Ու՞մ բարձր հովանու ներքո է ,,ջրվել,, 2018-ին ՀԾԿՀ-ի դեմ հարուցված քրեական գործը

 Նիկոլը զարմացած է ու զայրացած է/իբր՞, թե՞ իրականում/։Բա գիտե՞ս՝իրավապահ համակարգը թերանում է, քրեական գործերը լավ չի ավարտին հասցնում, ,,քրեական գործ են հարուցում՝ու մեկ էլ իմանում ես, որ էդ մարդը սրճարանում նստած է,,/այս կարգի դժգոհություն հայտնեց եթերից։Բայց ինչու՞ այդքան պրիմիտիվ, իսկ չկա՞ն՝ավելի բարձր մակարդակով, որ դուբայներում կամ ամերիկաներում ֆռֆռում են նրանք, ովքեր պետք է որ մեկուսարաններում լինեին․․․կամ՝էլ ավելի վատ․մեկ էլ իմանում ենք, որ ում վրա քրեական գործ կար, հանկարծ շատ բարձր պաշտոնի է նշանակվել ու մարդկանց ճակատագիր է որոշում․․․

․․․Կրկին եվ երիցս ու հերթական անգամ հարցնում ենք․ի՞նչ եղավ 2018-ին հարուցված քրեական գործը՝ՀԾԿՀ նախկին ու ներկա նախագահների եվ այլոց նկատմամբ հարուցված։Հասարակությանն իրազեկեցին՝որեական գործ հարուցելու մասին, բայց՝գործի ճակատագիրը մնաց անհայտ։Ուրեմն ո՞րն էր հարուցելու եվ հրապարակավ հայտարարելու իմաստը ,որ ձեվացնեն, թե կոռուպցիայի դեմ պայքարու՞մ են՝բա՜րձր մակարդակով։Կարելի է պատկերացնել, թե այդ գործով անցնող Գարեգին Բաղրամյանին վարչապետի հրամանով դրանից հետո ՀԾԿՀ նախագահ դարձնելուց․․․անտեղյակ է ինքը՝վարչապետը։Փոխանակ պատժվեր այդ անձը, ու նրա ձեռամբ հաստատված ապօրինի սակագինը՝5400դրամ,որ ապօրինաբար որոշել էին․․․ջրի խողովակի 18խ/մ-ը 30խ/մ դարձնելով ու անջրաչափ բաժանորդների գլխին գաղտնաբար ու դավադրաբար կոտրելով՝2016-ին/, դեռ մի բան էլ՝պաշտոնի բարձրացում ունեցավ՝արդեն որպես ՀԾԿՀ նոր նախագահ/նախկին պաշտոնանկ արված Ռոբերտ Նազարյանի փոխարեն/, ու այդ նոր պաշտոնում էլ ավելի առաջ գնաց  ու ընդառաջելով ֆրանսիական ընկերությանը՝,,Վեոլիային,, ամսավարձը դարձրեց 6014դրամ․անջրաչափների համար․աղետի գոտու խոցելի խավերի համար, որոնցից ոմանք ոչ իրենց մեղքով է, որ ջրաչափ չունեն եվ դեռ մինչ այդ էլ շատ ավելին են վճարում, քան՝կվճարեին ունենալու դեպքում։2016թվի այդ հանցանքի համար մի խումբ չինովնիկներ՝ՀԾԿՀ-ից, պարգեվատրվել են Ֆրանսիայի կառավարության ուղեգրով, իսկ նրանց ապօրինությունից տուժածների գլխին ,,Վեոլիան,, շարունակում է նոր ,,պարտք,, աճեցնել՝ապօրինի սակագնով ու դատական հայցեր ներկայացնել՝անգամ տարեց քաղաքացիների դեմ, ձմեռ օրով հասցնելով դատարան՝որպես ,,պատասխանող,,։Հիշեցնեմ 2017-ից եմ ահազանգում այս մասին, բազմիցս եմ դիմել պատկան մարմինների/սկսած նախկին ու ներկա վարչապետերից, վերջացրած՝նախկին նախագահներով ու  ՄԻՊ-երով,այլեվայ պատկան մարմիններով/։Առայժմ չեմ դիմել միայն ՀՀ ներկա նախագահին, որովհետեվ հազիվ թե  որեվէ  մխիթարական քայլ կատարվի նրա կողմից եվ կամ՝միջամտի կառավարությանը, որ չեղարկվի այդ չարաբաստիկ ապօրինի սակագինը՝2016թ-ն ՀԾԿՀ-ի կողմից հսատատված;Ի վերջո ու՞ր է ,,թավշե հեղափոխության,, խիղճն ու բարոյականությունը,  ո՞նց կարելի է խոցելի խավերի հանդեպ այդքան անմարդկային լինել։Եվ ի վերջո՝ու՞մ բարձր հովանու ներքո է իրականացվում հայ-ֆրանսիական համատեղ թալանը՝քաղաքացու գրպանի նկատմամբ։Ինչքա/ն կարելի է ջայլամի քաղաքականություն վարել՝չտեսնելու տալով այդ առթիվ բազում բողոքներ, որոնցից կարելի է մի քանի հատորյակ կազմել։

ԳԱՅԱՆԵ ՀՈՎՍԵՓՅԱՆ,Վանաձոր

Բաժանորդն անընդհատ վճարում է, բայց ,,պարտքն,, անընդհատ աճում է

 Սկսած 2016թվից,օր-ցերեկով քաղաքացիների բացահայտ կողոպուտ է գնում՝ներհամայնքային ոլորտում։Բնակչության վրա տարիներով կուտակված պարտքերի վրա անընդհատ տոկոսներ են ավելանում/,,նկարվում,,/ու ,,պարտքերն,, անընդհատ աճում են։Անգամ կանոնավոր մուծումներ կատարող բաժանորդները/որ նախկինում ինչ-որ պարտք են ունեցլ/, տեսնում են, որ պարտքն անընդհատ աճում է ու աճում։Սա ի՞նչ է, միջնադարյան հայ գյուղացու կախվածությունը՝տեղական քյոխվաներից,այս ձեվո՞վ է վերականգնվում։Քանիցս եմ ահազանգել վերջին 7 տարում եվ պատգամավորների, եվ Վանաձորի համայնքի ավագանուն, որ բացատրություն տրվի, թե ինչ հիմքով, օրենքի որ կետով են աղբի վարձի վրա տոկոսներ ավելանում 2016թվից, բայց՝ձայն բարբառո։Տարիներ առաջ,նախկին իշխանությունները օրոք գոնե ոլորտի նորությունները,փոփոխությունները ներկայացվում էին բնակչությանը՝եթերով։Հիմա դա չկա։Ինչու՞։Այլեվս իրավական չե՞նք համարվում կամ ժողովրդավարական,բայց ,,վերին,, իշխանությունները մշտապես հակառակն են ներկայացնում Արեվմուտքի ու Եվրոպայի իրենց դոնորներին։ՀԾԿՀ կոչվող կառույցը/որտեղ բուն են դրել քրեականացված տարրեր/,տարիներ շարունակ ժողովրդին սուսուփուս հրամցնում են իրենց ձեռամբ հաստատած սակագները՝ջրի, հոսանքի, աղբի, բայց այ՝աղբի վարձի պարտքերի վրա տոկոսներ դնելու մասին որեվէ գրավոր հիշատակության չենք հանդիպել։Ժարգոնային լեզվով ասած՝աղբի վարձի պարտքերի վրա ,,շչոտչիկ,, են միացրել,ու դրա հետեվանքով ,,պարտքն,, անընդհատ աճում է ու սպառնում կուլ տալ քաղաքացիներին,դառնալ կոմպրոմատ՝ընտրությունների ժամանակ ձայներ ,,կորզելու,, նպատակով․․․/իհարկե , ընտրությունների ժամանակ ոչ միայն աղբի, այլեվ՝այլ կոմունալ ,,պարտքեր,, են դառնում կոմպրոմիսի առարկա՝,,ձայն պարտքի դիմաց,,/։

․․․․Քանի որ ամեն ամիս տարբեր թվեր են գալիս աղբի վարձի հաշվեհամարին՝որպես կայուն վարձ,տոկոսն էլ՝վրան/,,ծախս,, գրությամբ/,ստացվում է, որ ամեն ամիս ․․․․սպառած թե ,,արտադրած,, աղբի գումարը տարբեր է/ով զավեշտ/։Ու հիմա ստիպված ենք հիշատակել ,,Թաքնված տեսախցիկ,, հեռուստատեսային նախագծի մի համար,երբ ,,Պոնչո,, մականվամբ դերասանը Վանաձորի կայարանամերձ թաղամասում աղբարկղի մոտ կանգնած,միամիտ լոռեցիներին համոզում էր, թե այսուհետ աղբը կշռելու են եվ այդ նպատակով մարդկանց խնդրում էր աղբի տոպրակը հանձնեն իրեն, որ կշռի․․․․արի ու տես՝հավատացողներ էին եղել,որ այդ առթիվ որոշում կա․․․․․Ու անակնկալի եկած միամիտներն ստիպված էին լուրջ ընդունել անլուրջը,որովհետեվ ինչ ասես,ինչ ,,չխմազ,, որոշում ասես՝կարելի է սպասել։Խնդրեմ, ուրեմն աղբի վարձի վրա տոկոսներ դնելն էլ հերթական չխմազությունն է՝ժողովրդի համար տհաճ հետեվանքներով։Այդ ամենը դեռ քիչ է,աղբի վարձ գանձելու համար միջնորդավճար են գանձում որոշ բանկեր,որ կարող է հասնել մինչեւ անգամ՝200դրամի/օրինակ՝,,Վիվասելում,,որն ունի կոմունալ ծառայությունների ընդունման բաժին/։Եթե հաշվի առնենք, որ մեկ անձի աղբի վարձը 200դրամ է, ստացվում է, որ մարդը պետք է կրկնակի գումար վճարի։

Ակնկալում ենք արձագանք,բացատրություն եվ բարի կամքի դրսեվորում՝աղբահանման ծառայությունների ոլորտը կարգի բերելու նպատակով՝ՀԾԿՀ-ից, Ազգային Ժողովից, քաղաքապետարանի կոմունալ բաժնից, համայնքի ավագանուց՝եթե գործում է։Միաժամանակ ակնկալում ենք ՀՀ մարդու իրավունքների պաշտպանի ուշադրությունը՝այս խնդրի վրա,որ,համոզված ենք,հազարավոր քաղաքացիների համար է դառնում եվս մեկ ծանր հոգս․մարդն անընդհատ վճարում է՝անհրաժեշտ սակագնով ,բայց պարտքը՝տարիների վաղեմություն ունեցող, փոխանակ չեղարկվի, որպես ժամկետանց, անընդհատ աճում է,ու սա չի կարող նորմալ երեվույթ լինել։

ԳԱՅԱՆԵ ՀՈՎՍԵՓՅԱՆ,Վանաձոր

ՎԵՐԱԿԱՌՈՒՑՈՒՄԸ ՄՏԵԼ Է ՁՈՐԱԳԷՍ

 Վերակառուցումը Ձորագէսում ներառել է նախկինում ակումբին ու ՀԷԿ-ին, կարի ֆաբրիկային պատկանող շենքի մի մասը, որից այժմ միայն քարե պատերն են՝որպես նորակառույցի հիմք։Սրանում համոզվեցինք՝սեպտեմբերի 17-ին այցելելով Ձորագէս։Սա այն շենքն է, որի սեփականաշնորհումը նախկին իշխանությունների օրոք ոչ միայն անհայտ հանգամանքներում էր, այլեվ՝այդ թեմայով խոսելն անգամ ռիսկային էր, ,,տաբու,, կար այդ թեմայի վրա, ու անհայտ է, այն ,,Տաշիր,, ընկերությանն էր պատկանում, Սերժի փեսա Միքայել Մինասյանի՞ն, թե՞ Պաշտապնության նախկին նախարար Սեյրան Օհանյանին, ում նկատմամբ հարուցված քրեական գործը՝Ձորագէսի շենքերից մեկի հետ կապված, վերջերս կարճվեց։Առայժմ նախկին ակումբի շենքի մի մասը շարունակում է ծառայել որպես բնակելի՝այստեղ տասնամյակներ շարունակ բնակվող մի քանի ընտանիքների համար։

Վերակառուցվում է նաեւ սովետական տարիների հյուրանոցը,որ ընդամենը 2 սենյակից բաղկացած մի բնակարան էր՝այսպես կոչված ,,առաջին շենքի առաջին հարկում/,որի վերջին բնակիչը 2 տարի առաջ մահկանացուն կնքած Ելենա Անդրեասյանն էր,ով իր նախկին բնակարանը՝,,պաժառնի շենքում,, հանձնել էր թե վաճառել Թուֆենկյանին/որ այդ շենքը գնել էր որպես հյուրանոցային համալիր/ եվ տեղափոխվել ,,առաջին շենք,,․ու դժգոհ չէր գործարքից,առավել եվս՝որ հյուրանոցի արբանյակային կապից օգտվում էր։Տեղեկություններ կան, որ այդ բնակարանն էլ նախատեսված է փոքր հյուրանոց վերաձեվելու համար։Հիշեցնենք, որ ավելի քան 20 տարի առաջ Ձորագէսում միջազգային կարգի հյուրանոց կառուցվեց/Թուֆենկյան/նախկինում ,,Պաժառնու շենք,, կոչվող շենքի վերակառուցման արդյունքում/, եվ ավելի քան 20 տարի է՝շենքը ծառայում է որպես բարձրակարգ հյուրանոց, որտեղ կառավարական այցեր են լինում, պետական-դրամաշնորհային ծրագրերով սեմինարներ տեղի ունենում։Այստեղ է վերջերս հանգրվանել նաեւ ՀՀ վարչապետը՝Լոռու մարզ կատարած այցի ժամանակ,այստեղ են հանգրվանում նաեւ արմատներով ձորագէսցի արտասահմանցի հայեր։Թերեվս,նոր կառուցվելիք/թե որ կառուցվի/ փոքր հյուրանոցը կթեթեվացնի միջազգային հյրուանոցի բեռը եվ կծառայի շարքային հանգստացողների՝ավելի մատչելի գներով։

․․․Ի դեպ, մի քանի տարի առաջ էլ այսպես կոչված ,,հավուզի,, տարածքը վերակառուցվեց․վաղուց ի վեր չգործող ջրավազանի փոխարեն այժմ այդտեղ մանկական խաղահրապակ է,կարուսելներ։Միայն չկարողացանք պարզել, թե արդյո՞ք նախկինում թթի ծառը՝նախկին ,,հավուզի,, մոտ, այլեվս դադարել է թթի ծառ լինելուց եվ բերք չի տալիս։Մոտակայքում տարիներ առաջ կառուցված խաչքարն էլ հուշում է, որ ձորագէսցին այլեվս աթեիստ չէ։

ԳԱՅԱՆԵ ՀՈՎՍԵՓՅԱՆ,Վանաձոր-Ձորագէս

Գիշերային ու կեսգիշերային ասֆալտապատումներ՝Վանաձորում

 Ուրբաթ վաղ առավոտից,ժամը 6-ն անց կեսից սկսած մինչեւ․․․․գիշերվա ժամը երկուսը Կ․Դեմիրճյան փողոցի մի հատվածում/20-28 շենքերի առջեվ/ ասֆալտապատման ու հարդարման բուռն գործընթաց էր։ Ժամը 20-ից սկսած՝5 միավոր շինտեխնիկա էր աշխատում․մասնավորապես,երկուսը՝ծանրքաշային,

3-ը՝միջին ու թեթեվքաշային,լապտերները միացրած համ ասֆալտապատում էին, համ՝մազութապատածը հարդարում՝գոլորշի արձակելով,փողոցի տվյալ հատվածի մի ծայրից մյուսը ,,քայլով մարշ անելով,,։Բացի աշխատող մեքենաների լույսն ու փողոցային լուսավորությունը կար նաեւ շարժական եռոտանի՝վրան լապտեր միացրած։Մի կողմից էլ բանվորական ուժն էր օժանդակ գործողություններ կատարում/այսինքն ,,ծանր հրետանուց ,, բացի ,,հետեվակային զորք,, էլ կար/։Կային նաեւ դիտորդներ ու հրահանգավորողներ։Բարեբախտաբար՝ասֆալտապատեցին նաեւ դիտահորերի՝կողքերը փորված հատվածները/որոնք ամիսներով աղբամանի էին վերածվել/։

Ակնհայտ է, որ պատվիրատուներից խիստ հրահանգ էին ստացել՝մի քանի ամսվա չարածի տեղը հանել շատ սեղմ ժամկետում,օգտագործելով անգամ բնակիչների գիշերային հանգստի ժամերը ու խաթարելով գիշերային լռությունը։Հնարավոր է, անկախության 32-րդ տարեդարձին կրկին կառավարական այց է սպասվում, ու տեղական իշխանությունները որոշել են այս անգամ Դեմիրճյան փողոցով բերեն վարչապետին։Հիշեցնենք, որ այս փողոցն ամիսներ առաջ խճապատել էին ու այդպես էլ թողել/որի արդյունքում անբարեկարգ հատվածներում ոտք ու ձեռք ջարդելու դեպքեր էին եղել/։Ականջը կանչի նախկին վարչապետ Կարեն Կարապետյանի, որ շինարարական աշխատանքների տեմպերի մասին ասում էր՝ բանվորները մի քանի ժամ ծխում են, մի քանի րոպե գործ անում/։

․․․․․Լուսամուտային Դիտումները՝մեր կողմից

ԳԱՅԱՆԵ ՀՈՎՍԵՓՅԱՆ Վանաձոր

Հ․Գ․Այսօր շարունակվում էր Դեմիրճյան փողոցի սկզբնամասի ասֆալտապատումը/Բանյո խաչմերուկից սկսած մինչեւ Բաթումի խաչմերուկ/․ըստ տեղեկությունների,այն սկսվում է վաղ առավոտվա ժամը յոթից/բնակիչներին քնաթաթախ տեղից հանելով ու եզրակացության առիթ տալով, թե ,,երկրաշարժ է,,/, ու շարունակվում մինչեւ գիշերվա ժամը 23-ը։Ի դեպ,այսօր մազութահոտը բռնել էր նաեւ Հայքի հրապարակը․այստեղ կենդանի խարույկ էր վառվում՝հնոցի դեր կատարելով,մազութապատման նպատակով։

Ասինք-տվինք-անցանք եվ վե՞րջ,բա ,,Վեոլիայի,, ապօրինություններին պատիժ չի հասնու՞մ

 Իշխանություններին սպասարկող կամ կամավոր հիմունքներով ,,արջի ծառայություն,, մատուցող  ,,լաքեյները,,/որոնց իրավամբ կարելի է նաեւ Բերիայի ու Եժովի ,,սեվ ձեռնոցներ,, անվանել/, երբ որ ֆեյսբուքում ընդդիմադիր գրառումներիս տակ մի քանի ,,լայք,, ավել են տեսնում, իրենց աթոռների համար վտանգ են զգում/երեվի մտածելով․,,էս ուրեմն վախի մթնոլորտը պկասում է՞,լավ չի, հեչ լավ չի․․․,,/,ու սկսում են մտմտալ,թե էլ ինչով նեղեն 28 տարվա ,,դուզ խոսող,, ու սեվին՝սեվ, սպիտակին՝սպիտակ ասող լրագրողին/արդեն 12 տարի՝անկախ բլոգեր/։Ասվածի ապացույցը շաբաթ օրը ,,Վեոլիայի,, կողմից իմ դեմ հերթական ահաբեկչություն-շանտաժն էր՝գումարի շորթման ակնկալիքով․այն դեպքում, երբ որ իմ դեմ ,,Վեոլիայի,, կողմից 1 տարի առաջ սկսված դատական գործը՝248հազար դրամի բռնագանձման պահանջով, դեռ քննության մեջ է,ու հաջորդ նիստի՝հոկտեմբերի 24-ին կայանալիք, մասին ,,Վեոլիան,, էլ է տեղեկացված։Ո՞նց կարելի է ամենամսյա կանոնավոր վճարումներ կատարող բաժանորդին/որ մուծումներն անում է ոչ թե ,,Վեոլիայի,, ապօրինի սակագնով, այլ՝խելամիտ հաշվարկով, բայց, այդուհանդերձ, ավելի շատ է մուծում, քան՝ջրաչափ ունենալու դեպքում կմուծեր/,այդքան նեղել, սպառնալ, ուլտիմատումներ տալ անգամ՝դատական գործի ժամանակահատվածում, արդյո՞ք դա օրինական է։Ահա այդ հարցի պատասխանն ստանալու համար երեկ ոչ միայն հայտարարություն կայացրինք՝պատկան մարմիններին ուղղված, այլեվ հայտարարության գրավոր տեքստն անձամբ տարանք Հելսինկյան քաղաքացիական ասամբլեայի Վանաձորի գրասենյակ եվ ՄԻՊ-ի Լոռու մարզի նորաստեղծ կառույցին/նկատի ունենալով,որ հայտարարությունը նաեւ ՄԻՊ-ին էր ուղղված, որին ուղարկել ենք նաեւ էլեկտրոնային նամակով/։

Այդ 2 կառույցներից մեկի իրավաբանը մեզ ներկայացրեց ՀԾԿՀ այն օրենքը, որով արգելվում է ջրամատակարարին՝դատական գործընթացի մեջ գտնվող գումարային խնդիրների դեպքում իրավական որեվէ գործողություն ձեռնարկել/հիշեցնեմ, մինչդեռ օգոստոսի 19-ին ջրի տեսուչի հավաստմամբ, ինձ գրավոր առաջարկվել է եռօրյա ժամկետում վճարել արդեն բուն ,,պարտքին,, ավելացած նոր գումարի հետեվանքով առաջացած ամբողջ 300հազար դրամը, եվ դեռ սպառնում էին ջրանջատումով/։Իրավաբանը միաժամանակ ճիշտ համարեց, որ ես հրաժարվել եմ օգոստոսի 19-ին ստանալ ինձ հրամցվող նոր ծանուցումը՝,,պարտքը,, եռօրյա ժանկետում մարելու մասին։Իրավապաշտպան մյուս կառույցից մեզ ուղղակի խորհուրդ տվին արհամարհել ,,Վեոլիայի,, սպառնալիքները, բայց՝տրամադրեցին իրենց հեռախոսահամարը,որպեսզի հույժ կարեվոր դեպքում տեղեկացնեմ գործընթացի մասին։Համենայն դեպս, 2 կառույցից էլ խորհուրդ տվեցին, որ ես ջրի տեսուչին բացատրեմ/անօգուտ գործ/, որ իմ դեմ հայցով գործը դատարանում է, եվ իրավունք չունեն ինձ ստիպել վճարում անել․ինչն արդեն իսկ փորձել էի՝մինչ իրավապաշտպաններին դիմելը, քանի որ տեսուչն առաջնորդվում է ,,ինձ ասել են՝թողթը տուր իրան, ես էլ տալիս եմ, չես վերցնում՝ուրեմն կասեմ, որ հրաժարվել է,,։Ինչքան ուզում է փորձես տեսուչին համոզել, որ ապօրինություն է այն, որ դատական գործընթացում գտնվող հայցվորին ստիպում են մուծում կատարել՝ամբողջությամբ մարելով վիճահարույց ,,պարտքը,,/ապօրինի սակագնով աճեցրած/ եվ դեռ սպառնալ ջրանջատումով,միեվնույն է, տեսուչի համար իր շեֆի ասածն է օրենք ու շեֆը նրա համար ,,վիշե կռիշի,, է։Այսպիսով, ,,Վեոլիան,, դուրս է եկել օրենքի շրջանակներից եվ իր լիազորությունների սահմաններից։ Եթե մարզային կառույցում տեղյակ չեն, որ արդեն իսկ գործը գտնվում է դատարանում, ուրեմն դա փնթի աշխատաոճ է, ,,վերեվների,, ու ,,ներքեվների,, գրասենյակների միջեվ անբավարար կապի հետեվանք, եվ, միգուցե նաեւ՝անգրագիտություն կամ՝դիտավորություն։Առավել եվս ապօրինություն է, երբ կանոնավոր մուծումներ կատարող բաժանորդին անհանգստացնում են ոչ աշխատանքային օրով։ Սրա համար պատասխան չե՞ն տալու այս դավադրության կազմակերպիչները, թե՞ հույսները դրել են ինձ մի օր կաթվածի հասցնեն․չկա մարդ՝չկա պրոբլեմ։Լավ, էս երկրում չկա՞ մի կառույց, որ էս անարխիկ հիմնարկի ականջները քաշի կամ ,,պորտը տեղը դնի,,  ՝իրավական ճանապարհով, թե՞ հանուն Մակրոնի ու Նիկոլի ջերմ հարաբերությունների, շարքային քաղաքացին է տուժելու։Մինչեւ ե՞րբ է այս կառույցը ժողովրդի հերն անիծելու ու վրան խնդալու՝իր տերերի հետ միասին․իսկ որ ավելի վատէ՝թալանելու, կողոպտելու, ունեզրկելու։Այսինքն ՀՀ քաղաքացու վրա կարելի է ապօրինի հաստատված սակագնով ,,պարտք,, աճեցնել, գործ սարքել, եվ դեռ այդ գործի ընթացքում նոր ապօրինություն թույլ տալ․բա ու՞ր մնաց ետհեղափոխական արդարադատությունը կամ արդարությունը։

ԳԱՅԱՆԵ ՀՈՎՍԵՓՅԱՆ, Վանաձոր

։

ՀՀ մարդու իրավունքների պաշտպան Անահիտ Մանասյանին,ՀՔԱ Վանաձորի գրասենյակի ղեկավար Արթուր Սաքունցին

                          ՀԱՅՏԱՐԱՐՈՒԹՅՈՒՆ

,,Վեոլիա-ջրի,, անարխիկ գործողությունների եվ մարդու իրավունքների խախտումների մասին

 

Չնայած ,,Վեոլիա-ջուր,, կոչվող ընկերության կողմից իմ նկատմամբ դատարան ներկայացրած հայցը՝248հազար դրամ բռնագանձելու, 2022թվի դեկտեմբերից գտնվում է քննության մեջ, եվ դատական հաջորդ նիստը նշանակված է հոկտեմբերի 24-ին/ինչի մասին Լոռու մարզի ընդհանուր իրավասության դատարանի դատավոր Ն․Սահակյանն իրազեկել է եվ ինձ, եվ ,,Վեոլիա-ջրի,, փաստաբան Մ․Սանթրոսյանին, եվ ,,Դատալեքս,, կայքում է տեղադրել այդ մասին որոշումը՝դեռ մեկուկես ամիս առաջ, սակայն ,,Վեոլիա-ջրի,, Լոռու տեղամասից սույն թվի օգոստոսի 19-ին, շաբաթ օրը/ոչ աշխատանքային/փորձում էին տեսուչի միջոցով ինձ գրություն փոխանցել, որ ես ,,պարտք,, եմ ,,Վեոլիային,, 300հազար դրամ,եվ այդ գումարը եռօրյա ժամկետում չվճարելու դեպքում ինձ սպառնում էին ջրանջատմամբ կամ․․․․դատական ճանապարհով այն բռնագանձելով։Այնպիսի տպավորություն է, թե ամառային տապը խփել է ,,Վեոլիայի,, աշխատողների գլխին եվ մոռացել են, որ իմ նկատմամբ դատական հայցը դեռ չի ավարտվել, քննության փուլում է, կամ, որ ավելի վատ է, ,,Վերեվի,, ,,Վեոլիան,, ,,ներքեվի,, ,,Վեոլիայի,, հետ լրիվ մեկ-մեկից անտեղյակ վիճակում են ու չեն նայում, թե ում՝ինչ փաստաթուղթ են ուղարկում։Մյուս տարբերակն այն է, որ այդ ամենն արվում է դիտմամբ՝պղտոր ջրում ձուկ որսալու նպատակով։Ամեն դեպքում՝սա արդեն ահաբեկչություն է ու շանտաժ,վերդատարանական ,,արդարադատություն,, ինչից կարելի է եզրակացնել, որ ,,Վեոլիա-ջուրը,, թքած ունի ՀՀ դատական համակարգի վրա։Սա նաեւ մարդու իրավունքների ոտնահարում է, եթե հաշվի առնենք, որ զգուշացումն արվում է ոչ աշխատանքային օրով,երբ սովորաբար այդ օրերին ,,Վեոլիան,, քաղաքացիների ահազանգերին չի արձագանքում անգամ՝վթարների դեպքում։Այս պայմաններում, բնականաբար,հրաժարվել եմ հանդիպել տեսուչին եվ ստանալ գրությունը․եթե 300հազար դրամի հասցված վիճահարույց, չհիմնավորված ,,պարտքի,, մեջ մտնում է նաեւ 248հազարը, որի մի մասով դատական գործը դեռ քննության փուլում է,ես ինչու՞ պիտի 300 հազարին տեր լինեմ։Մի՞թե ,,Վեոլիայի,, տեղամասում անտեղյակ են, որ իրենց վերադասի՝,,Վեոլիայի,, տնօրեն Մարիաննա Շահինյանի հայցով/բայց, անշուշտ, վերադասին իրենց կողմից տրամադրած փաստաթղթերով/ իմ նկատմամբ քաղաքացիական գործ կա դատարանում։Այդ մասին դեռ ամիսներ առաջ էլ եմ հիշեցում արել մեկտեսուչին, երբ վերջինս փորձում էր ինձ ,,համոզել,, որ ես ,,ոչ մի վճարում չեմ անում,,/,քանի դեռ վերջինիս չստիպեցի հեռախոսով բացել իմ հաշվեհամարն ու համոզվել հակառակի մեջ՝կանոնավոր մուծումներ կատարելու եվ մի բան էլ՝ավելի։Սա ոչ այլ ինչ է, եթե ոչ՝կրկնակի թալանի ու կողոպուտի փորձ՝պետական մակարդակով այն բաժանորդի հանդեպ, ով 51 տարվա շենքի բնակարանի սանհանգույցի խողովակների մաշվածության հետեվանքով ջրաչափ տեղադրելու հնարավորություն չունենալով, ստիպված է ավելի շատ վճարել/2200դրամ՝ամեն ամիս/քան՝ունենալու դեպքում։

   Արդեն 6-րդ տարին է գնում, որ ես՝28 տարվա իրավապաշտպան բլոգերը,2004թվին կոռուպցիայի դեմ պայքարի լրագրողական մրցանակ ստացած լրագրողը դատական հալածանքների եմ ենթարկվում ի պատասխան այն բանի, որ 2017թվից սկսած,բոլոր պատկան մարմիններին,նախկին ՄԻՊ-երին ու իրավապաշտպան կառույցներին, այժմ արդեն նաեւ՝ՀՀ գլխավոր դատախազին ահազանգում եմ, որ 2016թվի տարեվերջին տեղի է ունեցել գաղտնի ապօրինություն՝նախկին ՀԾԿՀ-ի ու ,,Վեոլիայի,, կողմից․ջրի վարձը անհիմն բարձրացել են՝խողովակի տարողությունը չհիմնավորված սահմանելով 30խ/մ՝նախկին 12 խ/մետրից,որի արդյունքում ջրի վարձը հանգամանքների ու իրավիճակի, օբյեկտիվ պատճառներով ջրաչափ չունեցող բաժանորդների համար դարձրել են 5400դրամ/անկախ՝ընտանիքի անդամների քանակից/, նախկին 1100դրամ անձաքանակի փոխարեն,իսկ 2022թվից արդեն՝6014դրամ։Իսկ այդ ապօրինության հեղինակները ոչ միայն չեն պատժվել, այլեվ նրանց դեմ 2018-ին հարուցված քրեական գործի ճակատագիրն անհայտ է։Այդ հանցանքի մասնակիցներից Գարեգին Բաղրամյանի պաշտոնն էլ բարձրացվեց՝դարձնելով ՀԾԿՀ նախագահ/եվ հենց նոր պաշտոնում նա արդեն համարձակորեն ձեռնամուխ եղավ 5400դրամ սակագինն էլ 6014դարձնելուն/։

Դժվար է ասել, թե ,,Վեոլիան,, է իմ դեմ հարձակվող, ես՝պաշտպանվո՞ղ,թե՞ հակառակը, բայց փաստ է այն,որ տեղի է ունեցել ապօրինություն ՝ի վնաս քաղաքացիների/,,Վեոլիայի,, ու ՀԾԿՀ-ի ձեռամբ/,ու դրա հետեվանքով արդեն 6 տարի է,արդարադատությունը շարունակոմ է բռնության ենթարկվել արդեն՝ետհեղափոխական Հայաստանում,իսկ այն ոտնահարողներն ազատորեն շրջում են ու նորանոր ապօրինություններ կատարում՝իրենց դեմ պայքարողների նկատմամբ․ընդհուպ մինչեւ կյանքի համար ռեալ վտանգ ստեղծելը ջրանջատումով կամ՝անջատման սպառնալիքով։

ԳԱՅԱՆԵ ՀՈՎՍԵՓՅԱՆ,Վանաձոր                                                                                     

Կրիմինալաթաթախ, անտերուդուս Հայաստան

 Գիշերվա ժամը 24-ն անց մի քանի րոպե անց Վանաձորի  Երկաթուղայինների այգու դիմացի շենքերի բնակիչները մի 10-15 րոպե սարսափի մեջ էին/դրանից հետո էլ երեվի թե՝ծանր ապրումների տակ/։Մի երիտասարդ աղջկա աղեկտուր ճիչերն էին փողոցում՝օգնության կանչող, այնուհետ տիրեց մեծ լռություն, իսկ պատշգամբներից ու լուսամուտներից աղմուկի վրա դուրս թափվածները մի որոշ ժամանակ վարկածներ էին քննարկում, որոնցից մեկն էլ այն էր՝,թե ,,աղջիկ փախցրին,,։Արդեն վաղուց ի վեր ,,բնական,, է, որ այդ ժամին ոչ մի ոստիկան չի երեվում՝կարգուկանոնի պահպանություն իրականացնող։Էդ մենակ սովետական տարիներին էր, որ տարածքում մայթերին ոտքով քայլող միլիցիոներները կամ դրուժիննիկները հսկողություն էին իրականացնում։Հիմա՝նախկին ցածր աշխատավարձ ստացող ոստիկանները չնայած փոխարինվել են շատ բարձր աշխատավարձ ստացող պարելներով/որոնցից շատերը անգամ ոստիկանական ակադեմիա չեն ավարտել/, որոնք էլ ապահովված են ծառայողական շքեղ մեքենաներով, բայց՝նրանց լավագույն դեպքում կարելի է տեսնել որեվէ շարքային կամ ոչ տերավոր վարորդի կանգնեցնելիս/իսկ ,,պռախոդ,, ունեցող մեքենաները կարող են գազը խփած սլանալ,բայց հետեվից սլացող պարեկային մեքենա հազվադեպ կտեսնես։Նիհար, վտիտ ոստիկաններ են հիմնականում, ,,ի՞նչ գործ ունեն,, գնան կռիվ-ղալմաղալի մեջ ընկնեն, վարորդ կանգնեցնելիս է՝լ էլ հո մենակ չեն, մի քանիսով են ,,շուրջկալի,, ենթարկում։ օրինազանցին։

   Այդ տհաճ երեվույթից հետո մի քանի րոպե անց՝քաղաքի հարակից կենտրոնական հատվածներից լսվում էին ոստիկանական մեքենաների ազդանշանների ձայները, իսկ քաղաքի այդ բանուկ հատվածը, որտեղ քիչ չեն գիշերային ,,ռազբորներն,, ու տուրուդմփոցները, մնաց փողոցում տիրություն անող թափառական շների ,,հսկողության,, ներքո,եվ մեկ էլ՝մինչ լուսաբաց շրջապատի վրա ողբում էր երկաթուղայինների այգու ,,պահապան,, շունը՝շղթայակապ վիճակում․նրա պահած տարածքն ի՞նչ պիտի լինի։

․․․Փաստորեն, ,,աղջիկ փախցնելու,,հինավուրց, հայկական գեղեցիկ,, սովորույթը դեռ պահպանվում է․թեպետ՝դատելով երիտասարդ աղջկա օգնության կանչերից, հազիվ թե այդ ամենը նրա ,,սրտով,, լիներ ու ,,հինավուրց ավանդույթի,, հետեվանք։Հնարավոր է, ավելի վատթար տարբերակ էլ լիներ․ասենք՝նարկոլածիրակներն իրենց համար զվարճանքի որս լինեին գտած,կամ՝միգուցե որեվէ փողատեր տարեց անառակի սիրտը ,,16 տարեկան կույս աղջիկ,, լիներ ցանկացած/ինչպես ասվում էր ,,Պապայի աղջիկները,, հայկական կրիմինալ սերիալում/,, ու զանգի-զրանգիներն էլ գործի անցած լինեին։Կարծում ենք, տեղին չէ նաեւ մեղադրել, թե էդ ժամին ջահել աղջիկն ինչ ուներ փողոցում․մարդ է, կարող է ընտանիք պահելու համար գիշերային ժամի էլ է աշխատում, ուրեմն պետք է լածիրակների զոհ դառնա՞․․․էստեղ են ասել՝,,բա գողը հեչ մեղավոր չի՞։․․․,,։

Հարկավոր է ծառայողական մակարդակով խստացնել պարեկների աշխատանքային ռեժիմը։ Եթե աշխատավարձն ավելացել է, ուրեմն պահանջներն էլ պետք է մեծ լինեն։Թե չէ այնպիսի տպավորություն է, թե պարեկները միմիայն մեքենա կանգնեցնելու ու վարորդ տուգանելու, մեկ էլ՝իշխանություններին ցույցերի ժամանակ սեփական ժողովրդից պաշտպանելու համար են։Ի դեպ, որքան հիշում եմ, տարիներ առաջ Վրաստանում օրենք էին ստեղծել՝աղջիկ փախցնելու համար տուգանք նշանակելու մասին․անգամ, եթե գործն ավարտվել էր ամուսնությամբ։Էս ո՞ր դարն է, ո՞ր երկրում ենք ապրում, Եվրոպա կգոռանք, ու հետ-հետ կվազե՞նք․․․․

ԳԱՅԱՆԵ ՀՈՎՍԵՓՅԱՆ,Վանաձոր

12 տարի՝բլոգերային գործունեության մեջ

 Հուլիսի 24-ին լրացավ սույն բլոգի՝AZAT ANKAKH ստեղծման 12 տարին։Այսպիսով՝բլոգային գործունեությունս դարձավ 12 տարեկան․այսինքն՝քաղաքացիական անկախ լրագրության/որին ես անվանում եմ ,,ազատ-անկախ-անտեր,,/։Միայն սույն բլոգում այս 12 տարիներին լույս են տեսել 636 հոդվածներ։Հիշեցնեմ, որ այս բլոգից բացի, հետագայում ստեղծեցի նաեւ Պատմաքաղաքական եվ Լրագրողական բլոգները․առանց որեվէ դրամաշնորհային աջակցության կամ պետական հովանավորության։Պետք է խոստովանեմ, սակայն, որ ֆեյսբուքյան հրապարակումներս շատ ավելին կարող են լինել, քան՝բլոգում զետեղվածները։Բլոգի հրապարակումներից ոմանք արտատպվել են նաեւ այլ կայքերում։2 անգամ բլոգն արգելափակվել է՝սեվ-մութ ուժերի կողմից, բայց՝մեր համառ ջանքերի արդյունքում կրկին վերաբացվել։

Իսկ ընդհանրապես լրագրողական ամբողջ գործունեությունս 28 տարվա է՝սկսած 1995թվից/թեպետ՝1989թվին էլ մեկ-երկու թղթակցությամբ հանդես եմ եկել նաեւ սովետական տարիների մամուլում/։Այլ կերպ՝գրել եմ եվ սովետի օրոք, եվ ՀՀՇ-ի, եվ ՀՀԿ-ի, եվ Նիկոլի։Ավելի լավ է գրող լինես, քան՝գրողի տարած։

ԳԱՅԱՆԵ ԳԵՈՐԳԻԻ ՀՈՎՍԵՓՅԱՆ,Վանաձոր

Արդարությունը շարունակում է մնալ բանտված՝7 սարի ետեվում

 Նիկոլ Փաշինյան, ես՝2000-20010թվերի տարբեր ժամանակահատվածներում ձեր խմբագրած ,,Հայկական ժամանակ,, թերթին թղթակցած լրագրողը, ով այս տարվա հունվարից համալրել է թոշակառուների շարքերը, արդեն 5 ամիս է բղավում է,որ աշխատանքային ստաժ ունեցող թոշակառուները լիարժեք թոշակ չեն կարող ստանալ՝ 1992թվի չարաբաստիկ օրենքի պատճառով, որ հազարավոր թոշակառուների համար փորձանք է դառել/որովհետեվ այդ օրենքի համաձայն պահանջվում է ոչ միայն աշխատանքային գրքույկի առկայություն՝թոշակային փաստաթղթեր ներկայացնելիս, այլեվ՝տեղեկանք այն գործատուի կողմից, ում մոտ թոշակառուն աշխատել է․տեղեկանք՝գործատուի կողմից սոցվճարումներ կատարելու մասին/։Եվ քանի որ շատերի հիմնարկները լուծարվել են, որոշների ղեկավարներն էլ սոցվճարներ չեն արել, ուստի աշխատանքային գրքույկի տվյալ տարիների ստաժը չի հաշվարկվում․իսկ սա կատարյալ անարդարություն է, մարդն ի՞նչ մեղավոր է որ իր նախկին գործատուները թերացել են,սոցվճար չեն արել, եվ կամ՝հիմնարկը լուծարվել է․կամ էլ՝,,մատյանները կորել են,,/ինչն այնքան էլ արժանահավատ փաստարկ չէ/։Այդ առթիվ էլեկտրոնայն նանմակներս եվ համացանցային բաց նամակներս մնացել են անարձագանք/գրել եմ եվ Ազգային ժողովին, ԵՎ ԱԺ մարդու իրավունքների հանձնաժողովին, եվ սոցապ նախարարությանը/։Հիմա դուք պնդում եք, որ թոշակառուները պետք է պայքարեն կոռուպցիայի դեմ, օգնեն պետությանը՝պայքարելու կոռուպցիայի դեմ։Բա 5 ամիս է ահազանգոմ եմ, թե ինչ կոռուպցիոն ռիսկեր են Ազգային Արխիվում, սոցիալական ծառայությունում՝այդ օրենքի պատճառով, եվ կամ ինչո՞վ պետական կոռուպցիա չի այն, որ Ազգային Արխիվը/որ կոչվում է պետական ոչ առեվտրային կազմակերպություն/ քաղաքացուն տեղեկանք տալու համար անթաքույց գումար է պահանջում՝նվազագույնը 1000դրամ նախնական վճար․եվ սա՝օրենքը վկայակոչելով։Նաեվ քանիցս փորձել եմ պարզել, թե որքան է կազմում յուրաքանչյուր տարվա համար հատկացվող գումարի չափը՝թոշակ նշանակելիս,բայց անօգուտ է,ինչ-որ անհասկանալի գործակիցներ են մտցրել, թե ինչ հաշվարկով են հաշվում՝միայն իրենց/հաշվողներին/ է հայտնի, բայց՝մոտավոր հաշվարկներից ենթադրվում է, թե յուրաքանչյուր տարվա գումարը կազմում է 500-600դրամ։Ինչու՞ չի չեղարկվում 1992թվի օրենքը, որ ավելի է մեծացնում կոռուպցիոն ռիսկերը՝կենսաթոշակային համակարգում, եվ այն թողնում հաշվողների մտքին, խղճին ու երեվակայությանը, ապօրինություն անելու հանդեպ ռիսկայնությանը։Ձեր կառավարության կողմից սահմանված թոշակային ավելացումից հետո/որ հայտնի չէ, թե արդյո՞ք բոլոր թոշակառուներին է վերաբերվում, թե՞ կախված է թոշակի չափից/, աշխատանքային ստաժ ունեցողի եվ չունեցողի տարբերությունը շարունակելու է մնալ շատ քիչ․եթե հաշվի առնենք, որ 24 տարվա ստաժ ունեցողն այսօր ստանում է 38հազար 350դրամ թոշակ, իսկ նվազագույն թոշակի չափը սահմանված է 31600դրամ։Ո՞րն էր 2018-ի ,,հեղափոխության,, իմաստը,եթե արդարությունը շարունակում է մնալ բանտված՝7 սարի ետեվում։Ի վերջո առակս զի՞նչ ցուցանե;․

-չեղարկեք 1992թվի տեխրահռչակ որոշումը՝թոշակների մասին;

-Ավելացրեք յուրաքանչյուր տարվա ստաժի համար հատկացվող թոշակի  գումարի չափը,դա է պահանջում արդարության սկզբունքը։

ԳԱՅԱՆԵ ՀՈՎՍԵՓՅԱՆ,Վանաձոր

ՀԾԿՀ-ն ու ,,Վեոլիան,, չոքել են արդարության բկին

 Ֆրանսահայ հասարակական գործիչ Լեո Նիկոլյանը հերթական անգամ քննադատեց Հայաստանում Ֆրանսիայի դեսպանին ու ,,Վեոլիային,,՝փոխադարձ կոռուպցիոն գործարքի մեջ լինելու համար, եվ մատնանշեց, որ Ֆրանսիայի դեսպան տիկինը սպասարկում է Ադրբեջանի շահը։

Բայց, ,,Վեոլիայի,, պարագայում չպեք է մոռանալ, որ այսօր ՀՀ քաղաքացու գլխին պատուհաս դարձած ու մեծ կեղեքիչ ,,Վեոլիա-ջուրը,,/ում Ֆրանսիայի կառավարությունը դեռ տարիներ առաջ է բացահայտել՝որպես Ռումինիայում կոռուպցիոն գործարքների մասնակից/,Հայաստանի ջրային տնտեսությունն իր ձեռքը վերցրեց 2016-2017թվերից,մի կասկածելի ու գաղտնի գործարքի արդյունքում, որ տեղի ունեցավ ՀՀ նախկին նախագահ Սերժ Սարգսյանի եվ վարչապետ Կարեն կԿարապետյանի օրոք։Ու հենց 2016թվի վերջին էր,երբ ՀԾԿՀ նախկին նախագահ Ռոբերտ Նազարյանը գաղտնաբար, առանց հանրային քննարկումների, առանց հասարակությանն իրազեկելու հաստատեց մի որոշում, ըստ որի,ջրի վարձը բարձրացել է՝12 խորանարդ մետրից դառնալով 30 խորանարդ մետր․ի՞նչ տրամաբանությամբ են որոշել խողովակի ծախսը մեծ ցույց տալ՝անհայտ է մնացել․համենայն դեպս՝4 ամիս հաստատ անհայտ էր, քանի որ որոշումը չի տեղադրվել ոչ ՀԾԿՀ կայքում, ոչ ,,Վեոլիայի,, կայքում/ որպեսզի բողոքարկման ժամկետը՝որպես նորմատիվային ակտ, անցնի/։Ըստ այդ, ջրի վարձը անջրաչափների համար դարձավ կայուն 5400դրամ՝անկախ ընտանիքի անդամների քանակից/երբ որ մինչ այդ հաշվարկվում էր անձաքանակ 1100դրամ, որն արդեն իսկ պատկառելի գումար էր, եվ դա էլ իր հերթին բարձրացել էր ՀԾԿՀ նախկին նախագահի ձեռամբ՝760 դրամից/։Հենց այդ չարաբաստիկ որոշումն է դարձել անջրաչափների գլխին փորձանք, քանի որ ,,Վեոլիան,, դրանից հետո սկսել էր բաժանորդների հաշվեհամարին ,,նկարել,, կայուն 5400դրամ՝ամեն ամիս,եվ անգամ պարտադրել ,որ բաժանորդները պայմանագիր կնքեն՝այդ թիվն ընդունելով ի գիտություն։Չենթարկվողներին սպառնում էին դատարանով եվ ջրանջատումով։Նախորդ/թերեվս նաեւ՝ներկա/իշխանության համար կատարյալ չարախինդ հրճվանք էր, երբ այդ կարգի քաղաքացիների թվում, ում վրա ,,Վեոլիան,, ապօրինի սակագնով թիվ էր ,,նկարում,,  ընդդիմադիր լրագրող էր/ի դեմս տողերիս հեղինակի/,այլապես ինչո՞վ բացատրել, երբ այդ աղաղակող ապօրինության մասին արդեն ահազանգում եմ 6 տարի՝եվ նախկինների օրոք, եվ ներկաների, սակայն հանցանքի հեղինակներին պատժելու փոխարեն ինձ որոշեցին պատժել՝շարունակելով իմ վրա ,,նկարել,, այդ չարաբաստիկ 5400դրամը՝ամեն ամիս/2022թվից արդեն՝6014դրամ/։Իսկ 2017թվին ,,Վեոլիան,, այնքան ոգեվորվեց՝իր անպատժելիության հանգամանքից, որ իմ դեմ դատական հայց ներկայացրեց՝11 ամսում իմ հաշվեհամարին ,,սարքած,, 31հազար դրամի բռնագանձման պահանջով։Ընդ որում՝Նոր տարվա շեմին։2018-ին դատարանը մերժեց ,,Վեոլիայի,, հայցը՝իմ կողմից ներկայացրած իրավաբանական հիմնավորումներից ելնելով։Բայց՝4 տարի անց, 2021թվից ,,Վեոլիան,, նոր գրոհի անցավ եվ կրկին սկսեց իր հարձակումները․արդեն՝4 տարում ,,աճեցրած,, 248հազար դրամ գումարի բռնագանձման պահանջով։

2017թվից եմ ահազանգում ,,Վեոլիայի,, եվ ՀԾԿՀ-ի համատեղ կոռուպցիոն գործարքի մասին, բայց՝վերջիններիս պատժելու փոխարեն որոշեցին ինձ պատժել,փաստորեն,գողանալով տարիներս ու ժամանակս, նյութական ռեսուրսներս՝,,Վեոլիայի,, դեմ գրած հոդվածների արդյունքում․ո՞վ պետք է հատուցի դրա համար, եթե ինքս եմ իմ միակ պաշտպանը, քանի որ որեվէ Հ/Կ այդպես էլ ձեռնամուխ չեղավ այդ կոռուպցիոն սկանդալի մեջ խորանալու եվ ,,Վեոլիային,, դատի տալու։Արդյունքում՝,,Վեոլիայի,, դեմ պայքարում եմ ոչ թե հարձակման ձեվով/որ ավելի  ճիշտ կլիներ/, այլ՝ինքնապաշտպանության, 

քանի որ բավարար ռեսուրսներ չկան՝իրավական հարձակման անցնելու համար։Զարմանալի է, որ ,,Վեոլիայի,, փաստաբանները ,,չգիտեին,, որ իմ միակ սեփականությունն է հանդիսանում բնակարանս, որի մասին կա վկայություն՝մինչ ,,Վեոլիան,, ունեցած իմ նախկին պայմանագրում՝2014թվին ջրմուղի հետ կնքված/նախկին պայմանագիր ներկայացրել եմ դատարանին/։Բնականաբար, դատարանը մերժեց ,,Վեոլիայի,, պահանջը՝բնակարանի նկատմամբ կալանք դնելու, թողնելով միայն գումարի բռնագանձման հայցը, որի վերաբերյալ գործը քննվում է դատարանում՝դեկտեմբերից սկսած։

2018թվի ,,հեղափոխությունից,, հետո թվում էր, թե այս իշխանություններն, ի վերջո, ,,Վեոլիայի,, կոռուպցիոն գործունեությանը վերջ կտան՝չեղարկելով 2016թվի ՀԾԿ նախկին որոշումը՝ջրի վարձը բարձրացնելու, խողովակի տարողությունը 12խորանարդ մետրից 30 դարձնելու վերաբերյալ։Միամտորեն ոգեվորվել էինք, երբ քրեական գործ հարուցվեց 2018-ին՝ՀԾԿՀ նախկին նախագահ Ռոբերտ Նազարյանի եվ այլոց նկատմամբ, քանի որ պարզվել էր, որ այդ ապօրինի որոշումը հաստատելուց հետո ՀԾԿՀ մի խումբ պաշտոնյաներ՝Նազարյանի գլխավորությամբ, ,,Վեոլիայի,, կողմից պարգեվատրվել են Փարիզի ուղեգրով։Բայց՝քրեական գործի ճակատագիրը մնաց անհայտ, իսկ իշխանության կողմից պաշտոնանկ արված Ռոբերտ Նազարյանին փոխարինեցին․․․․նրա հետ այդ ապօրինի որոշման կայացման մասնակից Գարեգին Բաղրամյանով։Ահա այս նոր պաշտոնում էլ Բաղրամյանը ձեռնամուխ եղավ․․․․․ջրի վարձի նոր բարձրացում նախաձեռնելով, եվ 5400դրամը դարձնելով 6014դրամ․հարց է ծագում, այդ ինչպե՞ս եղավ, որ 12-ից 30 խորանարդ մետր դարձած խողովակը 2017-ին 5400դրամի ջուր է սպառում, 2022թվին՝6014․այս եվ այլ հարցեր ներկայացրել եմ դատարանի ուշադրությանը։Ցավոք, այդ հարցերին նիստերի ընթացքում պատասխան չեղավ, քանի որ ,,Վեոլիան,, հեռատեսորեն ի սկզբանե տեղեկացրել էր, որ չի մասնակցելու նիստերին/փաստորեն, երեսները չի բռնում,պարզապես՝հանուն իրենց աշխատավարձի, իրենց ,,սեվ գործն,, արել են եվ ՀՀ խոցելի պայմաններում ապրող քաղաքացու ,,գլխին սարքել,,․եվ սա՝ այն դեպքում, երբ անգամ ջրմուղի տեսուչն է խոստովանում, որ այդ քաղաքացու/այսինքն՝իմ/մուծած գումարներն ավելի քիչ կլինեին, քան՝հիմա մուծում է․բայց որովհետեվ ,,Վեոլիայի,, սակագնով/5400-6014դրամ/ ,,նկարած,, թիվն ավելի մեծ է, ուստի ամեն ամիս՝մոտ 3000դրամ աճ է տեղի ունենում՝նախկին  ,,պարտքի,, վրա։

․․Եվ ո՞վ է այսօր լծվել ,,Վեոլիային,, պաշտպանելու անփառունակ ու դատապարտելի գործին ու աղետի գոտու վթարային շենքերի խոցելի պայմաններում ապրող քաղաքացիների գլխին ,,թիվ նկարում,, ու ,,պարտք,, սարքում․,,Դելեքս,, փաստաբանական խումբը,որի անդամներից ոմանք եթերում կամ իրենց ֆեյսբուքյան էջերում հայրենասիրական ճառեր են ճառում՝Արցախի մասին, բայց ՀՀ քաղաքացուն կողոպտելու եվ ունեզրկելու գործին են լծվել՝չեներկայանալով իրենց իսկ կողմից ներկայացված հայցերի քննարկմանը։

․․․,,Չարն էլ է միշտ հիշվում անվերջ, անեծք նրա չար գործին․․․,,։ 

ԳԱՅԱՆԵ ՀՈՎՍԵՓՅԱՆ,Վանաձոր

,,Վերջինն ո՞վ է,,

 Ուրբաթ,հունիսի 2-ին, ժամը 19-ի սահմաններում մի միտինգի ժողովուրդ կար՝Վանաձորի բանկոմատներից մեկի առջեվ, Լուսավորչի փողոցում։Ամեն նոր եկող հարցնում էր, թե ,,վերջինն ո՞վ է,,։Անգամ վեճերն էին ծագում ու ամեն մեկը մեկի էր վկայակոչում,որ ապացուցի, որ վերջինը ինքն է։Պարզվեց, ոչ բոլորն էին թոշակի սպասում, բայց ովքեր որ թոշակի հույսով էին,գլխներին սառը ջուր մաղվեց, երբ տեղեկացված մեկը հայտարարեց, որ ,,թոշակ չկա,կառավարիչն ասել է գումարը ժամը 9-ից հետո կնստի,,։Երբ իմացան, որ այլ բանկերում թոշակ է եղել եվ ստացողներ են եղել, ոմանք զայրացան․,,Ըհը, տեսնում եք չէ՞, էս բանկը միշտ էս ա, միշտ ուշ են ուղարկում թոշակները,,։Փաստորեն, բանկերի հանդեպ Կենտրոնական բանկը թե գանձապետարանը ,,ջոկողություն,, են անում։Իսկ ի՞նչ անեն նրանք, ովքեր քաղաքի ծայրամասից հասել են կենտրոն՝տրանսպորտային ծախսեր կատարելով,ու իմանում են, որ գումարը դեռ ,,չի նստել,,։Ստացվում է, որ պետք է տրանսպորտի վրա մի քանի օր գումար ծախսեն, որ թոշակին ,,բռնեցնեն,։Ահա եվ ձեզ ,,բարեփոխում,,՝փոստային բաժանմունքներից բանկերին հանձնելով ոչ միայն թոշակները, այլեվ արդեն՝նպաստները։Փոստատարներին թոշակառուների կողմից կամավոր հիմունքներով տրվող 100դրամ ,,թեյավճարի,, փոխարեն հիմա մինչեւ 1000դրամ ծախս է արվում թոշակառուի կողմից՝տրանսպորտի վրա/ավելացրած այն, որ բանկոմատը մինչեւ 900դրամ գումարը չի հատկացնում, այն պտտվում է հաշվի համարին՝փոխանցվելով հաջորդ ամիս․իսկ ի՞նչ երաշխիք, թե թոշակառուն մինչեւ հաջորդ ամիս ապրելու է/։Այսպիսով, այն, ինչ չհաջողվեց անցկացնել նախկին իշխանության օրոք/այն է՝փոստային բաժանմունքներից բանկերին հանձնել թոշակների բաշխումը/,հաջողվեց ներկաներին․ժողովրդի դիմադրողականության թուլացման պատճառով։

ԳԱՅԱՆԵ ՀՈՎՍԵՓՅԱՆ

Մինչեվ ե՞րբ է շարունակվելու ,,Վեոլիայի,,օրինականացված թալանը

                                           

Ռուսներն այսպիսի խոսք ունեն․,,դօժիլի,,․հայերեն լեզվամտածողությամբ կլինի․,,տես թե ուր հասանք,,։Հիմա ո՞նց չասեմ՝տես թե ուր հասանք, եթե ինձ՝նախկին ժողատենակալին,դատարանի նախկին աշխատակցին,27 տարվա լրագրող-բլոգերին,ով իր ողջ լրագրողական գործունեության ընթացքում պայքարել է ապօրինությունների ու կոռուպցիայի դեմ,կոռուպցիայի դեմ պայքարի լրագրողական մրցանակի արժանացել 2004թվին/բանակում չարաշահումների եվ պետական համակարգում մարդասիրական օգնության սննդամթերքի յուրացման փաստերով լրագրողական հետաքննության համար/,այժմ դատի է տվել  ֆրանսիական տխրահռչակ ,,Վեոլիա,, ընկերությունը,որ վարձակալել թե սեփականաշնորհել է ՀՀ ջրային ցանցը՝կասկածելի հանգամանքներում /այն ընկերությունը,ում կոռուպցիոն գործունեությունը՝Ռումինիայում ծավալած, բացահայտել է հենց ֆրանսիական կառավարությունը /։

   Եվ այսպես,2017թվից սկսած,ես հետեվողականորեն պայքարում եմ 2016թ․ կառավարության մի որոշման դեմ/փորձելով հիմնավորված փաստերով լրագրողական նյութերով,էլեկտրոնային նամակագրությամբ՝ՀՀ պատկան մարմինների ուշադրությունը հրավիրել այն հանցավոր գործարքի վրա,որ կայացել է ՀԾԿՀ-,,Վեոլիա,, համատեղ գաղտնի դավադրությամբ ջրի վարձը անջրաչափ բաժանորդների համար 5400դրամ դարձնելով/նախկին անձաքանակ 1100դրամ սակագնի փոխարեն/,ու այդ գումարն էլ որոշել են իբր՝խողովակի ծախսը 30 խորանարդ մետր հաշվելով/նախկին 12 խ/մ-ի փոխարեն/։Հարց է ծագում․իսկ ի՞նչ հիմքով է ֆրանսիական ընկերությունը միանգամից որոշել խողովակի ծախսը 2․5 անգամ մեծացնել,չէ՞ որ խողովակները ռեզինից չեն, որ ջուր սպառողները դրանք ձգել-մեծացնելու հնարավորություն ունենան։Ու այս անմիտ,բայց՝անջրաչափ բաժանորդների համար խոցելի որոշումը 4 ամիս գաղտնի է պահվել,հանրային քննարկման չի նեկայացվել․որպեսզի այն հնարավոր չլինի որպես նորմատիվային ակտ բողոքարկել։Այդ որոշումից 2017թվին անտեղյակ էին անգամ նախկին ,,Լոռի-ջրմուղում,, եվ չէին կարողանում հստակ բացատրություն տալ, թե ի՞նչ հիմքով է 2017թ․հունվարի անդորրագրերի վրա հայտնվել 5400դրամ թիվը,քանի որ իրենք այդ մասին հրահանգ չէին ստացել։Ահա այդ ժամանակվանից սկսած, դեպքերի հաջորդականությամբ, եվ ,,Վեոլիայի,, կայքից պատասխան չստանալով, ստիպված ահազանգել եմ պատկան մարմիններին/ի դեպ, ,,Վեոլիայի,, կայքի անհասանելիությանն այդ ժամանակ անդրադարձավ նաեւ ,,Արմենիա,, հեռուստատեսությունը/,այդ ամենի մասին գրել եմ իմ անձնական բլոգում/azatankakh.blogspot.com/:Միաժամանակ շարունակել եմ ամսվա վճարումները կատարել՝ մինչ ,,Վեոլիան,, եղած սակագնով, անձաքանակ 1100դրամ հաշվարկով․բնականաբար, դրա հետեվանքով իմ հաշվեհամարին սկսեց ,,պարտք,, աճել, քանի որ մինչ ես մե՜կ․․․երկու՜․․․մուծումներ էի կատարում հին սակագնով,2 անձի հաշվով, 2200դրամ ամսավարձ, ,,Վեոլիան,, կայուն 5400դրամ թիվ էր նկարում ամեն ամիս ու դրանով ,,պարտք,, սարքում։Իսկ պատկան մարմինները,փոխանակ ,,Վեոլիայի,, ձեռքը բռնելու եվ այդ հանցագործ որոշումը՝5400դրամ սակագնի, կասեցնելու,որոշեցին ,,Վեոլիայի,, համար ճանապարհ բացել եվ թույլ տալ, որ նա այդ ապօրինի նկարած թվով պարտքեր աճեցնի եվ դատի տա ինձ՝իշխանության կոկորդին փուշ դարձած լրագրողին։

  2018թ․,,հեղափոխության շեմին Լոռու մարզի ընդհանուր իրավասության դատարանը/դատավոր՝Տ․Գրիգորյան/ քննության առավ ,,Վեոլիայի,, հայցը՝ինձնից 2017թ․9 ամիսների համար 31հազար դրամ գումար բռնագանձելու,եվ մերժեց այն,հաշվի առնելով մի շարք հիմնավորումներ՝իմ կողմից ներկայացրած։Որոշումը չբողոքարկվեց եվ մտավ ուժի մեջ։1 տարի անց՝,,Վեոլիան,, դատարանի հայցով մերժած գումարը նախընտրեց սուսուփուս հանել իմ հաշվեհամարից,բայց, քանի որ համապատասխան մարմինները՝արդեն ետհեղափոխական Հայաստանում,շարունակում էին մատը մատին չխփել՝այդ չարաբաստիկ ապօրինի որոշումը չեղարկելու, նախկին կառավարության սխալը շտկելու  ուղղությամբ, ուստի ,,Վեոլիան,, շարունակում էր 5400դրամ թիվ նկարել եվ դրանով սկսել նոր պարտք ,,սարքելու,, գործընթաց․ի հեճուկս նրա, որ ես պատրաստակամություն չհայտնեցի ,,Վեոլիայի,, հետ նոր պայմանագիր կնքել՝այդ սակագնով, եվ կամ՝ջրաչափ տեղադրել,բացատրելով նաեւ ջրաչափից հրաժարվելու օբյեկտիվ, ոչ իմ մեղքով առկա պատճառները՝կապված բնակարանային պայմանների եվ իմ ֆինանսական վիճակի հետ/Ջրաչափ տեղադրելը ռիսկային էր՝երկրաշարժից հետո չամրացված, սանհանգույցը չվերանորոգված, 50 տարվա խողովակների մաշվածություն ունեցող բնակարանում,որտեղ անգամ գազամատակարարմամբ ապահովելն է ռիսկային,ուր մնաց՝մաշված խողովակները ջրաչափի ճնշման ենթարկելը/։

   Ի վերջո ,,Վեոլիան,, այնքան լկտիացավ,ոգեվորված՝ պատկան մարմինների կողմից հարցի հանդեպ դավադիր լռությունից, որ 2022թ․հունվարից էլ ջրի սակագինն անջրաչափների համար դարձրեց․․․․6014դրամ ․եվ սա՝այն դեպքում, երբ որպես 30խ/մ խողովակի ծախս արդեն հաստատել էր 5400դրամը․ստացվում է, որ 12խ/մ խողովակը կարելի է մի օր դարձնել 30 խ/մ, եվ ըստ դրա պատճառաբանել 5400դրամ սակագին հաստատելը, իսկ հետո այդ նույն 30խ/մետրի պայմաններում սակագին հաստատել 6014դրամը․լավ, էս երկրում  Հանրային խորհուրդ գոյություն չունի՞, ինչի՞ համար է այդ ահռելի կառույցի ղեկավարն ահռելի աշխատավարձ ստանում, եթե հանրային նշանակության հարցեը /որոնցով լցված է համացանցը,լցված է ,,Վեոլիա-հանրային վերահսկողություն,, ֆեյսբուքյան ակտիվ էջը/ այս կարգի բարձիթողի վիճակում են, ո՞վ պետք է պայքարի այս կարգի շառլատանությունների դեմ․դրա համար էլ ժողովուրդը հուսահատ վիճակում գալիս է այն ցավալի եզրակացության, որ ասում է՝դե սեփականաշնորհված կառույց է ջուրը, տերն ինչ ուզի՝կանի․․․բա ու՞ր մնաց, քաղաքացիական հասարակությունը, ժողովրդավարությունը, որի մասին ողջ օրը շաղակրատում են իշխանությունները, երբ հարցը վերաբերվում է միջազգային կառույցներում ,,ժողովրդավար,, երեվալուն եվ դրա պատրվակով գումարներ կորզելուն․․․․է հետո՞, պետություն չկա՞, չէ՞ որ ՀԾԿՀ-ն էլ /Հանրային ծառայությունները կարգավորող հանձնաժողով/ կոչված է մերժելու կամ հաստատելու հանրային ծառայություններ մատուցող ընկերությունների հայտերը,բայց մինչեւ հաստատելը, պետք է նայի, թե որքանով են հիմնավոր՝այդ ծառայություններ մատուցող ընկերությունների ներկայացրած հայտերը։ ՀԾԿՀ-ում մի՞թե չեն տրամաբանում, թե՞ հույսները դրել են ժողովրդի՝տրամաբանելու հնարավոր անկարողության վրա։

  Հիմա անցնենք իմ նկատմամբ ,,Վեոլիայի,, կողմից 2-րդ եվ 3-րդ հայցադիմումներին՝դատարանին ուղարկված։2021թվին, երբ ես ընդգրկվել էի Վանաձորի ՏԻՄ ընտրություններում՝ Հայկոմկուսի ավագանու թեկնածուների ցուցակում, ,,Վեոլիան,, սկսեց տեսուչի միջոցով բանավոր զգուշացումներից եվ ուլտիմատումից՝պահանջելով պայմանագիր կնքել, հակառակ դեպքում՝սպառնում էին ,,Երեվանից ջրանջատումով,,։Չի բացառվում, որ դա քաղաքական ենթատեքստ էլ ունենար, որովհետեվ ,,Վեոլիայի,, մարզային կառույցի ղեկավարն այն կուսակցությունից էր, որ նույնպես մասնակցում էր ընտրություններին՝դաշինքով։Ավելի ուշ, արդեն գրավոր սպառնալիք ուղարկվեց՝213հազար դրամ ,,պարտքը,, եռօրյա ժամկետում չմուծելու դեպքում դրա ծանր հետեվանքների մասին․այն մարդու ստորագրությամբ, ում հետ, ավաղ, 2002-2003թվ․նախագահական ընտրություններին նույն ընդդիմադիր հարթության վրա եմ եղել՝քաղաքական պայքարում։Եվ այնպես, ինչպես 2017-ի ,,ձմեռվա բուքին՝սառնամանիքին,, ու Նոր տարվա շեմին, այնպես էլ՝2021-ի դեկտեմբերին ու Նոր տարվա շեմին ստիպված էի անցնել նոր ինքնապաշտպանության։Կրկին դիմեցի Հելսինկյան քաղաքացիական ասամբլեայի Վանաձորի գրասենյակ,որտեղ 2018-ին ինձ տեղեկանք էին տվել առ այն, որ դիմել եմ ջրի սակագինը բողոքարկելու խնդրանքով։Նամակ ուղարկեցի նաեւ ,,Վեոլիայի,,կենտրոնական գրասենյակ՝ գործադիր տնօրինուհուն,բացատրելով պարտքի կուտակման պատճառները եվ ջրաչափ տեղադրելու անհնարինությունը,բայց պատասխանը  կառավարության 2016-ի տխրահռչակ որոշումը պատճառաբանելու անդրդվելի մարտավարությամբ էր։Ամիսներ անց, արդեն 2022-ի ամռանը, ,,Հայփոստից,, ծանուցում ստանալով, զարմանքով տեղեկացա, որ ,,Վեոլիան,, իմ դեմ հայց է ներկայացրել՝գումարի բռնագանձման/ գումարի չափը չէր նշված/,դատարանն էլ մերժել է այն հիմնավորմամբ, որ ,,Վեոլիայի,, շահերի պաշտպանը չի ունեցել պատշաճ լիազորագիր։Այժմ արդեն՝3-րդ անգամ է ,,Վեոլիան,, իմ դեմ հայց ներկայացնում․սա կարելի է նաեւ արդարության համար պայքարող րագրողի դեմ հետապնդում համարել՝սոցիալական ոչնչացման նպատակով, հաշվի առնելով այն, որ այս անգամ ,,Վեոլիան,, մեծագույն ախորժակով, ժանիքները սրած՝դատարանից պահանջել էր իմ բնակարանի նկատմամբ կալանք կիրառել․մինչդեռ այն իմ միակ սեփականությունն է՝սովետի թվերից ,,ժառանգած,, եվ անկախության տարիներին սեփականաշնորհած։Բարեբախտաբար, դատարանն այնքան խոհեմ էր գտնվել, որ մերժել էր այդ պահանջով հայցն ընդունել քննության, եվ թողել էր միայն գումարի բռնագանձման հայցի քննությունը։Սկզբում որոշված էր, որ գործը պետք է քննվի ,,պարզեցված հայցային վարույթի,, կարգով, որի էությունն այն է, որ պատասխանողը չի կարող մասնակցություն ունենալ նիստին, եվ դատարանը միանձնյա որոշում է կայացնում․սա, թերեվս, նոր պրակտիկա է՝վերջին տարիններին ներդրված։Խորհրդակցելով հմուտ փաստաբանի հետ, պարզեցի, որ,այնուամենայնիվ, ես իրավունք ունեմ ներկայացնել ԱՌԱՐԿՈՒԹՅՈՒՆ եվ պահանջել, որ գործը քննվի ընդհանուր հայցային վարույթի կարգով՝իմ մասնակցությամբ։Դատարանը,իմ մասնակցությամբ քննության առնելով ԱՌԱՐԿՈՒԹՅՈՒՆՍ,  հարցուպատասխանի ընթացքում էլ մի քանի հանգամանքներ ճշտելուց հետո որոշեց հայցը քննել ընդհանուր հայցային վարույթի կարգով։Այս հարցում դեր խաղաց նաեվ այն հանգամանքը, որ դատարանը պարզեց, որ ,,Վեոլիայի,, ներկայացրած հայցադիմումի մեջ չի նշված, որ ես ջրաչափ չունեմ,եվ այդ ահռելի ,,պարտքը,,՝243 հազար դրամ/որ այլ հիմնավորումներով էլ է վիճարկելի/ գոյացել է անջրաչափների համար նախատեսված նոր, բարձր սակագնի հետեվանքով։Դատարանին հաջորդ նիստի ժամանակ ներկայացրի նաեւ Հայցադիմումի պատասխան/այնպես, ինչպես 2018-ի դատական նիստին/, եվ կից փաստաթղթեր՝,,Վեոլիայի,, պահանջը հիմնավոր չհամարող․այն է՝2017 եվ 2022թվերի․անդորրագրերի վրա նշված խողովակների ծախսի տարբերությունը․մի դեպքում՝12 խորանարդ մետր, մյուս դեպքում՝30 խորանարդ մետր․ինչպես՞ կարող են խողովակների ծախսերը փոխվել՝կայուն սակագնի պայմաններում։Բայց սա միակ աբսուրդը չէ։Ակնհայտ աբսուրդ է նաեւ այն, որ 2021թ․դեկտեմբերին ինձ ուղարկված գրության մեջ նշված է, որ դեկտեմբերի դրությամբ/թե որ թվի՝չի նշված/ ,,պարտքը,, 213 հազար դրամ է, իսկ ,,Վեոլիայի,, հայցով ,,պարտքը,,՝2021թ․հուլիսի դրությամբ 243 հազար դրամ,եվ ստացվում է, որ մինչեւ հուլիսն ավելի մեծ պարտք է գոյացել, քան՝մինչեւ դեկտեմբեր։Այժմ ներկայացրել եմ միջնորդություն՝,,պարտքի,, նկատմամբ հայցային վաղեմություն կիրառելու մասին, միաժամանակ վիճարկելով գումարի անտրամաբանությունը՝նախկինում նշված գումարի համեմատության մեջ։

  Ինչ կորոշի դատարանը՝ցույց կտա հետագան։Ցավոք, 1-ին ատյանի դատարանը իրավասություն չունի ՀԾԿՀ-ի սակագնի հարցը քննելու, ինչի մասին հայտարարեց նաեւ դատավորը՝նիստի ժամանակ։Իսկ այդ հանգամանքը, անկախ դատարանի որոշումից, առաջիկայում էլ կարող է ,,Վեոլիային,, հնարավորություն տալ շարունակել օրինականացված թալանը եվ քաղաքացիների սոցիալական ճորտացումը՝կեղեքելու, ունեզրկելու, սնանկացնելու միջոցով այնտեղ, որտեղ ուժը կպատի․չէ՞ որ ոչ բոլորը կարող են իրենց մեջ ուժ գտնել՝դեմ կանգնելու մի ամբողջ կոռումպացված կառույցի։

,,Իսկ դուք փորձե՞լ եք այդ սակագինը բողոքարկել վարչական դատարանում,,-դատավոր Ն․Սահակյանի հարցին պատասխանեցի, որ դա իմ՝շարքային քաղաքացու համար բարդ խնդիր է/առայժմ իմ սուղ ռեսուրներն ուղղված են իրավական ճանապարհով ինքնապաշտպանության, բայց ոչ՝հարձակման ուղղությամբ, եվ միայն լրագրողական պայքարով եմ փորձում պատկան մարմինների ուշադրությունը հրավիրել խնդրի վրա/։Խնդիրն ավելի է բարդանում, եթե հաշվի առնենք, որ ,,Վեոլիայի,, կենտրոնական գրասենյակը գտնվում է մայրաքաղաքում։Սակագնի բարձրացման 2016թ․կառավարության որոշումը միգուցե սահմանադրական դատարանի միջոցով/կամ վարչական դատարանի/բողոքարկելու եվ չեղարկելու գործը կարող էին իրենց վրա վերցնել իրավապաշտպան կազմակերպությունները, ՄԻՊ-ը,հասարակական պաշտպանների միությունը, Հանրային խորհուրդը/որոնց դիմել եմ վերջին 5 տարիներին բայց լիարժեք պատասխան չեմ ստացել/։Իսկ ավելի ճիշտ կլիներ այն, որ կառավարությունն ինքը ձեռնամուխ լիներ նախկին կառավարության սխալը շտկելուն, եվ թույլ չտար,որ ոչ իր մեղքով ջրաչափ չտեղադրած քաղաքացին կրկնակի տուժի եվ դատարաններում ինքնապաշտպանվի սխալ որոշման հետեվանքներից եվ օտարերկրյա շահագործողից։,,Վեոլիան,, կարող է վաղն էլ 7000դրամ վարձ սահմանի, ուրեմն պետք է անջրաչափ քաղաքացին այդ գնով ,,ղազագիր,, ստորագրի՞, թե՞ ապօրինի գործարքի մեջ մտնի ու, ասենք՝չաշխատող ծորակի վրա ջրաչափ տեղադրել տա, ու ամեն ամիս ,,զրո,, գրի․․․․․Հարց է ծագում, եթե բնակարանի վթարայնությունը թույլ չի տվել անգամ՝վերականգնել 93-ից ընդհատված գազամատակարարումը/խողովակները նորով փոխարինելու ռիսկայնության պատճառով/, ինչպե՞ս կարող է գազ չունեցող բնակարանը ամիսը 5400 կամ 6014դրամի, եվ կամ՝30 խորանարդ մետրի ջուր սպառել։Կամ ՀՀ քաղաքացին ֆրանսիական թոշակ է՞ ստանում, որ այդ գումարով ջրի վարձ մուծի։Ահա եվ ձեզ՝վայրի կապիտալիզմի ծանր հետեվանքները՝սոցիալիզմի փլուզումից 30 տարի անց։Համեմատության համար նշենք, որ Արգենտինայում, որ կապիտալիստական երկիր է, բնակչի ջուրը չեն անջատում պարտքի պատճառով, ջուրը համարվում է կեսնագործունեության համար կարեվոր պայման։Մինչդեռ ՀՀ նախկին կառավարության որոշումը թափահարելով՝,,Վեոլիան,, այսօր մարդկանց սպառնում է նաեւ ջրանջատումով/չնայած, կանոնավոր մուծումների պայմաններում էլ մարդիկ դժգոհում են անկանոն ջրամատակարարումից ու պարբերական ջրանջատումից, ինչի ամենավառ ապացույցը Վանաձորում վերջերս տեղի ունեցած բողոքի ցույցերն էին՝դատարկ դույլերով։Ահա այսպիսի անբարեհույս ընկերության ձեռքում է գտնվում ՀՀ ջրային ցանցը։Իսկ վերոնշյալ օրինականացված թալանի ամենամեծ պատճառն այն է, որ 2018թ․ հարուցված քրեական գործը՝ընդդեմ նախկին ՀԾԿՀ-ի եվ նրա կասկածելի գործարքի՝ջրի վարձի բարձրացման,այդպես էլ ընթացք չստացավ, իսկ այդ գործով անցնող մասնակիցներից մեկի պաշտոնը բարձրացվեց՝դարձնելով ՀԾԿՀ նախագահ։

   Արդարություն, ու՞ր ես, որ չոլում ես մնացել, որ Հայաստան չես հասել՝անգամ 2018-ի ,,հեղափոխությունից,, 5 տարի անց;

                                        ԳԱՅԱՆԵ ՀՈՎՍԵՓՅԱՆ,Վանաձոր

Հոդվածի կրճատ տարբերակը տպագրվել է ,,Հայաստանի կոմունիստ,, թերթի 2023թվի թիվ 1 համարում

Բարձրագույն դատական խորհրդի նախագահ Կարեն Անդրեասյանին

                          Բ Ա Ց           Ն  Ա Մ Ա Կ

  Հարգելի Կարեն Անդրեասյան․

1989-94թվերին աշխատել եմ Կիրովականի դատարանի գրասենյակում՝որպես գործավար-քարտուղար․միաժամանակ եղել եմ ատենակալ՝1986-1996թվերին, մինչեւ դատաիրավական բարեփոխումները։Անկախության տարիների կեսերից՝1995-96թվերից սկսած իրավական ոլորտը լուսաբանող լրագրող եմ/արդեն 11-12 տարի՝բլոգեր/, բարձրաձայնել եմ բազմաթիվ մարդկանց իրավունքների ոտնահարման դեպքեր եվ երբեմն կարողացել եմ հետամուտ լինել դրանց լուծմանը։2014թ․Ձեր՝ՄԻՊ կառույցի ղեկավար եղած ժամանակ մի վանաձորցի թոշակառու կնոջ  մտահոգող խնդիրն եմ ահազանգել Ձեր կառույցին՝պաշտոնական նամակագրություն վարելով ,եվ այդ կառույցի միջամտության շնորհիվ կնոջ խնդիրը լուծվեց որոշակի՝ՏԻՄ համակարգին Ձեր կողմից գրավոր միջամտության արդյունքում/մինչ օրս իմ անձնական արխիվում խնամքով պահում եմ այն որոշումը,որի համաձայն իմ բողոքի հիման վրա ՄԻՊ կառույցը վարույթ էր ընդունել/։

Հիմա, ցավոք, իմ իրավունքներն են կոպտորեն ոտնահարվում՝Միասնական սոցիալական ծառայության եվ դատաիրավական ոլորտում,ինչին նպաստում է 1992թվից մնացած օրենքը, որ ոտնահարում է հազարավոր թոշակառուների իրավունքներն այն առումով, որ համաձայն այդ օրենքի, թոշակի անցնելիս պարտադիր է համարվում ոչ միայն աշխատանքային գրքույկի առկայություն, այլեվ տեղեկանք՝գործատուի կողմից՝նրա կատարած սոցվճարների մասին։Եվ եթե քաղաքացին,կամ ՄՍԾ-ն, ում քաղաքացին ներկայացնում է աշխատանքային գրքույկ,չի կարողանում տեղեկանք ձեռք բերել՝հիմնարկի լուծարման կամ արխիվի անհետացման պատճառով,ուրեմն զրկվում է այդ տարիների ստաժի հաշվարկից եվ, այդպիսով, թոշակի չափը լինում է ոչ լիարժեք, հաշվի չի առնվում ամբողջական ստաժը։Իրավապաշտպանների հավաստմամբ, եթե թոշակառուները դիմեն դատարան, ապա դատարանը աշխատանքային գրքույկի հիման վրա վերականգնում է այդ ստաժը/ինչը  կասկածելի է/, բայց, ամեն դեպքում, ինչու՞ թոշակի տարիքի իրավունք ձեռք բերած անձանց չարչարել՝ֆինանսական խնդիրների մեջ գցելով եվ դատարանի դուռը հասցնելով,եթե կարելի է այդ չարաբաստիկ օրենքը վերջապես չեղարկել։Ի դեպ, այդ օրենքը չկա մեր երկրի ռազմավարական դաշնակից Ռուսաստանում,եվ ուրեմն ի՞նչ պարտադիր է, որ այն շարունակի գործել ժողովրդավարական համարվող Հայաստանում եվ հազարավոր թոշակառուների իրավունքները խախտի՝զրկելով լիարժեք թոշակ ստանալու իրավունքից;Թոշակի անցնող մարդն ի՞նչ մեղավոր է,որ իր երբեմնի հիմնարկը լուծարվել է կամ արխիվն անհետացել, եվ կամ գործատուն սոցվճարում չի կատարել/միգուցե նաեւ երկիրը թալանել-,,թռել,,/։Ինքս հիմա բախվել եմ նման խնդրի,որովհետեվ աշխատանքային գրքույկիս մեջ առկա պետական ստաժս՝դատարանում աշխատած, չի հաշվվել, որովհետեվ  այդ տարիների աշխատողների անձնական տվյալներն ,,անհետ կորածի,, կարգավիճակում են։Լոռու մարզի ընդհանուր իրավասության դատարանից,ի պատասխան իմ հարցման,տեղեկացնում են, որ իրենց մոտ 2000թվից է արխիվը,եվ ուղղորդում են արդարադատության նախարարություն,արդարադատության նախարարությունից հայտնում են, որ իրենց մոտ միայն դատավորների անձնական տվյալներն են, իսկ դատարանի աշխատողների տվյալները գտնվում են դատական դեպարտամենտում, եվ ուղղորդում են դեպարտամենտ։Դատական դեպարտամենտից հայտնում են,որ իրենց մոտ չկան իմ վերաբերյալ տվյալներ,եվ այդ տեղեկությունը փոխանցում եմ արդարադատության նախարարություն՝փորձելով հասկանալ, թե ինչ կարող է ձեռնարկել  նախարարությունը՝որպես արդարադատություն իրականացնող մարմին։Այս անգամ հուշում են, որ գնամ Երեվան եվ փորձեմ տեղեկանն ստանալ դեպարտամենտից՝աշխատանքային գրքույկը ներկայացնելով։Ի վերջո որոշվում է, որ գրքույկի քաղվածքն ուղարկեմ դատական դեպարտամենտ՝նախապես համաձայնեցնելով վերջիններիս հետ, ուստի համաձայնություն ստանալուց հետո ուղարկում եմ եվ գրքույկից քաղվածք, եվ իմ՝դատարան ընդունվելու հրամանը՝էլեկտրոնային փոստով։Բայց այդ ամենից հետո դեպարտամենտից առաջարկում են․․․․տեղեկանք պահանջել արդարադատության նախարարությունից․այսպիսով հասկացնելով, որ իրենք խուսափում են տեղեկանք տրամադրել։Իսկ ազգային Արխիվը/որ քաղաքացիների մասնավոր հարցումների համար 1000դրամ նախնական գումար է պահանջում՝օրենքը վկայակոչելով/,ՄՍԾ-ի պաշտոնական հարցումին, իբր, պատասխանել է, որ ինձ վերաբերվող տըվյալներից հայտնաբերվել է միայն․․․․11 ամսվա ստաժի վերաբերյալ մատյանները․իսկ սա վիճահարույց է, եթե հաշվի առնենք, որ այդ տարիներին աշխատած այլ թոշակառուներ տեղը տեղին թոշակի են անցել՝դատական դեպարտամենտից տեղեկանք ստանալով։Ի դեպ, Լոռու մարզային արխիվից էլ բանավոր հարցմամբ պատասխանեցին, որ իրենց մոտ /որտեղ Լոռու եվ Տաուշի մարզերի արխիվն է/,միայն  դատարանների վճիռների արխիվն է, աշխատողների անձնական տվյալներ չկան։Որքանո՞վ է խելքին մոտ այն, որ դատարանի արխիվը կարող է ոչնչանալ եվ չկա ,,այստեղ, այնտեղ եվ ամենուր,,։Եվ արդյո՞ք այս հարցում չկա դիտավորություն,եթե հաշվի առնենք, որ 1998-2004թվերին խմբագրությունում աշխատած տարիների մասին/աշխատանքային գրքույկում առկա/,ՄՍԾ-ն տեղեկացնում է, որ մարտ ամսից հարցում է ուղարկել, բայց պատասխան չի ստացվել, մինչդեռ խմբագրությունից ճշտել եմ, որ իրենք նույնիսկ 2 անգամ են տրամադրել պահանջվող տեղեկատվությունը։

Պարոն Անդրեասյան, ձեր՝իրավական ոլորտում երկարամյա փորձը եվ մասնագիտական կարողությունները հաշվի առնելով, ակնկալում ենք, որ կենսաթոշակային ոլորտում ձեռնամուխ կլինեք օրենսդրական փոփոխությունների եվ Ազգային Ժողովին կպարտադրեք չեղարկել իրեն չարդարացրած, դարն ապրած եվ հազարավոր քաղաքացիների թոշակի իրավունքները խախտած օրենքը։ Ի դեպ, այդ առաջարկով դիմել եմ նաեւ ԱԺ-ին եվ ԱԺ մարդու իրավունքների հանձնաժողովին՝մոտ մեկուկես ամիս առաջ, սակայն արձագանք չկա,ինչը կարելի է համարել արհամարհանք՝քաղաքացու ձայնի, քաղաքացիական նախաձեռնության հանդեպ։Եթե մենք իրավական երկիր ենք, մի՞թե քաղաքացին իրավունք չունի օրենսդրական առաջարկ ներկայացնի կամ հուշի նրանց, ովքեր կարող են դա ներկայացնել ըստ պատկանելույն։

ԳԱՅԱՆԵ ՀՈՎՍԵՓՅԱՆ,Վանաձոր

Աղբը շատանում է,կանաչ տարածքները պակասում են,շները բազմանում են, քաղաքն աղտոտում են

 Մայիսի 1,Վանաձոր,ոչ աշխատանքային ու տոնական օր՝նախորդ կառավարության օրոք վերականգնված․հիշեցնենք, որ 90-ականներից այս տոնը վերացրել էին․թերեվս,որպես ,,սովետական անցյալի մնացուկ,,․եվ միայն Հայաստանի կոմունիստներն էին այն նշում՝ամեն տարի մայիսմեկյան շքերթ կազմակերպելով։Բայց՝նախորդ, ՀՀԿ-ական կառավարությունը տարիներ առաջ վերականգնեց այդ տոնը/թեպետ,ի տարբերություն սովետական տարիների, մայիսի 2-ը չթողեցին որպես տոն, այլ միայն մայիսի մեկը/։Վաղ առավոտյան, սակայն, շների հաչոցից ու լեփլեցունից մի բան էլ ավել աղբարկղերի վրա թառած ագռավների ղռավոցիներից արթնանալով,տոնական զգացողություն հաստատ չես ունենա․մանավանդ, որ ուշադրությունդ անմիջապես գրավում է նաեւ 2 շագանակենիների տակ թափված շինարարական ահռելի աղբը՝Կ․Դեմիրճյան 24-26 շենքերի դիմաց։Թերեվս, այդ աղբը գոյացել էր 2 շենքերը միացնող քարե կամարի ներսում շինարարական աշխատանքներից։Հարց է ծագում․շինարարական աղբը կենցաղային աղբի համար նախատեսված աղբարկղերում լցնելու համար տուգանք է սահմանված, իսկ փողոցում թափելու համար,առավել եվս՝ծառերի արմատները վտանգելու, տուգանք չի հասնու՞մ։Եթե նկատի ունենանք,որ Նժդեհ փողոցի վրա էլ ,,բարենորոգման,, թե բարեքանդման ծրագրի շրջանակներում այն կարգի ասֆալտաքանդում են արել,որ ծառերի արմատներն են երեվում՝դուրս ցցված,կարելի է եզրակացնել, որ ծառերի չորացման դավադիր ծրագիր է գործում․արմատները չորացնում են, որ ծառերը կտրեն ու նորերով փոխարինեն/փողեր լվալու միջոց․հեչ որ չլինի՝անկապ սակուրաներ կարող է բերեն,որոնք շրջակայքին օգուտ չեն տալիս, փոշի էլ չեն կլանում/։Ի դեպ, ըստ դիցաբանական վկայությունների, սակուրաները նաեւ մեռնող զինվորներ են խորհրդանշում։

Աղբակույտերը մի կողմից, աղբը փողոցում ցիրուցան անող շները մի կողմից/այդ թվում՝մայթերի վրա փռված եվ անցուդարձին խանգարող շները․իբր մայթերի վրա անցորդների տեղաշարժի համար շատ տեղ կա,մի հատ էլ գափռ շներն են փռվում այդ տարածքում։Հարդարված ու խնամված սիզամարգերում,կանաչ տարածքներում, պուրակներում շներ/հանգստացող, վազվզող, սիրախաղերով զբաղվող/,գիշերային ժամերին մարդկանց հանգիստը խանգարող շներ,մայթերին փռված,վաղ առավոտյան աշխատանքի կամ շուկա գնացող մարդկանց վրա հարձակվող շներ,փողոցային գզվռտոցներով մարդկանց ականջը տանող շներ։Լավ, ինչքա՞ն պետք է քաղաքը մնա անտեր վիճակում։ժողովրդից մենակ ,,ճիպտած,, հարկ ու տուրք են հավաքում,վարձերով՝ խեղդում, իսկ քաղաքի էկոլոգիական վիճա՞կը, չէ՞ որ դրանից սկսվեց անկախության շարժումը՝նախորդ դարի 80-ականների վերջին,օդի աղտոտվածության դեմ ցույցերից,հիմա էլ հո օդն աղտոտող քիմիական գործարան չկա,բայց՝կան փողոցն աղտոտող թափառող շներ, շինարարական աղբ ու փոշի,հատվող

ծառեր՝փոշին կլանող։Աղբը շատանում է,կանաչ տարածքները վերանում են, օդի աղտոտվածությունը մեծանում է։

․․․Ամենայն հավանականությամբ, Դեմիրճյան 24-26 հասցեի մայթին գտնվող կանաչազարդ ծառերը դիտավորյալ չորացնում են կտրելու եվ առայժմ կանաչապատ մայթը բետոնապատելու նպատակով,որպեսզի նորոգվող ,,օբյեկտի,, համար հարմարավետություն եվ մեքենաների անցուդարձ ապահովվի։Հիշեցնենք, որ 2001 թվին էլ նույն գազոնի շարունակությունը բետոնացվեց՝կանաչ տարածքը վերացնելուց հետո,ինչին անդրադարձել ենք ,,Առավոտում,,՝2001-ին/,,Գործարարությունն ուղեկցվում է ապօրինի հատումներով,,/։Մայիսի 3-ի դրությամբ դեռ աղբակույտերը շարունակում էին մնալ տարածքում՝ծառերի տակ փառավոր ,,հանգրվանած,,։
ԳԱՅԱՆԵ ՀՈՎՍԵՓՅԱՆ,Վանաձոր

ՀՀ սոցապ նախարար Նարեկ Մկրտչյանին

                            Բ Ա Ց    Ն Ա Մ Ա Կ

Պարոն նախարար,արդեն տեվական ժամանակ է,սկսած այս տարվա հունվարից, փորձում եմ պարզել, թե ի՞նչ հաշվարկով է նշանակվել իմ՝հանրապետության 3-րդ քաղաք Վանաձորի բնակչի թոշակը եվ,առհասարակ, որքա՞ն է կազմում 1 տարվա աշխատանքային ստաժի համար հատկացվող գումարը։Յուրաքանչյուր տարվա ստաժի համար որոշվող գումարի չափի վերաբերյալ հարցով դիմել եմ նաեւ ,,Ազատություն,, ռադիոկայանի ձեր ֆեյսբուքյան ասուլիսին՝դեռեվս հունվար ամսին, սակայն պատասխանների ամփոփագրում իմ հարցի պատասխանը չկար․թերեվս ,հարցերն ընտրվել էին ընտրողաբար՝ըստ ,,վտանգավորության,, կամ ,,անվտանգության,, աստիճանի,մինչդեռ այդ հարցը մտահոգում է ոչ միայն ինձ,այլեվ՝նոր թոշակի գնացող այլ քաղաքացիների,որոնք այդ հարցի պատասխանը չեն կարողանում ստանալ սոցիալական տարածքային կենտրոնններից,որոնք մի լակոնիկ պատասխան են տալիս․,,չգիտենք, Երեվանն է հաշվում,,/տվյալ դեպքում՝եթե մարզաբնակներ են հարցում անողները/։Եթե Երեվանն է որոշում, ինչու՞ է իմ կենսաթոշակի հաշվարկի ,,իրավունքը,, հանձնվել ՄՍԾ 6-րդ բաժնին, որ, ինչպես պարզվում է, գտնվում է․․․․ Ապարանի Ամասիա գյուղում․մի՞թե արդեն քաղաքներն են գյուղերի մեջ մտնում, եվ ոչ թե՝հակառակը/թեկուզ՝սոցիալական ծառայության ոլորտում/,արդյո՞ք սա նոր սոցիալական քաղաքականություն է/Վանաձոր սոցիալական կենտրոնում այս ,,նորամուծությունը,, բացատրեցին ,,կոռուպցիայի,, բացառման հանգամանքով,ինչը ամենեվին չի արդարացնում ,,նորամուծությունը,, որից թոշակառուն կարող է տուժել/։

Այն, թե որքան է կազմում յուրաքանչյուր տարվա համար հատկացվող գումարը, այնքան խրթին է գրված օրենքում, որ ռեբուսի է նման։

Եվ այսպես, հունվարի 17-ին Վանաձորի սոցիալական ծառայություն եմ ներկայացրել աշխատանքային գրքույկ,որն էլեկտրոնային փոստով ուղարկվել է ՄՍԾ/ներառվել է գրքույկում առկա 24 տարվա ստաժ/։Ավելի ուշ, տեղեկացա ՄՍԾ կենսաթոշակների նշանակման 6-րդ բաժնի գրությամբ, որ իմ ստաժից հաշվարկվել է 18 տարի 8 ամսվա եվ 8 օրվա ստաժ,մնացած ստաժի համար, հավաստիացրին, որ հարցում է արվել Ազգային Արխիվին։Մարտ ամսի գրությամբ էլ,իմ հարցումներից հետո,գրավոր հայտնեցին Ազգային արխիվին հարցման արդյունքները, եվ, մասնավորապես այն,որ Կիրովականի դատարանի ստաժից՝1989-94թվերի, Ազգային արխիվին հասել են միայն․․․11 ամսվա մատյանները,որի ներառմամբ էլ թոշակի չափն ավելացել է․․․․690դրամով/այս թվաբանական գործողությունները իմ հաշվարկի արդյունքում եմ պարզել եվ եզրահանգել,որովհետեվ նրանց վերահաշվարկից հետո թոշակի չափը ավելացել է 690դրամով, ինչը վիճելի է, քանի որ պարզ չէ, թե որքան է կազմում մեկ տարվա ստաժի գումարը/։ Ինչու՞ պետք է 24 տարվա ստաժ ունեցող մարդու համար թոշակ սահմանվի 19 տարի 7 ամսվա կտրվածքով, այն էլ՝վերահաշվարկից հետո։

ՄՍԾ 6-րդ բաժնի կողմից ոչ լիարժեք հարցում է կատարվել նաեւ խմբագրությունում իմ ստաժի առթիվ․1998-2000 եվ 2002-2005 թվերի  տարբեր ժամանակահատվածների վերաբերյալ ստաժից՝գրքույկում առկա, Ազգային Արխիվին հարցում են արել միայն մեկ հատվածի համար,ինչու՞․այս հարցին՝իմ ուղարկած, ՄՍԾ-ն մեկ պատասխան ունի՝,,Դիմիր գրավոր,,։Ստացվում է, ամեն անգամ իրենք պետք է կիսատ-պռատ հաշվեն, թոշակառուն էլ պետք է գրավոր նամակներ ուղարկի՝լրացուցիչ ծախսեր կատարելով․կարծում եմ այս հարցում պետք է լինի ընտրողական քաղաքականություն․ում հարմար է էլեկտրոնային փոստով հարցումը՝ուղարկի էլեկտրոնային փոստով, ում չէ՝դիմի գրավոր, մինչդեռ այսր էլեկտրոնային փոստից կիլոմետրերով հեռու տարեց, հաշմանդամ քաղաքացիների սոցիալական ծառայությունում կարող են խորհուրդ տալ՝,,օնլայն դիմել,, իսկ էլեկտրոնային փոստով գրելում մասնագիտացած անձին՝,,դիմել գրավոր,,։Սա ոչ այլ ինչ է, եթե ոչ՝բյուրոկրատական քաշքշուկ առաջացնելու միտում։

Ի դեպ, ցանկանում եմ ուշադրություն հրավիրել նաեւ այն հանգամանքի վրա, որ այսօր մարդկանց իրավունքները պարզապես խեղդում է 1992թվի այն օրենքը, ըստ որի՝թոշակի անցնող քաղաքացին գրքույկից բացի պետք է ներկայացնի նաեւ սոցվճարումների մասին տեղեկանք՝գործատուից․ինչո՞վ է մեղավոր մարդը, եթե պարզվի, որ նախկին հիմնարկը չկա կամ՝գործատուն սոցվճարում չի արել, մի՞թե դրա համար պետք է 60-ն անց մարդիկ դատարանի դռներն ընկնեն՝իրենց ստաժը դատարանով հաստատելու համար։Հիշեցնեմ, որ մեր ռազմավարական գործընկեր ռուսաստանում նման օրենք չկա,  հաշվի է առնվում միայն աշխատանքային գրքույկը,ինչու՞ մեր երկրում ամեն ինչի վատն է վերցվում․սկսած՝կենսաթոշակի արեվմտյան ռեֆորմից, որ 90-ականներից փաթաթեցին Հայաստանի վրա եվ թոշակի շեմը դարձրին 63-65-ը՝նախկին 55-ի փոխարեն։Ակնկալում եմ ձեր միջամտությունը՝վերոնշյալ հարցերի կարգավորման համար, որոնք առավել մանրամասն ներկայացրել եմ նաեվ ձեզ ուղարկած էլեկտրոնային նամակում։

ԳԱՅԱՆԵ ՀՈՎՍԵՓՅԱՆ,Վանաձոր

Իսկ անարդարությունը պակասել է՞, թե՞ավելացել

 Սովետական տարիների այլախոհ,դիսիդենտ,սովետական տարիների քաղաքական բանտարկյալ Վարդան Հարությունյանի հարցազրույցն ականջովս ընկավ՝,,Ազատությունով,,․այն մարդու, ում հարցազրույցը խորհրդային տարիների մայրամուտին ,,Գարուն,, ամսագրում տպագրված, խնամքով պահում եմ, որովհետեվ ,,Գարուններն,, էլ եմ խնամքով պահում։Ասում եմ՝,,նախկին այլախոհ,, որովհետեվ առնվազն վերջին 5 տարիներին նրան որպես ,,իրավապաշտպան,,/ինչպես ներկայացրեց ,,Ազատությունը,,/ չեմ հիշում։

Եվ այսպես՝սովետական տարիների քաղբանտարկյալ Վարդան Հարությունյանը օրերս ,,Ազատությանը,,տված հարցազրույցում Նիկոլին քննադատեց․․․․սովետական համակարգը ետ բերելու մեջ․շատ չե՞ն Նիկոլին ,,լավություն անում,,՝նրան մեղադրելով իբր սովետական մտածելակերպ ունենալու մեջ։Նիկոլը վեր է ածվել ամենաիսկական դիկտատորի,բռնակալի,այլընտրանք չհանդուրժող ղեկավարի,իրեն իշխանության բերած ժողովրդին արհամարհողի ու բարձր ամբիոնից պիտակավորողի,Նիկոլը դառել է իր երբեմն ազատական սկզբունքների հակառակ կողմը/չնայած՝2006-ին նրա մուտքը քաղաքականություն սկսվեց ,,Այլընտրանք,, հասարակական-քաղաքական շարժմանը հարելուց՝հայտնվելով ցուցակի ամենավերջին տեղում/,Նիկոլից ի՞նչ սովետական․․․․/ակամա հիշում ենք ,,Մենք ենք՝մեր սարերը,, ֆիլմը․,,սովետականը Ավագն է,որ կնիկ չունի, ժամանակ էլ չունի կնիկ բերի,,/։

Հիմա որ սովետական համակարգին անուղղակիորեն մեղադրում եք՝նրան կապելով Նիկոլին/ինչը Նիկոլի համար հաճոյախոսություն կարելի է համարել/,էդ համակարգն ինչո՞վ էր խեղդում սովետական քաղաքացիներին/առանձին թերություններն ու բռնաճնշումների տարիները հաշվի մեջ չեն, որովհետեվ դրանց քաղաքական գնահատականը տրվել է հենց սովետական տարիներին՝1960-ականնեի սկզբին/։Մարդն ապրում էր առանց հիմնախնդիրների,չկար մասսայական գործազրկություն,գործարաններն աշխատում էին բարձր արտադրողականությամբ, ու որոշներն անգամ արտասահմանյան երկրների հետ պայմանագրեր ունեին,չկար սովամահություն/համենայն դեպս՝զարգացած սոցիալիզմի տարիներին՝1960-80-ականներին/,բարոյազրկումն ահագնացող չափեր չուներ,ու այդ առումով ընկերական դատարաններն էլ էին դեր խաղում, մարդու, հայի, առհասարակ ցանկացած ազգության քաղաքացու ազգային դիմագիծը չէր խաթարվում։Կամ որ հիմա Նիկոլի միահեծանությունը, այն, որ պարտադիր է համարվում ՔՊ անդամ լինելը՝ծառայողական առաջխաղացման համար,համեմատվում է սովետական տարիների միակուսակցական համակարգի հետ, մի՞թե սովետական միակուսակցական համակարգը խանգարում էր շարքային քաղաքացուն՝ունենալ քաղաքացիական ազատություններ եվ իրավունքներ,ու՞մ էին ստիպում կուսակցության/,,պարտիայի,/շարքերն ընդունվել, ընդհակառակը, ,չար լեզուների,, պնդմամբ, ոմանք իրենք էին փորձում զարտուղի ճանապարհներով ու անգամ՝կաշառքով ընդունվել ,,պարտիայի,, շարքերը, որպեսզի ղեկավար պաշտոն ստանան․թեպետ՝ոչ բոլոր ղեկավար պաշտոնների համար էր ,,պարտիականություն,, պահանջվում,իսկ բանվորներին առաջարկում էին ընդունվել՝ամենայն հարգանքով, բացատրելով, թե դա ինչ առավելություններ կարող է տալ իրենց։ Եթե սովետական միությունը չքանդվեր,շատ ավելի մեծ ձեռքբերումներ կլինեին,բայց՝միության փլուզումն արագացավ նաեւ նրանց պատճառով,ում մարդկային տեսակն այսօր առոք-փառոք հայտնվել ու հայտնվում է Նիկոլի կողքին կամ հովանու ներքո,եվ հիմա էլ այսօրվա հասարակությանը հրահրում՝ընդդեմ իշխանության,ում ինքը կառավարում է եվ ուղղորդում,ինքն օծում բոլոր այն բացասական հատկանիշներով,որոնց ահագնացման պատճառով փլուզվեց խորհրդային միությունը կամ, ինչպես սիրում են ասել նախկին դիսիդենտները՝,,կայսրապետությունը,,․միայն թե այդ կայսերապետությունը կայսր չուներ,ղեկավարում էր ,,գենսեկը,, իսկ հիմա՝ Նիկոլի ,,սեկտան,, որ ամենավատ կառավարողն է 30 տարվա բոլոր կառավարողներից։

Վարդան Հարությունյանը Նիկոլին ,,սովետականության,, մեջ մեղադրելուց հետո սահուն անցում կատարեց տնտեսություն՝երկրում դրական երեվույթներ տեսնելու միտումով,ու այդ հարցում նրան ,,օգնեց,, հարցազրույց վարողը։Պարզվում է, դրական երեվույթներ եղել են վերջին 5 տարում, բայց՝ՔՊ-ն դա չի կարողանում հավուր պատշաճի ներկայացնել։Օրինակ՝ըստ Հարությունյանի, կոռուպցիան պակասել է/ակամա հիշեցի մի վանաձորցու այն դիտարկումը ,որ ,,Սերժի օրոք հաշմանդամության կարգ ստանալն ավելի էժան էր, քան՝հիմա/։,,Հարկային տեռոր չկա,,․բա եթե հարկային տեռոր չկա, ինչու՞ լայն սպառման ապրանքների գները չեն իջնում,եթե կոռուպցիա չկա, ու՞մ են այդքան բռնում կաշառքի կամ դիրքի շարաշահման հմար/սկսած՝քաղաքապետերից ու տեղակալներից, վերջացրած՝դատավորներով/․ՔՊ-ի գծից շեղվածների՞ն, թե՞ Նիկոլին ,,պրիզնատ,, չեկողներին։Բա եթե կոռուպցիա չկա, թող հրաժարվեն կոռուպցիայի դեմ պայքարի համար հատկացվող ահռելի գումարներից՝,,դրսի,, ուժերի կողմից տրվող եվ հաճախ փոշիացվող։

Իսկ անարդարության մասի՞ն ինչ կասեք, պարոն Հարությունյան,ավելացել է՞, թե՞ պակասել Նիկոլի օրոք։Անձամբ ես՝որպես վերջին 30 տարում ՀՀ դեֆակտո ֆեոդալիզմից ու բդեշխական համակարգից տուժած  ընտանիքի անդամ/ու անարդարության դեմ պայքարած լրագրող/, իմ եվ ուրիշների օրինակով կարող եմ ասել, որ վերջին 5 տարում եթե չի ավելացել, ապա չի էլ պակասել անարդարությունը։Նախկին իրավահալածվածները ոնց կային, էդպես էլ շարունակում են մնալ ,,ձայն բարբառո,,/ուզում ես ֆեյսբուքում գրի,ուզում ես՝ծրարով կամ էլեկտրոնային փոստով նամակ գրի/։Նախկին օրենքները՝հասարակության առաջընթացին խանգարող, մարդկանց բարեկեցությանը վնասող, ոնց կային, էդպես էլ մնում են,ժողովրդանպաստ օրենսդրական նախաձեռնությունները,օրենսդրական բարեփոխումների քաղաքացիական առաջարկությունները հաշվի չեն առնվում, եւ օրենքի տեսքի չեն բերվում, մինչդեռ ներկա վարչապետը 2018-ի ,,հեղափոխության,, ժամանակ անընդհատ պնդում էր, որ երկրի տերը քաղաքացին է։ԽԾԲ-ն ավելի է ընդլայնվում՝ծառայողական առաջխաղացման ոլորտում կամ առհասարակ ,,արեվի տակ տեղ ունենալու,, պարագայում։Ամենավատը․ներկա իշխանությունները վերջին 5 տարում ավելի մեծ անձնական ձեռքբերումներ ունեցան,քան՝նախկինները 20 տարում։Ցանկը կարելի է անվերջ շարունակել,բայց իմաստ չեմ տեսնում, որովհետեվ այդ ցանկին ես պարբերաբար եմ անդրադառնում համացանցում, ներկայացնելով ոչ միայն իմ,այլեվ՝բազմաթիվ քաղաքացիների բողոքները՝քաղաքացիական նախաձեռնության կարգով,առանց պետական կամ դրամաշնորհային աջակցության,ցանկանալով այդ խնդիրների վրա հրավիրել պատկան մարմինների ուշադրությունը։Բայց այս երկրում/որի համակարգում ամենավատն է վերցված բոլոր նախկին համակարգերից/,ո՞ր պատկան մարմինն է ուշադրություն դարձնում քաղաքացիների դիտողություններին եվ առաջարկություններին, թեկուզ՝այդ քաղաքացին լինի 27 տարվա լրագրող/12 տարվա բլոգեր/։Ընդհակառակը․գործի են դրվում տարատեսակ միոջցներ՝վերջինիս լռեցնելու համար․սկսած՝սոցիալական ճնշումներից վերջացրած՝,,գլխին սարքելով,, ու բարոյահոգեբանական ճնշումների ենթարկելով։Նիկոլահպատակ ,,պատկան մարմինները,, շատ լավ հասկանում են, թե ում կամ ինչին ուշադրություն դարձնեն, ում բողոքով զբաղվեն, ումն արհամարհեն կամ ,,գլխի տակ փափուկ բարձ դնեն,,՝բողոքը ջրելով,ում գրածին ուշադրություն դարձնեն ումն՝արհամարհեն կամ ֆեյքերի միջոցով հայհոյախոսությամբ արձագանքեն։Ինչ վերաբերվում է Սովետական միության մասին ձեր վատ կարծիքին, ապա հիշեցնեմ, որ սովետական պետությունը/իմ տեսած սովետականը՝60-80-ականներին՝մինչեւ 88-ի երկրաշարժը կամ մինչեւ անկախացումը՝1991-ը/, մարդուն տնից չէր զրկում, 2տարում մարդուն, նորաստեղծ ընտանիքին բնակարան էր տալիս՝եթե նույն գործարանում 2 տարի աշխատում էր,իսկ այս պետությունը՝,,ազատ,անկախ,, սովետական տարիներին ձեռք բերած ,մի հատ էլ 90-ականներով ,,միամտացնելու,, համար սեփականաշնորհման թրի տակով անցած, պետությունը կարող է խլել քաղաքացուց՝գլխին վարձեր փաթաթելով կամ վարկերի տակ ճնշելով։Մարդկանցից խլեցին աշխատատեղերը, բնակարանները ,,լավության,, կարգով սեփականաշնորհել թույլ տվեցին/թեպետ՝մեծագույն խոչընդոտներ հարուցելով համայնքային բդեշխություններում/, բայց քանի որ մարդկանցից խլել էին ամենակարեվորը՝աշխատատեղերը, որոնք մարդիկ ունեին սովետական հասարակարգում,ուստի մեծամասշտաբ աղքատության հետեվանքով շատ-շատերն ստիպված էին վաճառել բնակարանները․ապացույցները՝այսօր էլ առկա են երկրաշարժից 34 տարի անց․հազարավոր մարդիկ դեռեվս տնակներում են, որովհետեվ վաճառել են բնակարանները՝ապրուստի միջոց չունենալով,ու հիմա նրանց գլխին դամոկլյան սրի նման կախված է նաեւ այդ հյուղակներից զրկվելու եվ փողոցում հայտնվելու վտանգը։

ԳԱՅԱՆԵ ՀՈՎՍԵՓՅԱՆ, Վանաձոր, բլոգեր

Կոռուպցիա՝պետական համակարգու՞մ, թե՞ համակարգային կոռուպցիա

 Խառնիփնթոր ու անհասկանալի հաշվարկով մի թիվ են որոշում՝թոշակ նշանակելիս, իսկ երբ քաղաքացին ցանկանում է տեղեկանալ, թե ինչ հաշվարկով է նշանակված թոշակը,էլեկտրոնային փոստով ուղարկված նամակներին Միասնական սոցիալական ծառայությունից/ՄՍԾ/պատասխանում են․,,Դիմիր գրավոր,,։Ի դեպ, սոցապ նախարարության կայքն էլ, էլեկտրոնային հասցեն էլ պարբերաբար փոխվում են․սկզբում՝ուղարկված նամակիս պատասխան էր գալիս թե ,,այդպիսի հասցե գոյություն չունի,,/այն հասցեն, որ մեզ ուղղորդել էին հենց նախարարության ֆեյսբուքյան էջից/,հետո պարզվեց, որ այդ հասցեն էլ չի գործում, ու կամ դիտմամբ էին չգործող հասցեով ուղղորդում,կամ՝հետո են իմացել, որ փոխվել է։Հիմա ՝էլ ֆեյսբուքյան էջով ուղարկած նամակներին պատասխանում են, որ այսուհետ ,,այս հարթակը չի գործի,,/եվ ռոբոտի պատասխան կգա միայն/, եվ ուղղորդում են դեպի կայքային հարթակ։Հարթակին գրելուց հետո էլ գալիս է նամակ՝,,դիմիր գրավոր,,։Լավագույն դեպքում՝մի լակոնիկ պատասխան են տալիս՝քո ուղարկած էլեկտրոնային հարցերին մեկ անլիարժեք  պատասխանով։Իսկ ,,դիմիր գրավոր,,՝նշանակում է հատուկ պաշտոնական բլանկի վրա դիմում լրացնել եվ անգամ՝պատրաստակամություն հայտնել տեղեկատվություն ստանալու համար վճարել։Սա է՞ ժողովրդավարությունը կամ ,,տեղեկատվության ազատությունը,,։Սա մարդու իրավունքների ու ազատությունների լիակատար ոտնահարում է՝խուսանավման ճանապարհով ստեղծած օրենքների գործադրմամբ։Ազգային Արխիվին ինքդ ես հարցում անում, որ իմանաս, թե նախկին գործատուներդ սոցվճարում արել են, թե չէ, գրում են, որ ,,ծառայությունը վճարովի է,,։Հույսդ դնում ես ՄՍԾ-ի վրա, որ պարտավոր է քո ներկայացրած աշխատանքային գրքույկի տվյալների փոխանցմամբ պատասխան ստանալ Ազգային Արխիվից, նա էլ պատասխանում է, թե ,,պատասխանն ստացել ենք,, ՝բայց չի մանրամասնում, թե այդ հարցման պատասխանները քանի՞/ տարվա ստաժ են ներառում եվ այլ մանրամասներ, ու խորհուրդ է տալիս․,,Դիմիր գրավոր,,։Սա իսկական ծաղր է․առավել եվս՝,,ետհեղափոխական,, Հայաստանում, որտեղ,իբր ,,բարեփոխումային,, եղանակ է։

Մինչ օրս ինձ համար անհայտ է, թե ի՞նչ հաշվարկով են հաշվել հունվարից նշանակված թոշակը՝18 տարի, 8 ամիս, եվ 8 օր որոշված կտրվածքով/աշխատանքային գրքույկում առկա 24 տարվա պայմաններում/,եվ ի՞նչ ընթացք է ունեցել, ի՞նչ արդյունքներ են ձեռք բերվել՝մնացած 4ուկես տարվա տվյալներն Ազգային Արխիվից ստանալուց հետո/հավաստիացնում են,որ ստացել են պատասխանները․եվ միայն այդքանը․մնացածի համար՝,,դիմիր գրավոր,,/։Ի՞նչ է ստացվում․քաղաքացին իր թոշակի վերաբերյալ տեղեկատվություն ստանալու համար պետք է գումար վճարի եվ Ազգային Արխիվին, եվ ՄՍԾ-ի՞ն, երբ որ երկուսն էլ պետական ոչ առեվտրային կազմակերպություն են/Արխիվը հենց այդպես էլ կոչվում է․,,ՊՈԱԿ,,/։Երեվի թե հույսները դրել են,որ շատերը գլուխ չեն դնի խորամուխ լինել հաշվի մեջ՝խուսափելով բյուրոկրատական քաշքշուկներից կամ ավելորդ գումարներ ծախսելուց, ու դրա արդյունքում կիսատ-պռատ հաշված թոշակների շնորհիվ բյուջեի գումարները կավելանան։Այսպիսով, ՀՀ քաղաքացիների համար պետական 2 կարեվորագույն մարմին՝Ազգային Արխիվն ու միասնական սոցիալական ծառայությունը, անհասանելի են կիսով չափ, եթե խոսքը վերաբերվում է տեղեկատվություն ստանալուն․Արխիվի տեղեկատվությունն էլ է վճարովի՝քաղաքացիների համար, ՄՍծ-ի տեղեկատվությունն էլ։Ընդ որում, վիճակն ավելի է բարդանում քաղաքացիների համար, եթե հաշվի առնենք, որ փոստային ծառայություններն էլ վերջերս մի քանի անգամ թանկացել են՝սուսուփուս, ՀԾԿՀ-ի/Հանրային ծառայությունները կարգավորող հանձնաժողով/ լուռ հաստատմամբ/եվ սա այն դեպքում, երբ ,,Հայփոստն,, արդեն մասնավոր կառույց չէ, այլ՝պետական/։Հիմա այս ամենը կոռուպցիա է պետական համակարգու՞մ,թե՞ համակարգային կոռուպցիա, որի վերաբերյալ վերջերս նշված էր միջազգային զեկույցներից մեկում՝որպես ընդհանրական երեվույթ։Իսկ սոցապ նախարարը հասանելի է միայն հատուկ պատվիրակված հարցազրույցների համար,թերեվս՝իր նախընտրած հարցերին միայն պատախանելով  ,,Ազատություն,, ռադիոկայանով, եվ նույնիսկ ֆեյսբուքով ուղարկված նամակները կարող են մնալ ,,ձայն բարբառո,, եթե նախարարի ,,ճաշակով,, չեն։Ահա եվ ձեզ ,,ժողովրդավարություն,,։

ԳԱՅԱՆԵ ԳԵՈՐԳԻԻ ՀՈՎՍԵՓՅԱՆ,Վանաձոր

Պետական ռեկետությունը գործողության մեջ

 ,,Վեոլիան,, ընդդիմադիր լրագրողին սոցիալական ոչնչացման ենթարկելու քաղաքական պատվե՞ր ունի

-----------------------------------------------------

Դուք պատկերացնու՞մ եք իրավիճակի լրջությունը,կոմիզմը կամ ողբերգությունը,զավեշտը․․․․․2016թվից բաժանորդների գլխին ամիսը 5400 դրամ ապօրինի սակագնով ,,պարտք,, սարքող ,,Վեոլիան,,/որ այդ ապօրինի սակագինը գաղտնաբար օրինականացնելով՝ՀԾԿՀ-ի լուռ համաձայնությամբ, ավելի քան 4 ամիս անհայտության մեջ էր, կայքն էլ՝անհասանելի/եվ այդ մասին նաեւ ,,Սուր անկյունն,, էր ահազանգել /,հիմա արդեն ոչ միայն 5400դրամով, այլեվ՝6014 դրամով է  ,,պարտք,, սարքում ու կամ դատարան հասցնում տուժողի կարգավիճակից պատասխանողի կարգավիճակում հայտնված բաժանորդներին, կամ՝դատարանից պահանջում գործերը քննել պարզեցված վարույթի կարգով ու միանգամից գումարի բռնագանձման կամ բնակարանի նկատմամբ կալանքի որոշումներ կայացնել։Բայց իրավիճակի ողջ կոմիզմն ու ողբերգությունն այն է, որ ,,Վեոլիան,, բողոքում է․․․․իր ,,խախտված իրավունքների,, համար։Սա արդեն վերջի վերջն է։Ուրեմն սույն ընկերությունը,որ 2016թվից կասկածելի հանգամանքներում իր ձեռքն է վերցրել ՀՀ ջրային տնտեսությունը,փոխանակ բարեփոխումային քաղաքականություն վարի, վարձեր պակասեցնի,  մարդկանց իրավիճակի հանդեպ ըմբռնումային մոտեցում, ցուցաբերի, պարզի, թե ինչու է բաժանորդը տարիներ շարունակ ստիպված եղել ավելի մեծ գումար վճարել ,քան՝կարող էր վճարել ջրաչափ ունենալու դեպքում, 2017թվից ի վեր ապօրինի սակագին է նկարում բաժանորդների հաշվեհամարին՝վերջիններիս իրավունքների հանդեպ ոտնձգություն կատարելով, հոխորտում է ու մի գլուխ դատական հայցեր ներկայացնում խոցելի խավի նկատմամբ․մարդիկ,ովքեր ոչ իրենց մեղքով են անջրաչափ։Չի էլ փորձում պարզել պատճառները,այլ միանձնյա կարգով հայտարարում է, թե ,,գումարը ամբողջությամբ ենթակա է բռնագանձման,,․եվ սա՝այն դեպքում, երբ բաժանորդը ամեն ամիս նախկին սակագնով մուծումներ է կատարում։Վերջապես մեկը չկա՞ այս ընկերության սոցիալական ահաբեկչության վերջը տա եվ չեղարկի 2016թվի տխրահռչակ սակագինը՝ջրի վարձը անջրաչափների համար 5400/2022թվից արդեն՝6014 դրամ/դարձնելու վերաբերյալ։Սա ամենաիսկական կողոպուտ է պետական ռեկետի մակարդակով։Ֆրանսիայից եկած ինչ-որ մի կասկածելի ընկերություն՝կասկածելի հեղինակությամբ, որի կոռուպցիոն գործունեությանը Ռումինիայում բացահայտել է հենց Ֆրանսիայի կառավարությունը,այսօր իրեն իրավունք է վերապահում մեր երկրի ջուրը վաճառել մեր վրա մի քանի անգամ ավելի թանկ, քան՝մինչ իր հայտնվելն էր։Բա լավ, ինչի՞ համար է Հանրային խորհուրդը, ՀԾԿՀ-ն,Մարդու իրավունքների պաշտպանը,ԱԺ մարդու իրավունքների հանձնաժողովը, որ ,,Վեոլիայի,, ապօրինի սակագնի ու այն հաստատած ՀԾԿՀ-ի  ապօրինի գործարքին անդրադարձող մեր նամակները տարիներ շարունակ մնում են ձայն բարբառո։Երեկ էլ կարդացի ,որ 4 անչափահաս երեխա ունեցող ընտանիքին էլ 51 հազար դրամ պարտքի պատճառով ջրազրկել են․սա է՞ իրավական երկիրը, ուրեմն եթե մեր մոտ քաղաքացիական պայքար չկա, սոցիալական խնդիրներով զբաղվող հ/կ-ներ չկան, իրավապաշտպան կառույցները պետք է համատարած անուշադրությա՞ն մատնեն այս ոլորտը, որ լիակատար  բարձիթողի վիճակում է/։ 

Մարտի 7-ին, կանանց տոնի նախօրեին, ով ծաղր, ,,Վեոլիայի,, կողմից իմ դեմ դատական հերթական նիստն էր/այնպես, ինչպես 5 տարի առաջ՝նույն օրը․այն տարբերությամբ, որ դատավորն է հիմա ուրիշ/։Մարտի 6-ին էլ փոստային ծանուցմամբ ստացել էինք ,,Վեոլիայի,, Դիրքորոշում կոչվող նամակը՝իմ կողմից ներկայացրած Միջնորդության առթիվ առ այն, որ առնվազն հայցային վաղեմություն կիրառվի իմ նկատմամբ ,,սարքած,, 243 հազար դրամ առասպելական գումարի վերաբերյալ, որի վիճահարույց լինելուն անդրադաձել եմ հայցադիմումի պատասխանի մեջ՝դատարանին ներկայացրած։Բայց չէ, ,,Վեոլիան,,/որ երեվի թե քաղաքական պատվեր ունի՝ընդդիմադիր լրագրողին սոցիալական ոչնչացման ենթարկելու/ անդրդվելի է ու պնդում է, որ ինձնից պետք է ամբողջությամբ բռնագանձվի այդ հորինված ,,պարտքը,,․դե ուրեմն մենք էլ, ինչպես պնդել ենք Հայցադիմումի պատասխանի մեջ, պնդում ենք, որ ընդհանրապես այդ ամբողջ հայցը ենթակա է ետ վերադարձման այն հիմնավորումներով, որ ներկայացրել ենք դատարանին։Հաջորդ նիստը՝մայիսի 18-ին․տա Աստված, որ մինչ այդ ,,Վեոլիային,, զրկած լինեն ջրային ոլորտը սեփականաշնորհելու իրավունքից՝ելնելով հազարավոր քաղաքացիների բողոքներից, որոնց պարբերաբար անդրադառնում է ,,Վեոլիա-ջուր,, հանրային վերահսկողություն  ֆեյսբուքյան խումբը։Հիշեցնեմ, որ 1-ին անգամ 2017թվին էր ,,Վեոլիան,, իմ դեմ դատական հայց ներկայացրել՝31հազար դրամ ,,պարտք,, սարքելով, սակայն 2018թվին Լոռու մարզի ընդհանուր իրավասության դատարանը մերժեց այդ հայցը։2021թվին երկրորդ անգամ հայց ներկայացրեց, բայց դատարանը մերժեց այն ընդունել որպես վարույթ՝որովհետեվ ,,Վեոլիայի,, ներկայացուցիչը չէր ունեցել պատշաճ լիազորագիր։Եվ հիմա երկրորդ հայցն է իմ դեմ․սկզբում դատ պետք է լսվեր պարզեցված հայցային վարույթի կարգով, սակայն իմ ներկայացրած Առարկությունից հետո այն որոշվեց քննել ընդհանուր հայցային վարույթի կարգով։Դեկտեմբերի 9-ից սկսվել է գործի քննությունը։Տեղի են ունեցել մի քանի նիստեր, որոնց ընթացքում ներկայացրել եմ Հայցադիմումի պատասխան,Լրացուցիչ տեղեկություններ,Միջնորդություն եվ Դիրքորոշում՝,,Վեոլիայի,, Դիրքորոշման առթիվ։

ԳԱՅԱՆԵ ՀՈՎՍԵՓՅԱՆ,Վանաձոր 

Ազգային Ժողովի պատգամավորներին, ԱԺ մարդու իրավունքների պաշտպանության հանձնաժողովին

                            ԲԱՑ ՆԱՄԱԿ

Չի կարելի թույլ տալ, որ ժամկետանց օրենքները խեղդեն մարդու իրավունքները

-------------------------------------------------------------

Տվյալ դեպքում խոսքը վերաբերվում է 1992թվին ընդունված օրենքին առ այն, որ կենսաթոշակի նշանակման ժամանակ ոչ միայն աշխատանքային գրքույկն է համարվում ստաժը հաշվարկելու փաստաթութղ, այլեվ՝գործատուի կողմից սոցվճարում կատարած լինելու տեղեկանքը։Ու դրա հետեվանքով շուրջ 30 տարի՝ՀՀ հազարավոր քաղաքացիներ զրկվել են /ու զրկվում են/ իրենց աշխատանքային ստաժին համաչափ թոշակ ստանալուց՝անգամ աշխատանքային գրքույկում առկա,տվյալ հիմնարկի ղեկավարի կողմից կնիքված գրառման դեպքում։

Տիկնայք եվ պարոնայք ԱԺ օրենսդիրներ, ԱԺ մարդու իրավունքների հանձնաժողով,բարի եղեք չեղարկեք այդ օրենքը,որ պարտադիր է համարում տվյալ քաղաքացու/կենսաթոշակի անցնող/ նախկին գործատուի կողմից սոցվճարի մասին տեղեկանք ներկայացնելը։Եթե աշխատանքային գրքույկում կա ստաժը հավաստող գրառում՝գործատուի կնիքով, ապա դա պետք է բավարար պայման համարվի՝կենսաթոշակի նշանակման համար։Չէ՞ որ տվյալ հիմնարկը 30 տարվա ընթացքում կարող է լուծարված լինել,արխիվը՝ոչնչացված, քաղաքացին ո՞րտեղից պետք է տեղեկանք ներկայացնի՝լուծարված հիմնարկի ղեկավարի սոցվճարի մասին, կամ եթե անգամ հիմնարկը կա, ինչու՞ պետք է քաղաքացու թոշակը տուժի այն պատճառով, որ տվյալ հիմնարկի տնօրենը տարիներ առաջ սոցվճարում չի կատարել/ժողովրդական ասացվածք կա՝,,օձի ինադը խլեզից են հանում,,/։Առավել դատապարտելի է, երբ այդ օրենքի պատճառով քաղաքացու ստաժը չի ,,ձգում,, մինչեւ 10 տարին,որովհետեվ նախկին հիմնարկը, որ կարող էր մինչեւ 10 տարվա ստաժի հասցնել, չկա, գոյություն չունի,ու դրա հետեվանքով տվյալ քաղաքացին կենսաթոշակի չի կարող անցնել 63 տարեկանից, այլ պետք է սպասի մինչեւ 65 դառնա։Արդյունքում՝գնալով ավելանում է խոցելի տարիքում գտնվող, անեկամուտ քաղաքացիների թիվը, նրանց, ովքեր ոչ թոշակ են ստանում, ոչ նպաստ՝անգամ միայնակ բնակվելու պայմաններում։

  Ազգային Ժողովը, որի կազմը նախկին լրագրողներից է այսօր բաղկացած/այն լրագրողներից, ովքեր տարիներ առաջ իրենց ԶԼՄ-ներում պայքարում էին մարդու իրավունքների համար/,եթե մտահոգ է երկրում սոցիալական լարվածության համար,պետք է չեղարկի 1992թվի այդ չարաբաստիկ օրենքը եվ փոփոխություններ կատարի կենսաթոշակի նշանակման օրենքի փաթեթում/իմ տեղեկություններով, ներկայումս օրենքի նոր փաթեթ է նախապատրաստվում․թե ինչ կարգի փոփոխություններ են նախատեսվում՝հայտնի չէ․ամեն դեպքում, տեղին կլինի, եթե ներառվի նաեւ կենսաթոշակի 30 տարի առաջվա օրենքը փոփոխելը/։Համեմատության համար նշենք, որ Հայաստանի ռազմավարական դաշնակից համարվող Ռուսաստանում կենմսաթոշակ նշանակելիս միայն աշխատանքային գրքույկի առկայությունն էլ է բավարար պայման համարվում, եվ ոչ թե նաեւ՝գործատուի կողմից տեղեկանք ներկայացնելը։Ինչու՞ Հայաստանում անպայման ամեն ինչի վատն է ընդօրինակվում․այնպես, ինչպես 90-ականների կեսերին,երբ երկիրն անցավ արեվմտյան ռեֆորմի,եվ կենսաթոշակային տարիքի շեմը 55 տարեկանից հասցվեց 63-ի/մինչեւ 10 տարվա ստաժի բացակայության դեպքում էլ՝65-ի/։Հենց միայն այդ ռեֆորմի ընդունումն էլ բավական էր, որ երկրում մեծանա աղքատությունը,սոցիալական լարվածությունը,քանի որ հենց 90-ականներից էր հիմնարկների մեծամասշտաբ լուծարումն ու աշխատատեղերի կրճատումը, գործազրկության աճը։Միաժամանակ հարկավոր է բարձրացնել աշխատանքային ստաժի գումարը՝յուրաքանչյուր տարվա կտրվածքով,քանի որ ստացվել է այնպես, որ 20-25 տարի աշխատած քաղաքացին այսօր մինչեւ 40 հազար դրամ թոշակ է ստանում, իսկ նվազագույն շեմը համարվում է 31 հազար 600դրամ թոշակը։Ստացվում է, որ 25 տարվա աշխատանքի գինն ընդամենը․․․․5 հազար դրամ է։

․․․,,Վաստակած հանգստի,, իրավունք ստացած կամ թոշակի տարիքի հասած մարդիկ այսօր ստիպված են դատարանների,տարբեր հիմնարկների ու գերատեսչությունների, արխիվների/ընդ որում՝արիխվն էլ վճարովի է քաղաքացիների համար/դռներն ընկնել,նամակներ գրել, որպեսզի կարողանան ,,կորած,, համարվող, բայց՝գրքույկում նույնիսկ առկա ստաժի եվ այդ ստաժը կնիքով հաստատած գործատուի սոցվճարումների մասին տեղեկանք ձեռք բերել/ոմանք էլ անհույս ձեռքները թափ են տալիս ու թույլ տալիս, որ իրենց աշխատանքի մի մասը, մեղմ ասած՝,,յուրացվի,,/։Սա շատ տգեղ եվ ստորացուցիչ երեվույթ է՝,,հպարտ քաղաքացու,, համար,որ 2018-ին հույսեր է կապել այսպես կոչված ,,հեղափոխության ,, հետ։

ԳԱՅԱՆԵ ՀՈՎՍԵՓՅԱՆ,Վանաձոր

Դատարանի արխիվի ոդիսականը շարունակվում է

                                  Տեղեկանք տեղեկանքի մասին

Երեկ արդարադատության նախարարությունից, ի պատասխան Կիրովականի/Վանաձորի/ դատարանում 1989-1994թվերին գրասենյակի գործավար աշխատելու վերաբերյալ դեպարտամենտից ստացած պատասխանը/այն, որ տվյալներ չկան/, փոխանցել ենք արդարադատության նախարարություն, զանգահարեց նախարարության աշխատակիցը եվ դժգոհեց, թե ինչու՞ եմ կրկին իրենց դիմել/այդ թվում՝եվ նախարարի էլեկտրոնային հասցեին, եվ նախարարության/։,,Դուք ուզում եք, որ մենք նորից նույն պատասխանը տա՞նք, չէ՞ որ մենք ձեզ ուղղորդել էինք դատական դեպարտամենտ եվ անգամ զանգեցինք ձեզ,հետաքրքրվեցինք, թե արդյո՞ք դուք դիմել եք դեպարտամենտ,,-դժգոհեց նախարարության աշխատակիցը։Ես էլ պարզաբանեցի, որ հենց դրա համար, որ իրենք երկրորդ անգամ ինձ զանգել-հետաքրքրվել էին գործի ընթացքով, հարկ եմ համարել տեղեկացնել ընթացքի մասին,հայտնելով, որ դեպարտամենտը պատասխանել է, որ իրենց մոտ չկան իմ ստաժին վերաբերվող տվյալներ։Նախարարության աշխատակիցը նախ՝կրկին անգամ խորհուրդ տվեց դիմել Լոռու մարզի ընդհանուր իրավասության դատարան եվ պինդուպինդ պահանջել, որ ինձ տրամադրվի տեղեկանք՝արխիվից/եվ սա այն դեպքում, երբ դատարանը ոչ միայն ինձ է էլեկտրոնային նամակով 2 անգամ տեղեկացրել, որ դատարանում մինչեւ 1999թվի արխիվը չկա, այլեվ հայտնել է դեպարտամենտին՝ի պատասխան դեպարտամենտի հարցման։Այնուհետ նախարարության աշխատակիցը խորհուրդ տվեց, որ ես աշխատանքային գրքույկս վերցնեմ եվ գնամ Երեվան՝դատական դեպարտամենտ, ու խնդրեմ, որ ինձ տեղեկանք տան՝հիմք ընդունելով աշխատանքային գրքույկիս ստաժը՝դատարանում աշխատած լինելու մասին/սա հիշեցնում է հին-սովետական հայտնի անեկդոտը՝տեղեկանք տեղեկանքի մասին/։Երբ ես էլ իմ հերթին դժգոհեցի, որ մի՞թե ձմեռ-օրով 63 տարեկան կինը պետք է Վանաձորից հասնի Երեվան՝դատական դեպարտամենտ,համոզված էլ չլինելով, թե դա որքանով է արդյունավետ, նախարարության երիտասարդ աշխատակցուհին ասաց․,,Բա ի՞նչ եք ուզում, եթե ձեր թոշակի հարցն է,,։Այդուհանդերձ, ինձ տրամադրեց քաղաքային հեռախոսահամար՝դեպարտամենտից, որպեսզի ճշտեմ, թե արդյո՞ք դեպարտամենտն ինձ տեղեկանք կտա, եթե ես գրքույկից քաղվածք ուղարկեմ։Դեպարտամենտից էլ պատասխանեցին, եվ անգամ էլեկտրոնային փոստով խորհուրդ տվեցին, որ ուղարկեմ եվ գրքույկից քաղվածք, եվ ինձ աշխատանքի ընդունել-ազատելու հրամանները, որը եվ արեցինք։2 ժամ անց․․․․նույն դեպարտամենտի նույն աշխատակիցն ասաց, որ լավ կլինի, եթե ես այդ խնդրանքով դիմեմ նախարարություն, որովհետեվ նախկինում դատարանը պատկանել է նախարարությանը։Դե պատկերացրեք, եթե ես հիմարություն կամ համարձակություն ունենայի ձմեռ օրով հասնել Երեվան՝նախարարություն եվ նույն պատասխանն ստանալ։Ահա եվ ձեզ ,,իրավական երկիր,, եվ ,,տեղեկատվության ազատություն,,։Մարդն իր նամակով՝թոշակի անցնելու հետ կապված, աշխատանքային գրքույկը ձեռքին չի կարողանում ստանալ ,,տեղեկանք՝տեղեկանքի մասին,,․որովհետեվ 90-ականներին մի դավադիր օրենք են ընդունել, որ աշխատանքային գրքույկից բացի նաեւ տեղեկանք է պետք՝տվյալ գործատուից,նրա սոցվճարումների մասին։Ի դեպ, նախարարության աշխատակիցը նաեւ կասկած հայտնեց, թե կարող է անգամ այդ արխիվը ոչնչացված է․իսկ մի՞թե թոշակառուն մեղավոր է դրա համար, չէ՞ որ առկա է ստաժը հաստատող ամենազորեղ փաստաթուղթը՝աշխատանքային գրքույկը եվ աշխատանքի ընդունվել-ազատվելու հրամանները։

ԳԱՅԱՆԵ ՀՈՎՍԵՓՅԱՆ,Վանաձոր,բլոգեր

Կա ապագա, ապագա կա՝,,Վեոլիա-ջրի,, համար

Երեկ,փետրվարի 14-ին գնացի դատարան՝զինված ,,Վեոլիա-ջրի,, կողմից իմ դեմ ներկայացված հայցի/243հազար դրամի/գումարի բռնագանձման պահանջով/, դեմ հակափաստարկների փաթեթով․Առարկություն, Հայցադիմումի պատասխան, Միջնորդություն՝հայցային վեղամություն կիրառելու մասին, Լրացուցիչ տեղեկություններ,որոնց թվում՝վերջին 3 ամսվա մուծումների անդորրագրերը/որոնցից փետրվարը հունվարին ,,ուրացել է մի ամբողջ 2200դրամ մուծումը ,,չտեսնելով,,  քանի որ ,,նախորդ վճարում,, տողին գրված է ,,օօ․,․վճարում/։Մի խոսքով՝իսկական ,,քավորի պատասխան,,։Մնացած մուծումները՝2017թվից սկսած, ,,Վեոլիան,, ներկայացրել է հաշվի քաղվածքի մեջ, որն էլ ահավոր մանրատառ է ու առանց խոշորացույցի հնարավոր չէ տեսնել գրառումները,ինչը համարել եմ դատարանի հանդեպ անպատշաճ վերաբերմունք։Այդ փաստաթղթերի ուսումնասիրությունն արդեն քննվել է մինչ օրս տեղի ունեցած նիստերի ժամանակ՝բացառությամբ Լրացուցիչ տեղեկությունների, որ վերջերս եմ ներկայացրել դատարանին։Երեկ պետք է կայանար հերթական նիստը՝,,Վեոլիայի,, կողմից իմ դեմ ,,թխած,, գործով,ապօրինի սակագնով․ավելի ճիշտ՝ապօրինի,բայց՝օրինականացված սակագնով սարքած գործով,որի առթիվ վերջին 5 տարում բազմաթիվ հրապարակումներով ու նամակներով եմ հանդես եկել, բայց՝միայն ,,Առավոտ,, թերթը՝2018-ին, անդրադարձավ դատական նիստին, իսկ ,,Վեոլիայի,, դեմ բողոքներիս՝զետեղված ,,Վեոլիա-հանրային վերահսկողություն,, ֆեյսբուքյան խմբում, լուսաբանելու պատրաստակամություն  հայտնեց եվ սիրով լուսաբանեց ,,Օրագիր-նյուս,, կայքը՝2022թվի նոյեմբերին։

  Նիստի ընթացքում դատավորն ընթերցելով իմ ներկայացրած Լրացուցիչ տեղեկությունները՝,,Վեոլիային,, էլեկտրոնային փոստով ուղարկած նամակների եվ պատասխանի մասին,կասկած հայտնեց, որ դա ոչ թե ,,Վեոլիայի,, պատասխանն է, այլ՝էլեկտրոնային ռոբոտի, քանի որ ինքը հավաստիացված չէ, որ միջնորդությունս ,,Վեոլիան,, ստացել է, ,,Վեոլիա-ջրից,, ինքը տեղեկություն չի ստացել միջնորդությունն ստանալու մասին եվ դժգոհեց, որ ես նամակը ծրարով չեմ ուղարկել, այլ՝ էլեկտրոնային փոստով։Ըստ այդմ, դատը հետաձգվեց մինչեւ մարտի 7-ը,որպեսզի այդ ընթացքում ծրարով նամակ ուղարկեմ/Բայց ինչ հետաքրքիր օրենքներ ունենք․էլեկտրոնային փոստի դարում ծրարով նամակագրություն/։Ի դեպ, 2010-2014թվերին, երբ դեռ ,,եոլիա-ջուրը,, գոյություն չուներ, գոյություն ուներ Լոռու-ջրմուղ առանձին կառույց՝իր էլեկտրոնային փոստով, եվ այդ փոստով էլ նամակագրություն եմ ունեցել նախկին ղեկավարներ Վահանյանի եվ Անտոնյանի հետ,շատ խնդիրներ հարթվել են՝առանց դատարանի միջամտության։Այն ժամանակ նույնիսկ մի առանձին գրասենյակ էլ կար՝Վանաձորի քաղաքապետարանի նկուղային հարկում, որպեսզի քաղաքում ապրողները չհասնեն Դիմաց՝,,սարի գլուխը,,։Հիմա Լոռու տեղամաս՝որպես իրավական միավոր, կարծես թե գոյություն չունի․Երեվանն է նամակներին պատասխանում,Երեվանն է արձագանքում քաղաքացիների բողոքներին կամ էլ՝միանգամից գործեր ,,թխում,, քաղաքացիների վրա․այ այդ ժամանակ արդեն պետք են գալիս Լոռու տեղամասի ,,ծառայությունները,,․այստեղ շատ լավ գործ են ,,թխում,,․բայց այնքան անորակ, որ հակասության մեջ է մտնում Երեվանի սարքած գործի հետ/իսկ այդ մասին մանրամասն նշել եմ Հայցադիմումի պատասխանի մեջ/։Հիշեցնենք, որ ,,Վեոլիայի,, կողմից իմ դեմ երրորդ հայցն է՝սկսած 2018թվից․առաջին հայցը՝31 հազար դրամ գումարի բռնագանձման պահանջով, մերժեց դատարանը։ 2022թվի տարեսկզբի ներկայացրած հայցն էլ այսօրվա դատարանն է մերժել /որի մասին միայն ամիսներ անց եմ տեղեկացել՝,,Հայփոստից,, դատարանի տեղեկացմամբ/, քանի որ ,,Վեոլիայի,, շահերի պաշտպանը չի ունեցել պատշաճ լիազորագիր, հիմա երրորդ հարձակումն է իմ դեմ․արդեն ոչ թե միայն 5400դրամ ամսավարձով սարքած պարտքով,այլեվ՝6014դրամով։Ու մինչ դատարանում արդեն երրորդ ամիսն է գնում՝երրորդ հայցի քննության, ,,Վեոլիան, , արդեն ,,պարտք,, է նկարում 6014դրամով․երեվի որ 4-րդ անգամ էլ ներկայացնի՝ապագայում։Կա ապագա՝ապագա կա՝,,Վեոլիայի,, համար։

ԳԱՅԱՆԵ ՀՈՎՍԵՓՅԱՆ,Վանաձոր,բլոգեր

Ու՞ր է կորել Կիրովականի/Վանաձորի/ժողդատարանի 90-ականների արխիվը եվ համապատասխան պաշտոնյաների խիղճը

 Արդեն 1 շաբաթ է,որ մենք փորձում ենք հույս չդնել ՀՀ միասնական սոցիալական ծառայության կողմից գրավոր հավաստիացմանը, թե Կիրովականի /Վանաձորի/դատարանում աշխատած մեր ստաժի՝անկախության շրջանի հատվածի/1992-94թվերի/ եվ՝ 1998-2000, եվ 2002-2004թվերի ,,Առավոտ,, թերթում աշխատանքային ստաժի վերաբերյալ տեղեկանք ստանալ՝այդ ստաժները հավաստող գործատուներից կամ նրանց իրավահաջորդներից։Միասնական սոցիալական ծառայությունը մի թերի պատասխան է ուղարկել,որից մի շարք հարցեր են բխում, ու այդ հարցերը պարզաբանելու համար դիմել եմ նույն ՄՍԾ-ին՝էլեկտրոնային փոստով․ ինձ խորհուրդ են տվել իրենց գրավոր նամակ գրել․այսինքն որպեսզի կարողանամ ինձ հասանելիք կենսաթոշակն ավելացնել՝իմ օրինական, աշխատանքային գրքույկում առկա ամբողջական ստաժի շնորհիվ, պետք է մի հատ էլ գումար ծախսեմ՝փոստային նամակների վրա։Ի վերջո մենք իրավական երկիր ե՞նք, թե՞ ինչ ենք։Նախ ինչու՞ պետք է իմ՝Լոռու մարզի բնակչի թոշակը հաշվի Արագածոտնում նստած պաշտոնյան/իբր՝,,կոռուպցիոն ռիսկերի պակասեցման ,,նպատակով/, չէ՞ որ այդ հարցերը կարող էր միգուցե ավելի արագ լուծվել,եթե հաշվարկը կատարվեր հենց այն բնակավայրում, որտեղ բնակվում եմ։Սա ի՞նչ նոր աբսուդային օրենք է՝ի վնաս մարզի բնակչի։Կամ ինչու՞ օրենքի մեջ կետ չկա, որ եթե մարդն ունի աշխատանքային գրքույկում առկա գրանցում, ուրեմն պետք է հենց դրանով էլ առաջնորդվեն թոշակ նշանակելիս   եվ ոչ թե պահանջեն, որ գնա գործատուից տեղեկանք բերի կամ հույսը դնի, թե սոցապ նախարարությունը երբ պետք է հարցում անի ու ձեզ մխիթարող պատասխան կամ տա, կամ չտա։Ի վերջո եթե երկրում ,,հեղափոխություն,, է եղել, պետք է ի օգուտ քաղաքացու լինի, ոչ թե ընդհակառակը, ինչին ականատես ենք լինում պարբերաբար։

Այն բանից հետո, երբ սոցապ ծառայությունից ստացա գրավոր նամակ առ այն, որ հարցում են կատարել Ազգային արխիվին ՝որպեսզի իմ աշխատանքային ստաժի մի մասը՝դատարանում աշխատած, ինչպես նաեւ ,,Առավոտի,, խմբագրությունում աշխատած 2002-2005 թվերի հատվածը ապացուցվի/այդպես էլ ինձ համար անհասկանալի մնաց, թե արդյո՞ք նույն խմբագրությունում աշխատած 1998-2000թվերի հատվածը հաշվել են ապարանցիները, թե չեն հաշվել/, ուղեվորվեցի Վանաձորի կենտրոնական փոստ,եվ այնտեղ գտնվող Ազգային Արխիվ պատուհանից, հայտնեցին, որ դատարանի արխիվը չի հանձնված Ազգային արխիվին։Ըստ այդմ,ուղեվորվեցի Լոռու մարզի ընդհանուր իրավասության դատարան, որտեղ գրասենյակից պարզաբանեցին, որ արխիվից տեղեկանք ստանալու համար պետք է նամակ գրեմ դատարանին։Էլեկտրոնային փոստով նամակ ուղարկեցի դատարանին․դատական դեպարտամենտից հեռախոսով հայտնեցին, որ նամակս ճիշտ չի հասցեագրվել, եվ այն պետք է ուղարկվեր դատարանին,բայց խոստացան վերահասցեագրել դատարանին․եվ վերահսցեագրեցին։Դատարանի էլեկտրոնային հասցեից նամակ եկավ, որ դատարանի արխիվում գտնվում են միայն 1999թվից հետոյի փաստաթղթերը, եվ ինձ ուղղորդեցին նամակ գրել արդարադատության նախարարություն։Արդարադատության նախարարությանը գրելուց հետո հեռախոսով զանգեցին նախարարությունից եվ պարզաբանեցին, որ․․․իրենց մոտ չեն գտնվում դատարանի աշխատողների/տվյալ դեպքում՝գրասենյակի աշխատողների/արխիվային տվյալները, այլ միայն՝դատարանի դատավորների, եվ պետք է իմ ստաժի վերաբերյալ տեղեկանք տա դատարանը։Միաժամանակ էլեկտրոնային փոստով հավաստիացրել են ուսումնասիրել հարցը եվ պատասխանել։Նախարարության բանավոր պատասխանը փոխանցել եմ Լոռու մարզի ընդհանուր իրավասության դատարանին՝էլեկտրոնային փոստով։Սպասում եմ արձագանքի։

Առայժմ որեվէ արձագանք չեմ ստացել ,,Առավոտի,, խմբագրությունից,ում եվս դիմել եմ էլեկտրոնային 2 հասցեներով՝մի քանի օր առաջ։Մնանք նամակին սպասող։Իսկ առայժմ շարունակում ենք որոնողական աշխատանքները, պարզելու,թե  որտեղ է գտնվում Կիրովականի/Վանաձորի/ժողդատարանի 1989-98 թվերի արխիվը/հազիվ թե այժմ արդեն լուսահոգի դատարանի նախագահները հետները տարած լինեն/։Միաժամանակ փորձում ենք պարզել, թե ուր է կորել համապատասխան մարմինների ու պաշտոնատար անձանց  խիղճը։

ԳԱՅԱՆԵ ՀՈՎՍԵՓՅԱՆ, Վանաձոր,բլոգեր

Աբսուրդի երկիր Հայաստան

 Սովետական շրջանի դատարանին վստահում են, անկախության շրջանի դատարանին չեն վստահու՞մ

----------------------------------------------------------

Աբսուրդ չի՝բա ի՞նչ է․1989-94 թ․Կիրովականի/Վանաձորի/դատարանում աշխատած տարիներիս մի մասը՝մինչեւ 1992թիվը/երբ դեռ սովետական միությունը վերջնականպես չէր փլուզվել/ Միասնական սոցիալական ծառայությունում հաշվել են որպես ստաժ, իսկ մյուս հատվածի համար,որ նույնպես աշխատանքային գրքույկում առկա է, ինձ ուղարկած գրության մեջ հայտնել են․,,01․01․1992թ․-06․04․1994թ․վերաբերյալ տեղեկատվություն ստանալու համար հարցում է արվել ՀԱՅԱՍՏԱՆԻ ԱԶԳԱՅԻՆ ԱՐԽԻՎ ՊՈԱԿ-ԻՆ։Հարցման պատասխանը ստանալուց հետո կտրվի համապատասխան ընթացք,,/մեջբերման ավարտը/:Այսինքն՝սովետական հատվածում աշխատած ստաժս՝նույն դատարանում աշխատած,եվ աշխատանքային գրքույկում գրված, հաշվարկվել է, բայց անկախության շրջանի նույն դատարանի ստաժը,որ նույնպես գրված-կնիքված է աշխատանքային գրքույկում, դեռ վիճելի է, պետք է հարցման միջոցով ճշտվի, պարզելու, թե դատարանի նախկին նախագահը սոցվճարում արե՞լ է, թե՞ չի արել։Հիմա դիցուք՝նախկին նախագահը/այժմ արդեն վաղուց լուսահոգի/, սոցվճարում չի կատարել/թեպետ՝հազիվ թե, որովհետեվ նախագահն էլ է 2 հասարակարգի դատարանը ղեկավարել/,ուրեմն պետք է այդ տարիների ստաժս չհաշվվի՞․․․․․Ուրեմն քիչ է, որ 5 տարի աղետի գոտու տնակային դատարանում աշխատել ենք՝առողջության համար վտանգավոր պայմաններում, փայտի ու ածուխի օդ շնչելով, պարբերաբար արցունքակալած աչքերով աշխատելով, քամու ու բացվող-փակվող դռան դիմաց հայտնվելով,անհրաժեշտության դեպքում, գործի բերումով էլ գնացել դատարանի վթարային շենք, որտեղ գտնվում էր արխիվը, որպեսզի որեվէ գործ փնտրենք-գտնենք՝կիսախավար ու վթարային, ցուրտ ու խոնավ շենքում, ամեն րոպե աչքի տակ ունենալով վերեվից թափվող քարերի վտանգը, քիչ է, որ այդ աշխատանքը վտանգավոր պայմաններում աշխատած ստաժ չի համարվում/որովհետեվ պատկան մարմիններն ականջները փակել են ու չեն լսում կամ չեն ուզում լսել օրենքների մեջ համապատախսան փոփոխություններ, լրացումներ կատարելու մեր առաջարկությունը՝ քաղաքացիական նախաձեռնության կարգով,եվ անկախությունից 30 տարի անց մինչ օրս՝,,վրեդնի,, ստաժ է համարվում միայն սովետական տարիների օրենքներով սահմանված աշխատանքների կամ աշխատանքային պայմանների ցուցակը։/Սոցապ նախարարություն էլ եմ ուղարկել այդ եվ այլ օրենսդրական նախաձեռնություններս, բայց՝ինձ բացատրում են իմ իմացածի մասին ու ականջները փակ պահում՝նորարարության հանդեպ։Ու հիմա պետք է ձմեռ օրով վազվզենք՝դատարան-Ազգային արխիվ ճանապարհներին,համացանցով նամակ-հարցումներ կատարենք, որ փորձենք տեղեկանք ձեռք բերել՝1992-94թվերին դատարանում աշխատած տարիները հավաստող։Ու այդ ճանապարհին, ով զավեշտ, ոտքներիցս կախած ունենանք  տխրահռչակ եվ երիցս անիծյալ ,,Վեոլիա-ջրի,, հայցապահանջը՝ինձնից ջրի վարձի ապօրինի ,,պարտքի,, գումարի բռնագանձման․․․․այն ,,պարտքի,, որ սարքել են նրանք, ովքեր պետք է 2017թվին գործած հանցանքի համար 2018-ին պատժվեին, բայց՝պաշտոնի բարձրացում են ունեցել,իսկ քրեական գործն էլ՝2018-ին հարուցված, լավ ,,ջրվել,, է։

․․․․Արդարություն, ու՞ր ես, որ չոլում ես մնացել, որ դեռ Հայաստան չես հասել՝անգամ ,,հեղափոխությունից,, 5 տարի անց։Ստացվում է, որ հայրենի իշխանավորները սովետական շրջանի դատարանին վստահում են, անկախության շրջանի դատարնին չեն վստահում․դե ուրեմն թող բարի լինեն սոցիալիզմը հետ բերեն ու սոցիալիստ վարչապետ ընտրեն։Ի վերջո որքանո՞վ է տրամաբանական, մարդուն զրկել լիարժեք թոշակ ստանալուց, իր վաստակին համապատասխան թոշակ ստանալուց,եթե, դիցուք, նրա հիմնարկի ղեկավարը սոցվճարում չի կատարել։Մի՞թե դրա համար տվյալ թոշակառուն մեղավոր է,որ այդ պատճառաբանությամբ հազարավորները զրկվում են իրենց լիարժեք թոշակից, բայց հայտնի չէ, այդ հիմնարկի ղեկավարը պատժվու՞մ է, թե՞ չի պատժվում։

ԳԱՅԱՆԵ ՀՈՎՍԵՓՅԱՆ,Վանաձոր

Հաջորդ նիստը՝,,ջրի գործով,, հունվարի 24-ին

 Այսօր, սույն թվի հունվարի 11-ին Լառու մարզի ընդհանուր իրավասության դատարանում շարունակվեց 2022թվի դեկտեմբերի 5-ից սկսված քաղաքացիական գործի շարունակությունը՝,,իմ դեմ ,,Վեոլիա-ջուր,, ընկերության հայցով,ինձնից 243070 դրամ գումար բռնագանձելու պահանջով։Երեկ դատարանին եմ ներկայացրել այդ հայցադիմումի առթիվ գրավոր պատասխան,որտեղ 5 կետանոց հիմնավորումներով անհիմն եմ համարել պահանջը։Հիշեցնեմ, որ սկզբում դատարանը որոշել էր գործը քննել պարզեցված վարույթի կարգով/որի ժամանակ պատասխանող կողմի ներկայություն չի նախատեսվում/, սակայն դեկտեմբերի 8-ին ներկայացրի Առարկություն՝պահանջելով գործը քննել ընդհանուր հայցային վարությի կարգով․Առարկությունն ընդունվել էր։

Դատական նիստի ընթացքում եվս հիմնավորեցի իմ անհամաձայնությունը՝իմ դեմ ներկայացրած պահանջի առթիվ։,,Վեոլիա-ջրի,, կողմից ներկայացված տվյալները՝,,պարտքի,, մասին, հակասական են, եվ վարձերի մուծման ու պարտքերի հաշվի քաղվածքն ու մեկ տարի առաջ տրված տեղեկանքը՝Լոռու տեղամասի պետի կողմից, միմյանց հակասում են՝մոտ 40հազար դրամի սահմաններում։Միաժամանակ դատարանի ուշադրությունը հրավիրեցի այն հանգամանքի վրա, որ 2017թվից գոյացած ,,պարտքը,,/որ,փաստորեն, ապօրինի սակագնով է գոյացվել՝ամիսը 5400,այնուհետ՝6000դրամով, իսկ ընդհանուր իրավասության դատարանն իրավասություն չունի այդ ապօրինի սակագնի հարցը քննության առնել/վաղեմության ժամկետի մեջ պետք է տեղավորվեր։Դատարանն առաջարկեց ներկայացնել միջնորդություն՝պարտքի վաղաժամկետ լինելու առթիվ,եվ այն իմ կողմից ներկայացնելու համար տրվեց ժամկետ՝մինչեւ հաջորդ նիստը,որ նշանակվեց հունվարի 24-ին։

ԳԱՅԱՆԵ ՀՈՎՍԵՓՅԱՆ,ք․Վանաձոր, ազատ լրագրող,բլոգեր