Հետաքրքիր
է, արդյո՞ք ոստիկանությունը կամ անձնագրային վարչությունը իրավունք ունի բնակարաններ
այցելություն կատարել` պատճառաբանելով, թե «անձնագրային տվյալներ ենք ճշտում»: Եվ եթե`
այո, ինչու՞ բնակչությունը այդ առթիվ հեռուստատեսությամբ չի իրազեկվում. այնպես, ինչպես
մարդահամարի ժամանակ: Նմանատիպ այցելության փորձ արվեց մեր բնակարան փետրվարի 27-ին:
Բնականաբար, վերոնշյալ հանգամանքները հաշվի առնելով, դուռը չբացեցի: Նշենք, որ
2008թ. ընտրությունների ժամանակ նման ճշտումներ արվում էին հեռախոսով: Եվ հետո, եթե
անձնագրային բաժինը ճշտելու հարցեր ունի, ինչու՞ ԲՇՏ-ներից կամ համատիրություններից
չի տվյալներ հավաքում, իսկ մարդահամարը նոր է ավարտվել: Ի՞նչ երաշխիք, թե «ոստիկանի»
անվան տակ հանցագործ չի կանգնած դռան ետևում: Չենք կարծում, թե ոստիկանական համակարգը
այն ոլորտն է, որի հետ քաղաքացիները հաճույքով են շփվում: Ասվածի ապացույց է այն, որ
Վանաձորի ոստիկանները շուրջ 3 տարի է` կոլեկտիվներում հանդիպումներ են ունենում քաղաքացիների
վստահությունը այս համակարգի նկատմամբ վերականգնելու նպատակով, ինչը լուսաբանվում է
տեղական հեռուստատեսությամբ(հենց այդպես էլ պատճառաբանվում է հանդիպումների նպատակը`
վերականգնել քաղաքացիների հավատը համակարգի նկատմամբ): Միգուցե այդ ծրագրի շրջանակներում
նաև այցելություններ բնակարաններ կատարե՞լն է: Ի դեպ, տեղին կլիներ, եթե նույն հաճախականությամբ
կոլեկտիվներում նաև իրավապաշտպան կառույցների ներկայացուցիչներ հյուրընկալվեին և բացատրեյին
քաղաքացիների իրավունքները:
Գայանե Հովսեփյան
Комментариев нет:
Отправить комментарий
Ոչ կոռեկտ մեկնաբանությունները կհեռացվեն