավորականը կարողանա իր ընդունակություններին համապատասխան աշխատանք գտնել:

,,,,Աշխատաշուկայում ամենամեծ պահանջարկն այսօր գրտնակողներն են.գրտնակ-թեւեր չունեմ՝թե գնամ գրտնակող աշխատեմ, հացավաճառ լինելու համար էլ արդեն տարիքային ցենզ է գործում/ավագ սերնդի կանանց կարող են լավագույն դեպքում առաջարկել ,,աշխատանք՝մի փոր հացի դիմաց,,.հավաքարարի աշխատանքը հարգում եմ, բայց դրա համար էլ պրոֆեսիոնալիզմ ու փորձառություն է պետք/էլիտար հիմնարկներն անգամ քաստինգներ են անցկացնում՝հավաքարար ընդունելու համար/:Պատգամավորությունն էլ ձեզ լինի, պաշտոններն էլ, տնաշեններ կամ տնաքանդներ, բա գոնե ստեղծագործողների աշխատանքը գնահատեք կամ այդ ոլորտի պետական աշխատատեղերը դարձրեք հասանելի, որ գոնե ստեղծագործող մարդը կարողնա արեւի տակ տեղ ունենալ....Թե չէ մեկ էլ տեսար՝հարցնում են.,,Ինչքա՞ն ես ստանում,,.ու չգիտես խնդաս, թե լաս, որ չնայած 23 տարվա լրագրող ես ու 7 ուկես տարվա բլոգեր, բայց՝,,օդում կախված,, քաղաքացի ես, ու ոչ նպաստառու ես, ոչ աշխատող. ոչ թոշակառու.դեռ մի բան էլ՝դու ես քո համացանցային գործունեությանդ ,,հովանավորն,, ու ,,մենեջերը,,՝քո անձնական խնայողությունների  ու պատահական ,,փախած,, եկամուտների հաշվին....Այն էլ՝վերջին 3 տարում ստիպված ես կրկնակի թանկ վճարել, քանի որ ինտերնետային ծառայություններն էլ են թանկացել, իսկ դու անգամ անձնական համակարգիչ չունես եւ օգտվում ես ,,ինտերնետ-ակումբներից,,:

ԳԱՅԱՆԵ ՀՈՎՍԵՓՅԱՆ,Վանաձոր, ազատ լրագրող,բլոգեր

ՎԱՆԱՁՈՐՈՒՄ ՏԵՂԱՑ ՏԱՐՎԱ ԱՌԱՋԻՆ ՁՅՈՒՆԸ․ԻՍԿ ՏՆԱԿՆԵՐԻ ԲՆԱԿԻՉՆԵՐԻՑ ՈՉ ԲՈԼՈՐՆ ԵՆ ՎԱՌԵԼԱՓԱՅՏՈՎ ԱՊԱՀՈՎՎԱԾ

1988թվի երկրաշարժից 30 տարի անց՝Վանաձորում դեռեւս կան տնակային ավաններ, որոնց բնակիչներն ինչ-ինչ պատճառներով բնակարան չեն ստացել․ու նրանցից մեկն էլ քիմիագործների թաղամասում 30 տարի բնակվող նախկին քիմմանրաթելագործ, միայնակ-անժառանգ թոշակառու, 1937թվի բռնադատվածի ժառանգ Քնարիկ Պապիկյանն է, ում կենցաղային հոգսերին/այդ թվում՝7 տարի շարունակ ջուր կրելուն, որովհետեւ 7 տարի առաջ էլ զրկվել է ջրամատակարարման ու ջրահեռացման համակարգից/ձմռան շեմին ավելացել է եւս մեկը՝վառելափայտով ապահովված չլինելու հանգամանքը։

,,Երեկ իմացա, որ կողքի տնակի ապրողն ստացել է վառելափայտ, բայց ես դեռ չեմ ստացել․ասին՝էս տարի կարգը փոխվել է, պետք է քաղաքապետարան դիմում գրվի՝Աշոտ Կարապետյանին, որ վառելափայտ տան, հարեւանս գրած է եղել՝նրան տվել են, ես էլ նոր եմ իմանում էդ մասին, ու վախենում եմ ժամկետն անցնի՝էլ չստանամ, ի՞նչ կլինի իմ անունից դիմում գրես, տանես քաղաքապետարան, ասես, որ ես չեմ կարա գնամ, ոտքերս ցավում են,,-մեզ հետ զրույցում իր մտահոգությունը ներկայացրեց Քնարիկը, որի կենցաղային խնդիրներին քանիցս ենք անդրադարձել սույն բլոգում, ինչպես նաեւ՝2002թվին՝,,Առավոտ,, թերթում, որի մի օրինակը սրբությամբ պահում է մինչ օրս, բայց ափսոսում, որ ,,օրիգինալը,, չունի, այլ ,,կոպիան,,։

Իմ այն հարցին, թե արդյո՞ք անցած տարի  էլ է դիմումով եղել վառելափայտի տրամադրման գործընթացը, ասաց, որ՝ոչ, եւ պատմեց, որ քաղաքապետարանի ոմն պաշտոնյա Վլաս՝անցած տարի մեծ քանակությամբ փայտ է բերել, անգամ՝մեծ կտորները ջարդել/թեպետ՝հետո Պապիկյանն ստիպված է եղել սղոցելու համար մարդ վարձել՝4500դրամով, բայց՝Վլասից մեծապես գոհ է, փայտի տրամադրման համար/։,,Բա հիմա էդ Վլասը չկա՞,,-հարցիս էլ ասաց՝,,չէ, չկա, շատ լավ մարդ էր էդ Վլասը, ասին էս տարի կարգը փոխվել է, պետք է Աշոտ Կարապետյանին դիմում գրվի,,։

Վանաձորի քաղաքապետարանի կայքէջում չգտնելով Աշոտ Կարապետյանին վերաբերվող որեւե տեղեկություն,հարցում արի  տեղեկատվության եւ աշխատանքի բաժնին, եւ չորս անհաջող փորձից հետո ինձ վերջապես հաջողվեց հավաստիանալ, որ հարցումս առ այն, թե քաղաքապետարանում կա՞ արդյոք որեւէ բաժին, որ զբաղվում է տնակների բնակիչներին վառելափայտ տրամադրելու հարցով, տեղ է հասել։Բայց 2 ժամվա ընթացքում չստանալով որեւէ պատասխան, ուղեվորվեցինք քաղաքապետարան․պարզվեց, առաջին հարկում ստեղծվել է ,,մեկ պատուհանի,, ծառայություն, սակայն պատուհանին մոտենալու անհրաժեշտություն չեղավ, քանի որ ձախ թեւի վրա, թափանցիկ հսկայական աշխատասենյակի աշխատակիցների թվում անմիջապես նկատեցինք սոցիալական ոլորտի երկարամյա աշխատակից Աշոտ Կարապետյանին, ով այն եզակի պաշտոնյաներից է, ով մշտապես եղել է բարեխիղճ,բարեկիրթ, բանիմաց եւ իր գործի լավագույն մասնագետ/ինչը կարող են հավաստել նաեւ այլ քաղաքացիներ/։Մեր հետ զրույցում պարոն Կարապետյանը տեղեկացրեց, որ իսկապես այս տարի դիմումներ են ներկայացվում տնակների բնակիչների կողմից՝համապատասխան հանձնաժողովին/բայց ոչ իրեն/, ներկայացրեց դիմումի ձեւը, բայց՝այն Պապիկյանին հանձնելու կամ նրա անունից լրացնելու անհրաժեշտություն չեղավ, քանի որ ստուգելով իր մոտ գտնվող ցուցակները, մեր զրուցակիցը տեղեկացրեց, որ Պապիկյանը հաշվառված է իրենց մոտ՝որպես տնակի բնակիչ, պարզապես վառելափայտի բաշխումը կատարվում է ըստ տերիտորիայի, ըստ կարգավիճակի, սոցիալապես խոցելիության աստիճանի,եւ առաջնահերթությունը տրվել է Լենինգրադյան եւ Բուլղարական տնակների բնակիչներին, ու հույս հայտնեց, որ առաջիկայում հանձնաժողովի նիստի կողմից կհաստատվի նաեւ Պապիկյանին վառելափայտ տրամադրելու հարցը։

․․Ի դեպ, այս տարվանից ստեղծված փաստահավաք հանձնաժողովի անդամներից մեկը/ում Պապիկյանը ներկայացրեց որպես Գեվորգ, որ նրան նաեւ հեռախոսահամար էր տվել/ այցելել է քիմիագործների տնակային ավան, հանդիպել բնակիչներին, գրանցել նրանց խնդիրները/հանդիպմանը եղել է նաեւ Պապիկյանը/, բայց, չգիտես ինչու, տեղական հեռուստաալիքներով չհնչեց քիմիագործների թաղամասի ամենահեռավոր անկյունում ծվարածների բողոքը, եւ հիմնականում լուսաբանվեց Լենինգրադյան եւ Բուլղարական տնակային ավանի բնակիչների խնդիրների մասին, ներկայացվեցին այդ մարդկանց բողոքները /,հեռուստատեսությամբ լուսաբանվել է նաեւ քաղաքապետարանի առջեւ բողոքի ցույցը՝տնակների բնակիչների կողմից․Պապիկյանը չի էլ իմացել, որ նման բողոքի ցույց է նախատեսված եղել, չի էլ մասնակցել՝բնականաբար․թեպետ խոստովանում է, որ մասնակցելու ցանկություն չի էլ ցուցաբերում, մանավանդ՝որ ոտքերի հետ կապված լուրջ խնդիրներ ունի/։Հնարավոր է, եթե Պապիկյանի սոցիալական ահագնացող վիճակի մասին տեղեկատվություն հայտնվեր փաստահավաք խմբի արձանագրության մեջ, այսօր վառելափայտ ստանալու առաջնայնությունը նրան տրվեր։Չէ՞ որ ըստ էության ամենախոցելին հենց նրա վիճակն է՝որպես տարեց, միայնակ եւ անժառանգ։Պապիկյանը վերհիշեց, որ շատ տարիներ առաջ այս տարածք այցելել է նաեւ մարդու իրավունքների նախկին պաշտպան , ,,ժառանգության,, նախկին անդամ Լարիսա Ալավերդյանը/ի դեպ, ,Պապիկյանը եղել է ,,ժառանգության,, անդամ եւ ակտիվ մասնակցություն ունեցել նախընտրական գործընթացներին, բայց այսօր ,,Ժառանգությունից,, հիշող էլ չկա նրա մասին․թեպետ՝այս տարածքից մի փոքր ներքեւ գտնվում է ,,Օրրան,, բարեգործականը/։

Վանաձորում այսօր տեղաց առաջին ձյունը, ու Պապիկյանի՝նախորդ տարվանից մնացած վառելափայտի պաշարներն սպառվելուն մոտ են, իսկ հսկայական ,,պլախները,, սղոցելու անհրաժեշտություն կա․․․ո՞վ պետք է առաջնահերթ հոգա այս կարգի մարդկանց մասին, եթե ոչ՝ պետությունը։

ԳԱՅԱՆԵ ՀՈՎՍԵՓՅԱՆ

Հ․Գ․այսօրվա դրությամբ Վանաձորի քաղաքապետարանից դեռեւս պատասխան չստացանք՝երեկվա էլեկտրոնային հարցմանն ի պատասխան։Հետո էլ կայքում գրում են՝,,Ինչպե՞ս եք գնահատում մեր նոր կայքը,,․շատ վատ ենք գնահատում, շատ․․․Միաժամանակ հարց է ծագում․եթե կա քաղաքապետարանի լրատվության եւ հասարակայնության հետ կապերի բաժին, ո՞րն է համանման մեկ այլ բաժին՝տեղեկատվության եւ աշխատանքի, ստեղծելու իմաստը․․․

Միգուցե ,,Սուր անկյու՞նն,, օգնի

Վանաձորի քիմիագործների թաղամասի տնակային ավանի ամենահեռավոր անկյունում, մացառների մեջ կորած երկաթե կլոր, ժանգոտ տնակում մոտ 30 տարի բնակվող միայնակ, անժառանգ թոշակառու Քնարիկ Պապիկյանի հարազատներն ու մտերիմները նախօրեին լուրջ անհանգստության մեջ էին, քանի որ վերջինիս բջջայինն անհասանելի էր.պարզվեց, խնդիրը զուտ տեխնիկական էր, իսկ Պապիկյանին մենք  հանդիպեցինք օրվա պարտադիր արարողակարգում, ջուր կրելիս:Արդեն 7 տարի է, նախկին քիմմանրաթելագործ-ինժեներն ստիպված է ամեն օր 5 լիտր տարողությամբ 4 պլաստմասե տարաներով ջուր կրել՝մոտակա ավտոլվացման կետից,քանի որ այդ եւ այլ հարակից տնակների ջրամատակարարման համակարգը վերացավ 7 տարի առաջ, երբ նախկին քաղաքապետը ներքեւում գտնվող տարածքն օտարեց ու վաճառեց/թեպետ՝առ այսօր չի օգտագործվում, քանի որ հսկայական շինության վրա փակցված է,,վաճառվում է,, ցուցանակը/:Ամռանն էլ ջուր կրելիս սայթաքել-ընկել էր ու ոտքը վնասել:

Պապիկյանի նամակները՝ուղղված 2 բարեգործական կազմակերպության , որում խնդրանք էր ներկայացրել առ այն, որ իր տնակին մոտ գտնվող փոքրիկ շինությունը/ներկա քաղաքապետի բանավոր թույլտվությամբ իրեն հատկացված/ թեթեւ նորոգումների ենթարկեն, որ փոխադրվի գոնե այնտեղ/որ ավելի տանելի կլիներ՝դարն ապրած ժանգոտ տնակի համեմատությամբ/, մնացին ձայն բարբառո.այնպես, ինչպես անարձագանք մնաց Գուգարաց թեմին հասցեագրված եւ համացանցում տարածված նամակը՝իր եւ հարակից այլ տնակների բնակիչների անունից/ որ ,,Ձեռք մեկնիր եղբորդ,, բարեգործականը գոնե իրենց էլ հիշեր, այցելեր երբեմն...Ապրում է չնչին թոշակ-նպաստով, որից ստիպված է հատկացումներ անել նաեւ վառելափայտի, այն սղոցելու, կերոսինի լիցքավորման եւ այլ կենցաղային նպատակների/հատկապես մեծ ծախսեր են պահանջվում բժշակական նպատակներով/:Մարդասիրական ծրագրերից չի  օգտվում, մի ժամանակ ,,Կարիտասից,, են օգնություն ստացել, սակայն այն դադարեցվել է:Տարիներ առաջ այցելել են Ավետարանական եկեղեցուց եւ 40 հազար դրամ հատկացրել, խոստանալով, որ ամեն ամիս կհատկացնեն, բայց, հավանաբար, տեսնելով, որ վերջինս չի հաճախում Ավետարանական եկեղեցի, դադարեցրել են այցելությունն էլ, օգնությունն էԼ:Սառնարանը վաղուց է շարքից դուրս եկել:Իսկ ձմռան շեմին մտածմունքների մեջ է, թե որտեղից է փայտ հայթայթելու, քանի որ նախորդ տարվանից մնացած վառելափայտը՝տեղական իշխանության կողմից հատկացված, վերջացել է:Անգամ այդ պայմաններում՝չի կորցնում հույսն ու հավատը Աստծո հանդեպ.կացարանի պատերը զարդարված են Աստծո պատկերներով, սրբապատկերներով, մոմակալներով, պարբերաբար հաճախում է Հայ Առաքելական եկեղեցի, բայց՝խորապես վիրավորված է Գուգարաց թեմից, որ նամակներին չարձագանքեց:,,Ասում են՝օգնիր եղբորդ, բա թող մեկ-մեկ էլ քրոջը հիշեն....,,-կես-կատակ նկատում է Քնարիկը, որ ամենածանր պահերին անգամ չի կորցնում հույսն ու լավատեսությունը, ինչը գալիս է նրա անսահման բարությունից, որ տարածում է ոչ միայն մարդկանց, այլեւ՝կենդանիների վրա, եւ պահպանում է դեռ մինչերկրաշարժյան տարիներից մնացած սովորույթն ու կատուների է խնամում՝իր կացարանին մոտ.իր համար արդեն շատ հոգեհարազատ դարձած կատուներն ու 2 քոթոթ շներն են վերջինիս մենակության փարատողները.մի հսկայական գամփռ էլ նվիրել է հարեւան տնակներից մեկին, սակայն վերջիսն երբեմն ,,այցի,, է գալիս իր երբեմնի մտերիմներին ու աչալուրջ հսկում տարածքը՝ենթարկվելով միայն կացարանի տիրուհու հրամաններին՝այցելուների նկատմամբ համապատասխան վերաբերմունք դրսեւորելիս: Ի դեպ, քիմմանրաթելի գործարանում աշխատելիս Պապիկյանը եղել է Մենդելեեւի անվան կենդանիների պաշտպանության  հիմնադրամի նախագահ:

ԳԱՅԱՆԵ ՀՈՎՍԵՓՅԱՆ, Վանաձոր

                                            ԲԱՑ ՆԱՄԱԿ

ՀՀ վարչապետի ժամանակավոր պաշտոնակատար Նիկոլ Փաշինյանին

Մեծարգո վարչապետի ժ/պաշտոնակատար Նիկոլ Փաշինյան․թույլ տվեք նկատել, որ ՝մինչ ձեր կառավարության ոչ այնքան հաջող կադրային քաղաքականությունն արդարացնելու համար Ձեր կողմնակիցներից ոմանք պատճառաբանում են կադրերի պակասը, Ձեր մրցակից քաղաքական ուժն արդեն նախաձեռնողականություն է ցուցաբերում եւ կադրերի բանկ ստեղծում՝ստվերային կառավարություն ձեւավորելու նպատակով, եւ համացանցային կոչով արդեն իսկ հայտարարությամբ դիմել է ՀՀ քաղաքացիներին։Իսկ դա նշանակում է, որ այդ ուժը կարող է խորհրդարանական ընտրություններին ոչ միայն ձայներ տանել ձեր ճամբարից՝քաղաքակիրթ ճանապարհով, այլեւ՝միգուցե մեծամասնություն կազմել՝փոխելով երկրի արտաքին քաղաքական կուրսը, որ կարող է վտանգավոր լինել երկրի համար/իսկ աշխատանք փնտրող ՀՀ քաղաքացու համար կարող է միեւնույն լինել, թե քաղաքական որ ուժը կգնահատի իր կարողությունները/։Ըստ այդմ, եթե ցանկանում եք, որ երկրում աղքատությունը չխրախուսվի/դրանից բխող աղետալի հետեւանքներով/, ինչի մասին քանիցս եք հայտարարել, ուստի երկրի հանդեպ տիրոջ, ինչպես նաեւ՝ հպարտ քաղաքացու իրավունքից օգտվելով՝խորհուրդ կտայի ստեղծել կադրային բանկ՝յուրաքանչյուր մարզպետարանում,որտեղ կհավաքագրվի մարզի ողջ մտավոր պոտենցիալը, եւ որտեղ կարող են դիմել նաեւ այն քաղաքացիները, ովքեր ունենալով համապատասխան մտավոր կարողություններ ու գիտելիքներ, անտեսվել են նախորդ կառավարության կողմից, քանի որ չեն ունեցել համապատասխան թիկունք, կապեր եւ ֆինանսական հնարավորություններ։Միաժամանակ տեղին կլինի,եթե հանձնարարվի ՀՀ զբաղվածության կենտրոններին/սոցապ եւ աշխատանքի նախարարության միջոցով/, որպեսզի իրենց համացանցային էջերն առավել մանրամասն նշեն թափուր աշխատատեղերի առկայության մասին, որպեսզի աշխատանք փնտրողներն ստիպված չլինեն զուր տեղը հասնել գործազրկության կենտրոններ, եւ դեռ աշխատանքային գրքույկներն էլ այնտեղ ,,պատանդ,, դնեն/քանի որ մինչ օրս գործող կարգն է այդպես պահանջում/, մինչդեռ դրանք կարող են ամեն րոպե անհրաժեշտ լինել աշխատանք փնտրողին, եւ, որպեսզի աշխատանք փնտրողները հնարավորություն ունենան առավել արագ հաղորդակցվել գործատուի հետ, եւ ոչ թե՝կենտրոնի միջնորդությամբ կամ՝տարին մեկ՝տոնավաճառից տոնավաճառ։Ի՞նչ շահ ունի աշխատանք փնտրողը, որ հասնի գործազրկության կենտրոն/եթե նպաստն էլ վերացել է ՝նախորդ կառավարության կողմից, բայց՝այսօրվա պատգամավորների ձեռամբ/, ու ավելորդ թղթաբանության հումք դառնա։

Անհրաժեշտ է նաեւ, որ զբաղվածության կենտրոնների ֆեյսբուքյան էջերն ավելի շատ՝ թափուր աշխատատեղերի մասին հայտարարություններ ներկայացնեն, քան՝կենտրոնների աշխատանքը լուսաբանեն։Հայտարարություններում  պետք է նաեւ նշվեն ժամկետների մասին, որպեսզի կենտրոն այցելող քաղաքացին չպարզի, որ տվյալ հայտարարությունն արդեն ժամկետանց է։Միաժամանակ պետք է պետական կառույցներին պարտադրվի՝թափուր աշխատատեղերի մասին/որոնք քաղծառայողի կամ դեպարտամենտի մրցույթով չեն նախատեսված/ հայտնել զբաղվածության կենտրոններին։

Հուսով եմ, նամակս չի անտեսվի եւ համապատասխան հանձնարարականներ կարվեն Ձեր կողմից թե աշխատանքի եւ սոցապ նախարարությանը, թե տարածքային կառավարման նախարարությանը, թե մարզպետարաններին։

Հարգանքով՝

ԳԱՅԱՆԵ ՀՈՎՍԵՓՅԱՆ,Վանաձոր, ազատ լրագրող, բլոգեր, 

28․10․2018թ․

Սպասենք անցումային արդարադատությանը․եթե մենք Նոր Հայաստան ենք կառուցում, ուրեմն պետք է օրենքներն էլ նորացվեն

Ունեմ 24 տարվա աշխատանքային ստաժ․ներառյալ՝ուսանողական տարիները, որոնք նույնպես ստաժ են համարվում, քանի որ մինչեւ բուհ ընդունվելն էլ եմ աշխատել՝2 տարի։Մինչդեռ ստաժս կարող էր առնվազն 38 տարվա լինել։Հիմա ես ո՞նց ի չարը չհիշատակեմ ՀՀԿ-ի 20-ամյակը, որի տխրահռչակ դրածոների պատճառով կորցղրել եմ 14 տարվա ստաժ՝ ստիպված լինելով 1998թվի մայիսին ազատվել պետական աշխատանքից/ՎՊՄԻ գրադարանում մատենագետ/՝,,սեփական դիմումի համաձայն,,/ի պատասխան լրագրողական անաչառ գործունեության, որ ոմանց քիմքին հաճելի չէր/, իսկ 23 տարվա լրագրողական գործունեությանս միայն 4,5 տարին է հաշվառվել աշխատանքային գրքույկում/1998-2002թվեր/, 2005-20010 թվերի թղթակցային համագործակցությունս էլ որպես ստաժ չի հաշվարկվում/հայտնի չէ, թե արդյո՞ք հաշվապահական տեղեկանքները՝վճարված հոնորարների մասին, կարող են ստաժի հիմք հանդիսանալ, որ դրա համար դիմես այն թերթերին, որոնք դեռ գործում են, չեն լուծարվել, որովհետեւ լուծարվածներից առհասարակ չես կարող ապացույցներ հավաքել/։Իսկ 2011-2018 թվերի ազատ, անկախ բլոգերությունը,որի ընթացքում ստեղծել եմ 3 բլոգ՝տեղեկատվական-, վերլուծական,իրավապաշտպան ուղղվածությամբ/AZAT ANKAKH/, Լրագրողական նոթեր եւ Պատմաքաղաքական բլոգ, անտերության կարգավիճակում են/ոչ հոնորար, ոչ դրամաշնորհ, ոչ պետական աջակցություն/։Սպասում եմ ՀՀ իշխանությունների կողմից խոստացված անցումային արդարադատությանը, որ փորձեմ վերականգնել իմ աշխատանքային խախտված իրավունքները ու կամ՝նախկին աշխատանքս պահանջեմ,կամ համարժեքը՝նույն համակարգում, կամ՝լրագրողական անկախ գործունեությունս համարվի աշխատանքային ստաժ։Մի՞թե հասարակական գործունեությունը՝քաղաքացիական հարթակում, չի կարող դիտվել որպես աշխատանք։Եթե մենք նոր Հայաստան ենք կառուցում, ուրեմն պետք է օրենքներն էլ նորացվեն։

․․․Այսօր երբ անցումային արդարադատության մասին հիշատակեցի, ՀՀԿ-ից տուժած մի քաղաքական ակտիվիստ ասաց․,,Որ հանկարծ էդ մասին իմանաս, ինձ էլ իմաց արա, ես էլ ունեմ պահանջելիք արդարադատությունից,,։Ինձ թվում է, էլի շատերը կլինեն՝նմանատիպ իրավիճակներում հայտնված, որոնք աշխատանքից ազատվել են ,,սեփական դիմումի համաձայն",բայց՝հարկադրաբար։

ԳԱՅԱՆԵ ՀՈՎՍԵՓՅԱՆ, Վանաձոր, ազատ լրագրող, բլոգեր

Վանաձորի քիմիագործների թաղամասի տնակային ավանի բնակիչները 7 տարի է՝զրկվել են ջրամատակարարման համակարգից

Վանաձորի քաղաքապետարանում ստեղծված փաստահավաք խումբը ուսումնասիրություններ է սկսել՝տնակներում բնակվող քաղաքացիների խնդրով, որ պարզի, թե ում հանդեպ պետությունը պարտավորություն ունի, ում հանդեպ` չունի:2 նիստ է գումարվել, բայց այդ նիստերից ոչ մեկից տեղյակ չի եղել ու, փաստորեն, մասնակցելու հնարավորություն չի ունեցել Վանաձորի քիմիագործների թաղամասում, Լանջայինից ներքեւ, Սպանդարյան հասցեում գրանցված երկաթե կլոր տնակում 29 տարի բնակվող Քնարիկ Պապիկյանը, ով 1988թվի երկրաշարժի հետեւանքով կորցրել է բնակարանը, եւ փաստորեն, կյանքի 1/3-ն անցկացրել աշխարհից ու քաղաքակրթությունից հեռու այդ տնակում՝զուրկ տարրական հարմարություններից:Փաստահավաք խմբի անդամներից մեկը, Պապիկյանի հավաստմամբ, մոտ 2 ամիս առաջ այցելել է թաղամաս, բնակիչների հետ հանդիպել՝իր տնակից բավականին հեռու մի տարածքում, հանդիպմանը ներկա է եղել նաեւ Պապիկյանը, ու առաջարկել է գալ, տեսնել իր կացարանը․ այն, թե ինչ ահավոր պայմաններում է ապրում:Չեն գնացել, այլ միայն՝ընդհանուր կարգով գրանցել են բողոքողների տվյալները/ընդ որում՝փաստահավաք խմբի մոնիտորինիգի մասին տեղական հեռուստաալիքները լուսաբանեցին, բայց՝ քիմիագործների թաղամասի անունը չհնչեց առհասարակ/:

Ինչպես արդեն իսկ ահազանգել ենք սույն բլոգում, Պապիկյանը 7 տարի է, զրկված է ջրամատակարարման համակարգից եւ սանհանգույցից/թաղամասի այլ բնակիչների մոտ էլ է առկա նմանատիպ վիճակ, որովհետեւ 7 տարի առաջ, այդ տնակներից մի փոքր ներքեւ գտնվող տարածքում հսկայական նորակառույցի շինարարություն է տեղի ունեցել, որն էլ պատճառ է դարձել, որ տնակները զրկվեն ջրամատակարարման եւ կոյուղու համակարգից/:Երկրաշարժից հետո հատկացված բնակարանն այնքան անբարեկարգ է եղել, որ Պապիկյանը հրաժարվել է այն ստանալ, ուստի ստիպված է եղել շարունակել բնակվել տնակում/մանավանդ,որ  շինարարներն այդպես էլ չեն փոխհատուցել բնակիչներին հասանելիք շինանյութերը՝անգամ համապատասխան հանձնաժողովների ուսումնասիրության ու որոշումների արդյունքում/։Արդեն 7 տարի է, Պապիկյանն ստիպված է ջուր կրել՝մոտ 30-40 մետր հեռավորությամբ գտնվող մի աղբյուրից/ խոստովանելով, որ դրա համար էլ է գոհ է այդ տարածքի տիրոջից, որ թույլ է տալիս ջուր կրել:Ի դեպ, նույն խնդիրն առկա է նաեւ այլ տնակներում բնակվողների մոտ, որոնք եւս 7 տարի առաջ զրկվել են ջրամատակարարման համակարգից՝չարաբաստիկ շինարարության պատճառով, մինչդեռ կառույցն այդպես էլ չի տնօրինվել եւ հիմա վաճառքի է հանված/։Բաղնիքի ու սանհանգույցի հետ կապված հարցերը Պապիկյանն  ստիպված է կարգավորել բարեկամների տներում:

Հիմա, ձմռան շեմին, ստիպված է բարեգործական կազմակերպությունների որոնումներով զբաղվել ու տարբեր կառույցների դիմել նամակ-խնդրանքով, որպեսզի իր տնակից ոչ հեռու գտնվող քարաշեն, լքված մի կառույց փոքր-ինչ նորոգեն, որպեսզի կարողանա գոնե դրանում գոյություն պահպանել, քանի որ իր տնակն այլեւս պիտանի չէ:

,,Դիմել եմ Վանաձորի քաղաքապետին, եւ շատ շնորհակալ եմ նրան, որ ինձ տրամադրեց իմ տնակի մոտակայքում առկա փոքր քարաշեն շինությունը, սակայն այն փոքր-ինչ կարգի բերելու համար ես չունեմ որեւէ հնարավորություն, քանի որ տարիքս առած կին եմ, 1937թվի բռնադատվածի զավակ, մանկուց որբ եմ մեծացել եւ ապրել միայնակ, ստացել եմ բարձրագույն կրթություն եւ աշխատել եմ իմ մասնագիտությամբ՝քիմիկ-ինժեներ:Իմ խնդրանքն է՝օգնեք փոքր-ինչ վերանորոգել ու կարգի բերել ինձ տրամադրած այդ փոքր շինությունը, քանի որ իմ տնակն այլեւս նորոգման ենթակա չէ,,-գրում է Պապիկյանը՝մի բարեգործական կազմակերպության.թե որքանով այն ուշադրության կարժանանա՝դժվար է ասել, իսկ ձմեռը 7 սարի ետեում չէ, ռեւմատիկ հիվանդություններն էլ ժամանակ առ ժամանակ զգացնել են տալիս, որի պատճառով արդեն օգոստոս ամսից՝երեկոներն ստիպված է լինում փայտ վառել երբեմն:

․․․Վանաձորի քաղաքապետարանը ծրագրել է տնակում բնակվող այն անձանց, ում հանդեպ պետությունը բնակարանային պարտավորություն չունի, տնակի տարածքի սեփականատիրոջ թույլտվություն տալ, որպեսզի տնօրինեն՝ինչպես ցանկական/եւ ոչ թե՝տարածքն ինչ-որ մեկի ցանկությամբ վաճառվի ու տնակների բնակիչներին վռնդեն՝առանց վերջիններիս խնդիրը կարգավորելու․այնպես, ինչպես տեղի ունեցավ տարիներ առաջ՝մեկ այլ տնակային թաղամասում/:Հիմա բնակիչների անունից նամակ է ուղարկվել վարչապետին.սպասում են պատասխանի:Բայց անգամ այդ ծրագրի իրագործելու դեպքում՝Պապիկյանը չի կարող այդ իրավունքից դե ֆակտո օգտվել, քանի որ չունի համապատասխան ֆինանսատեխնիկական միջոցներ, ուստի ակնկալում է աջակցություն՝պետությունից կամ բարեգործական կազմակերպություններից:

ԳԱՅԱՆԵ ՀՈՎՍԵՓՅԱՆ

,,Վեոլիայից,, չպրծած՝էլցանցի ձեռն ընկա՞նք․․․․

Մինչ կառավարությունը մի՜ն․․․երկու՜․․․․մտածում է հոսանքի սակագինը մեղմելու մասին, ու այդ առթիվ քննարկումներ թե լսումներ են նախատեսվում, ,,Հանրապետականի,,տիրույթներից դեռ դուրս չեկած ՀԷՑ-ը մին,էրկու, մին,էրկու՝հարձակման է անցել բնակչության նկատմամբ ու ստիպում է պայմանագիր կնքել․այսինքն՝բնակչությունը, որ կարող է նաեւ անեկամուտ լինել, պետք է ,,ղազագիր,, ստորագրի, որ ինքը համաձայն է հոսանքի բարձրացված սակագնով վարձ մուծի ամեն ամիս/բնականաբար, եթե եկամուտ չունի, չի էլ կարող մուծել, ու, բնականաբար, հայտնվում է ՀԷՑ-ի ու ՀՀԿ-ի ձեռքին, սոցիալական պատանդի կարգավիճակում, խորհրդարանական ընտրությունների շեմին/։

Հենց հիմա Վանաձորում էլցանցի տեսուչները տնետուն ընկած՝բնակիչներին ,,ղազագրի,, են հրավիրում։

Մեծարգո վարչապետ, պարոն Փաշինյան, կարծում ենք, դուք իրավասու եք պահանջել դադարեցնել պայմանագրերի կնքումը, քանի դեռ հոսանքի սակագնի քննարկումներ չեն եղել։Միաժամանակ ակնկալվում է կառավարության կողմից ԽՍՀՄ ավանդների վերադարձման գործընթաց․որքան շուտ, այնքան՝լավ, որպեսզի մարդիկ ՀԷՑ-ից ու այլ կոմունալ վարձերից ճորտային  կախվածության մեջ չընկեն ու բնակարանները հետմահու չնվիրաբերեն ՀԷՑ-ին։Բա եթե մարդը կայուն եկամուտ չունի, ո՞րտեղից պետք է վճարի։Իսկ հոսանքի թանկացումից հետո քաղաքացիների վզին մեծ պարտքեր են կուտակվել, արդեն երկու տարի է, սուբսիդավորումը հանվել է,կառավարությունն էլ օգոստոսից սկսեց սուբսիդավորել միայն ,,աղքատության նպաստառու,, կոչվող խավի հոսանքի վարձը․մինչդեռ անապահովները շատ ավելի մեծ թիվ են կազմում․նշենք,որ նախկին վարչապետ Հովիկ Աբրահամյանի օրոք սուբսիդավորվում էր մինչեւ 250կվտ ծախսը՝անկախ բնակչության ,,նպաստառու,, լինել-չլինելու հանգամանքից։Ի վերջո հո չե՞նք գնալու ազգովի հանրապետության հրապարակում ոտքներս շղթայակապ անենք, բերաններս էլ կարենք/կամ ամեն մեկն իր մարզկենտրոնի կամ քաղաքի հրապարակում ոտքերը շղթայակապ անի ու ասի՝ կամ վարձերից մեզ ազատեք, կամ մեր հալալ քրտինքով աշխատած ու հետ գցած ԽՍՀՄ ավանդները վերադարձրեք/։

Այնպիսի տպավորություն է,թե ՀՀ քաղաքացիներն ապրում են միմիայն վարձ մուծելու համար ,ու ամբողջ տարին պետք է մտածեն, թե որտեղից գտնեն այդ անտակ վարձերի տակառը լցնելու միջոցներ։

ԳԱՅԱՆԵ ՀՈՎՍԵՓՅԱՆ,Վանաձոր, ազատ լրագրող, բլոգեր

Ամենամեծ ,,ղալաթը,, ջրային տնտեսությունը վաճառելն էր, երկրորդ ,,ղալաթը,,՝սակագնի ռեկորդային բարձրացումը հաստատելը

,,Վեոլիան,, կառավարությանը ,,հրավիրում,, է երկխոսության՝ԱԱԾ-ի բացահայտումներից հետո/այս մասին այսօր իրազեկեց Հանրային-1-ը․որպեսզի, իբր, դադարեցվի ,,Վեոլիայի,, նկատմամբ ,,կեղտոտ արշավը,,/

Իսկ ոչի՞նչ, որ ԱԱծ-ն էլ, ,,Վեոլիայի,, դեմ դուրս եկած Հայջրմուղն էլ, կառավարությունն էլ՝ հենվում են բազմաթիվ բնակիչների բողոքների վրա։Ո՞վ է թույլ տվել՝ առանց քաղաքացիներին իրազեկելու, գրավոր ծանուցելու, առանց հանրային լսումների, առանց 4 ամսյա ժամկետում որոշումը ՀԾԿՀ կայքում տեղադրելու ոչ միայն ջրի վարձը բարձրացնեն 5 անգամ/անջրաչափ բաժանորդների պարագայում/, այլեւ՝այդ ապօրինի սակագնով ամեն ամիս  թիվ ,,նկարեն,, ու այդ թվով ,,պարտք,, գոյացնելով դատարան քարշ տան ՀՀ անեկամուտ բնակիչներին։Հիմա ու՞մ արշավն է ,,կեղտոտ,,։Ընկերության տնօրենը պատճառաբանում էր, թե սակագնի բարձրացումը հաստատել է կառավարությունը․ո՞ր կառավարությունը, նախանախո՞րդ, Կարեն Կարապետյանի՞․․․․,,Վեոլիան,, տեղյակ չի՞, որ երկրու՜մ․․․․․իրավիճակ է փոխվել, իրավիճա՜կ․․․նախորդ կառավարության հաստատած տխրահռչակ որոշման՝ջրի վարձի ռեկորդային բարձրացման/2016թվի նոյեմբերի/ չեղարկելու ժամանակն է եկել։Վթարային շենքի բնակարաններում ապրող մարդկանց գլխին մի օր փուլ է գալու երկրաշարժից հետո շուրջ 29 տարի չնորոգված սանհանգույցի առաստաղը,բայց ոչ նորոգելու եկամուտ ունի, ոչ էլ ջրաչափ տեղադրելու տեխնիկական հնարավորություն, քանի որ այդ ամենը ռիսկային է թե տեխնիկական, թե ֆինանսական առումով․․․․բա մեկը չկա՞ ֆրանսիացի սեփականատիրոջը հայերեն բացատրի սա։ Ի վերջո քանի՞ տարի պետք է բղավենք այս մասին՝ռեսուրսներ ծախսելով։Էլ բանուգործ չունե՞նք․․․․․եթե անգամ ,,երխկոսություն,, կայանա կառավարության ու ,,Վեոլիայի,, միջեւ, ապա դա պետք է լինի այդ տխրահռչակ որոշումը չեղարկելու պայմանով, ոչ թե սպասել, որ գաղութատերը հիմա էլ նոր սակագին փաթաթի բնակիչների վզին՝,,ջրի կորուստները,, վկայակոչելով։Ի՞նչ է, աղետի գոտու անջրաչափ բաժանորդն օդից փող է բռնու՞մ, որ ամեն ամիս 5400դրամ սակագնի պայմանագիր/ավելի ճիշտ՝,,ղազագիր,,/ կնքի, ու դեռ մեկուկես տարի այդ սակագնով ,,սարքած,, ,,պարտքը,, ,,վիզ,, վերցնի։Ժողովրդին ,,լոխի,, տեղ է՞ դրել նեոգաղութատերը։Մի հատ էլ վկայակոչում է, թե ,,,կառավարությունը հաստատել է բարձր սակագինը,,։Այ հենց մեծ ,,ղալաթը,, ոչ միայն նախորդ կառավարության կողմից ջրային տնտեսության վաճառքն էր, այլեւ՝սակագնի անտրամաբանական բարձրացումը։Իսկ թե դա որքանով կապ ունի ջրային ոլորտի պաշտոնատարների՝Փարիզ կատարած ուղեվորության եւ այն որպես սակագնի բարձրացումը հաստատելու ,,պարգեւավճար,, համարվելու հետ, թող պարզեն համապատասխան մարմինները։

ԳԱՅԱՆԵ ՀՈՎՍԵՓՅԱՆ,Վանաձոր, ազատ լրագրող, բլոգեր

Վերջապես կոռուպցիայի դեմ պայքարը հասավ ,,Վեոլիային,,

Ու՞մ օգտին են պտտվում 2017թվի հունվարի ջրի վարձի մուծումները․դրանք է՞լ են մեկնել Փարիզ՝,,փորձի փոխանակման,,

-----------------------------------------------------------------------------------------------------

Վերջապես,վերջապե՜ս․․․2 տարվա ահազանգերս ու բողոքներս՝ընդդեմ,,Վեոլիայի", տեղ հասան/ինչ խոսք՝իշխանափոխության արդյունքում/։ԱԱԾ-ի սկանդալային բացահայտումների շնորհիվ պարզվել է,որ ՀԾԿՀ նախագահ/արդեն՝նախկին/Ռոբերտ Նազարյանն ու ջրային ոլորտի թանկացումները վավերացնող մի քանի պատասխանատուներ անձնական շահագրգռություն են ցուցաբերել՝ջրի սակագնի բարձրացումն 2017թվին կազմակերպելով,ու դրա համար ,,Վեոլիայի,, կողմից ,,խրախուսվել,,են Փարիզի ուղեգրով։Այդ առթիվ ՀԾԿՀ նախագահը երեկ հեռուստատեսությամբ արդարանում էր, թե ուղեւորությունը եղել է ,,փորձի փոխանակման,,նպատակով։Դե իհարկե, գնացել են պարզելու, թե էլի ինքա՞ն կարող են ջրի վարձը թանկացնեն՝անապահով խավերի հաշվին, որ անցնեն միջազգային չափանիշներին․մոռանալով, որ ՀՀ շարքային քաղաքացին, առավել եւս՝վթարային շենքի բնակիչ,ֆրանսիացու եկամուտը չունի․ու կարող է անգամ անեկամուտ լինել/որովհետեւ ի տարբերություն ֆրանսիացի գործազուրկների, ՀՀ գործազուրկները նպաստից էլ են զրկված՝նախկին իշխանության թեթեւ ձեռքով, պաշտոնատարների ու պատգամավորների աշխատավարձերը կրկնակի բարձրացնելու ֆոնին/։Հետո էլ արդարանում էր, թե իր հանձնաժողովն ընդամենը դակիչ մարմին է։Այ դրա հետ լիովին համամիտ ենք, ու քանիցս ենք այդ հանգամանքն արձանագրել, որ ՀԾԿՀ-ն սուսուփուս հաստատում է կոմունալ վարձերի բարձրացման հայտերը՝դակիչ մարմնի դեր կատարելով/։Այդ հայտարարությամբ Նազարյանը նաեւ անուղղակի խոստովանում է, որ իր ղեկավարած կառույցն ընդամենը կատարող գործիք է եղել՝նախկին իշխանության ձեռքին։

Ժողովրդին անամոթաբար թալանել են 2 տարի շարունակ/2016թ․ջրային տնտեսության ամբողջ ցանցը ,,Վեոլիայի,, տնօրինությանը հանձնելու արդյունքում/, ջրի սակագին բարձրացրել, ու այնքան գաղտնի են վավերացրել այդ բարձրացումը, որ անգամ Լոռու մարզային տեղամասում 2017թ․հունվարի դրությամբ տեղյակ չէին ջրի վարձի բարձրացումից, ու չգիտեին, թե իրավական ի՞նչ հիմնավորումով է բաժանորդների անդորրագրերին հայտնվել ահռելի գումար, բաժանորդներին էլ խորհուրդ էին տալիս դիմել ,,Վեոլիային,,/որն այդ ժամանակ անգամ ինտերնետային կայք չուներ, ինչն արձանագրել է նաեւ ,,Արմենիայի,, ,,Սուր անկյունը,,/։Ջրի սակագնի բարձրացումն անգամ ՀԾԿՀ-ի ինտերնետային կայքում չէր տեւական ժամանակ տեղադրվում/որպեսզի այն որպես նորմատիվային ակտ բողոքարկելու 4 ամսյա ժամկետն անցնի/։Եվ այս կարգի հանցավոր դավադրությունը՝ժողովրդի հանդեպ, ,,պարգեւատրվել,, է Փարիզի ուղեգրով/երեւի նախկինների համար Փարիզի ուղեգիրը շահարգռելու միջոց է եղել՝այդ իշխանության օգտին ապօինություններ կատարողների համար․ներառյալ՝ընտրական ապօրինությունները, ձայներ բերելը, որի առթիվ անգամ ձայնագրություն էր հայտնվել համացանցում/։

ՀՀ նախորդ կառավարության հետ լավ համաձայնեցված ծրագիր է եղել ջրի սակագնի բարձրացումը, քանի որ դավադրաբար 5400դրամ դարձրած, այնուհետ՝5800-ի հասցված սակագինն այս տարվա մարտից, մինչեւ թավշե հեղափոխությունը, սուբսիդավորվում էր 400դրամի չափով, այնպես, ինչպես սուբսիդավորվում էր 18-ից 19 դրամի հասցված սակագինը՝ջրաչափ ունեցողների համար/հետո սուբսիդավորումը կվերացնեին, ու կթողնեին բարձրացված գումարը/։Սա պետական դավաճանություն է՝ազգի, քաղաքացու, ժողովրդի նկատմամբ, որ իրականացվեց նախորդ վարչապետ Կարեն Կարապետյանի ձեռամբ/.փաստորեն, Ռուսաստանից հրավիրել էին ,որ գա ջրային ոլորտը վաճառի օտարերկրյա սեփականատիրո՞ջ, թե՞ որ 7000մարդու մեկ օրում դարձնի ՀՀԿ՝շնորհիվ վարչական լծակների պետական ապարատում ու Հայ-ռուս գազարդում/։Հատկանշական է, որ ջրի վարձի բարձրացումը միայն անդորրագրերի վրա էր երեում, իսկ այդ առթիվ, փաստորեն, ամիսներ շարունակ ոչ մի պաշտոնական տեղեկություն չկար։Եվ սկսած 2017թվի հունվարից, այդ մասին ահազանգել եմ թե համացանցում/ու տարածել ֆեյսբուքյան առաջատար խմբերում՝ ֆինանսկան ռեսուրսներ ծախսելով/, էլեկտրոնային նամակներ ուղարկել համապատասխան կառույցներին/տարածքային նախարարություն, Հանրային խորհուրդ, վարչապետի գրասենյակ, կոռուպցիայի դեմ պայքարի հանձնաժողով, ՀՀ մարդու իրավունքների պաշտպանի գրասենյակ, արդարադատության նախարար, Հասարակական պաշտպանների միություն, մի շարք իրավապաշտպաններ, ՀՀ նախկին նախագահ, անգամ՝հայ ժողովրդի արժանավոր զավակ ու մեծ հայրենասեր, ֆրանսիայի քաղաքացի Շառլ Ազավուրին բաց նամակ ուղարկեցի/։Ու փոխանակ ,,Վեոլիան,, պատժվեր, փոխանակ համապատասխան մարմինները ,,Վեոլիային,, պատժեին, ես պատժվեցի, երբ ՀՀ մարդու իրավունքների պաշտպանի գրասենյակից մի անկապ պատասխան ստացա, որում չկար իմ բողոքի պատասխանը․կամ չէին հասկացել, կամ՝ձեւացրել էին, թե չեն հասկացել բողոքի բուն էությունն ու ինձ խորհուդ էին տվել ջրաչափ տեղադրել/այն դեպքում, երբ պարզաբանել էի, որ վթարային վիճակում գտնվող, 30 տարի չվերանորոգված ու խարխլված սանհանգույց ունեցող բնակարնում ջրաչափի տեղադրումը խրախուսելի չէ ու մեծ ծախսեր է պահանջում/․ ստիպված եղա կրկին դիմել՝պարզաբանելով խնդիրն ավելի մանրամասն․դա էլ՝ լրիվ անարձագանք մնաց։ Իսկ ամիսներ անց, երեւի թե քաջատեղյակ լինելով, որ իմ բողոքները պարզապես ,,ջրվել,, են, ,,Վեոլիան,, ոգեւորված հակագրոհի անցավ ու իմ դեմ դատական հայց ներկայացրեց՝այդ ապօրինի սակագնով ,,սարքված,,,,պարտքի,, պահանջով/որի մասին տեղեկացա 2017թվի տարեվերջին՝որպես նախատոնական անակնկալ/։Եվ, չնայած մի քանի դատական նիստից հետո/որոնք կանոնավոր լուսաբանել եմ համացանցում/ Լոռու մարզի ընդհանուր իրավասության դատարանն այնքան խոհեմ գտնվեց, որ իմ հիմնավոր հակափաստերի ճնշման տակ այս տարվա ապրիլին մերժեց ինձնից 33700դրամ գումար բռնագանձելու ,,Վեոլիայի,, որոշումը, սակայն, քանի որ դատարանն այդ գործի շրջանակում իրավասու չէր ջրի նոր, ապօրինի, ՀՀ քաղաքացու շահերից չբխող սակագինը չեղարկել, ուստի ,,Վեոլիան,, մինչ օրս շարունակում է այդ ապօրինի վարձը փաթաթել անջրաչափ բաժանորդների վզին ու դեռ պարտադրել, որ այդ սակագնով պայմանագիր կնքեն/որ նույնն է թե ջրաչափ ունեցող, թե չունեցող բաժանորդների համար/։Դա ավելի շուտ ոչ թե պայմանագիր է, այլ՝,,ղազագիր,,/ինչի մասին քանիցս ենք ահազանգել/։

,,Վեոլիայի,, կողմից բաժանոդներին կեղեքելու երկրորդ տարբերակն էլ ջրային ցանցը վերցնելու անցումային փուլն իր օգտին ծառայեցնելն էր, երբ 2017թվի հունվարին բաժանորդների մուծած գումարները ,,Վեոլիան,, ,,ուրացավ,,/ամբողջ հանրապետության մասշտաբով/, ու այդ գումարները հաջորդ ամսում չկային անդորրագրերի մեջ․եւ միայն մեկ տարի անց, քաղաքացիների բողոքներին ի պատասխան՝ընկերության գործադիր տնօրենը/ում անունը երեկ հանդիպեցինք ,,Վեոլիայի,, կողմից ,,պարգեւատրվածների,, ցուցակում/, պատասխանում է, թե այդ գումարները գնացել են նախորդ ընկերության՝Հայջրմուղ գրասենյակի հաշվեհամարներին, ու բաժանորդներին խորհուրդ է տալիս դիմել նրանց ու պահանջել, որ այդ գումարները փոխանցեն ,,Վեոլիայի,, օգտին։Առ այսօր հայտնի չէ, թե ի վերջո ու՞ր են գնացել, ու՞մ օգտին են պտտվում 2017թ․հունվար ամսվա մուծումները, միգուցե դրանք է՞լ են մեկնել Փարիզ՝,,փորձի փոխանակման,, նպատակով։

,,Վեոլիայի,, աճպարարության երրորդ տեսակը վերաբերվում է մինչեւ 2017թվի ջրի վարձի մուծումների տվյալների բազայի ոչնչացմանը․սրա մասին էլ ենք ահազանգել․ի՞նչ նպատկով է ոչնչացվել տվյալների բազան, միգուցե՝որոշ պաշտոնատարների հաշվեհամարները չերեւացնելու՞, որպեսզի ,,ջրվեն,, համակարգի հանդեպ ունեցած պարտավորությունները։Հուսով ենք, այս եւ այլ հարցերի պատասխանները կտրվեն հանրությանը՝ԱԱԾ-ի հետագա ուսումնասիրությունների արդյունքում։

Հուսանք նաեւ, որ ԱԱԾ-ի բացահայտումներից հետո կչեղարկվեն ,,Վեոլիայի,, ապօրինի պայմանագրերը, կչեղարկվի 2016թ․ նոյեմբերի տխրահռչակ որոշմամբ անջրաչափ բաժանորդների համար սահմանված ջրի սակագնի բարձրացումը՝կայուն 5400 դրամ դարձնելու վերաբերյալ/նախկին անձաքանակ 1100դրամ վարձի փոխարեն/։Իսկ 2013թ․ՀՀ նախկին նախագահի կողմից մեդալ ստացած/,,հայրենիքին մատուցած ծառայությունների համար,, հիմնավորումով/ ՀԾԿՀ նախկին նախագահ Ռոբերտ Նազարյանը կզրկվի այդ մեդալից։Հիշեցնենք, որ առհասարակ ջրի վարձի բարձրացումն սկսվեց 2010թվից, 2008թվի նախագահական ընտրություններից հետո, երբ 760 դրամը սակագինը հասցվեց 1100դրամի, ու Ռոբերտ Նազարյանը պաշտոնավարում է հենց 2010թվից։Նրա ձեռամբ են հաստատվել առհասարակ բոլոր տեսակի վարձերի բարձրացումներն՝սկսած 2010թվից։Ժողովրդին կեղեքելուն նպաստելը կոչվում է ,,հայրենիքին մատուցած ծառայությու՞ն,,։Չի կարելի արատավորել հայրենի մեդալի պատիվը։Թավշե հեղափոխությունն իր մեջ պետք է ներառի նաեւ արժեհամակարգային հեղափոխությունը։

ԳԱՅԱՆԵ ՀՈՎՍԵՓՅԱՆ,Վանաձոր, ազատ լրագրող, բլոգեր

Եթե քաղաքական գործիչները կարող են դերասանություն անել, դերասանները չեն կարո՞ղ քաղաքականությամբ զբաղվել

Այդպես  էլ չհասկացա, թե օրինակ ինչի՞ Երեւանի քաղաքապետի թեկնածուների ցուցակում չկա դերասան, առավելապես երգիծական դերերով հայտնի Հովիկ Ազոյանի անունը․բոյը չէր ստանդարտին համապատասխա՞ն, թե՞ մազերն են խուճուճ։Չէ՞ որ նա էլ էր հեղափոխական հարթակի վրա կանգնած, ու այն աստիճան էր ,,շահագրգիռ,, հեղափոխության հաղթանակի համար, որ այլ ընդդիմադիր ուժի թույլ չէր տալիս մոտենալ հարթակին/օրինակ՝ՀՀԿ-ի կատաղի թշնամի Զարուհի Փոստանջյանին/։Ո՞վ գիտե, միգուցե եկել է ժամանակը, որ քաղաքական պորտֆելները փոխարինվեն դերասանական պորտֆելներով, քանի որ 20-22 տարվա քաղաքական իրավիճակից գալիս ենք եզրակացության, որ քաղաքական գործիչներից կամ իրենց գործիչ համարողներից ոմանք մշտապես լավ դերասանություն են արել միտինգների հարթակից՝ընդդիմություն խաղալով։Եթե քաղաքական գործիչները կարող են դերասանություն անել, դերասաններն ինչի՞ չեն կարող քաղաքականությամբ զբաղվել․այլ հարց է, թե որքանով ժողովրդին հավատ կներշնչեն դերասանների քաղաքական խոստումները։

․․․Իսկ ինչու՞ մի քաղաքական պորտֆել էլ հայտնի ,,Պահմտոցի,, նախագծի դերասան Պոնչոյին/Վահագ Գիգորյան/ չտալ․ի՞նչ պակաս քաղաքական գործիչ էր․մեգաֆոնն առած՝գնում էր ամենաանմարդաբնակ գյուղերն ու բղավում, թե ,,Դուք կողմին եք դե՞մ, թե՞ դեմին եք կողմ․իսկ որ դեմ տան՝կողմ կլինե՞ք, թե՞ դեմ,,։

․․․Ամենայն հավանականությամբ, առաջիկա խորհրդարանական ընտրություններում ռեյտինգային ցուցակով կարող են ներկայացվել ամենաշատ լայքեր հավաքած սերիալների ամենաշատ լայք հավաքած դերասանները․եթե սերիալային հասարակություն ենք դառել այն աստիճան, որ լոռեցի խնձոր ծախողն ասում է, թե ,,սերիալի վախտվա լավ ուտվող խնձոր ա", ու ամենաեկամտաբեր բիզնեսն էլ ,,սեմուշկի,, բիզնեսն է՝տուփերի վրա սերիալային հայտնիներին նկարած, ուրեմն սերիալային դերասաններն էլ կարող են քաղաքականությամբ զբաղվել․մանավանդ, որ այն իրենք են կերտել, ու սերիալներում հասարակությանը հաճախ շատ ավելի վատ են ներկայացնում, քան՝իրականում կա։

Մի առանձին ցուցակ էլ կարելի է հեռուստատեսային էքստրասենսերի, գրբացների ու ժամանակակից վհուկների, ,,մոմ թափողների,, ու սպիրիտիզմի սեանսեր կազմակերպողների, թուղթուգիր քանդողների կամ գիր անողների, հմայողների համար կազմել․սրանք էլ կարող են ընտրազանգվածին լավ բժժացնել ու մի քանի տարի՝բժժած պահել, որ ոչ պատգամավորի խոստում հիշեն, ոչ էլ ինչ-որ պահանջներ ներկայացնեն։

․․․Էլ ինչ ընտրություն՝առանց Լորիսի ու Լարիսի կամ՝Վիպոյանի․նրանք էլ պետք է ներգրավվեն ընտրություններում․․․ի՜նչ վարպետորեն էին մարմնավորում մերօրյա իրականության առանցքային դեմքերին՝,,Երե-մեկ,, սերիալում․․․․Ազոյան-Լորիսը պակաս պատգամավոր է՞՝որպես նմանակող կամ կոմիկ․նրա կերտած Լորիսի կերպարը միշտ վառ կմնա հայ հեռուստադիտողի սրտում․,,Ալո՞, բարեւ ձեզ,քաղմասից է՞,Լորիսն է խոսում․․․․,,։

․․․Բայց այ որ հանկարծ դերասան ընտրելիս ,,քաշվեք,, հետո ,,մուննաթ,, չգաք, թե ,,սա էլ էր դերասանություն անում, էլի խաբեցին,,։

ԳԱՅԱՆԵ ՀՈՎՍԵՓՅԱՆ

Հայտարարություն՝ընդդեմ ,,Վեոլիայի,,

Չեմ կնքելու ,,Վեոլիայի,, կողմից պարտարդրվող ապօրինի պայմանագիր՝ապօրինի հաստատված ջրի վարձի  նոր վարձաչափի մասին որոշման առթիվ։Հիշեցնեմ, որ 2016թ․ նոյեմբերին Հանրային ծառայությունները կագավորող հանձնաժողովը՝նախագահ Ռոբերտ Նազարյանի գլխավորությամբ, առանց հանրային լսումների, գաղտնի պայմաններում անց է կացրել մի որոշում, որով ջրի վարձը անջրաչափ բաժանորդների համար դարձել է 5400դրամ, ու այդ առթիվ միայն համացանցում է տեղեկատվություն զետեղվել՝այն էլ ուշացումով, որպեսզի հնարավորինս ուշ այդ մասին իրազեկվեն քաղաքացիները եւ հնարավորություն չունենան այն բողոքարկելու՝որպես նորմատիվային փաստաթուղթ։Այդ ապօրինի որոշմամբ ,,անցկացրած,, նոր սակագնով՝,,Վեոլիան,, ամեն ամիս, սկսած 2017թվի հունվարից, 5400դրամ թիվ է է,,նկարում,, անջրաչափ բաժանորդների հաշվեհամարներին, ահռելի պարտքեր գոյացնում ու բռնագանձման հայցեր ներկայացնում դատարան։Անցած տարեվերջին այդ մեխանիզմով ,,Վեոլիան,, իմ դեմ հայց էր ներկայացրել/ ի պատասխան իր ապօրինի որոշման առթիվ իմ բազմաթիվ հրապարակուների՝համապատասխան կառույցներին ուղղված/պետական ու հասարակականիրավապաշտպան /, ու փոխանակ ,,Վեոլիայի,, ապօրինի որոշումը կանխեին, ինձ հանձնեցին ,,Վեոլիայի,, դատին՝իրենց անտարբեր կեցվածքով։Այդուհանդերձ, այս տարվա ապրիլին դատարանը անհիմն համարեց ,,Վեոլիայի,, հայցն իմ դեմ եւ մերժեց ինձնից 33700դրամ բռնագանձելու որոշումը, արձանագրելով, որ վճիռը չի բողոքարկվել եւ մտել է օրինական ուժի մեջ։Միաժամանակ նշեց, որ վճիռը ,,ենթակա է անհապաղ կատարման,,։Բայց քանի որ դատարանը մասնավոր որոշում չի կայացրել, որով կարող էր կասեցվել ,,Վեոլիայի,, անհիմն սակագինը, ուստի վերջինս շարունակում է իր նոր սակագնով ,,թիվ նկարել,, ու նոր պարտքեր կուտակել։Դատարանի վճռից ենթադրվում էր, որ ,,ենթակա է անհապաղ կատարման,, ձեւակերպումը պետք է ,,Վելոիային,, պարտադրեր, որ  ջրի վարձի հաշվեհամարից հաներ իր ներկայացրած գումարի պահանջը, որը նույնպես չի արվել։Ընդ որում, այս տարվա ապրիլից էլ պարզվեց, որ հիմա էլ ջրի նոր սակագինը 5400դրամից սուսուփուս դարձել է 5800դրամ, որից 400դրամն առայժմ ,,մեծահոգաբար,, սուբսիդավորում է մերօրյա նեոգաղութատերը, բայց չկա ոչ մի երաշխիք, որ սուբսիդավորումն էլ մի գեղեցիկ օր չի հանի ու հիմա էլ 5800դրամ ,,նկարի,,․մեկ է ձեռքը բռնող չի եղել մինչ օրս․կուզի՝10հազար դրամ վարձ էլ կսահմանի։

Որտե՞ղ է լսված, որ օբյեկտիվ պատճառներով ոչ միայն ջրաչափ, այլեւ՝ գազամատակարարում չունեցող/սա էլ մի առանձին թեմայի նյութ է/ սակավանդամ ընտանիքը կարող է ամսական 5400դրամի ջուր սպառել, երբ որ ջրի խողովակների ծավալները չեն փոխվել ամբողջ հանրապետությունում։Մի՞թե ես թավշե հեղափոխությանն ամենաառաջին ողջունողներից մեկն եմ եղել, որ որ այս ընկերությանը, որի ապօրինությունների ու իր պարտականությունների անպատշաճ կատարման մասին հեղեղված է հեռուստաեթերն ու համացանցը, շարունակի իմ եւ սոցիալապես խոցելի այլ թիրախային խմբերի ,,գլխին կորկոտ աղալ,, ու նրանց կեղեքելով՝մեկ այլ ոլորտում ,,բարեգործություններ,, անել․բարեգործություն՝շարքային քաղաքացիներին ,,թեփռելու,, հաշվի՞ն․․․Իբր շատ ուրախ էինք, որ 2010թվից սկսած՝մի քանի անգամ ջրի վարձը բարձրացավ ՀԾԿՀ նախագահի լուռ վավերացմամբ, ու հասավ անձաքանակ 1100դրամի/որ, այդուհանդերձ, ստիպված էինք մուծել/դեռ մի հատ 

էլ պետք է 5400դրամի ,,տակ մտնենք,, ու ,,ղազագիր,, ստորագրենք, որ այդ գումարը պարտավորվում ենք ,,վիզ վերցնել,,։

,,Վեոլիայի,, ապօրինի որոշումը՝ջրի վարձի բարձրացման ու անջրաչափ բաժանորդների համար 5400դրամ դարձնելու վերաբերյալ, պետք է կասցեվի կամ չեղարկվի․այնպես, ինչպես ներկա կառավարության կողմից կասեցվեց ԲԷՑ-ի պայմանագիրը՝նախորդ կառավարության կողմից կնքված։Իսկ մինչ այդ՝ջրամատակարարման ծառայությունների համար վճարում եմ մինչ ,,Վեոլիան,, եղած սակագնով եւ այնքանով, ինչքանով թույլ է տալիս ՀՀԿ-ի ձեռամբ ու օրոք դավադրաբար եկամտազրկված, տարիներ շարունակ ՀՀԿ-ի ,,զոռբաների,, կողմից քաղաքացիական հետապնդման ու սոցիալական ճնշման ենթարկված իմ անեկամուտ ընտանիքի սոցիալական վիճակը։Ի․․․Ի դեպ, ,,Վեոլիան,, ամբողջ հանրապետության մասշտաբով թե ջրաչափ ունեցողների, թե անջրաչափների՝2017թ․հունվար ամսում մուծած գումարները ,,ուրացել է եւ չի մուտքագրել/թեպետ՝մուծումները երեւում են բաժանորդների անդորրագրերում, բայց՝տվյալների բազայում դրանք չկան։Այսինքն՝2017թ․փետրվարի անդորրագրերում արդեն չկան հունվարի մուծումները։Այս առթիվ գրավոր բողոքներին ի պատասխան՝,,Վեոլիան,, քաղաքացիներին պատասխանում է, թե դրանք գնացել են նախորդ ընկերության՝Հայջրմուղի հաշվեհամարներին եւ խորհուրդ է տալիս այդ հարցով դիմել Հայջրմուղին ու նրանցից պահանջել, որ գումարները փոխանցեն ,,Վելոիայի,, օգտին։Սրա հետ մեկտեղ՝ոչնչացրել է մինչ 2017թիվը եղած տվյալների բազան․ի՞նչ նպատակով․միգուցե՝մեծահարուստ ՀՀԿ-ական ,,զոռբաների,, ունեցած պարտքերը ,,ջրելու՞,,։Կարծում եմ, այս փաստը պետք է մտահոգի հակակոռուպցիոն հանձնաժողովին եւ պետական վերահսկողության ծառայությանը։

․․․Ի վերջո, քանի՞ անգամ կարելի է պայմանագիր կնքել․2010 եւ 2014թվերին պայմանագրեր եմ կնքել՝ընտանիքի կազմի փոփոխման պատճառով, հիմա էլ պարտադրվում է, որ նոր պայմանագիր կնքեմ՝ապօրինի որոշումը ,,վիզ վերցնելո՞վ,,․․․բա ու՞ր մնաց իրավական պետությունն ու քաղաքացիական հասարակությունը, եթե այդ հասարակության ակտիվ անդամի ձայնը մեկուկես տարի է՝մնացել է ,,ձայն բարբառո,,։

ԳԱՅԱՆԵ ՀՈՎՍԵՓՅԱՆ,Վանաձոր, ազատ լրագրող, բլոգեր

AZAT ANKAKH-ը 7 տարեկան է․ի հեճուկս ,,չուզողների,,

Այսօր, հուլիսի 24-ին լրացավ իմ կողմից հիմնադրված AZAT ANKAKH բլոգի գործունեության 7-րդ տարին։Համացանցային գործունեությանս ժամանակագրությունն այսպիսին է․2011թվին գրանցվեցի ֆեյսբուքում/գրելով՝,,Ինչպես եւ ինչու հայտնվեցի ֆեյսբուքում,, նոթագրությունը/։Իսկ հուլիսի 24-ին էլ ստեղծեցի սույն բլոգը՝տեղեկատվական-վերլուծական, իրավապաշտպան ուղղվածությամբ։7 տարվա ընթացքում բլոգը 2 անգամ արգելափակվել է ՝մի քանի օրով․ժողովրդավարության թշնամիների կողմից/այնպես, ինչպես երբեմն ֆեյսբուքի էջս էր մասնակի արգելափակվում՝մի քանի ժամով/։Մինչ օրս բլոգում զետեղվել են իմ՝թվով 522 հրապարակումներ,որոնք վերաբերվել են տարբեր ոլորտներում առկա խնդիրների։Հրապարակումներից մի քանիսին միայն՝արձագանքել են համապատասխան կառույցները/Վանաձորի ներկա քաղաքապետարանի կոմունալ բաժնից, նախկին քաղաքապետարանի լրատվության բաժնից, Լոռի-ջրմուղի նախկին ղեկավարությունից, ջրային ռեսուրսների պետական կոմիտեի նախկին կազմից՝բավականին ուշացումով, երբ արդեն խնդիրը կարգավորվել էր, ՀՀ մարդու իրավունքների նախկին ու ներկա պաշտպանների գրասենյակից։Բլոգում տեղադրված հրապարակումների մի մասն արտատպվել են առաջատար կայքերի կողմից՝իրենց իսկ նախաձեռնությամբ, բարձրացված խնդիրներին տալով ավելի մեծ հասարակական հնչեղություն։Սրա հետ մեկտեղ՝բլոգի նյութերը տարածել եմ ֆեյսբուքի  առաջատար խմբերում եւ թվիթերում։Ցավոք, բլոգը մինչ օրս պետական կամ դրամաշնորհային աջակցություն չի ստանում՝որպես այլընտրանքային լրատվամիջոց։Որքանո՞վ է տրամաբանական, երբ ժողովրդավարության զարգացմանն ուղղված միլիոնավոր դոլարների ու եվրոների հասնող գումաներով ինչ անկապ ծրագրեր ասես՝ֆինանսավորվել են ու հաճախ գումարներ են փոշիացվել։Բայց այլընտրանքային լրատվական բլոգը գործել է բացառապես անտերության կարգավիճակում, քանի որ ՀՀ նախորդ իշխանություններին կամ նրանց կից հիմնադրամներին ,,հեչ պետք չէր,, անկախ լրատվությունը եւ անպատվեր ֆինանսավորումը, որովհետեւ վերջիններս տեղ էին տալիս ,,փառակալած մտածելակերպին,, ու ,,սազանդարային,, լրագրությանը։Անարձագանք մնացին բլոգի ֆինանսավորման առթիվ հայտարարություններս,իսկ միջազգային- բարեգործական մի ծրագրի ուղարկված նամակին՝էլեկտրոնային փոստով, պատասխան եկավ, թե ,,առայժմ բլոգների ֆինանսավորման ծրագիր չունենք, հենց եղավ՝կտեղեկացնենք,,։Հավանաբար, վերջիններս նախընտրում են ժողովրդավարականի անվան տակ խրախուսել այն ծրագրերը, որոնք քաղաքական պատվիրակված կամ ապազգային գործունեություն են ծավալում՝հենց վերջիններիս պատվերով։Բլոգի ֆինանսավորման նպատակով բանկերից մեկում բացված հաշվեհամարն էլ ոնց բացվեց, այնպես էլ փակվեց, քանի որ դրանում եւ ոչ մի լումա չմուտքագրվեց։Ի դեպ, հոդվածներում քանիցս եմ առաջարկել, որ այն բլոգները, որոնք ապացուցել են իրենց նպատակայնությունը, պետական աջակցություն ստանան․այնպես, ինչպես թերթերը կամ կայքերը,բայց՝առաջարկս մնացել է ձայն բարբառո։Հետո էլ ասում են՝,,Մեր երկրում քաղաքացիական նախաձեռնությունները խրախուսվում են,,։Իսկ մի՞թե քաղաքացիական նախաձեռնություն չէ, երբ մարդն իր անձնական-ընտանեկան խնայողությունների, նվիրատվությունների, հարազատների ու հատուկենտ բարի կամեցողների միջոցով այլընտրանքային բլոգ է ստեղծում/ կայուն գործող ու կարեւոր հիմնախնդիրներ վեր հանող լրատվամիջոց/, եւ անգամ՝գովազդներից չի ,,սնվում,,/հընթացս էլ՝բլոգի հինադիր-հեղինակը ստիպված է եղել տարիներ շարունակ գոյապայքար մղել ու պաշտպանվել իրավա-քաղաքացիական հարթության վրա՝ժողովրդավարության թշնամիների կողմից իր ու իր ընտանիքի դեմ իրականացվող սոցիալական տեռորի դեմ, այդ առթիվ երբեմն ստիպված լինելով հանդես գալ քաղաքական ապաստան փնտրելու հայտարարություններով/։

7 տարվա ընթացքում՝AZAT ANKAKH-ից բացի, եւս 2 բլոգ ստեղծեցի․,,Լրագրողական նոթեր", որ նաեւ գրական -ստեղծագործական ուղղվածություն ունի, եւ Պատմաքաղաքական բլոգ։Ու դրանք եւս պարբերաբար հարստացվում են նյութերով։Որքանո՞վ է տրամաբանական, երբ մարդը 7 տարի շարունակ լրատվական դաշտում գործի՝առանց կարգավիճակի, առանց աշխատանքային ստաժի/որովհետեւ ՀՀԿ-ի օրոք ,,գողացվել,, է պետական աշխատանքային հաստիքը՝հանուն իրենց հավատարիմ մեկի, իսկ մասնավոր հատվածում էլ պարբերաբար խոչընդոտվել լրագրողական գործունեությունը՝համապատասխան վարչա-ֆինանսական լծակների գործադրմամբ ու ներքին հրահանգով․այն ուժերի հրահանգով, ում ապօրինի գործունեությանն անդրադարձել եմ մինչ բլոգային գործունեությունս՝մամուլի միջոցներում/։Հայաստանյան 20-ամյա ներքաղաքական իրավիճակում լրիվ ,,տրամաբանական,, է․որովհետեւ գործել է ,,ով մեր հետ չէ՝մեր դեմ է,, սկզբունքը, իսկ լրագրողները բաժանվել են յուրայինների եւ ,,թշնամիների,,։Մարդ կա՝տարիներ շարունակ բանվորություն է արել ու չի վարձատրվել/մինչդեռ մարդիկ են եղել, որոնք, փաստորեն, աշխատավարձ են ստացել՝տարիներ շարունակ չաշխատելով/։ Մարդ էլ կա՝լրատվական դաշտում է ,,մշակություն,, արել՝անշահախնդիր, որովհետեւ ապավինել է հոգու կանչին, լրագրողի կոչմանն  ու Աստծուն, գրելով հանուն ժողովրդավարության եւ քաղաքացիական հասարակության։Հետեւանքները՝մշտական հետապնդումներն են եղել եւ սոցիալական տեռորը։

...Բլոգը գործել է ինտերնետ-ակումբների ծառայություններից օգտվելու ճանապարհով, առանց անձնական կամ աշխատանքային համակարգչի առկայության։Ու բլոգի զարգացման գործում դեր է խաղացել այն, որ ինտերնետ-ծառայությունների մատուցող ակումբներից մեկը կանանց համար զեղչեր ուներ․երկրորդ ժամը՝ անվճար․այդպես՝մոտ 4 տարի, մինչեւ ակումբը լուծարվեց ու բիզնես-գործունեությունը փոխվեց։Հիմա՝ինտերնետ-ակումբների թվի կրճատման հետեւանքով՝գները բարձրացել են։

ԳԱՅԱՆԵ ՀՈՎՍԵՓՅԱՆ․Վանաձոր, ազատ լրագրող, բլոգեր

ՀՀ նախագահ Արմեն Սարգսյանին, ՀՀ վարչապետ Նիկոլ Փաշինյանին

Մեծարգո նախագահ, մեծարգո վարչապետ․

2016թ․նոյեմբերին տեղի է ունեցել ակնհայտ ապօրինություն՝կառավարական մակարդակով, Հանրային ծառայությունները կարգավորող հանձնաժողովի ձեռամբ վավերացված․այն է՝առանց հանրային լսումների ուժի մեջ է մտել մի որոշում/ՀՀ ջրային տնտեսությունը սեփականաշնորհած ,,Վեոլիայի,, կողմից/, որ ամենայն իրավամբ կարելի է սոցիալական գենոցիդ համարել, քանի որ դրա լիարժեք իրականացման դեպքում անջրաչափ բաժանորդները կարող են ունեզրկվել կամ անօթեւան դառնալ/իսկ ջրաչափ չեն տեղադրել՝օբյեկտիվ կամ  տեխնիկական պատճառներով, որոնց մասին հանգամանորեն նշել եմ հմապատասխան կառույցներին, այդ թվում՝ՀՀ մարդու իրավունքների պաշտպանին՝դեռեւս մեկուկես տարի առաջ/։Այդ բաժանորդների բնակարաններում/վթարային շենքերի/ջրաչափ տեղադրելը չի խրախուսվում՝զանազան պատճառներով, որոնցից մեկն էլ բնակարանի տեխնիկական վերազինման ,վերակառուցման անհրաժեշտությունն է, որին կարող է սոցիալապես խոցելի խավերը պատրաստ չլինեն։Այդուհանդերձ, այդ մարդիկ տարիներ շարունակ վճարումներ են կատարել՝անձաքանակ 1100դրամ գումար մուծելով, բայց 2016թ․՝,,Վեոլիան,, ՀԾԿՀ-ի միջոցով կայուն վարձ է սահմանել․․․5400դրամը՝անկախ ընտանիքի անդամների քանակից, ու անգամ՝այդ գումարով չհիմնավորված ,,պարտքեր,, է սարքում ու դատարան ներկայացնում։Ինքս այդօրինակ դատական գործը շահել եմ, եւ դատարանը այս տարվա ապրիլի 17-ին մերժել էր ,,Վեոլիայի,, հայցը՝այն անհիմն համարելով ու վճռի մեջ նշելով, որ ,,այն ենթակա է անհապաղ կատարման,,․դրանից կարելի էր բխեցնել, որ ,,Վեոլիան,, պետք է հաշվի համարից մաքրեր անհիմն գումարը, բայց ոչ միայն դա տեղի չունեցավ, այլեւ՝,,Վելոիան,, շարունակեց իր սահմանած նոր սակագինը շարունակել ամրագրել եւ պատքի բեռն ավելացնել․։Այդ առթիվ քանիցս եմ ահազանգել, որ պետք է այդ տխրահռչակ որոշումը՝ՀԾԿՀ-ի ձեռամբ վավերացված, հանրային լսումներով չանցած, չեղարկվի, չէ՞ որ առանց այդ էլ անջրաչափ բաժանորնդները քիչ գումար չեն մուծում՝անձաքանակ 1100դրամ։Ոգեվորված այն հանգամանքից, որ ՀԾԿՀ-ի որոշումը շարունակում է մնալ ապօրինի գործողության մեջ,  ,,Վեոլիան,, ամիսներ առաջ սուսուփուս ՝5400դրամը դարձրեց 5800դրամ/400դրամն առայժմ սուբսիդավորում է, բայց չկա երաշխիք, թե դա մի օր չի չեղարկի ու թողնի 5800դրամ, որովհետեւ ձեռքը բռնող չկա/։Մինչեւ ե՞րբ պետք է սոցիալապես խոցելի խավերը՝աղետի գոտու վթարային շենքերի բնակիչ, տուժեն նեոգաղութարարի ձեռքից, որ վերջերս մամուլում հոխորտացել էր, թե իր ձեռքից չեն կարող վերցնել ջրային տնտեսությունը, որովհետեւ ինքը 17 տարվա պայմանագիր ունի։Եթե հնարավոր չէ կասեցնել այդ ապօրինի ու կասկածելի առուվաճառքը՝նախորդ կառավարության ձեռամբ արված, ապա առնվազն կարլեի է վերանայել եւ չեղարկել 2016թ․նոյեմբերի տխրահռչակ որոշումը՝ջրի վարձը անջրաչափ բաժանորդների համար 5400դրամ սահմանելու վերաբերյալ։Հարցը կարգավորելու եւ 2016թ․նոյմեբերի տխրահռչալ որոշումը չեղարկելու հարցում ակնկալում ենք Ձեր միջամտությունը։Իսկ առայժմ ,,Վեոլիան,,Վանաձորում պարտադրում է, որ բնակիչները պայմանագիր կնքեն՝այդ նոր սակագնով․ընդ որում, Ձեր ուշադրույունն եմ ցանկանում հրավիրել նաեւ այն խնդրի վրա, որ ,,Վեոլիայի,, պայմանագրերը ոչ իրավաչափ են, ու պետք է փոխվի նաեւ պայմանագրերի ձեւը, որ տարիներ շարունակ նույնն է եղել թե ջրաչափ ունեցողների, թե անջրաչափների պայմաններում, ու այդ պայմանագրերի համաձայն, քաղաքացիները ,,պարտավոր,, են համաձայնություն տալ, եթե ամեն անգամ ,,Վեոլիան,, որոշի նոր ջրի վարձ սահմանել․պայմանագիր չկնքելու դեպքում սպառնում է ջրազրկմամբ/այսօր արդեն նման սպառնալիք ենք ստացել/, կնքելու դեպքում՝քաղաքացիները կհայտնվեն պատանդի կարգավիճակում  եւ նրանցից ,,Վեոլիան,, կարող է դատական կարգով բռնագանձումներ անել՝հիմք ունենալով չարաբաստիկ պայմանագրերը։

ԳԱՅԱՆԵ ՀՈՎՍԵՓՅԱՆ,Վանաձոր, ազատ լրագրող, բլոգեր

Ինչքա՞ն կարելի է տուժել ,,Վեոլիայի,, երեսից․․․ՀԾԿՀ-ի դեմ խաղ չկա՞, թե՞ ,,Վեոլիայի,,

Կարող է՞ես դեռ ընդդիմություն եմ, որ ,,Վեոլիան,, հետապնդում է ինձ․․․Այս տարվա ապրիլի 17-ին դատարանը մերժեց ,,Վեոլիայի,, հայցն՝ ինձնից գումար բռնագանձելու վերաբերյալ/գումար, որ ,,Վեոլիան,, գոյացրել էր 2016թ․առանց հանրային լսումների անցկացրած՝5400դրամ կայուն ջրի վարձը․նախկին անձաքանակ 1100դրամի փոխարեն/ իմ հաշվեհամարին ամրագրելու միջոցով , ու դատարանի որոշման մեջ նշված է՝,,Վճիռը չի բողոքարկվել եւ մտել է օրինական ուժի մեջ,, եւ ,,ենթակա է անհապաղ կատարման,,․թեպետ՝վճռից չի զգացվում, թե ի՞նչը պետք է անհապաղ կատարվի․միգուցե այն, որ ,,Վեոլիայի,, ներկայացրած գումարը, որ դատարանը անհիմն է համարել, պետք է մաքրվե՞ր իմ հաշվեհամարից․մինչդեռ ոչ միայն առ այսօր չի մաքրվել, այլեւ՝շարունակում է ավելանալ, քանի որ ,,Վեոլիան,, օգտվելով այն հանգամանքից, որ նոր կառավարությունն առայժմ չի պատրաստվում վերանայել՝2016թ․նոյեմբերի տխրահռչակ որոշումը՝ջրի վարձի բարձրացման մասին, շարունակում է հարձակում գործել ,,թիրախային,, խմբերի վրա ու պահանջում է, որ այդ ապօրինի որոշմամբ՝նոր պայմանագիր կնքեն/այսինքն՝դառնան վերջնական ճորտեր/։Լավ, ասենք՝կառավարության համար դժվար է նախորդ կառավարության կողմից17 տարով ջրի կառավարումը ,,Վեոլիային,, հանձնած որոշումը չեղարկել, բայց հո կարո՞ղ է ջրի վարձի անհիմն բարձրացման որոշումը՝2016թ․ նոյեմբերի, վերանայել, որի առթիվ քանիցս եմ ահազանգել՝նախորդ կառավարության ժամանակներից մինչեւ մեր օրեր․․․

Տպավորություն է ստացվում, թե ՀԾԿՀ նախագահ Ռոբերտ Նազարյանը, որ առանց հանրային լսումների ,,անց է կացրել,, ջրի վարձի բարձրացման որոշումը, ավելի ուժեղ է ու անձեռնմխելի , քան՝նախկին նախագահ Սերժ Սարգսյանը, ու Նազարյանի ձեռամբ կայացած տնաքանդ որոշումների ձեռից դեռ շարունակելու ենք տուժել․․․․հետո էլ ասում են՝,,Համբերեք, խեղճ Նիկոլն ի՞նչ անի, ո՞ր մի խնդիրը լուծի,,։Ամենայն հավանականությամբ, 2013թվին հենց այդ կարգի հակաժողովրդական որոշումների համա՞ր է ՀՀ նախկին նախագահի կողմից մեդալ ստացել Ռոբերտ Նազարյանը՝,,հայրենիքին մատուցած ծառայությունների համար,, ձեւակերպումով․․․ու շատ վատ է, որ այս պաշտոնյան դեռ շարունակում է պաշտոմնավարել

Մենք կհամբերենք, բայց նեոգաղութարար ,,Վեոլիան,, չի համբերում եւ շարունակում է ուլտիմատում ներկայացնել ՝պահանջելով այդ վիճահարույց պայմանագրերով/որ եւ ջրաչափ ունեցողի համար, եւ չունեցողի՝նույնն է, եւ դեռ դրա համաձայն, բաժանորդը պարտավոր է ամեն անգամ նոր վարձի բարձրացումն ընդունել ի գիտություն/ նոր պայմանագիր կնքել․․․Մինչեւ ե՞րբ․․․․Որքանո՞վ է տրամաբանական, որ գազ չունեցող բնակարանի վրա ամեն ամիս 5400դրամ ջրի վարձ գրվի․․․․ինչո՞վ ՝է մեղավոր բնակիչը, որ 20 տարի շարունակ ՀՀԿ-ի ձեռին քաղաքական հալածյալ է եղել, կորցրել է պետական ու մասնավոր աշխատատեղը, հնարավորություն չի ունեցել սանհանգույցը վերանորոգի/դեռ վերեւի հարեւանի մեղքով էլ ավելի է ,,խախալտակվել,,սանհանգույցը, ու խելքը գլուխը բերելու համար գումարներ են պետք,/ պետությունն էլ  գոնե ավանդները չի վերադարձնում, որ մարդիկ կոսմետիկ փոփոխություններ անեն իրենց՝29 տարի չնորոգված բնակարաններում, ու ,,Վեոլիան,,շարունակում է վթարային պայմաններում ապրող բնակիչների կյանքն էլ ավելի անտանելի դարձնել ու նպաստել, որ մարդիկ անընդհատ գլուխները չբարձրացնեն կենցաղային խնդիրներից․․․

Այս խնդրի մասին ահազանգել եմ եւ նախորդ վարչապետին, եւ նախորդ նախագահին, եւ ՀՀ մարդու իրավունքների պաշտպանին, բայց՝խնդիրն առ այսօր մնում է չլուծված․ավելին, արդեն 5400դրամի փոխարեն, ,,Վեոլիան,, քանի ամիս է՝սկսել է սւսուփուս վարձ սահմանել 5800դրամը/ու առայժմ 400դրամ սուբսիդավորում է, որ կարող է հետագայում հանել/։Հիշեցնենք, որ տարիներ առաջ ջրի վարձը եղել է 760 դրամ՝անձաքանակի հաշվով, եւ 2010թվից սկսած, երբ ՀԾԿՀ նախագահ դարձավ Ռոբերտ Նազարյանը, ջրի վարձն սկսել է պարբերաբար բարձրանալ ու հասնել մինչեւ 1100դրամի, իսկ 2016թվից էլ ,,պակասը թամամվեց,, ու,արդեն կայուն վարձ սահմանվեց 5400դրամը՝անկախ ընտանիքի անդամների քանակից։Ո՞ւր է կորել խիղճն ու ամոթը․․․մի հատ երկրի վիճակին թող նայեն, ու անեկամուտ ընտանիքներից ,,պապի գնով,, ջրի վարձ ,,քերթելուն,,։Բա հեղափոխական հարթակից ասում էին՝,,ժողովուրդ, վարձերը չմուծեք․․․․,,։

Հիմա քիչ չէ՝շարունակում ենք անեկամուտ տեղից վարձեր մուծել, դեռ մի հատ էլ ուզում են հանրային լսումներով չանցած ապօրինի ջրի վարձը ,,ղազագիր,, ընդունելու պայմանագիր կնքենք․․․Լավ է էլի, մենք ,,Վեոլիային,, կերակրենք՝ավելացված ջրի վարձով,ինքը գնա սրան-նրան բարեգործություններ անի մեր հաշվին, իրեն գովազդի էս ու էն թերթում կամ հեռուստատեսությամբ ու ,,լավամարդի,, դառնա․․․

Լավ է էլի, Վաչո-մաչոները երկիրը թալանեն ու գնան արտերկրում ունեցածը վայելեն, անեկամուտ մարդիկ էլ շարունակեն գլուխները կախ մուծումներ անեն․․․ու դեռ ավանդների ,,դավի,, էլ չանեն, որովհետեւ դեռ ,,վախտը,, չի․․․

ԳԱՅԱՆԵ ՀՈՎՍԵՓՅԱՆ

Վանաձոր-Բագրատաշեն մայրուղու շինարարությունը՝2 տարի առաջ սկսված, տեղ-տեղ եռում է, տեղ-տեղ կաղում է

Իսկ Վանաձորի ավտոկայանում դրության տերը դեռ վարորդներն ․եթե տոմս չի վաճառվում, տոմսավաճառի իմաստը ո՞րն է

Հուլիսի 21-ի դրությամբ, շարունակվում էին մոտ 3 շաբաթ առաջ Փամբակի մոտ տեղի ունեցած ՝հողապատնեշի փլուզման առթիվ վերականգնողական աշխատանքները, եւ մի պատկառելի հատված շրջափակված էր ավտոճանապարհի հատվածից, որի արդյունքում, բնականաբար, ճանապարհը նեղացվել էր։Վանաձոր-Վահագնի հատվածում տեղ-տեղ ասֆալտապատում էր իրականացվում, տեղ-տեղ՝բարեկարգում էլ չկար/չնայած՝շինարարական տեխնիկայի առկայության/։Տեղ-տեղ տեխնիկան կանգնած էր՝աշխատող չկար, տեղ-տեղ ,,պերեկուր,, էին անում՝,,կատոկին,, հենված։Տեղ-տեղ սպիտակ եզրաքարեր էին շարել, տեղ-տեղ՝ընդհատվել էր դրանց ,,շքերթը,,․տեղ-տեղ՝եզրաքարերի փոխարեն ցածր եզրաճաղեր էին տեղադրվել՝անգամ ձորապռունկներին։Տեղ-տեղ աշխատանքային էր, տեղ-տեղ՝ոչ աշխատանքային, քանի որ օրն ՝էր շաբաթ։Ընդհանուր տպավորությունն այնպիսին էր, որ 2 տարվա ընթացքում, Վանաձոր-Ալավերդի հատվածում ավելի շատ գումարներ են լվացվել, քան՝գործ է արվել։Շոշափելի ձեռքբերում կարելի է համարել անցած տարի շահագործման հանձնված նոր կամուրջը՝Ձորագէսում, մայրուղու վրա կառուցված, բայց դրան զուգահեռ պահպանված հնի հետ համադրությունից տպավորություն կա, թե հինն ավելի լայն էր, քան՝նորը։Նոր կամուրջը կարելի էր ավելի ամուր ու հուսալի ճաղերով պատել/ առնվազն այնպես,ինչպես Վանաձոր մտնող կամուրջը՝եկեղեցու մոտ գտնվող/։Չնայած մեկ ամիս առաջ տեղի ունեցած փլուզման առթիվ ասվել էր, որ ճանապարհով առայժմ ծանրաքաշ մեքենաներ չեն կարող երթեւեկել, բայց՝,,ֆուռեր,, էլ էին անցնում։Բուռն շինարարական աշխատանքներ են տարվում հենց Ձորագէս մտնող թունելում/2 թունելներն արդեն հիմնովին վերակառուցված են,բայց՝ինչ-ինչ թերի աշխատանքներ կան ու այդ առթիվ շինարարություն է ընթանում/։2 տարի ձգձգվող շինարարության արդյունքում ժամանակ առ ժամանակ երթուղու փոփոխություններ են տեղի ունենում, ու Վանաձոր-Ալավերդին գնում է Ստեփանավանով, որի արդյունքում ճանապարհը երկարում է։Այս օրերին Վանաձորի ավտոկայանում, որտեղ դեռեւս մեկ ամիս առաջվա խառնակ վիճակն է/ որ կապ չունի շինարարության հետ/, հաճախ տրվող հարցերից մեկն է, թե ,,երկար ճանապարհով են գնու՞մ Ալավերդի, թե՞ կարճ,,․ոնց որ նարդու ,,երկար ու կարճ,, խաղերը։,,Վարորդներից պետք է ճշտեք,,-պատասխանում է տոմսավաճառի կարգավիճակով դիպետչերը․մինչդեռ տոմսեր չեն վաճառվում, ու գազելներն ու ավտոբուսները շարժվում են, երբ ուղեվորների անհրաժեշտ կամ մի բան էլ ավել քանակ  է հավաքվում․ որի պայմաններում կարող է անգամ՝գազելի մեջ կանգնած երթեւեկող ուղեվոր լինի/լավագույն դեպքում՝մինչեւ Դսեղ կամ Փամբակ գնացող/։Զարմանալի նորություն էր, որ Վանաձոր-Ալավերդու գինը դարձել էր 800դրամ/կարճ տարածության վրա իջնողները, բնականաբար, կիսով չափ էին վճարում/։Վարորդի համար սրբության հավասար չգրված օրենք է՝մինչեւ Ալավերդի գնացողները չտեղավորվեն, այլ ուղեվորներ չի կարող վերցնել՝ավելի կարճ ճանապարհ գնացող։Նորություն էր այն, որ արդեն ,,Ձաղիձոր,, չի գրվում գազելների վրա, այլ՝Թումանյան, բայց նորություն չի, որ դեռ հնամաշ ,,պազիկներ,, էլ են գործում երթուղու վրա, ինչի մասին քանիցս է համացանցում գրվել։Ավտոկայանում դեռեւս չի գործում քաղաքային տեղեկատու-հեռախոսը/լուծարվել է ավտոկայանի սեփականաշնորհումից հետո/, բայց՝բուժկետ կա․բարեբախտաբար, սպասասրահում նաեւ նստարաններ կան։Հետաքրքիր է, որ ,,Իկարուսներն,, արդեն գործածությունից հանվել են, բայց ,,Պազիկները,, դեռ մնում են։Եթե այս վիճակն է ամառ օրով, բա ձմեռն ինչ կլինի/մանավանդ, որ երաշխիք չկա, թե մայրուղու շինարարությունը մինչեւ ձմեռ կավարտվի կամ կրկին հողաշերտի փլուզում կամ սողանք չի տեղի ունենա/։Այս պայմաններում առավել քան հրատապ է դանում Գյումրի-Այրում գնացող երկաթուղու վերագործարկումը, մինչդեռ Հարավ-կովկասյան երկաթուղուն ,,բզող,, չկա երեւի թե՝համապատասխան մարմիններից․Երեւան-Գյումրի օրը 3 անգամ գնացք է գնում, իսկ Գյումրի-Այրում գնացքը 10 տարուց ավել է՝գործածությունից հանվել է, իբր ,,չի արդարացնում իրեն,,։Իսկ Ձորագէսի հատվածի կառամատույցն ամբողջությամբ քայքայված ու թալանված է,մինչդեռ անգամ 90-ականների ,,,մթի ու ցրտի,, տարիներին այստեղ հատուկ տոմսավաճառ կար։

․․․․Կարծում ենք, տրանսպորտի նախարարությունը պետք է առանձնակի ուշադրություն դարձնի այս խնդիրներին եւ ժամանակ առ ժամանակ ոչ միայն բնակչությանը, այլեւ՝վարչապետին զեկուցի/համապատասխան տեսանյութերով/, թե ինչ ընթացքի մեջ է Վանաձոր-Բագրատաշեն ճանապարհի շինարարությունը, ինչ է արվել, ինչ չի արվել․․․․Հատկանշական է, որ ավտոճանապարհը Ձորագէս մտնող 2 թունելներում դեռեւս անավարտ շինարարության կամ՝սողանքների պատճառով երբեմն փակվում է, ու այլընտրանքային ճանապարհ է առաջարկվում, եւ այդ մասին իրազեկում են հեռուստատեսությամբ, բայց երբ ճանապարհը բացվում են՝չեն իրազեկում։
ԳԱՅԱՆԵ ՀՈՎՍԵՓՅԱՆ,Վանաձոր-Ձորագէս

,,Դու ասես՝Աստված ձենդ լսի,,

Սովորաբար ժողովրդին ընտրությունից ընտրություն են հիշել՝մոտ 3 տասնամյակ, բայց Վանաձորի քիմիագործների թաղամասում/որ նախկինում հսկա արդյունաբերական համալիր է եղել/ ամենավերին հատվածի բնակիչներին, որ այստեղ հայտնվել են երկրաշարժից հետո, ընտրությունից ընտրություն էլ չեն գրեթե հիշել։Ու հարցիս, թե վերջին անգամ որ պատգամավորն է այցելել, տնակային թաղամասի բնակիչ, միայնակ թոշակառու, քիմմանրաթելի գործարանի նախկին երկարամյա աշխատակից/կենտրոնական լաբորատորիայի նախկին ինժեներ/Քնարիկ Պապիկյանը մտաբերեց Վանաձորի շատ հին ու նախկին մի պատգամավորի, ում պատգամավորական առաքելությունն ավարտվեց 2012թվին այլեւս չընտրվելուց  հետո, երբ արդեն տեղափոխվեց նախագահի աշխատակազմ։,,Էն էլ մեր մոտ չհասավ, հանդիպումը ներքեւում էր,,-ասաց իմ զրուցակիցը։

Պապիկյանի՝մոտ 30 տարվա ժանգոտած վագոն-տնակն այնքան է հեռու ու լքված՝գյուղաքաղաքի վերածված ՀՀ 3-րդ քաղաքի հարաբերական քաղաքակրթությունից/խոտածածկ տարածքների, հսկայական թփերի ու մացառների մեջ թաղված/, որ իրեն այցելող ծանոթներին սովորաբար դիմավորում է ավելի ներքեւում՝Նալբանդյան փողոցի վրա գտնվող մի մթերային կրպակի մոտ, որտեղից սովորաբար օրվա գնումներն է կատարում։Այս տնակային ,,ապարտամենտում,, մոտ 3 տասնամյակ՝գոյատեում են մի քանի ընտանիքներ/ավելի շատ են եղել, մյուսները գնացել են/ու ամեն օր կռիվս են տալիս իրենց բաժին ընկած կյանքի դժվարությունների դեմ։Կենցաղային տարրական պայմանների բացակայություն, ամռանը՝հեղձուկ ու տապ, ձմռանը՝վագան-տնակի ճեղքերից թափանցող քամիներ, անձրեւնեին՝անձրեւաջրերի մշտական թափանցում՝վագոնի անկյուններից․ահա սա է իրավիճակը՝շուրջ 30 տարի։Կենցաղավարումը 1990-ականների մակարդակի վրա է, դեռ մի բան էլ՝ավելացել է դեպի վատը, երբ 7 տարի առաջ՝ջրատար համակարգը վերացավ, երբ այդտեղ ինչ-որ շինարարություն սկսվեց, ու Պապիկյանը մնաց ,,բերովի ջրի,, հույսի, առանց սանհանգույցի։Ձմռանը փայտ է վառում․վերջին ,,էտի,, ադյունք ճյուղերից ու գերաններից նրան էլ է բաժին հասել, բայց՝գերանները կտրատող է վարձել, իսկ փայտը ջարդել են հարազատները՝մշտապես այցելող․որպես բարի կամքի դրսեւորում՝ՏԻՄ համակարգի մի աշխատող էլ է ,,մի ահագին գործ արել՝ցախերը տեղավորելով,,։Ինչպե՞ս է գոյատեւում այս պայմաններում՝հարցիս ասում է՝,,Ու սենց 30 տարի,,։/Պապիկյանին մեր նախորդ այցը գարնանամուտին էր, որի առնչությանբ համացանցում զետեղեցինք վերջինիս դժգոհությունները, բայց՝ձայն բարբառո էլ մնաց,,։Երկրաշարժից հետո ,,Տարոն,, թաղամասում կառուցված բնակելիներից որոշները հանձնվել են աղաղակող թերություններով,, անգամ՝հանձնաժողովներ կազմվեցին հետագայում, որ ի վերջո պարզեն, թե ում՝ինչ շինարարական ,,մատերիալ,, չեն տվել շինարարները, ում՝ինչքան են պարտք, բայց՝սայլը տեղղից չշարժվեց, ու բնակարան ստացածներից ոմանք այդպես էլ չտեղափոխվեցին/ոմանք անգամ չհասցրին սեփականաշնորհել դրանք/, ոմանք գաղթեցին, ոմանք՝վաճառեցին այդ կիսատ-պռատ բնակարանները՝շարունակելով գոյետեւել տնակում, որովհետեւ ապրուստի այլ միջոց չունեին, կոցրել էին աշխատատեղերը․․․ու Պապիկյանն էլ այս կարգի տուժածներից էր,բայց՝թերես ամենադիմացկունը, որ 30 տարի է՝շարունակում է դիմակայել։Նախորդ քաղաքային իշխանությանն էր դիմել, որ գոնե ջրամատակարարկման համակարգը վերականգնվի, բայց՝քաղաքապետը նախապես զգուշացրել էր ընդունելությանը, թե ,,կարճ կապիր,,․Պապիկյանն էլ վիրավորված՝ասել էր, ,,Վախենում եմ շատ կարճ, լակոնիկ ասեմ՝չհասկանաք,, ու դուրս էր եկել։Հիմա ՝հույսը նոր իշխանություններն են՝թավշե հեղափոխությունից հետո ձեւավորված նոր կառավարությունը, բայց չգիտի, թե ումից սկսի, ում  ներկայացնի բողոքը, որովհետեւ նոր ձեւավորված մարզային իշխանության ղեկավար կազմում անհաշտ վիճակ է՝տարբեր կուսակիցների միջեւ, ու չկա երաշխիք, թե մարզպետարանը կարող է ,,երկարել,,՝մինչեւ նոր ընտրություններ, որի ճակատագիրն էլ է անհայտ։Սոցիալ-կենցաղային դժվարություններին դիմանալուն օգնում են շրջապատաի իր նման մարդիկ, մոտակայքի բնակիչներ/որոնք երկրաշարժից հետո կորցրել են գրեթե ամեն ինչ, բայց պահպանել ամենագլխավորը՝մարդկայինը/, այդտեղ ,,օբյեկտ,, ունեցող գործարարներ։,,Շատ գոհ եմ իմ հարեւաններից, իմ շրջապատից, ում՝ինչ խնդիրքով դիմել եմ՝օգնել են,,-ասաց իմ զրուցակիցը։Վերջինիս երբեմն այցելում է Վանաձորի վետերանների կին-խորհրդի նախագահը։Հարազատներից էլ է գոհ, այն էլ՝շատ գոհ, մշտապես այցելում են կամ հյուրընկալում, հրավիրում ընտանեկան խնջույքների։Չեն մոռացել անգամ նախկին գործըներուհիները,որոնց հետ մշտական կապ է պահպանում, որ գոնե օրերը թեթեւ անցնեն։Սովետական տարիներին եղել է սոցիալիստական աշխատանքի վետերան, ակտիվ շախմատիստ, բասկետբոլիստ,, ինքնագործ խմբակի անդամ՝հատուկ վկայականով, ու մեծ սեր ունի վաղուց ի վեր մոռացված այնպիսի ազնվագույն գործիքի նկատմամբ, ինչպիսին մանդոլինան է։,,Ինքան եմ մասնակցել միջգործարանին մարզական միջոցառումների, պարգեւներ բերել գործարանային թիմին․․․բայց հիմա ո՞վ է հիշում,,--թեթեվ վիրավորվածությամբ ասում է տիկին  Քնարիկը, ով իրենից տարիքով փոքրերին,երիտասարդներին խանդաղատանքով ,,ձագուկ,,, է անվանում։Բայց՝չի ուրանում, որ տարիներ առաջ մի ՀՀԿ պատգամավոր հատուկ հուշանվեր է հատկացրել՝իր աշխատանքային վաստակի համար։

Շատ մեծ խանդաղատանքով է լցված իր ,,տանու կենդանիների,,՝կատուների ու շների հանդեպ․եթե գործարանում աշխատած տարիներին ,,կատուների բանդա,, էր կերակրում՝գործարանի այգու տարածքում, ապա հիմա 2 հսկայական շուն եւ 2 կատվի ձագեր ունի, որոնք տանու են, իսկ շները չեն կծում, չեն կատաղում,  ու միայն քսմսվում են հյուրերի ոտքերին եւ անվերապահ ենթարկվում իրենց տիրուհու կարգադրությանը՝հետագա գործողությունների հարցում։Մտահոգ էր, որ կատուների մայրը վերջին ծննդաբերությունից հետո անհետացել էր, ձագերին թողնելով շների հույսին։,,Կատուներս շանից կաթ են ուտում,,-մատնացույց է անում ինքը։Փաստորեն,տիկին  Քնարիկի վագոն-տնակում շան ու կատվի հարաբերությունները բարիդրացիական են/ի տարբերություն նրանց ավանդական հարաբերությունների/, ու դա երեւի թե գալիս է տանտիրուհու բարությունից, որի աչքերում ճառագող լույսը վկայում է հոգու  մաքրության մասին,ինչն էլ թերեւս, գալիս է նրանից, որ անվերապահորեն հավատում է Աստծուն, ու սենյակի մի մասը սրբատեղ-մատուռ է հիշեցնում՝սրբապատկերներով զարդարված։Կիրակի օրերը պարտադիր եկեղեցի է հաճախում։

Վերջին 20 տարիներին եղել է մարզային ընտրական հանձնաժողովների ակտիվ անդամ, ,,Ժառանգության,, համակիր,։,,Օրրանից,, հրավիրել են օգտվել բարեգործական ճաշարանից, բայց՝արժանապատվությունը թույլ չի տվել․մանավանդ, որ  նախընտրում է իր սնունդն ինքը պատրաստել։Տնակային ծանր պայմաններն իրենց ազդեցությունն են թողել առողջության վրա, բայց խուսափում է բժշկի դիմել, իսկ երբ մկանային ցավերը բռնում են, հարեւանուհու դուստրն է մերսումներ անում։,,Վախենում եմ գնամ բժշկի՝ ու իմանամ, թե ինչ գին ունի տվյալ դեղը, ավելի վատանամ, եղած առողջությունս էլ կորցնեմ՝բաժնից բաժին վազվզելով,,-ասում է իմ զրուցակիցը, որ ապրում է չնչին թոշակ-նպաստով/քանի որ սովետական տարիների հաշվարկով թոշակի անցածների թոշակը մեծ չէ՝ի տարբերություն վերջին տարիներին աշխատածների/։

Վանաձորում այսօր երեւի մի քանի հարյուր դատարկ բնակարաններ կլինեն՝չսեփականաշնորհված, ՏԻՄ ենթակայության տակ գտնվող, որոնց բնակիչները չկան, որոնք պարզապես չեն բնակեցվել՝ինչ-ինչ պատճառներով, մի՞թե հնարավոր չէ այդ կարգի բնակարանները հատկացնել 30 տարի տնակում գոյություն քարշ տվող մարդկանց՝թեկուզ առանց սեփականաշնորհման իրավունքի, որպես սոցիալական կացարան, այնպես, ինչպես Կարմի խաչի բնակարաններն էին հատկացվում․․․Այս դիտարկմանս ասում է՝,,Է ուր ա, կտա՞ն որ, դու ասես՝Աստված ձենդ լսի,,։

Հատկանշական է, որ Վարդանանց անունով 2 զուգահեռ փողոց հայտնաբերեցինք․եւ Սպանդարյան փողոցի շարունակություն կազմող հատվածում՝մի հսկայական ավտոլվացման կետի վրա, եւ քիմիագործների այգու վերին հատվածին կից, ու այս առթիվ իմ դիտարկմանը՝Պապիկյանն ասում է․,,Դե չգիտեմ, իմ տնակը Սպանդարյանի վրա է գրանցված,,։

Մի՞թե տեղական իշխանություններն այնքան խառն են եղել, որ Վարդանանց 2փողոց են անվանակոչել՝զուգահեռաբար։

ԳԱՅԱՆԵ ՀՈՎՍԵՓՅԱՆ

Ու՞մ շահերից է բխում Գյումրի-Այրում երկաթուղու 10տարվա անգործությունը

Շուրջ 2 տարի շարունակվող լայնածավալ շինարարության մեջ գտնվող Վանաձոր-Բագրատաշեն մայրուղու վրա կրկին արտակարգ իրավիճակ է․Փամբակի մոտակայքում հողաճանապարհ է փլուզվել՝ճանապարհն զգալիորեն նեղացնելով։Ու կրկին՝երթուղու փոփոխություն է նախատեսվում՝այլընտրանքային ու առավել երկար, առավել ծախսատար ճանապարհով։Այս պայմաններում կրկին հարց է ծագում․ինչու՞ այս հատվածը ներառող Գյումրի-Այրում երկաթուղին շարունակում է մնալ մոտ 10 տարվա անգործության մեջ, ինչու՞ այն չի վերագործարկվում, որ թեթեւացվի մարդկանց ճանապարհային հոգսը, ու ստիպված չլինեն շինարարության կամ ավտոճանապարհի փակ լինելու պատճառով օգտվել ավելի երկար ճանապարհից։Խնդիրը քանիցս ենք բարձրաձայնել՝նախորդ կառավորության օրոք, բայց ոչ նախկին վարչապետերը, ոչ էլ տարածքի պատգամավորներն այդ խնդրին ուշադրություն չեն դարձրել/թեպետ՝նախորդ վարչապետը հայտարարում էր, թե ինքը խիստ շահագրգիռ է ներհամայնքային ճանապարհների հարցով/։

2 տարի է՝Վանաձոր-Բագրատաշեն ճանապարհի շինարարության պատճառով՝ երթուղուց օգտվող լոռեցիները մեծ դժվարություններ են կրում, եւ , որպեսզի խուսափեն լրացուցիչ ծախսերից, հաճախ էլ երկաթուղու ռելսերի վրայով ոտքով են ճանապարհը ,,կարճացնում,,՝վտանգելով թե իրենց, թե երեխաների կյանքը․անգամ՝հեռուստատեային ռեպորտաժ եղավ, որտեղ ձորերի բնակչները խնդիրը բարձրաձայնեցին, խնդրելով կառավարությունից, որ գոնե օրվա մեջ մեկ անգամ՝երկաթուղին աշխատի, բայց՝ձայն բարբառո։

Եթե Երեւան-Գյումրի գնացք է գործում՝օրվա մեջ 2 թե 3 անգամ, Գյումրի-Այրում ինչու՞ չի գործում․ու՞մ շահերից ելնելով․տաքսիների՞, թե՞ գազելների։Ձորագէսի թունելների հատվածը ժամանակ առ ժամանակ փակվում է, ժամանակ առ ժամանակ՝բացվում բայց բացվելիս չեն ասում, փակվելիս՝ասում են։Փակվելու դեպքում որպես ,,այլընտրանք,, Դսեղ-Մարց ճանապարհն է առաջարկվում՝ավտոբուսային ուղեվորների համար/ընդ Վանաձոր-Ալավերդի կամ Բագրատաշեն երթուղին սպասարկող ավտոբուսները հնամաշ ՊԱԶ-իկներ են/, մինչդեռ երկաթուղու գործարկելու դեպքում երթուղուց օգտվողները, որոնք մեկնում են Ալավերդի, Այրում, կօգտվեին երկաթուղուց։

Տարիներ առաջ անգամ որոշել էին շատ կարճ տարածության վրա Վանաձոր-Ֆիոլետովո գնացք աշխատացնել/ելնելով Ֆիոետովոյի եւ Լերմոնտովոյի ազգաբնակչության շահերից/․թե դրա նպատակայնությունը որն էր՝մնաց անհասկանալի, բայց Լոռու նախկին մարզպետն ստիպված էր մեծ ոգեորությամբ հավանություն տալ ծրագրին,որ այդպես էլ չիրականացավ, որպեսզի հանկարծ չխաթարվի հայ-ռուսական բարեկամությունը․բայց, չգիտես ինչու, մարզի նախկին ղեկավարության էլ, նախորդ կառավարության էլ մտքով չէր անցնում , որ պետք է վերագործարկել Այրում-Գյումրի եկաթուղին։Դրա փոխարեն՝Հարավ-կովկասյան երկաթուղին նախընտրեց մի քանի կառամատույցներ առհասարակ լուծարել, մինչդեռ տարիներ առաջ, տրանսպորտի նախկին նախարար Անդրանիկ Մանուկյանի օրոք մի ծրագիր էր պտտվում՝Համաշխարհային բանկի ֆինանսավորմամբ, որ կառամատույցները նորոգվեն․մի քանի կառամատույց երեւի թե նորոգեցին, մյուսները, որոնց թվում՝Ձորագէսի կառամատույցը, լուծարեցին, որի արդյունքում այն անտերության մատնվելով՝թալանվեց, ու հիմա որպեսզի երկաթուղին վերագործարկվելուց հետո կառամատույցն աշխատի, պետք է նորոգվի նաեւ Ձորագէսի կառամատույցը։Իսկ թե ուր գնացին լուծարված կառամատույցների հաշվին ,,տնտեսված,, գումարները, մի հետաքննություն է պետք, ուսումնասիրելու այդ ոլորտներում աշխատած պաշտոնյաների ֆինանսա-գույքային ձեռքբերումները, որովհետեւ վերջին 20 տարիներին ով չի ալարել՝կերել ու կերել է վարկերից ու դրամաշնորհներից․շարքային ժողովուրդը տառապել է, մի քանիսը նրանց տառապանքի հաշվին հարստացել։

Ամառային հանգստի շրջանն սկսվել է․շուտով Հարավ-կովկասյան երկաթուղու տնօրինությունը կսկսի փառաբանել հարավ-կովկասյան ,,կուրորտներ,, տանող գնացքները, իսկ Լոռվա հատվածն սպասարկելու կոչված երկաթուղին երեւի թե դեռ երկար կմնա անգործության մեջ։

ԳԱՅԱՆԵ ՀՈՎՍԵՓՅԱՆ

Կդառնար 85 տարեկան, եթե հալածանքների չենթարկվեր

Այսօր վանաձորցի ճանաչված շախմատիստ, 1969թվի Կիրովականի շախմատի չեմպիոն Գեորգի Հովսեփյանը կդառնար 85 տարեկան։Մոլի շախմատասեր լինելուց բացի՝նաեւ մոլի ֆուտբոլասեր էր, եւ շախմատային ու ֆուտբոլային թեմաներով թղթակցում էր հանրապետական ու վանաձորյան թերթերի, ակտիվ մասնակից էր ,,Սպորտլոտո,, եւ ,,Սպորտպրոգնոզ,, մարզական վիճակաղերի, որոնք ներդրվել էին սովետական տարիներին։

Հովսեփյանն ավելի երկար կապրեր, եթե 1997-20010 թվերին ստիպված չլիներ անկոտրում պայքար մղել տեղական զոռբաների ու նրանց կամայականությունների դեմ՝/1988թվի երկրաշարժից հետո ստեղծված խառնակ ժամանակաշրջանում հալածանքների ենթարկվեց սովետական տարիներից մաֆիոզ ուժերի կողմից՝նոմենկլատուրային ապարատում բուն դրած, ու անհիմն ազատվեց քիմմանրաթելի կադրերի բաժնի վարիչի պաշտոնից, որտեղ հասցրեց աշխատել շուրջ 25 տարի, ու աշխատանքին զուգահեռ՝գործարանի շամատային կյանքի զարգացմանը նպաստեց/։1990թ․մի քանի ամսով բանտարկվեց՝,,սարքովի,, մեղադրանքվ, ,,սարքած,, գործով, հետո արդարացվեց,1989-90թվերին 7 տարի պաշտոնավարեց սկզբում՝թիվ 3 ԲՇՏ-ում, այնուհետ՝նոր ստեղծված ,,Տարոն,, թաղամասում՝ԲՇՏ-ի պետ, սակայն ,,Տարոնում,, շինարարական աշխատանքների ընթացքում վերջինիս արձանագրած ու այդ առթիվ ,,վերեւներին,, պարբերաբար ,,անհանգստացնող,, նամակների պատճառով՝նրան 1997թ․Վանաձորի նախկին ՏԻՄ ղեկավարը ազատեց՝,,հիմնարկի վերակազմավորման,, պատճառաբանությամբ, հետո երբ դատարանը վերականգնեց՝արդեն թոշակի ուղարկեց ,,բռնությամբ։ՀՀԿ իշխանությունը վերջինիս ,,մեծահոգաբար,, տեղ տվեց ՏԻՄ համակարգում՝2001թվին/երեւի թե որպես նախկիններից ,,օբիժնիկ,,/, բայց՝Վանաձորի նախկին՝երկրորդ քաղաքապետի հետ էլ իր սկզբունքայնության պատճառով անհնար եղավ համատեղ աշխատանքը, ու նրան 2002թվին ազատեցին՝,,հիմնարկի լուծարման,, պատճառաբանությամբ ու տարիներ շարունակ գցեցին դատարանի դռները՝իր եւ իր հիմնարկի աշխատավարձերի պահանջով։Թոշակի հարցերը դեռ չկարգավորած մարդը տարիներ շարունակ դատարանի դռներին էր եւ աշխատավարձերի վերադարձի, եւ կենսաթոշակային իրավունքի վերականգնման նպատակով։Իսկ նրան հալածելուն զուգահեռ՝խոչընդոտվում էր նաեւ ընտանիքի մյուս անդամների գործունեությունը՝տաբեր ոլորտներում․կարճ ասած՝Հովսեփյանի ընտանիքի նկատմամբ վենդետա էր իրականացվում, որի առաջին փուլն ավարտվեց վերջինիս առողջական վիճակի քայքայմամբ եւ 2013թ դեկտեմբերին՝մահկանացուն կնքելով։ՏԻՄ համակարգի կլանային-մաֆիոզ ուժերի կողմից հալածանքի հաջորդ փուլերը ներառեցին ընտանիքի մնացած անդամների հետեւողական հետապնդմանն ու սոցիալական տեռորի ենթարկելուն, բարոյահոգեբանական ոչնչացմանը, որի մասին բազմիցս ենք անդրադարձել մեր հրապարակումներում։

ԳԱՅԱՆԵ ՀՈՎՍԵՓՅԱՆ

Ապօրինաշինությունն ավարտվեց․իսկ տուգանք մուծվե՞լ է

Ավարտվեց Վանաձորի Կ․Դեմիրճյան 26 բարձրահարկ շենքի ապօրինի կցակառույցի շինարարությունը, որ սկսվել էր 2 ամիս առաջ, թավշե հեղափոխության օրերին։Քաղաքային իշխանությունն այն կանխելու փոխարեն՝աչք փակեց, ձեւացնելով, թե չի տեսնում այդ առթիվ համացանցային ահազանգերը՝դեռ շինարարության մեկնարկից առաջ․այդ առթիվ հրապարակումներս տարածել եմ ֆեյսբուքյան բոլոր առաջատար խմբերով։Արձագանքելու փոխրեն՝տեղական իշխանությունները նախընտրում էին որպես ինքնապաշտպանություն՝օգտագործել հարձակումն ու պարբերաբար թաղային էլցանցի տեսուչների կողմից սպառնալ հոսանքի անջատումներով ու հոսանքի թանկացած վարձը վճարելու մասին հիշեցումներով։

Կցակառոյցի տանիքը կապեցին։Մինչ օրերս Ալավերդուց ահազանգում էին հեռուստատեսությամբ, որ բնակելի շենքերը քայքայվում-փտում են՝տանիքի քայքայվելու պատճառով, քանի որ բյուջեում փող չկա, Վանաձորում ապօրինի կցակառույցի համար լավ, փառահեղ ու բարձրորակ թիթեղյա տանիք կապեցին։Հետաքրքիր է, իսկ արդյո՞ք համայնքային բյուջե տուգանք են մուծել ապօրինաշինության հեղինակները։Խիստ կասկածում եմ։Չի բացառվում, որ ամիսներ անց, եթե հարկ լինի, ասեն, թե կցակառույցը կառուցվել է Վանաձորի նախորդ իշխանության կողմից՝տարիներ առաջ/որպեսզի պատասխանատվությունից խուսափեն/։

ԳԱՅԱՆԵ ՀՈՎՍԵՓՅԱՆ։

Կենցաղային դատավարությունը՝շարունակական գործողության մեջ

Հունիսի7-ին Լոռու մարզի ընդհանուր իրավասության դատարանում շարունակվում էր փետրվարի 7-ից սկսված կենցաղային գործի քննությունը՝բազմահարկ շենքի 9-րդ հարկի բնակիչ, Վանաձորի վետերանների միության կինխորհրդի նախագահ, երկարամյա քիմիագործ Հենրիետա Մխիթարյանի հայցով՝ընդդեմ իր ներքեւի հարեւանի։Մխիթարյանը վնասի հատուցում է պահանջում՝իր բնակարանի պատին եւ առաստաղին պատճառված վնասի համար, որի մեղավորն, ըստ նրա՝ներքեւի հարեւանի գործողություններն են տանիքում եւ շքամուտքում։

Նիստի ավարտից հետո, կին-դատավորը սիրո եւ համերաշխության մթնոլորտում փորձեց միջհարեւանային լարվածությունը թուլացնել/ինչի փորձ արել էր նաեւ նախորդ նիստի ժամանակ/, եւ մտերմիկ տոնով ասաց․,,Ժողովուրդ, ախր դուք հարեւաններ եք, ո՞նց կարելի է, բա դուք համատիրություն չունե՞ք, որ ձեր խնդիրներով զբաղվի,ունեք, չէ՞․․․,,։

,,Իհարկե ունենք, բայց՝չի աշխատում․մինչեւ էստեղ հասնելը ես բոլոր ինստանցիաներով անցել եմ, չեմ ցանկացել գործը դատարան հասցնել,,-պատասխանեց Մխիթարյանը, որ իր հետ որպես իրեղեն ապացույցներ՝բերել էր շենքի ծխատար խողովակից հանված գորգի մնացորդներ, կոշտ աղբի թափոններ, որոնք,ինչպես նաեւ այլ արտաքին գործոններ ու ապօրինություններ՝տանիքում, ըստ նրա, կարող էին պատճառ հանդիսանալ իր բնակարանի պատի քայքայման․մանավանդ, որ նաեւ ,,կրակի լեզվակներն էին հասել բնակարան,,/մեջբերում՝դիմումից։Պատասխանող կողմն էլ՝որպես ինքնապաշտպանական զենք, բերել էր Լոռթու մարզպետարանի կողմից նախկին վարչապետի հանձնարարականով կազմված հանձնախմբի եզրակացությունը, որ, ըստ Մխիթարյանի, ոչ անկողմնակալ եզրակացություն էր՝պատասխանողի օգտին, քանի որ հանձնաժողովի անդամներից մեկը՝քաղաքապետարանի աշխատող, ըստ Մխիթարյանի՝անձնական մտերմություն ուներ պատասխանողի հետ։Այդ մասին նա հայտարարեց նախորդ նիստի ժամանակ։

Դատական նիստին արդեն հանրային պաշտպան էր մասնակցում՝առաջին պաշտպանի փոփոխությունից հետո, քանի որ Մխիթարյանն առաջինի գործողություններում դատից խուսափելու միտում էր նկատել, երբ վերջինս ոչ միայն առաջին նիստին չէր մասնակցել/պատճառաբանելով այդ օրը փաստաբանների համընդհանուր գործադուլին մասնակցելու հանգամանքով/, այլեւ հայտնել էր, որ երկրորդ նիստին էլ չի կարող մասնակցել։Ու հենց հանրային 2-րդ պաշտպանն էլ միջնորդեց նշանակել փորձագիտական հանձնաժողով, որպեսզի եզրակացություն ստանան, թե ու՞մ մեղքով կարող էր առաջանալ հայցվորին պատճառած վնասը, որպեսզի որոշվի, թե ումից գանձում կատարվի/ենթադրվում է, որ եթե պարզվի, որ մեղավորը ներքեւի հարեւանը չի, ուրեմն կարող է գործն ավարտվի նրանով, որ հայցվորին առաջարկվի նոր հայցադիմում ներկայացնել՝նոր պատասխանող մատնանշելով/։Այսինքն՝կրկին բյուրոկրատական քաշքշուկ, որ կարող էր շատ հանգիստ լուծվել՝տեղական իշխանությունների բարի կամքի դրսեւորման դեպքում, կոմունալ բաժնի կամ համատիրության կողմից։

Դատավորի ջանքերը՝հակամարտող կողմերին հաշտեցնելուն միտված, արդյունք չտվեցին․թեպետ՝Մխիթարյանն ի սկզբանե հակված էր խնդիրը կարգավորել խաղաղ ճանապարհով։Բայց՝պատասխանող կողմի հետ փոխադարձ մեղադրանքների ժամանակ ստիպված եղավ հիշեցնել, որ վերջինս դեռեւս 2004թվին իրեն ծեծի էր ենթարկել՝ընտանյոք/,,ինքը ձեռքերս բռնել էր, կինն էլ խփում էր,,/։Հիշեցնենք, որ ծեծի առթիվ քրեական գործ էր հարուցվել եւ առաջին ատյանի դատարանը գումարային փոխհատուցում էր նշանակել, բայց՝հետագայում վերին ատյանն այն չեղարկել էր։Դատավորը խնդրեց ծեծի գործը չխառնել հայցի պահանջի հետ։

Դատական նիստի ավարտից հետո պատասխանող կողմը հեռացավ՝քթի տակ Մխիթրյանի հասցեին անվայելուչ արտահայտություններ նետելով, ինչին ի պատասխան,Մխիթարյանի զարմուհին, որ թե առաջին, եւ թե հունիսի 7-ի նիստին մասնակցելու համար հատուկ ժամանել էր Մոսկվայից, ռուսերեն ասաց․,,Լեզուդ քեզ քաշիր,,։Իսկ նախորդ նիստերի ժամանակ էլ պարբերաբար հիշեցնում էր, որ Մխիթարյանին ավելի վաղ ծեծի են ենթարկել, որի պայմաններում հաշտվելուց խոսելն անիմաստ է։

Փաստորեն, հունիսի 7-ին լրացավ կենցաղային այս գործի քննությաունը մտավ 4-րդ ամսվա մեջ,/նախորդ նիստի ժամանակ ընդիմիջում հայտարարվեց, փաստորեն, 2 ամսով/, իսկ կենցաղային խնդրի 14-րդ տարին լրացավ։

Մխիթարյանի եւ նրա շքամուտքի խնդրին առնչվող նամակների վրայով 1 մարզպետ է անցել, 2 քաղաքապետ, 2 պատգամավորներ եւ նույնիսկ՝նախորդ վարչապետը։Իսկ դատարան դիմել է տեղական իշխանության գրավոր խորհրդով՝ի պատասխան նամակների։

ԳԱՅԱՆԵ ՀՈՎՍԵՓՅԱՆ