среда, 28 февраля 2018 г.
вторник, 27 февраля 2018 г.
,,Վեոլիային,, ,,պարտք,, եմ, ջրմուղին ,,գերավճա՞ր,, եմ տվել
,,Առավոտ,, օրաթերթի փետրվարի 23-ի՝,,Վեոլիա,, ՓԲ ընկերությունն ՝ընդդեմ լրագրող սպառողի,, հոդվածում նշվել էր, որ 2017թ․հունվարին ջրմուղին իմ կողմից մուծած 2000դրամ գումարը չի երեում 2017թ․փետրվարի անդորրագրում եւ Լոռու մարզի ընդհանուր իրավասության դատարանին ներկայացված հաշվի քաղվածքում․նույնը հայտնել եմ նաեւ այս տարվա փետրվարին իմ կողմից դատարանին ներկայացրած հայցադիմումի պատասխանի մեջ՝ներկայացնելով անդորրագրերի պատճեները։Նույն խնդրով այս տարվա փետրվարի 16-ին գրավոր դիմումով հարցում եմ ուղարկել նաեւ ,,Վեոլիային,,։Եվ ահա, ս․թ․փետրվարի 27-ին ,,,Վեոլիայից,, գրավոր նամակ ստացա, որում ընկերության գործադիր տնօրենը պարզաբանում է,, որ ,,Վեոլիա,, ընկերությունն իր գործունեությունն սկսել է 01․01․2017թ․ եւ նախորդ ջրամատակարար կազմակերպությունների իրավահաջորդը չի հանդիսանում։Վերոհիշյալ հաշվառման քարտի համար 2017թ․հունվար ամսին Ձեր կողմից կատարվել է վճարում 2016թ․մատուցած ծառայությունների դիմաց, ուստի այն ,,Վեոլիա Ջուր,, ընկերության տվյալների բազայում արտացոլված չէ։Ստուգման արդյունքում նախորդ ջրամատակարար կազմակերպությունում առկա գերավճարը ,,Վեոլիա Ջուր,,ՓԲԸ-ի Ձեր բաժանորդային քարտին տեղափոխելու համար անհրաժեշտ է դիմել ,,Հայջրմուղկոյուղի,,ՓԲԸ,,։Փաստորեն, ,,Վեոլիան,, պաշտոնապես հավաստում է, որ ես ,,գերավճար,, եմ կատարել/2000դրամ, որի չափի մասին չի նշում գրության մեջ//․ի՞նչ է ստացվում, ուրեմն ,,Վեոլիային,, ,,պարտք,, եմ, իսկ Ջրմուղ-կոյուղու գրասենյակին ,,գերավճար ,, եմ տվել/լավ է ,,թեյավճար,, չեն ասում/։
Հարց․եթե ,հունվարին իմ կողմից մուծած գումարին,,Վեոլիան,, տեր չի,, ապա ի՞նչ հիմքով է 2017թ․հունվարին իմ հաշվեհամարին ամրագրել 5399 դրամ՝նոր սակագին, չէ՞ որ հունվարին մուծածը, ինչպես ինքն է նշում՝դեկտեմբերի համար է, բա այդ դեպքում ինչու՞ է ինքը հունվարի հաշվի քաղվածքում ամրագրել 5399դրամ/ու այն որպես պարտք ներառել ինձ ներկայացված 32200դրամ արհեստական պարտքի մեջ, որ գոյացրել է իր իսկ կողմից ներդրված, բայց՝ինձ պաշտոնապես չտեղեկացրած սակագնային հաշվարկով/։Ուրեմն թող բարի լինի այդ 5400դրամը մաքրել ,,պարտքի,, ցուցակից, միաժամանակ որպես ,,պարտք,, չհամարել այն հաշվարկով արած գումարը, որ գոյացրել է նոր սակագնով։Եթե նոր սակագնի մասին ինձ պաշտոնապես տեղեկացնում են այս տարվա փետրվարի 13-ին՝բանակցությունների փուլում, ես ինչու՞ պետք է պատրաստակամություն հայտնեմ նոր սակագնով, ,,պարտքը,, մարել՝ժամանակացույցով, եւ նոր պայմանագիր կնքելու դեպքում։Եթե առանց նոր պայմանագրի՝իմ վրա ,,պարտք,, են ,,սարքում,, էլ ո՞րն է նոր պայմանագիր կնքելու իմաստը․չէ՞ որ երաշխիք չկա, թե վաղն էլ մի ուրիշ ընկերություն չի գնելու ջրային տնտեսությունն ու ասի, որ իմ մուծած գումարները գնացել են ,,նախորդ ջրամատակարար կազմակերպությանը,, ու պարտադրեն, որ ես հիմա էլ ,,Վեոլիային,, դատի տամ, որ իմ մուծած գումարները փոխանցի նոր սեփականատիրոջ ֆոնդին։
․․․Կարծում եմ, հարցն ավելի գլոբալ է, քան՝,,մեկ առանձին վերցրած,, սպառողի շահերը, որովհետեւ այսօր բազմաթիվ քաղաքացիներ կան, որոնք 2017թ․հունվարին մուծումներ են կատարել ջրմուղին/միգուցե նաեւ կանխավճարներ տվել/, բայց ,,Վեոլիան,, այդ մուծումները/անգամ՝10հազար դրամի հասնող/ չի ,,ճանաչում,,․իսկ այդ առթիվ բողոքներով դիմող քաղաքացիներին հորդորում է ամիսներով սպասել, մինչեւ ,,ցուցակները մաքրվեն,, եւ կամ՝խորհուրդ է տալիս դիմումներ ներկայացնել Հայ Ջրմուղ-կոյուղու գրասենյակ։Առհասարակ, եթե ջրային տնտեսությունը սեփականաշնորհված է, ո՞րն է 2 համանման կառույց պահելու իմաստը/,,Վեոլիա,, եւ Հայջրմուղ կոյուղու գրասենյակ/, որոնց երկուսի միաժամանակյա առկայությունը ոչ միայն չի թեթեւացնում բաժանորդների հոգսը, այլեւ՝նպաստում է թղթաբանության ավելացմանը եւ մեծացնում կոռուպցիոն ռիսկերը։Ի՞նչ պակաս կոռուպցիա է․մարդիկ գումար են մուծել, բայց այդ գումարներն, անգամ՝անդորրագրերի առկայության պայմաններում, չկան ,,Վեոլիայի,, ,,ծխամատյաններում,,․բա այդ դեպքում ու՞մ ,,հոր խերին,, են գնացել այդ գումարները։Եթե անգամ մուծման անդորրագրերը չեն երաշխիք, որ քո գլխին ,,պարտք,, չեն սարքի, էլ ի՞նչ իրավական երկիր ենք։
ԳԱՅԱՆԵ ՀՈՎՍԵՓՅԱՆ,Վանաձոր, ազատ լրագրող, բլոգեր
четверг, 22 февраля 2018 г.
Հայ ժողովրդի մեծ բարեկամ, ֆրանսահայ դեսպան Շառլ Ազնաուրին
Բաց նամակ
ՄԵԾԱՐԳՈ ՇԱՌԼ ԱԶՆԱՈՒՐ
Հայաստանում բողոքս պետական համապատասխան կառույցների ուշադրությանն արժանացնելու եւ խնդիրը կարգավորելու բոլոր ռեսուրսներն սպառվել են, քանզի արդեն մեկ տարի է՝ահազանգում եմ եւ հանրային խորհրդին, եւ վարչապետին, եւ Մարդու իրավունքների պաշտպանին, եւ ՀՀ նախագահին առ այն, որ 2017թ․հունվարից բնակչության ամենախոցելի խավերի՝տեխնիկական ու ֆինանսական խնդիրների պատճառով անջրաչափ բաժանորդները/որոնց թվում՝աղետի գոտու չամրացված, վթարայնություն ունեցող շենքերի բնակիչ/սոցիալական աղետի առաջ են կանգնած, քանի որ Հանրային ծառայությունները կարգավորող հանձնաժողովը հաստատել է մի որոշում՝ֆրանսիական ,,Վեոլիա,, ընկերության հայտով ներկայացված, որով ջրի վարձը կտրուկ բարձրացվում է 5400դրամի՝առանց հիմնավորման, առանց հանրային լսումներ կազմակերպելու/նախկին անձաքանակ 1100դրամի փոխարեն, անկախ ընտանիքի անդամների թվից/։Բողոքիս արձագանքելու եւ այդ որոշման կիրարկումը կասեցնելու/նախկինն ուժի մեջ թողնելով/, եւ սակագնի նպատակայնության հարցը հանրային քննարկման դնելու փոխարեն՝կառավարողների անտարբեր վերաբերմունքից ոգեւորված՝ ,,Վեոլիան,, իր կողմից որոշած ու ՀԾԿՀ-ով ,,դավադրաբար,, հաստատած սակագնով հաշվարկած մի պատկառելի ,,պարտք,, է գոյացրել իմ նկատմամբ եւ այն բռնագանձելու հայց ներկայացրել դատարան/հընթացս էլ շարունակում է հաջորդ ամիսների համար նույն սակագնով հաշվարկ կատարել ու ,,պարտք,, նկարել/։Ամենայն հավանականությամբ, ,,Վեոլիան,, այլ բաժանորդների նկատմամբ էլ է այդ կերպ դատական հայցեր ներկայացրել, բայց անգամ դեռեւս չներկայացնելու դեպքում, էլի շատերի ճակատագիրն է վտանգված, քանի որ քաղաքացիների առջեւ ուլտիմատում է դրված․կամ պետք է պայմանագիր կնքեն՝ջրաչափ տեղադրելու համար, կամ՝պայմանագիր կնքեն՝նոր սակագնով վարձ մուծելու համար։Եվ երկու դեպքում էլ պարտադրվում է պարտավորություն վերցնել այդ չհիմնավորված սակագնով գոյացրած պարտքը մուծել ու ժամանակացույց կազմել։Սա նշանակում է, մարդկանց պարտադրում են ստորագրել իրենց մահապատժի հրամանը․մանավանդ այն դեպքում, երբ բնակարանի տեխնիկական պայմանները թույլ չեն տալիս ջրաչափ տեղադրել, քանի որ դրա համար պետք է այն կառուցվածքային փոփոխությունների ենթարկեն, որը ծախսատար է։Սա նաեւ նշանակում է, որ քաղաքացիները կանգնած են սոցիալական աղետի առաջ/ունեզրկման, բնակարանը արգելանքի տակ դրվելու եւ կամ՝մարդու կենսագործունեության համար անհրաժեշտ ջրից զրկվելու վտանգի առաջ/։Քանիցս եմ բացատրել համապատասխան կառույցներին ուղղված նամակներում/ամենավերջինը եղել է արդարադատության նախարար Դավիթ Հարությունյանին ուղղված/, որ վթարային բնակարաններում ջրաչափի տեղադրումն անհնար է ու մեծ ֆինանսների է պահանջում, որ անեկամուտ կամ նվազ ապահովված մարդիկ ի վիճակի չեն ձեռնամուխ լինել նման փոփոխություների, որպեսզի ջրաչափ տեղադրեն ու ավելի քիչ մուծեն, առանց ջրաչափի էլ ,,Վեոլիան,, պարտադրանքի նման հաշվեհամարներին ամրագրել է այդ չհիմնավորված սակագինը։Հարցի կարգավորում կարող էր լինել այն, եթե վերադարձվեին ԽՍՀՄ ավանդները՝արժանապատիվ հաշվարկով, 28 տարվա տոկոսադրույքներով, բայց կառավարողները այդ քայլին էլ չեն ուզում գնալ, եւ ավանդների փոխհատուցման տարիքային շեմ են սահմանել 86-ը, մինչդեռ Հայաստանում բնակվող քաղաքացին հաճախ անգամ 50-ի չի հասնում՝սոցիալ-կենցաղային պայմանների պատճառով։
Լոռու մարզի ընդհանուր իրավասության դատարանում փետրվարի 14-ին սկսված քաղգործն՝իմ նկատմամբ ,,վեոլիայի հայցով,առայժմ ընդմիջվել է մինչեւ մարտի 7-ը, որի ընթացքում ես պարտադրված եմ կամ նոր պայմանագիրն ընդունեմ՝անցանկալի պայմաններով/արհեստական գոյացրած պարտքի ընդունումով եւ այն մարելու ժամանակցույց կազմելով/, կամ՝ջրաչափ տեղադրելու դիմում ներկայացնեմ ու նոր պայմանագիր կնքեմ՝նմանապես ,,Վելոիայի,, արհեստական գոյացրած պարտքը մուծելու պատրաստակամությամբ․եվ կամ՝,,Վեոլիան,, կարող է ինձ զրկել բաժանորդ լինելու իրավունքից/այսինքն՝ջրամատակարարումից/ եւ դատարանն էլ ,չի բացառվում, հիմք ընդունելով ՀԾԿՀ-ի որոշումը, բռնագանձման որոշում կայացնի։
Ջրի սակագինը 5400դրամ դարձնելու ՀԾԿՀ-ի որոշման բողոքարկման հնարավորություններն ուսումնասիրելու խնդրով փետրվարի 14-ին դիմել եմ Հելսինկյան քաղաքացիական ասամբլեայի Վանաձորի գրասենյակ/այն բանից հետո, երբ ՀՀ-ում պետական բոլոր ատյաններին ուղղված դիմումներս, այդ թվում՝մարդու իրավունքների պաշտպանին/, համապատասխան արձագանք չգտան մեկ տարվա ընթացքում,սակայն չեմ կարծում, թե այդ հարցը կարգավորվի ավելի շուտ, քան՝մինչեւ մարտի 7-ը՝դատական նիստի օրը,որովհետեւ ժամանակահատվածը կարճ է։
Միաժամանակ հարկ եմ համարում տեղեկացնել, որ առկա են մեծաքանակ դժգոհություններ՝ֆրանսիական ,,Վեոլիա,, ընկերության նկատմամբ ոչ միայն անջրաչափ ,այլեւ՝ջրաչափ ունեցող բաժանորդների կողմից առ այն, որ ,,Վեոլիան,, չհիմնավորված հավելագրումներ է կատարում իրենց հաշվեհամարներին եւ չի մուտքագրում մուծած գումարները․անգամ նոր սակագնով հաշվարկի պայմաններում,կոնկրետ իմ նկատմամբ նման յուրացում է եղել, որի առթիվ համապատասխան անդորրագրեր եմ ներկայացրել դատարան, եւ փետրվարի 16-ին դիմում ներկայացրել ,,Վեոլիային,,․սակայն թե ինձ, թե նմանատիպ այլ քաղաքացիների,ջրմուղից պատասխանում են, որ հաշիվների ճշգրտումը շուտ չի կարող լինել։Այսինքն եթե հարցը վերաբերվում է պարտք գանձելուն՝դա շուտափույթ է արվում, եթե բաժանորդի իրավունքներին՝ապա դա շուտ չի արվի։Այս ամենը ստվեր է գցում հայ-ֆրանսիական դարավոր բարեկամության վրա՝շնորհիվ մի անբարեխիղճ ընկերության։Ակնկալում եմ Ձեր՝որպես ՀՀ իշխանությանը աշխատանքի բերումով մոտ կանգնած եւ առհասարակ՝հայ ժողովրդին մոտ կանգնած պետական-քաղաքական գործչի միջամտությունը՝հարցի կարգավորման հարցում, որպեսզի կասեցվի ,,Վեոլիայի,, նոր սակագնի հաղթարշավը՝խոցելի խավերի նկատմամբ, մինչեւ այդ առթիվ հանրային լսումների կազմակերպումը։
ԳԱՅԱՆԵ ՀՈՎՍԵՓՅԱՆ,Վանաձոր, ազատ լրագրող, բլոգեր
Այսօր Լոռու մարզի ընդհանուր իրավասության դատարանին ներկայացրի լրացուցիչ տեղեկություններ,որոնք ներկայացվում են ստորեւ
Լոռու մարզի ընդհանուր իրավասության դատարանի դատավոր Տիգրան Գրիգորյանին պատասխանող Գայանե Հովսեփյանից Լրացուցիչ տեղեկություններ
Նկատի ունենալով, որ ,,Վեոլիա,,ՓԲԸ-ի հայցով ինձնից 32200դրամ ջրի վարձի պարտքի եւ 1500դրամ պետտուրքի բռնագանձման վերաբերյալ ս․թ․փետրվարի 14-ին սկսված, Ձեր վարույթում գտնվող քաղգործը/ԼԴ 2571/02117/ընդմիջվեց մինչեւ ս․թ․մարտի 7-ը՝իմ եւ ,,Վեոլիայի,, միջեւ բանակցություններ սկսվելու պատճառով, հարկ եմ համարում տեղեկացնել, որ դեռեւս փետրվարի 13-ին՝մինչ դատական փուլ մտնելը, ,,Լոռի-ջրմուղի,, հետ սկսված բանակցության փուլում, դիմեցի ջրմուղի իրավաբան Լիլիթ Էվոյանին, խնդրելով պարզաբանել, թե ինչու՞ ,,Վեոլիայի,, կողմից դատարան ներկայացված ,,հաշվի քաղվածքի,, մեջ/2017թ․հունվար-օգոստոս ամիսների համար/չի երեում 2017թ․հունվար ամսում իմ կողմից մուծված 2000դրամ գումարը, եւ ,,հաշվի քաղվածքի,, հունվար ամսվա սյունակում գրվել է ,,օ,, ։Իրավաբանն այդ հանգամանքը պատճառաբանեց նրանով, որ 2017թ․հունվարի հետ կապված տեխնիկական խնդիրներ կան։Նույն խնդրի առնչությամբ, ս․թ․փետրվարի 15-ին հեռախոսով հարցում ուղղեցի Էվոյանին, թե ի՞նչ կարգով պետք է այդ խնդիրը կարգավորվի․պարզաբանեց, որ պետք է ջրմուղին դիմում ներկայացնեմ։Ս․թ․փետրվարի 16-ին դիմեցի ,,Վեոլիայի,, Լոռու մարզային տեղամաս՝վՎանաձորի քաղաքապետարանի շենքում տեղակայված,որտեղ ինձ հատկացվեց դիմումի ձեւ, որում էլ ներկայացրի խնդիրը, պահանջելով կատարել հաշվարկի ճշտում։Դիմումս պատճենահանվեց եւ պատճեն հանձնվեց ինձ։Համակարգչավարն ասաց, որ բաժանորդներին ստացական չի տրամադրվում՝դիմումի առնչությամբ, քանի որ նոր օրենքով արդեն այդ կարգը վերացել է։Նույնը հավաստեց նաեւ ջրմուղի իրավաբանը/հեռախոսով իմ հարցին ի պատասխան/։Իսկ տեղամասային աշխատողը, ով գրանցեց դիմումս, հավաստեց, որ խնդիրը շուտ չի կարգավորվի, քանի որ նման դիմումներ շատ կան եւ հերթի են դրված։Բանավոր հարցիս, թե ինչու՞ 2017թ․հունվարին մուծած 2000դրամ գումարը չի երեում 2017թ․փետրվարի անդորրագրում եւ դատարանին ներկայացրած ,,հաշվի քաղվածքում,,՝ համակարգչավարը պարզաբանեց, որ ես 2017թ․հունվարին մուծել եմ 2016թ․դեկտեմբերի համար/բնականաբար/․բայց այդ դեպքում ինչու՞ հունվարի համար արդեն գրվել է նոր սակագին՝,,հաշվի քաղվածքում,,/5399դրամ/․եթե հունվար ամսում մենք դեռ դեկտեմբերի համար ենք հաշվետու, ինչու՞ ջրի նոր սակագինը 2017թ․փետրվարից չի ամրագրվել, այլ՝հունվարից։Մինչդեռ 2017թ․հունվարի անդորրագրում այդ նոր սակագինը չկա․այսինքն՝դատարանի համար ներկայացվածը չի համապատասխանում իրական պատկերին/2017թ․հունվար եւ փետրվար ամիսների անդորրագրերը կցված են հայցադիմումի պատասխանին, եւ այդ անհամապատասխանությունն ակնհայտ է․,,հաշվի քաղվածքի,, հունվար ամիսը անհամապատասխան է 2017թ․հունվար ամսվա անդորրագրի հանդեպ/։Հետեւաբար, ինձ ներկայացված 32200դրամ ,,պարտքը,,՝անգամ նոր, վիճահարույց սակագնով,վերահաշվարկի անհրաժեշտություն ունի։Այս ամենի մեջ ես միտում եմ տեսնում ,,Վեոլիայի,, կողմից՝պարտքն ավելի մեծացնելու առթիվ։
Ինչ վերաբերվում է ՀԾԿՀ-ի կողմից հաստատված ջրի վարձի նոր սակագնին՝5400դրամ, այն չհայտնաբերեցի անգամ այդ որոշումն իբր հաստատած ՀԾԿՀ-ում կայքում/թեպետ՝ջրմուղի գրասենյակում ինձ խորհուրդ տվեցին որոշմանը ծանոթանալ ՀԾԿՀ կայքում/, եւ այդ մասին հավաստող միակ փաստաթուղթն առայժմ Մարդու Իրավունքների Պաշտպանի գրությունն է՝ինձ ուղարկված/գործին կցված/, որում վկայակոչվում է ՀԾԿՀ-ի որոշումը։Այժմ այդ որոշումը/ջրի սակագինը 2017թ․հունվարից 5400դրամ դարձնելու/ բողոքարկելու եւ չեղարկելու հնարավորություններն ուսումնասիրելու դիմում եմ ներկայացրել Հելսինկյան քաղաքացիական ասամբլեայի Վանաձորի գրասենյակ։Կից ներկայացնում եմ հետեւյալ փաստաթղթերը․
1․Լրացուցիչ տեղեկություններ։
2․,,Վեոլիային,, փետրվարի 16-ին ներկայացրած դիմումիս պատճեն՝ջրմուղի բլանկի վրա, եւ նույն բլանկի վրա ջրի վարձի անդորրագրի հաշվեհամարի գրավոր նշումով՝գրասենյակի կողմից։
3․Տեղեկանք՝ՀՔԱ Վանաձորի գրասենյակի կողմից։
Առ դիր՝ 6 թերթ
Դիմող՝ Գայանե Հովսեփյան
воскресенье, 18 февраля 2018 г.
Խոսքի ազատությունն ու դատաիրավական լրագրությունը Վանաձորում՝90-ականների կեսերին
Հուշեր՝վանաձորյան ,,Տեսադաշտ,, առաջին անկախ թերթի մասին
1994-96թթ․թղթակցում էի վանաձորյան ,,Տեսադաշտ,, առաջին անկախ թերթին/մանկավարժական ինստիտուտի գրադարանում մատենագետի աշխատանքին զուգահեռ/։Այդտեղ հայտնվեցի՝տեղական մամուլից տեղեկանալով, որ նորաստեղծ թերթին անհրաժեշտ են լրագրողներ։Առաջին թղթակցությունս, որ ,,Տեսադաշտում,, լույս տեսավ, հարցազրույց էր՝իմ կողմից, ԱՄՆ խաղաղության կորպուսի առաջին կամավորներ Սյուզան Ռալլիի եւ Էլեն Քելլիի երկամյա կամավորական գործունեության ավարտի առթիվ,որ վարել էի մանկավարժականի անգլերենի դասախոս Անահիտ Նալբանդյանի միջնորդությամբ եւ հարցազրույցի ընթացքում՝թարգմանությամբ։ Միաժամանակ թերթում հանդես էի գալիս ռուսական մամուլից ուշագրավ թարգմանություններով ու դատաիրավական թեմաներով նյութերով/որոնց թվում՝դատական նիստերի լուսաբանում, եւ ոստիկանական թեմաներով թղթակցություններ/։Դա պայմանավորված էր նրանով, որ այդ տարիներին դեռեւս ատենակալ էի համարվում/քանի որ 1987թ․ատենակալական համակարգը շարունակվեց մինչեւ 1996թ․դատաիրավական բարեփոխումները,իսկ ես 1987թ․քիմմանրաթելի գործարանի կողմից ատենակալ էի ընտրված/։Իրավական թեմաներով թերթում հանդես էր գալիս նաեւ բաց համալսարանի ժուռնալիստիկայի բաժնի ուսանողուհի Սոնա Մալումյանը,ով համագործակցում էր կազմակերպված հանցագործությունների բաժնի հետ/դրա հետ մեկտեղ՝վերջինս նաեւ ազգային-հայրենասիրական թեմաներով նյութեր էր հրապարակում՝հայազգի վրիժառուների հետ կապված/։Առանձին թարգմանություններ՝հաստիքային կարգով՝վարում էր թերթի սրբագրիչ Նարինե Աստանյանը։
Քանի որ դատարանում աշխատած տարիների նախկին գործընկերուհիս տեղափոխվել էր ոստիկանական համակարգ, ուստի ոստիկանանության վարչության հետ բարի-դրացիական հարաբերույուններ ձեւավորվեցին, թերթում սկսեցինք դատական թեմաներին զուգահեռ՝նաեւ ոստիկանական լրատվություն հաղորդել, հարցազրույցներ վարել համակարգի պաշտոնյաների հետ․քանի դեռ տարաձայնություններ չսկսվեցին՝մի նյութի առնչությամբ։
1996թ․ծանոթ իրավաբաններից մեկը մի օր խնդրեց, որ արտերկրից Հայաստան տեղափոխված մի պաշտոնյա ոստիկանի մասին հոդված գրեմ՝որպես ,,լավ մարդու,,․ով ԱՊՀ-ում աշխատած ժամանակ պայքար է մղել կոռուպցիայի դեմ։Ոստիկանությունն այն ժամանակ մասամբ՝տնակներում էր գործում, մասամբ՝երկրաշարժից հետո կիսանորոգված շենքում/վարչությունը շենքում էր, քննիչները՝տնակներում/։Գնացի հարցազրույց վարեցի հիշյալ պաշտոնյայի հետ, ու հանձնեցի նյութը խմբագրություն։Բայց հաջորդ օրը հեռախոսազանգ ստացա՝վարչության պաշտոնյաներից մեկից/ում հետ մինչ այդ բարի-դրացիական հարաբերություններ էին եւ վերջինս սիրով հարցազրույցներ էր տալիս/, որ այդ պաշտոնյայի հետ վարած հարցազրույցը ,,չպետք է տպագրվի,,։Թե ինչու՞՝ոչ մի բացատրություն չտրվեց/ենթադրվում է, թե համակարգի չարակամները ջանացել էին, որ իրենց գործընկերոջ արժանիքները չերեւան, ու ղեկավարության մոտ այդ ուղղությամբ աշխատել էին/․միգուցե, դա մասամբ էլ պայմանավորված էր նրանով, որ տեղական պաշտոնաթերթը ,,վիրավորվածություն,, էր հայտնել ոստիկանական համակարգի ղեկավարությանը, թե ինչպե՞ս է, որ ,,դաշնակների թերթին նյութ եք տալիս, մեր թերթին՝չեք տալիս․ինչու՞ որոշ նյութեր նրանք առաջինն են իմանում,,/,,Տեսադաշտն,, այն ժամանակ դիտվում էր որպես ,,դաշնակցական,, թերթ․թեպետ՝բնույթով իրապես անկախ էր, պարզապես՝ազգային-հայրենասիրական թեմաներով նյութեր էլ էին այդտեղ տպագրվում/։Եվ, միգուցե՝հենց դրա համար, տեղական ոստիկանությանը հրահանգ էր իջեցվել, որ ոչ մեկին նյութ չտան։
,,Ես հետո կբացատրեմ,,-խոստացավ հարցազրույցի լույս տեսնելն արգելող պաշտոնյան։Այդ մասին տեղեկացրի խմբագրին,նա էլ խորհուրդ տվեց գնալ եւ պարզել, թե ինչու չեն ուզում հարցազրույցը տպագրել։Գնացի այդ պաշտոնյայի աշխատավայր, ու զարմանքով տեսա, որ ինքը տեղում չէ, իսկ գործընկերը խնդրեց մի փոքր սպասել․սպասեցի կես ժամ, մեկ ժամ․․․մեկ էլ հանկարծ հայտնվեց վերջինս ու զարմացած ասեց․,,,Էս դու հլա ստեղ ե՞ս․․․ես ասի գնացած կլնես․․․․չէ, ասելու բան չկա, ուղղակի էդ նյութը չտպեք հանկարծ, եթե տպեցիք՝անախորժություններ կլինեն, հասկացա՞նք իրար,,։Նրա պատասխանը փոխանցեցի թերթի խմբագրին, որին էլ մյուս կողմից ճնշում էր այն իրավաբան կինը, ով միջնորդել էր հոդվածի համար, եւ զանգելով խմբագրին, ասել էր․,,Եթե դուք էդ հարցազրույցը չտպեք, ես ձեր թերթը չեմ հարգի, դուք էլ ի՞նչ մամուլ եք, որ վախենում եք ճնշումներից,,։
,,Դե ուրեմն մենք կտպենք էդ նյութը,ինչ ուզում է՝թող լինի,,-ասաց խմբագիրն ու տպեց հոդվածը․,,Բամբակի գործից մինչեւ հայրենի հանցագործներ,,վերնագրով։Հաջորդ օրը ոչ միայն մեր տուն էր զանգահարել հոդվածի տպագրելն արգելող պաշտոնյան, այլեւ ինձ տանը չգտնելով՝զանգահարել էր խմբագրություն, եւ երբ մտա ներս, խմբագիրը ծիծաղելով ասաց․,,Գնա հեռախոսը վերցրու, առավոտից քեզ են հարցնում, գնա բացատրի, թե ինչի ենք տպել,,։Դրանից հետո արդեն թերթի եւ ոստիկանության միջեւ՝հարաբերությունները սառեցին,բայց դրա փոխարեն՝թերթը պաշտպանեց խոսքի ազատության իրավունքը։,,Ավելի լավ է նրանցից առհասարակ նյութ չվերցնենք, քան թե դառնանք իրանց կամակատարն ու ասեն էս տպեք, էն տպեք,,-ասաց խմբագիրը,նկատի ունենալով, որ վարչության պաշտոնյաներից մեկը խնդրել էր, որ իր հորեղբոր ոտանավորները տպեն։
Ի դեպ, այդ տարիներին ոստիկանական համակարգի հանդեպ վստահությունն ավելի մեծ էր/համենայն դեպս՝իմ տպավորությունն այդպիսին է/, համակարգն էլ իշխանություններից ավելի անկախ էր, եւ անգամ՝դեմ էր դուրս եկել ոստիկանության մասին օրենքի նախագծին, որի առթիվ հարցազրույց տպագրվեց ,,Տեսադաշտ,, թերթում․,,Նախագիծը հակասու՞մ է սահմանադրությանը,,։
Ցավոք, ,,Տեսադաշտ,, թերթը երկար կյանք չունեցավ․միգուցե խոստացված ,,անախորժությունների,, հետեւանքը դա էր, իսկ դրանից հետո ես վերջնականպես թեքվեցի հանրապետական մամուլի ուղղությամբ,որին էլ մինչ այդ համատեղում էի ,,Տեսադաշտի,, եւ ԱԻՄ ,,Կանչ նախնյացի,, հետ։Դառնամ զօղորմին տամ պատմաբան Գեւորգ Չատինյանին,լրագրող Ռուբեն Սարգսյանին/ով թղթակցում էր կնոջ՝լրագրող Սեդա Եգանյանի հետ/։Իսկ ,,Տեսադաշտից,, ինձ հիշատակ մնաց թերթի արխիվի հավաքածուն եւ ինձ տրված տեղեկանքը՝ՀՀ լրագրողների միություն ներկայացնելու համար։Իսկ թե ինչու չդարձա լրագրողների միության անդամ՝դա արդեն այլ թեմա է։
ԳԱՅԱՆԵ ՀՈՎՍԵՓՅԱՆ
суббота, 17 февраля 2018 г.
Նախընտրում է տառապել ու պայքարել սեփական երկրում, քան՝հեռանալ օտարություն
Շարունակվում են վանաձորցի միայնակ թոշակառու, Լենինգրադի բլոկադայի տուժած, Վանաձորի վետերանների միության կինխորհրդի նախագահ Հենրիետա Մխիթարյանի տառապանքները՝բազմահարկ շենքի 9-րդ հարկում գտնվող իր բնակարանի առաստաղի քայքայման խնդրով տարբեր մարմինների դիմելու առնչությամբ։Այդ խնդիրը, որի մասին քանիցս ենք ահազանգել /ու որին անդրադարձել են նաեւ վանաձորյան 2 հեռուստաալիքներ/,որի առթիվ վերջինս վերջին մեկ տարում գրել է եւ քաղաքապետարան, եւ մարզպետարան, եւ պատգամավորական գրասենյակներ, եւ վարչապետին, նրա համար դարձել է գերխնդիր, որ արդեն ձգվում է մեկ տարի։Վերոնշյալ պետական ու ՏԻՄ կառույցներին գրած բողոք-նամակներից հետո/որոնց թվում՝ամենավերջինը՝ՀՀ վարչապետին/, Մխիթարյանն ստիպված էր դիմել դատարան․փետրվարի 7-ի գործը՝Լոռու մարզի ընդհանուր իրավասության դատարանում ընդմիջվեց՝Մխիթարյանի խմդրանքով, քանի որ զգացվում էր պաշտպանի մասնակցության անհրաժեշտություն, իսկ հանրային պաշտպանը, նախապես տեղյակ պահելով՝չէր մասնակցել նիստին/պատճառաբանելով փաստաբանների գործադուլը/։Հաջորդ նիստը նշանակված է ապրիլի 25-ին, բայց՝հանրային պաշտպանը տեղեկացրել է, որ ինքն այդ օրն էլ է զբաղված լինելու եւ չի կարող մասնակցել նիստին։Ու հիմա Մխիթարյանը փաստաբան կամ հանրային պաշտպան գտնելու փնտրտուքների մեջ է․իսկ այդ ընթացքում առաստաղը, բնականաբար, չի սպասում եւ շարունակում է քայքայվել։Իրավական պաշտպանություն գտնելու նրա փնտրտուքները փետրվարի 15-ին հասցրին Հելսինկյան քաղաքացիական ասամբլեայի Վանաձորի գրասենյակ, որտեղ ներկայացավ իր գործին առնչվող փաստաթղթերով ու իրեղեն ապացույց լուսանկաներով։Մոտ կես ժամ նրա բողոքը լսեցին, գրանցեցին․նրան հանձնվեց Լոռու մարզի փաստաբանների ամբողջական ցուցակ՝ընտրության նպատակով։Մխիթարյանն այս ընթացքում նաեւ հերթագրվել է Վանաձորի քաղաքապետի մոտ ընդունելության/հաջորդ շաբաթվա համար/․բայց մտահոգություն ունի․,,Բա որ քաղաքապետն էլ ասի՝դե որ գործը դատարանում է, էլ ի՞նչ ես պահանջում մեզնից, գնա դատարանից էլ պահանջի,,։
․․․Պարոնայք, ,,սիրուն չի,,․չի կարելի ավանդ ու վաստակ ունեցող մարդուն այդ տարիքում դռնեդուռ գցել ու ստորացումների միջով անցկացնել։Մի՞թե տեղական կառույցն՝ի դեմս քաղաքապետարանի կամ համատիրության, ի զորու չէ մի առաստաղի հարց կարգավորել, որ միայնակ թոշակառուին այսչափ չարչարանքների միջով է անցկացնում։Չէ՞ որ այդ տարիքում մարդը համոզված չէ, թե որքան ժամանակ է մնացել իրեն՝այս կյանքում․․․․Նշեմ, որ հենց տեղական ինքնակառավարման մարմնի խորհրդով էլ վերջինս դատարան է դիմել, ու արդեն վատ ավանդույթ է ձեւավորվել․բազմաբնակարան շենքի բնակիչների հետ կապված հարցերով, որպես կանոն՝դատարանի դուռն են ցույց տալիս ու հարեւաններին միմյանց դեմ տրամադրում։Փոխանակ նպաստելու միջհարեւանայաին հարաբերությունների կարգավորմանը, ավելի են թշնամացնում միմյանց ու հրահրում/2003թ․Մխիթարյանի նկատմամբ ներքեւի հարեւանի կողմից բռնության ենթարկվելու գործում էլ նախկին քաղաքապետարանի թերացումն էր/։Նրա գերխնդրով զբաղվելու փոխարեն, այժմ վերջինիս աղբի վարձի պարտքի մասին ծանուցումներ են ուղարկում/այն էլ՝վրան ապօրինաբար տոկոսներ դրած վարձի, որի անթույլատրելիոթւյան մասին քանիցս ենք ահազանգել․առ այն, որ 2017թ․հունվարից Վանաձորի դեռեւս ոչ լեգիտիմ ավագանու օրոք՝աղբի վարձի վրա տոկոսներ են դրվում/․եւ սա՝այն դեպքում, երբ այդ շենքի բնակիչները քանիցս են հեռուստատեսությամբ ահազանգել, որ շենքի ծխատարը վերածվել է աղբատարի, ու այդ հարցում Մխիթարյանը մատնանաշում է ոչ միայն ներքեւի հարեւանի մեղավորությունը,այլեւ՝համատիրության անտարբեր վերաբերմունքը շենքի խնդիրների հանդեպ։
Հարցիս, թե արդյո՞ք չի ցանկանում տեղափոխվել Ռուսաստան՝իր ծննդավայրը, մոտ լինել Ռուսաստանում ապրող միակ հարազատին/ով, ի դեպ, փետրվարի 7-ին ժամանել էր Ռուսաստանից՝նրա հայցով նիստին մասնակցելու համար /, վերջինս ասաց․,,Ես չեմ ուզում իմ երկրից գնամ, ես իմ երկիրը սիրում եմ, ես օտարության մեջ չեմ կարող ապրել, չեմ ուզում այնտեղ ինձ երկրորդ սորտի մարդ զգամ, բայց ինձ հրահրում են, որ ես թողնեմ-գնամ։Էսօր ինձ Ռուսաստանից էլ են մշտական բնակության հրավիրում, Իսրայելից էլ, բայց ես չեմ ցանկանում հեռանալ իմ հարազատ քաղաքից,,-նշեց Մխիթարյանը, որ քանիցս է դժգոհել, որ մարդիկ փոխանակ պայքարեն, թողնում-հեռանում են երկրից։,,Սա մեր տունն է, ու՞ր գնանք, ինչու՞գնանք,,,-ասում է իմ զրուցակիցը։
․․․Իսկ ինչպե՞ս պայքարեն նրանք, ովքեր սպառել են իրենց ռեսուրսները թե առողջական, թե նյութական առումով։
ԳԱՅԱՆԵ ՀՈՎՍԵՓՅԱՆ
пятница, 16 февраля 2018 г.
,,Դատարանում գործ ունե՜նք․․․ դատարանում գործ ունե՜նք․․․դատարանու՜մ․․․,,
,,Ինչ գո՜րծ․․․․ինչ գո՜րծ․․․․ինչ գո՜րծ․․․,, ,,Վեոլիան,, գլխներիս պարտք է սարքե՜լ․․․․պա՜րտք․․․,,
ՄԱՍ ԱՌԱՋԻՆ
Լոռու մարզի ընդհանուր իրավասության դատարանում փետրվարի 14-ին ,,Վեոլիայի,, հայցով ինձնից որպես ,,պարտք,, 33700դրամ բռնագանձելու վերաբերյալ դատական նիստն ընդմիջվեց՝մինչեւ մարտի 7-ը/ելնելով այն հանգամանքից, որ ,,Վեոլիայի,, մարզային ներկայացուցիչ ,,Լոռի-ջրմուղի,, եւ իմ միջեւ փետրվարի 13-ից բանակցությունների փուլ է սկսվել։Դատական նիստի ավարտից հետո, նկատի ունենալով, որ Լոռու մարզի ընդհանուր իրավասության դատարանն իրավասու չէ քննարկել Հանրային ծառայությունները կարգավորող հանձնաժողովի կողմից 2017թ․հունվարից անջրաչափ բաժանորդների համար սահմանված 5400դրամ նոր վարձը՝30խ/մ հաշվարկով/որի համաձայն էլ ,,Վեոլիան,, իմ դեմ 32200դրամ պարտքի եւ 1500դրամ պետտուրքի բռնագանձման հայց է ներկայացրել դատարան/, այդ անտրամաբանական ու ՀՀ շարքային քաղաքացու նվազագույն սպառողական զամբյուղին անհամապատասխան սակագնի մասին հավաստող փաստաթուղթը՝ՀՀ մարդու իրավունքների պաշտպանի կողմից 2017թ․հուլիսին ինձ ուղարկված, փետրվարի 14-ին ներկայացրի Հելսինկյան քաղաքացիական ասամբլեայի Վանաձորի գրասենյակ՝ի տնօրինություն․բողոքարկման եւ այն համապատասխան բարձր ատյաններում չեղարկելու հնարավորությունների ուսումնասիրման նպատակով։Իսկ մինչ դատական հաջորդ նիստը՝մարտի 7-ին նշանակված,ստիպված եմ ,,Լոռի-ջրմուղի,, հետ փետրվարի 13-ից սկսված բանակցությունները շարունակել՝2017թ․ 5400դրամ սահմանված սակագնի շրջանակներում առաջարկվող պայմանագրի եւ դրա հետ կապված խնդիրների պարզաբանման շրջանակներում, որով էլ առաջնորդվում է ,,Լոռի-ջրմուղը,,։
,,Վեոլիայի,, 5400դրամ սակագնի դեմ ՀՔԱ Վանաձորի գրասենյակ էր դիմել նաեւ այլ քաղաքացի,որի դեմ դեռեւս դատական հայց չէր ներկայացվել, բայց՝,,ճանապարհին,, էր՝ինչպես ինքը նշեց, դժգոհելով, որ պայմանագիր կնքելիս քիչ չէ՝5400դրամ առասպելական սակագին է փաթաթվում ոչ իրենց մեղքով անջրաչափ բաժանորդների վզին/այն էլ՝վթարային շենքի բնակիչ/, այլեւ՝պարտադրվում է ընդունել այդ սակագնով/ 2017թ․հունվարից կիրառվող/ բաժանորդների հաշվեհամարներին ,,սարքած,, արհեստական ,,պարտքի,, գումարներն ու այն մարելու ժամանակացույց կազմել․անգամ այն դեպքում՝եթե ջրաչափ տեղադրելու դիմում ներկայացնես։Սա ամենաիսկական արհամարհանք է շարքային քաղաքացու նկատմամբ, որ,,Վեոլիայի,, հայտը առանց հանրային քննարկման 2016թ․դեկտեմբերին հաստատած ՀԾԿՀ-ի մեղքով հայտնվել է ,,Վեոլիայի,,հանդեպ ցմահ ճորտի կարգավիճակում եւ ստիպված է ,,ղազագիր,, ստորագրել՝անունը ,,պայմանագիր,, դրած․ու այդ ,,պայմանագիրը,,/որքան էլ տարօրինակ է/նույնն է եւ ջրաչափ ունեցողների, եւ չունեցողների պարագայում, եւ քաղաքացիներին հնարավորություն չի տրվում այն վերցնել, մի քանի օր ծանոթանալ ու խորհրդակցել իրավաբանի հետ՝ընդունել-չընդունելու վերաբերյալ/լավագույն դեպքում՝մատնացույց է արվում համացանցում դրա տեղադրված լինելու հանգամանքը․ու կապ չունի՝բաժանորդը համացանցից ,,խաբարություն,, ունի, թե չունի/։Իսկ մի ժամանակ, քանի դեռ ջրմուղը սեփականաշնորհված չէր, պայմանագիրն ուղարկվում էր քաղաքացիներին՝տեսուչի միջոցով, եւ հնարավորություն տրվում մանրամասն ծանոթանալ դրա կետերին՝առնվազն մի քանի օր։
,,Միայնակ թոշակառու եմ, ինչու՞ պետք է 5400դրամ վարձ մուծեմ՝նախկին 1100դրամ անձաքանակ վարձի փոխարեն, ու դեռ 5400դրամով ,,սարքած,, պարտքն էլ վիզ վերցնեմ՝պայմանագիր ստորագրելիս,,-իրավացիորեն բողոքում էր քաղաքացին՝ՀՔԱ Վանաձորի գրասենյակի ղեկավարին, որին ինքս էլ մինչ այդ ներկայացրի խնդիրը՝պատրաստակամություն հայտնելով ներկայացնել նաեւ այլ դժգոհ քաղաքացու։Բնականաբար, մեր բողոքները գրանցվեցին գրասենյակի իրավաբանի կողմից։
Եվ անգամ ՝այդ առասպելական սակագնով պարտքն էլ ուռճացված է՝իմ դեմ ,,Վեոլիայի,, ներկայացրած հայցադիմումի մեջ․ուղիղ 2000դրամ՝,,Վեոլիան,, ,,կերել,, է եւ չի երեւացրել 2017թ․փետրվարի անդորրագրում։Այս փաստը ,,Լոռի-ջրմուղի,, իրավաբանի կողմից որակվեց որպես ,,տեխնիկական խնդիր՝2017թ․հունվար ամսվա հետ կապված,,․իսկ փետրվարի 13-ի հեռախոսազրույցում,մինչ դատական փուլ մտնելը, նա խորհուրդ տվեց դիմում ներկայացնել ,,Լոռի-ջրմուղ,,՝այդ գումարը անդորրագրի վրա երեւացնելու նպատակով/թպետ, դա չպետք է մտնի նաեւ իմ դեմ ներկայացված հայցադիմումի մեջ, եւ գումարն անգամ նոր սակագնով՝պետք է պակասեցվի ուղիղ 2000դրամով՝32200դրամ ,,պարտքից,,/։Նշեմ, որ այդ անհամապատասխանության մասին նշել եմ նաեւ հայցադիմումի պատասխանի մեջ՝Լոռու մարզի ընդհանուր իրավասության դատարանին ներկայացված,հայցադիմումին կցելով 2017թ․հունվարին 2000դրամ մուծելու անդորրագրի պատճեն, ինչպես նաեւ՝2017թ․փետրվարի անդորրագրի պատճեն, որում նշված է՝,,նախորդ վճարում՝,,օ,,։Ստացվում է, 2000դրամը ,,հեչի պես,, կերվել է ջրմուղու՞մ․․․ու սա հազիվ թե միայն իմ պարագայում լինի․ինչքան քաղաքացիներ էլ կան ու կլինեն․․․Ահա եւ ձեզ կոռուպցիա։Ի՞նչ պակաս կոռուպցիա է։
Այսօր, փետրվարի 16-ին դիմեցի ,,Լոռի-ջրմուղի,, գրասենյակ/Հայքի հրապարակում գտնվող տեղամաս/ եւ ներկայացրի դիմում առ այն, որ 2017թ․հունվար ամսվա մուծած 2000դրամ գումարը չի երեում 2017թ․փետրվար ամսվա անդորրագրերում/ներկայացրի անդորրագրերը, որոնք պատճենահանեց համակարգողը եւ վերադարձրեց ինձ օրիգինալը/։,,Դուք 2017թ․հունվարին վճարել եք 2016թ․դեկտեմբերի համար,,-պարզաբանեց համակարգչավարը։Հարց՝,,Լոռի-ջորմուղին,,․այդ դեպքում ինչու՞ ,,Վեոլիան,, իմ դեմ ներկայացրած պարտքի բռնագանձման հայցադիմումին կից ,,հաշվի քաղվածքում,, հունվար ամսվա համար արդեն գրել է ,,հասույթ՝5399դրամ,,․եթե դեկտեմբերի համար հունվարին մուծածը ,,Վեոլիան,, չի հաշվում, բա ինչու՞ նոր սակագինը որպես ,,պարտք,, է ներառել ,,հաշվի քաղվածքում,,/էպիկրիզ/՝2017թ․հունվար ամսվա համար․եթե հունվարին դեռ դեկտեմբերի մուծումների մեջ ենք, ինչու՞ է նոր սակագին դրվել՝որպես ,,հասույթ,, ու մեկ տարի անց էլ մտել դատարան ներկայացված ,,հաշվի քաղվածքի,, մեջ․ ու ավելի մեծացրել ,,պարտքս,,։
Հատկանշական է, որ դիմումն ստանալու մասին ստացական չի տրվում ,,Լոռի-ջրմուղ,, դիմում ներկայացրած քաղաքացիներին։,,Ինչու՞,,՝հարցիս համակարգչավարն էլ, ջրմուղի իրավաբանն էլ վկայակոչեցին ինչ-որ նոր որոշում, որի համաձայն արդեն ստացական չի տրվում/ի տարբերություն՝մինչ ,,Վեոլիան,, եղած ժամանավա/։Իսկ դիմումիս՝այսօր ներկայացված, ասացին, որ սխալը կուղղվի ոչ այնքան շուտ, եւ խորհուրդ տվեցին որպես այլընտրանք՝դիմում ներկայացնել ,,Լոռի-ջրմուղի,, գլխամասային կառույցին․,,Եթե ցանկանում եք, որ շուտ մաքրվի պարտքը, նամակով դիմեք գլխամասային կառույցին,,-առաջարկեց տեղամասային պատասխանատուն, որ գրանցեց դիմումս եւ որպես տանալու ապացույց՝պատճենահանեց ու վերադարձրեց ինձ։Ասեմ, որ մուծված,բայց չմուտքագրված վճարումների հարցով ես միակ քաղաքացին չեմ․էլի կան մարդիկ, որոնք անջրաչափից ջրաչափի անցնելիս՝պարզել են, որ մինչեւ 10հազար դրամի հասնող գումարներ չեն մուտքագրվել, եւ այդ առթիվ իրենց բողոքներին ի պատասխան՝հայտնել են, ջրմուղից, թե ,,Ցուցակներն էնքան շատ են, մաքրելով գալիս ենք,,։Գրեթե նույն պատասխանը մատուցվեց նաեւ ինձ։
ԳԱՅԱՆԵ ՀՈՎՍԵՓՅԱՆ,Վանաձոր
вторник, 13 февраля 2018 г.
Դատական հաշվեհարդար՝ի պատասխան համացանցային ընդդիմախոսության
Վաղը, փետրվարի 14-ին, ժամը 12․30-ին, Լոռու մարզի ընդհանուր իրավասության դատարանում, դատավոր Տիգրան Գրիգորյանի նախագահությամբ տեղի կունենա ,,Վեոլիա-ջրի,, հայցով դատական նիստ՝ընդդեմ ինձ։,,Վեոլիա-ջուրը,, որի ապօրինի ու առասպելական վարձավճար սահմանելու մասին շուրջ մեկ տարի է ահազանգում եմ ում ասես, ուր ասես, դատարանից պահանջում է ինձնից բռնագանձել 32200դրամ՝որպես ,,պարտք,,․այսինքն՝առասպելական սակագնով ու ինձ հետ առանց պայմանագիր կնքելու, առանց նոր սակագնի մասին ինձ գրավոր իրազեկելու՝իմ հաշվեհամարին ամեն ամիս 5400դրամ վարձավճար է դրել ու ըստ այդմ՝պարտք գոյացրել․ու այս ակնհայտ կոռուպցիայի մասին արդեն մեկ տարի է ահազանգում եմ, բայց՝անօգուտ․միայն օմբուդսմենն իբր արձագանքեց, բայց՝կենտրոնացավ ոչ թե ապօրինի վարձավճարի վրա, այլ՝ինձ խորհուրդ տվեց ջրաչափ տեղադրեմ․այն դեպքում, երբ վերջինիս բացատրել էի, որ վթարային բնակարաններում հնարավոր չէ ջրաչափի տեղադրումը տեխնիկապես։
Այսօր, ,,Լոռի-ջրմուղի,, իրավաբանի հեռախոսային հրավերով մեկնեցինք ջրմուղի կենտրոնական գրասենյակ՝բանակցությունների/փաստորեն, նախ դատի են տալիս՝առանց բանակցելու, որ արդեն իսկ պայմանագրի խախտում է, հետո նոր ՝հրավիրում են բանակցությունների/։Իմ առջեւ պայման է դրվել․կամ ես պետք է ընդունեմ այդ չհիմնավորված ,,պարտքը,,/որի մեջ, ի դեպ, մտել է նաեւ 2000դրամ մուծած, բայց չմուտքագրված գումար, որ ապացուցվում է 2017թ․հունվար եւ փետրվար ամիսների անդորրագրերի համեմատությունից, որոնք ներկայացրել եմ դատարան/, կամ՝պետք է ջրաչափ տեղադրելու դիմում գրեմ․․․ու կրկին ընդունեմ այդ ,,պարտքը,, եւ պատրաստակամություն հայտնեմ այն վճարել՝ըստ ժամանակցույցի․սա ակնհայտ կեղեքում ու թալան է քաղաքացու նկատմամբ․պատրաստակամություն հայտնել վճարել մի ջրավազանի չափ ջրի սակագնով հաշվարկված վարձի դիմաց․պատկերավոր ասած՝սա կոչվում է մարդու ,,գլխին սարքել,,։Այլ կերպ՝կամ ես պետք է ,,ղազագիր,, ստորագրեմ, կամ՝նրանք ինձ կզրկեն ջրից կամ, եթե կարողանան՝նաեւ բնակարանից՝այն կալանքի տակ դնելով․ահա եւ լրագրողական 22-ամյա անաչառ գործունեությանս ,,պատասխանն,, ու ,,գնահատականը,,՝կյանքի մնացած վերջին հատվածում․այն կյանքի, որ նվիրաբերել է մարդու իրավունքների պաշտպանությանն ու արդարության հաստատմանը՝ մեկ առանձին վերցրած քաղաքում եւ երկրում։
Հարցիս, թե ես ո՞րտեղից պետք է այդ կարգի գումար մուծեմ, եթե չեմ աշխատում, իրավաբանը հետաքրքրվեց, թե ինչու՞,,․,,որովհետեւ Հանրապետական չեմ,,՝ասացի։
Ի՞նչ է ստացվում․կառավարությունը 15 տարով վաճառել է ջրային տնտեսությունը օտարերկրյա պետության, որ քաղաքացու հետ վարվեն այնպես, ինչպես ճորտի՞․,,կամ կմուծես, կամ կբռնագանձենք,,տրամաբանությամբ․ու խոսքը վերաբերվում է չսպառած ջրի համար վճարելուն, քանի որ ոչ մի տրամաբանության մեջ չի կարող տեղավորվել, որ գազամատակարարում չունեցող բնակարանը/2 անձից բաղկացած/, կարող է առնվազն ձմռանը ծախսել 30խ/մետր ջուր,որի հաշվարկով էլ ,,Վեոլիան,, ջրի վարձ է սահմանել՝2017թվից, ինչի մասին անցած շաբաթ օրն ահազանգել եմ բաց նամակով նաեւ արդարադատության նախարար Դավիթ Հարությունյանին։
Այն, որ դատարանին միջնորդել եմ՝պատասխան-հայցադիմումիս մեջ, որ ,,Վեոլիայից,, պահանջի վերջին 7 տարվա էպիկրիզն ու համոզվի, որ ես պարտաճանաչ բաժանորդ եմ եղել՝անգամ 1100դրամ պատկառելի սակագնի պայմաններում, իրավաբանն ասաց, որ իրենք չեն պահպանում նախորդի արխիվային տվյալները,։Ստացվում է,պարտաճանաչն ու անպարտաճանաչը մի հաշիվ է՞․․․
Հարցիս, թե ինչպես՞ կարող են բռնագանձում կատարել ինձնից, եթե հաշվի համար չունեմ, թոշակառու չեմ, աշխատող չեմ, բնակարանն էլ միակ սեփականությունն է/այն էլ՝2 համասեփականատերերի/, որից զրկել չեն կարող՝իրավաբանը որոշակի պատասխան չտվեց, բայց հնարավոր համարեց, որ այդ դեպքում կարող են ջրանջատում անել․ինչպես նաեւ՝ այն դեպքում, եթե ջրաչափ տեղադրելու դիմում գրեմ, բայց տեղադրողները գան-համոզվեն, որ այն տեղադրելու հնարավորություն չկա տեխնիկապես՝սանհանգույցի ու ջրատարների անմխիթար վիճակի պատճառով, որոնք վերակառուցելու համար մեծ ֆինանսներ են պահանջվում։
․․․Ի՞նչ լավ է, չէ՞․․․աշխատանքից զրկեցին, եկամտից զրկեցին, հիմա էլ կարող են ջրից զրկել։
ԽՈՐՀՈՒՐԴ՝ԻՇԽԱՆՈՒԹՅՈՒՆՆԵՐԻՆ․է միանգամից տվեք՝-սպանեք․զրահաբաճկոնով չեմ քայլում, թիկնապահ չեմ պահում, մեկ-մեկ էլ երեկոյան ժամերի եմ տուն գնում՝շքամուտքն էլ լուսավորված չի, էլ ի՞չ մի ընկել եք ,,Վեոլիա-մեոլիա,, եք խաղացնում․․․թե՞ վախենում եք, որ ասեն ,,Հայաստանում ընդդիմախոս լրագրողներին վերացնում են,,․ի՞նչ տարբերություն․ուղղակի վերացնե՞ն, թե՞ սոցիալական ոչնչացման դատապարտեն։Հիշեցնեմ, որ նախ՝1998թվին իշխանությունը հասավ այն բանին, որ ես զրկվեմ պետական աշխատանքից՝ինստիտուտի գրադարանի մատենագետ, ու ,,սեփական դիմումի,, համաձայն դուրս գամ բուհի գաղջ մթնոլորտից, հետո էլ սկսեց անուղղակի միջամտել այն թերթերի աշխատանքներին, որոնցում հանդես էի գալիս։Եւ քանի որ դրանից հետո էլ ստիպված էի համացանցային անկախ գործունեություն ծավալել՝սեփական ու ընտանեկան խնայողություններիս հաշվին, ուստի որոշեցին հիմա էլ այն կարգի վարձեր փաթաթել ,,վզիս,, որ չկարողանամ դրանց տակից դուրս գալ։
,,էս ամեն ինչը միտումնավոր են անում, որ մարդիկ թողնեն գնան երկրից, ինքան շատ գնան՝էնքան իրանց համար լավ,,-ասում է մի վանաձորցի։
ԳԱՅԱՆԵ ՀՈՎՍԵՓՅԱՆ,Վանաձոր, ազատ լրագրող, բլոգեր
Հ․Գ․տեղի ունեցածի մասին հայտնելու համար այսօր այցելեցի Հելսինկյան քաղաքացիական ասամբլեայի Վանաձորի գրասենյակ/թեպետ՝ամիսներ առաջ բաց նամակով էլ էի դիմել ,,Վեոլիայի,, ու ՀԾԿՀ-ի ակնհայտ ապօրինության մասին/, բայց ասացին, որ ղեկավարը տեղում չի, մայրաքաղաքում է/։Նաեւ նպատակ ունեի ներկայացնել իրեղեն ապացույց 2 անդորրագրեր՝ակնհայտ կոռուպցիայի մասին․2017թ․հունվար ամսին մուծած 2000դրամը չի երեում փետրվարի անդորրագրում, եւ գրված է,,նախորդ վճարում՝զրո,,․այս մասին երբ հիշատակեցի ջրմուղի իրավաբանի հետ զրույցում, ասեց, որ ,,հունվարի հետ կապված տեխնիկական խնդիր կա,,։Զանգահարեցի Հայաստանի Հելսինկյան կոմիտե,որ գոնե էն գլխից գլխիս ճարը տեսնելու եւ որեւէ Կարմիր խաչի գրասենյակի միջոցով քաղաքական ապաստան գտնելու դուռը ցույց տա/որովհետեւ դատարանի վճռից հետո միայն Աստծուն է հայտնի, թե ինչ ճակատագիր է սպասվում ինձ,այս երկրում շարունակել-մնալու դեպքում/այդտեղ էլ ղեկավարը չէր տեղում, բայց ասացին, որ տարածքում է/․․․
․․․Հեյ գիտի Լոռու մարզի դատախազ Ալբերտ Ղազարյա՜ն․․․մամուլում հենց հանդես էի գալիս որեւէ հակակոռուպցիոն թեմայով, զանգում-հետաքրքրվում էր, թե ինչ, որտեղ, երբ է տեղի ունեցել, մի անգամ ,,Արմենթելի,, հետ կապված կոռուպցիոն չարաշահման գործով իր մոտ ,,ռազբոր,, եղավ ,,Արմենթելի,, ղեկավարության հետ,որի ընթացքում ապացուցեցի, որ գրածս ճիշտ է եւ հիմնավոր,մի անգամ հեռախոսով հետաքրքրվեց, թե ,,էդ ինչ ,մարդասիրական օգնության,տուշոնկաներ,, են, որ վաճառվում են խանութներում, ինչ գույնի են/որի մասին գրել էի ,,Առավոտում,,/ եւ ես ապացուցեցի, որ տեղի է ունեցել ակնհայտ կոռուպցիա․․․երեւի ազնիվ աշխատանքի համար էլ էդ մարդուն բացահայտ սպանեցին՝2007թվին, իր իսկ տան շեմքում։Հիմա ինչքից ուզում ես գրի, ում ուզում ես դիմի,՝ոչ տեր կա, ոչ տիրական, ոչ ցավին դարման անող․շատ-շատ՝ասեն․,,դու ճիշտ ես, բա ինչ, երկիրը երկիր չի,,։
понедельник, 12 февраля 2018 г.
Բաց նամակ՝,,Լոռի-ջրմուղի տնօրինությանը՝,,վերջին խոսքի,, իրավունքով
Ես չգիտեմ, թե ով է իմ դեմ դատական հայց ներկայացրել, հին, նոր թե միջանկյալ ղելավարությունը/որպես հայցվորի ներկայացուցիչ միայն ոմն իրավաբան Ս․ Եղիազարյանի անունն է նշվում ու ,,Վեոլիա-ջուր,,/, բայց ցանկանում եմ հարցս ուղղել ջրմուղի տեղական ղեկավարությանը, որ հազիվ թե քաջատեղյակ չլինի այս խնդրին/եթե հայցադիմումի վրա փակցված է իմ բնակարանի հեռախոսահամարը, ուրեմն ,,նավոդկան,, տեղական կառույցից է, թե չէ ,,Վեոլիայի,, ղեկավարությունը Երեւանում նստած՝ինչպե՞ս որոշեց , թե Վանաձորում որ անջրաչափ բաժանորդին է ,,նպատակահարմար,, դատի տալ՝,,գումարի բռնագանձման պահանջով,,/։
Եվ, այդուհանդերձ՝բա դուք չամաչեցի՞ք, որ ինձ՝առնվազն յոթ տարվա պարտաճանաչ բաժանորդին ձմեռ օրով դատարանի դռները գցեցիք, ու ինձնից 32200դրամ բռնագանձելու անհիմն պահանջ ներկայացրիք։Մի հատ բարի եղեք նայեք մեր հասցեի ջրի վարձի հաշվեհամարին յոթ տարվա ընթացքում մուծած գումարների էպիկրիզը, եւ տեսեք, որ մինչեւ ,,Վեոլիայի,, հայտնվելը ամեն ամիս՝ըստ սակագնի/սկզբում՝3 անձի համար, այնուհետ՝հորս մահից հետո՝ անձի համար 2200դրամ/ մուծումներ են արվել։Ջրաչափով մուծումներ անողների համար մշտապես էլ զեղչեր, էլ պարգեւատրումներ՝ինչ-որ լոտո-մոտոների միջոցով/երբ որ ջրաչափով մուծողներն ավելի քիչ գումար են մուծում, քան՝անջրաչափ մուծողները/, ու հիմա անջրաչափ մուծողներին էլ էս կարգով ե՞ն ,,մեծարում,,՝դատարանի դուռը տանելով։Հիմա որ ասեմ՝,,երկիրը երկիր չի,,՝կասեն ,,քաղաքական շահարկում ,,է։Անջրաչափ բաանորդը կարող է՞ իր մեղքով է անջրաչափ,տեխնիկական պատճառներով է, օբյեկտիվ պատճառներով,քանի՞ անգամ կարելի է ասել ու աղաղակել, կարող է՞ անջրաչափն անչաձ ուրախ է, որ ավելի շատ է մուծում, քան՝ջրաչափովը, որ հիմա էլ եկել են այն հանճարեղ եզրակացության, որ եթե էդքան մեծ սակագնով/անձաքանակ՝1100դրամ/վարձ են մուծում, բեր էլի ավելացնենք ու սարքենք 5400դրամ։Ո՞ր մի խելքը գլխին բաժանորդը գլուխը կախ, ,,հավայի,, կստորագրի այդ աննորմալ ու չհիմնավորված սակագինը, որ առանց դրա մեջ խորամուխ լինելու՝հաստատել է ՀԾԿՀ-ն, իսկ ,,Վեոլիան,, էլ դրանից ոգեւորված, ու նաեւ նրանից, որ մեր երկրում քաղաքացիական ինստիտուտներն անտարբեր են քաղաքացու բողոքի հանդեպ,դատի է տվել։Առանց գրավոր զգուշացնելու/մինչդեռ 2007թվին գրավոր զգուշացնում էր Լոռի-ջրմուղի նախկին ղեկավարությունը՝բաժանորդներին/, առանց բաժանորդի հետ բանակցելու/որ արդեն 2014թ․պայմանագրի խախտում է/, մարդուն դատի ե՞ն տալիս, այն էլ՝պարտաճանաչ մուծումներ կատարողին։Եթե ամաչում եք ու կարմրում՝ուրեմն ձեր ներքին ձայնը ձեզ ազմոթանք է տալիս ու խղճի խայթը ներքուստ տանջում է, որ ստիպված եք եղել իշխանության հրահանգը կատարել՝ինձ դատի տալով/ի պատասխան իշխանությանը ոչ հաճո իմ հրապարակումների/, իսկ եթե չեք կարմրում, ուրեմն եզրակացությունը թողնում եմ ընթերցողին։Ամեն դեպքում՝վերեում Աստված կա, ու մարդու ոտքն անտեղի տրորողը վաղ թե ուշ պատժվում է։
․․․Ի դեպ, որոշ փակագծեր բացելով ասեմ, որ 2010թվին, երբ Լոռի-ջրմուղի կողմից տարիների պարտք էր գոյացել՝մոտ 70հազար դրամ, ու գնացել էի ջրմուղ՝պարզաբանումների, եւ ընտանիքիք անդամների պակասելու հետ կապված նոր պայմանագիր կնքելու/4 անդամից դարձել էինք 3/, ջրմուղի իրավաբանն ինձ խորհուրդ տվեց, որ ես գնամ համատիրությունից տեղեկանք բերեմ, թե իբր 1 անձ է բնակվում բնակարանում, որ վարձ քիչ մուծեմ․բայց՝հրաժարվեցի, չցանկանալով կեղծիքի գնալ ու իրավաբանորեն ապացուցեցի,որ 70հազար դրամ պարտքը անհիմն է եւ պետք է զրոյացվի/որն էլ արվեց՝2010թվի պայմանգիր կնքելիս/։Հետեւաբար, չի բացառվում, որ այդտեղ տարիներ շարունակ արատավոր պրակտիկա է ձեւավորվել՝անձերի քանակը կեղծ տեղեկանքներով պակաս ցույց տալ։Միգուցե ինձ նաեւ պատժում են, որ կեղծիքների չե՞մ գնում, որ դրանով կարողանան խոցելի դարձնել կամ կառավարելի։
ԳԱՅԱՆԵ ՀՈՎՍԵՓՅԱՆ
пятница, 9 февраля 2018 г.
,,Վեոլիային,, դատելու փոխարեն նպատակահարմար գտնվեց․․․ինձ հանձնել ,,Վեոլիայի,, դատին
Մի քանի օր հետո, Լոռու մարզի ընդհանուր իրավասության դատարանում կկայանա իմ դեմ ,,Վեոլիա-ջուր,, ընկերության կողմից ներկայացված հայցի քննությունը։Նշեմ, որ ,,Վեոլիա-ջուրը,, 2017թ․հունվարից ջրի սակագինը անջրաչափ բաժանորդների համար դարձրեց 5400դրամ՝անկախ ընտանիքի անդամների թվից/նախկին անձաքանակ 1100դրամի փոխարեն/, եւ ՀԾԿՀ-ի հետ դավադիր համաձայնության գալով՝այդ առասպելական վարձն ամեն ամիս սկսեց ամրագրել անգամ իր հետ պայմանագիր չունեցող բաժանորդների հաշվեհամարներին/այդ թվում՝նաեւ իմ/։Եվ, քանի որ վերջիններս , բնականաբար, ի վիճակի չէին այդ առասպելական վարձի տակից դուրս գալու պատրաստակամության պայմանագիր կնքել, ինչպես նաեւ՝տեխնիկական պատճառներով չէին կարող ջրաչափ տեղադրել ու ավելի քիչ մուծումներ կատարել/թեպետ՝այդ դեպքում էլ նրանք չէին ազատվի նոր սակագնով կուտակված պարտքերի բեռից/, ուստի ,,Վեոլիան", օգտվելով այդ առթիվ գրած իմ բողոք-նամակների հանդեպ համապատասխան մարմինների անտարբեր վերաբերմունքից, անցավ հարձակման եւ սկսեց դատական հայցեր ներկայացնել՝արհեստական ,,սարքած,, գումարների բռնագանձման հայցերով։
Իրականում սա քաղաքական հաշվեհարդար կարելի է համարել՝կոնկրետ մեր ընտանիքի պարագայում․հերթական հաշվեհարդարը՝սոցիալական հարթության վրա՝վերջին 18 -20տարում․թերեւս՝ի պատասխան իմ ոչ միայն 22-ամյա լրագրողական անաչառ, բայց՝ընդդիմախոս գործունեության, այլեւ՝6 տարվա համացանցային ակտիվության՝ոչ ի նպաստ իշխանությունների։
Այսպիսով, մեկ տարվա ընթացքում ,,Վեոլիայի,, դեմ գրած իմ բողոք-նամակները/որոնք ոչ միայն ի պաշտպանություն ինձ էին, այլեւ՝,,Վեոլիայի,, այլ բաժանորդների/, անուշադրության մատնվեցին համապատասխան կառույցների կողմից, որոնք ,,Վեոլիայի,, դեմ դուրս գալու եւ ՀՀ խոցելի խավերին այդ կառույցի նկատմամբ ճորտացումից փրկելու քաղաքական կամք չկարողացան ցուցաբերել՝թերեւս երկրի ,,ներքաղաքական կայունության,, տեսանկյունից․չէ՞ որ տվյալ դեպքում պետք է գործ ունենան եվրոպական կառույցի հետ, որի հետեւանքով չէին ցանկանա վատացնել հարաբերությունները՝Եվրոպայի հետ/այստեղ են ասել՝,,ձվածեղի խաթրու՝թավայի կոթը համբուրում են,,/։Ըստ այդմ ,,համապատասխան կառույցները,, ,,նպատակահարմար,, գտան․․․ինձ հանձնել ,,Վեոլիայի,, դատին․փոխանակ՝հակառակը լիներ։Մի՞թե մենք ապրում ենք քաղաքացիական հասարակության մեջ։
ԳԱՅԱՆԵ ՀՈՎՍԵՓՅԱՆ,Վանաձոր, ազատ լրագրող,բլոգեր
ՀՀ արդարադատության նախարար Դավիթ Հարությունյանին
Բաց նամակ
Պարոն նախարար,մի՞թե հնարավոր է, որ վթարային պայմաններում, անբարեկարգ պայմաններում բնակվող, անգամ՝գազամատակարարմամբ չապահովված/սոցիալ-կենցաղային ու տեխնիկական պատճառներով/ ՀՀ քաղաքացիներն առնվազն ձմեռային ամիսներին ծախսեն 30խ/մետր ջուր,եթե գազամատակարարմամբ ապահովված չեն․թեպետ՝անգամ ամառային ամիսներին չի դա հնարավոր՝բնակելի շենքերում, մինչդեռ հենց այդ հաշվարկով է ,,Վեոլիա-ջուր,, ընկերությունը, որ 2017թվից ստանձնել է ՀՀ ամբողջ ջրային ցանցը, 5400դրամ ջրի վարձ սահմանել անջրաչափ բաժանորդների համար/նախկին անձաքանակ 1100դրամի փոխարեն/, եւ Հանրային ծառայությունները կարգավորող հանձնաժողովի միջոցով, առանց հանրային լսումներ կազմակերպելու եւ դրա նպատակայնությունն ապացուցելու՝2017թ․հունվարից ամրագրել բաժանորդների հաշվեհամարներին՝անգամ առանց վերջիններիս հետ այդ առթիվ պայմանգիր կնքելու/քանի որ ոչ մի գիտակից քաղաքացի չի կարող այդ պայմաններով պայմանագիր կնքել/։Նշեմ, որ նախկինում անջրաչափ բաժանորդների համար որպես կայուն ծախս՝հաշվարկվել է 12խ/մետրը, եւ, ստացվում է, որ նույն խողովակների առկայության պայմաններում ,,Վեոլիան,, երկուսուկես անգամ մեծացրել է խողովակի ծավալն ու ըստ այդմ՝հաշվարկ կատարել։Այդուհանդերձ, չնայած մեկ տարվա ընթացքում այդ առթիվ համապատասխան կառույցներին գրած իմ բողոք-նամակներին, ,,Վեոլիա-ջուրը,, շարունակեց իր թալանչիական քաղաքականությունը եւ ՀՀ շարքային քաղաքացիների, տենիկական պատճառներով ջրաչափ տեղադրելու հնարավորություն չունեցող քաղաքացիների ջրի վարձի հաշվեհամարներին ամեն ամիս ամրագրելով այդ չհիմնավորված թիվը՝ահռելի պարտքեր է գոյացրել մի քանի ամսվա կտրվածքով եւ դրանք բռնագանձելու հայցեր ներկայացրել դատարաններ։
Մի՞թե մենք ապրում ենք իրավական երկրում․եթե այո՝ապա այդ որոշումը կիրառելիս պետք է առնվազն տարբերակված մոտեցում ցուցաբերվեր՝հատուկ տողով, տարիներ շարունակ պարտաճանաչ վարձ մուծողների, վթարային բնակարաններում, անբարեկարգ պայմաններում ապրող խոցելի խավերի եւ իրավաբանական անձանց միջեւ,մինչդեռ ,,Վեոլիան,, բոլորին մի արշինի ու մի հաշվարկի տակ քաշելով/որի արդյունքում վթարային շենքի ,,խախալտակված,, բնակարանի բնակիչն ու ավտոլվացման կետը հաշվարկվում են նույն սկզբունքով՝նուն հարթության վրա/, ձմեռ օրով դատարաններ է քարշ տալիս խոցելի խավերին։Սա մարդու իրավունքների ցցուն ոտնահարում է, ինչը, սակայն, անուշադրության մատնվեց ՀՀ մարդու իրավունքների պաշտպանի կողմից, ում նույնպես ահազանգել եմ խնդրի առնչությամբ, սակայն բավարար պատասխան չեմ ստացել։
Ակնկալում եմ Ձեր միջամտությունը՝դադարեցնել վերոնշյալ աննախադեպ թալանը՝ՀՀ շարքային քաղաքացու նկատմամբ եւ ետ կանչել ,,Վեոլիա-ջրի,, դատական հայցերը՝մինչեւ այդ տխրահռչակ որոշման՝ջրի վարձը 5400դրամ դարձնելու առթիվ հանրային լսումներ կազմակերպելը եւ որոշման նպատակայնությունն ապացուցելը․մանավանդ, որ դատարան ներկայացրած հայցերն ավելանալու միտում ունեն նույն բաժանորդների պարագայում, քանի որ վիճահարույց ջրի վարձը շարունակում է հընթացս ամրագրվել քաղաքացիների հաշվեհամարներին՝սոցիալապես խոցելի խավերին էլ ավելի խոցելի դարձնելով եւ երկրի սոցիալական լարվածությունն էլ ավելի մեծացնելով։Նշեմ, որ որպես ,,բարի կամքի դրսեւում,՝այժմ ,,Վեոլիա-ջուրը,, իր անձնական նախաձեռնությամբ՝որոշ քաղաքացիների առաջարկում է պարտքերի մարման ժամանակացույց սահմանելու առթիվ պայմանագիր կնքել․ինչու՞ պետք է ՀՀ քաղաքացին պարտավորություն վերցնի զարմանալի հաշվարկով որոշված սակագնով իր հաշվեհամարին ապօրինաբար փաթաթված գումարները մուծելու պատրաստակամության առթիվ։
ԳԱՅԱՆԵ ՀՈՎՍԵՓՅԱՆ,Վանաձոր, ազատ լրագրող, բլոգեր, 9․02․2018թ․
среда, 7 февраля 2018 г.
Մխիթարյանի առաստաղը դեռ 2 ամիս էլ կքայքայվի․քանի քաղաքապետարանը կա
Այսօր Լոռու մարզի ընդհանուր իրավասության դատարանում լսվում էր քաղգործն ըստ հայցի Հենրիետա Մխիթարյանի՝ընդդեմ իր ներքեւի հարկի հարեւանի։Այս կենցաղային թնջուկի մասին ոչ միայն գրվել է սույն բլոգում՝մի քանի անգամ, այլեւ՝իրավիճակը մանրամասն ներկայացվել է վանաձորյան 2 հեռուստաալիքներով։Քանի որ մեկ տարվա ընթացքում տարբեր մարմինների գրած իր բողոքն այդպես էլ ընթացք չստացավ/քաղաքապետարան, մարզպետարան, պատգամավորական գրասենյակներ, վարչապետ/, ուստի որպես հարցի վերջնական ելք՝Վանաձորի վետերանների միության նախագահ հանդիսացող, Լենինգրադի բլոկադայից տուժած Մխիթարյանն ստիպված էր դիմել դատարան՝պահանջելով մեղավոր ճանաչել իր ներքեւի հարեւանին, որի՝շենքի տանիքում կատարած գործողությունների արդյունքում էլ Մխիթարյանի առաստաղն սկսվել է քայքայվել ձնաջրերից ու անձրեւաջրերից։Մխիթարյանի շահերի պաշտպանությամբ նշանակված էր հանրային պաշտպան, բայց վերջինս դատարան չէր ներկայացրել՝նախապես տեղյակ պահելով թե հայցվորին, թե դատարանին։Չնայած չմասնակցելու պատճառը նիստում չհայտարարվեց, սակայն Մխիթարյանը մեզ հետ զրույցում տեղեկացրեց, որ պատճառն այն է, որ Հանրային պաշտպանը մասնակցում է համապետական գործադուլին։Դատավորի այն հարցին, թե արդյո՞ք Մխիթարյանը կարող է առանց փաստաբանի ներկայության իր հայցը ներկայացնել ու պահանջները հիմնավորել, վերջինս պատասխանեց, որ կարող է։Բայց դատական նիստի ընթացքում, պարզվեց, որ վերջինիս կաշկանդվածության եւ ռուսական կթություն ունենալու պատճառը խանգարող դեր է խաղում հայցը բանավոր ներկայացնելու եւ պահանջը հիմնավորելու համար,ուստի Մխիթարյանն արդեն հայտնեց, որ գտնում է, որ անհրաժեշտ է պաշտպանի մասնակցություն։Ըստ այդմ՝գործի քննությունը հետաձգվեց մինչեւ․․․ապրիլի 25-ը․իսկ սա նշանակում է, որ Մխիթարյանի առաստաղը կշարունակի քայքայվել եւս 2 ամիս։Հուսանք, որ այս ընթացքում միգուցե տեղական իշխաությունները բարի կամքի դրսեւորում ցուցաբերեն եւ խնդիրը կարգավորեն քաղաքապետարանի կոմունալ բաժնի կամ համատիրության միջամտությամբ։Ի դեպ, նիստի ավարտից հետո նիստը նախագահող դատավորը հակամարտ կողմերին առաջարկեց այդ ընթացքում հաշտվել, սակայն Մխիթարյանի զարմուհին, որ դատին մասնակցելու նպատակով հատուկ ժամանել էր Ռուսաստանից, ցավով ասաց․,,Ի՞նչ հաշտություն, եթե միայնակ կնոջը ծեծել էին,,։Հիշեցնենք, որ տարիներ առաջ՝2003թվին վերոհիշյալ պատասխանող կողմը ծեծի էր ենթարկել Մխիթարյանին, որի համար առաջին ատյանի դատարանը փոխհատուցման գումարի պահանջ էր ներկայացրել/ինչի մասին տարիներ առաջ գրվել է ,,Առավոտ,, եւ ,,Զորավիգ,, թերթերում/, սակայն հետագայում բարձր ատյանի դատարանը բեկանել էր գործը։
Հատկանշական է, որ ոչ հայցվորը, ոչ պատասխանողը չունեին հակառակ կողմի/այսինքն՝միմյանց դեմ/ ներկայացվող հայցերը/, իսկ այն ,որ պետք է պատասխանող կողմը ծանոթանար գործին կցված տեսանյութին եւ այն ետ վերադարձներ դատարանին, վերջինս ասաց․,,Իրա ինչի՞ն ա պետք, էնա ինքն իրա ելույթը գիտի էլի․․․։Հետաքրքիր հանգամանք էր նաեւ այն, որ Մխիթարյանի հայցի մեջ/որ կազմվել էր հանրային պաշտպանի կողմից/, ներկայացած մի պարբերություն՝ամենեւին առնչություն չուներ հայցի հետ, եւ այս հանգամանքը հարուցել էր վերջինիս զարմանքը։Հարցիս՝մի՞թե հայցն իրեն հանձնվելուց հետո չի նկատել,՝պատասխանեց․,,Դե տվել է ինձ,վերցրել եմ, հետո եմ նկատել,,։
․․․Իսկ նիստին մասնակցող մի վետերան նիստից առաջ զարմանք հայտնեց, թե ինչու տեղական իշխանության, համատիրության կամ կոմունալ բաժնի կողմից ներկայացուցիչ չի մասնակցում, եւ ափսոսանք հայտնեց, որ դատի ընթացքում մասնակիցներն իրավունք չունեն հարցեր տան կամ միջամտեն նիստին։
ԳԱՅԱՆԵ ՀՈՎՍԵՓՅԱՆ
․․․
понедельник, 5 февраля 2018 г.
Ընդդեմ ,,Վեոլիայի,,
Այսօր Լոռու մարզի ընդհանուր իրավասության դատարանին ներկայացրի հայցադիմումի պատասխան՝ընդդեմ ,,Վեոլիայի,, կողմից իմ դեմ ներկայացված հայցադիմումի, որով ,,Վեոլիան,, դատարանից պահանջում է ինձնից բռնագանձում կատարել՝իր որոշած ու ՀԾԿՀ-ի կողմից հաստատված սակագնով։Ես էլ իմ հերթին հայցադիմումի պատասխանի մեջ՝2,5 էջից բաղկացած, մատնանշել եմ այն գործոնները, որոնց հիման վրա դատարանը պետք է ,,Վեոլիայի,, հայցը ետ վերադարձնի։Ստորեւ ներկայացնում եմ հայցադիմումի պատասխանը։
Ձեր կողմից 14․11․2017թ․ կայացրած որոշման առթիվ՝,,Վեոլիա,, ընկերության կողմից իմ դեմ գումարի գռնագանձման հայցադիմումը վարույթ ընդունելու մասին, որ ստացել եմ 2017թ․դեկտեմբերի 14-ին՝,,Հայփոստ,, ծառայության կողմից,հայտնում եմ, որ բռնագանձման ենթակա համարվող 32200դրամ գումարը անհիմն է, նկատի ունենալով, որ ,,Վեոլիա,, ընկերությունը 2017թվից անջրաչափ բաժանորդների համար ջրի վարձ է սահմանել 5400դրամ կայուն թիվը՝անկախ ընտանիքի անդամների քանակից/նախկին 1100դրամ անձաքանակի փոխարեն/։,,Վեոլիան,, այդ առթիվ նախ պետք է գրավոր տեղեկացներ ինձ՝որպես բաժանորդ, որը չի արել։Այդ վարձավճարի մասին անգամ հեռուստատեսությամբ չի արվել համապատասխան հայտարարություն։Նշեմ, որ 2017թվի փետրվար ամսին, ջրի վարձի իմ հաշվեհամարին տեսնելով կասկած հարուցող թիվ, , այցելեցի Լոռի ջրմուղ-կոյուղու գրասենյակ,փորձելով ճշտել,թե արդյո՞ք ինձ ներկայացված թիվը 2 ամսվա գումար է, թե՞ նոր սակագին է ամրագրվել, պատասխանատուն ասաց, որ իրենք կոնկրետ փաստաթուղթ չունեն՝վարձի թանկացման մասին,իսկ թե ինչ թիվ է եկել՝այդ առթիվ էլ իրավասու չեն պատասխանել, իսկ այն, որ ես այդ օրն արդեն 2000դրամ գումար էի մուծել, ասացին, որ իզուր էլ մուծել եմ, եւ նախ՝պետք է ճշտել, թե որքան է կազմում ջրի վարձը եւ ինձ խորհուրդ տվեցին դիմել Երեւան՝ ուղիղ ,,Վեոլիա,, ընկերությանը, որն այդ ժամանակ ստանձնել էր նաեւ ,,Լոռի,,ջրմուղի կառավարումը։Եվ, քանի որ ,,Վեոլիան,, չուներ կոնտակտային տվյալներ եւ անգամ՝համացանցային էջ, դրա հետ մեկտեղ՝անհետացել էր նաեւ ջրային ռեսուրսների պետական կոմիտեի կայքը, քանի որ կոմիտեն դուրս էր եկել նախկին գերատեսչության կազմից եւ միավորվել գյուղնախարարության հետ / ինչի առթիվ հանդես եկա համացանցային տիրույթում՝հղում անելով նաեւ համապատասխան մարմիններին/, ուստի շարունակում էի ջրի ամենամսյա վարձը վճարել սովորական, մինչ ,,Վեոլիայի,, որոշումն ուժի մեջ մտնելն ընդունված սակագնով՝1100դրամ անձաքանակ հաշվարկով՝2 անձի համար, ըստ ընտանիքի անդամների թվի, հուսալով, որ համապատասխան մարմիններին ուղարկած ահազանգերս արձագանք կստանան։Եվ, մինչ ես տարբեր պատկան մարմինների հետ էի փորձում կապվել/այդ թվում՝Մարդու իրավունքների պաշտպանի գրասենյակի/, ,,Վեոլիան,, շարունակում էր իմ/ավելի ճիշտ՝իմ անունով գրանցված ընտանեկան հաշվեհամարին/ ամեն ամիս նոր սակագնով գումար հաշվարկել․այն դեպքում, երբ ինձ հետ չունի գրավոր պայմանագիր։Դրա հետեւանքով էլ գոյացել է 32200դրամ ,,պարտք,։Դատարանը կարող է 2017թ․ իմ հաշվեհամարին ներկայացված էպիկրիզը պահանջել ,,Վեոլիայից,,՝8 ամսվա կտրվածքով/քանի որ ինձ ներկայացված է 8 ամսվա պարտք/, որով հստակ կերեւա, որ մինչ ,,Վեոլիայի,, հայտնվելը ես կանոնավոր մուծումներ եմ կատարել՝երբեւէ պարտքեր չկուտակելով/բացառությամբ՝2016թ․դեկտեմբեր ամսվա, որի համար մասնակի վճարել եմ, ինչպես վերը նշեցի՝2017թ․հունվար ամսին, քանի որ ինձ հստակ պատասխան չտրվեց, թե արդյո՞ք իմ հաշվեհամարին ներկայացված գումարը 2 ամսվա է։ Հարկ է նկատել, որ 2200դրամ վարձն էլ արդեն իսկ պատկառելի թիվ է, եթե հաշվի առնենք, որ ջրաչափ ունեցողներն անհամեմատ փոքր գումար են մուծում/։Այդ էպիկրիզից/հաշվի քարտ/ կերեւա նաեւ, որ ես 2017թ․հունվարին ամսին 2000դրամ եմ մուծել, բայց ,,Վեոլիան,, այն չի հաշվարկել փետրվար ամսվա անդորրագրերում եւ գրել է ,,նախորդ վճարում՝0,,․ իսկ նոր սակագինն էլ՝5400դրամ, համարել ,,մնացորդ,,/որպես ասվածի ապացույց՝կից ներկայացնում եմ 2017թ․հունվար եւ փետրվար ամիսների անդորրագրերը/։Իսկ ,,Վեոլիայի,,՝դատարան ներկայացրած հաշվի քաղվածքում, որն , ի դեպ, բավականին մանրատառ է ու դժվարընթերցելի/որ կարելի է համարել ոչ պատշաճ ներկայաված փաստաթուղթ/, չի երեում այդ գումարը։ Եթե հունվարին մուծած գումարը չէր երեում փետրվարի անդորրագրում, ես ի՞նչ երաշխիք ունեի, որ հետագայում մուծած գումարները կմուտքագրվեն եւ կերեվան անդորրագրերում ․ըստ այդմ՝մարտից սկսած՝ստիպված էի մուծումներ կատարել անկանոն/օրինակ՝մի անգամ մուծել եմ 2 ամսվա գումար միանգամից՝նախկին սակագնով, ինչը երեւում է ,,Վեոլիայի,, կողմից ներկայացրած հաշվի քաղվածքում/, հուսալով, որ , ի վերջո, խնդիրը կկարգավորվի համապատասխան կառույցների ահազանգելուց հետո։
Ի պատասխան իմ բողոք-նամակի՝որ բաց նամակի տեսքով ուղարկել էի նաեւ Օմբուդսմենի գրասենյակ, այնտեղից հուլիս ամսին
ինձ նամակով խորհուրդ տվեցին ջրաչափ տեղադրել,այն դեպքում, երբ ջրմուղում էլ են քաջատեղյակ, ինքս էլ բացատրել էի, որ բնակարանի սանհանգույցը վթարային վիճակում է եւ երկրաշարժից հետո չի նորոգվել, իսկ ջրաչափ տեղադրելու համար կառուցվածքային փոփոխություններ են պետք, որ մեծ ֆինանսների հետ է կապված, որ ջրաչափ տեղադրելը ռիսկային է ու վտանգավոր հետեւանքներ կարող է ունենալ՝ծորակների մաշվածության հետեւանքով։Նշեմ, որ մեր շենքը՝Կ․Դեմիրճյան 26, երկրաշարժից հետո համարվել է քանդման ենթակա, բայց հետագայում կարգավիճակը փոխվել է։Նշեմ նաեւ, որ ,,Լոռի,,ջրմուղ- կոյուղու գրասենյակում՝ Հայքի հրապարակում գտնվող տեղամասում, ինձ խորհուրդ էին տվել հենց այդ պատճառաբանություններն էլ նշել ,,Վեոլիային,, ուղարկվելիք նամակում․բայց ինչպե՞ս նամակ ուղարկեի ,,Վեոլիային", եթե այդ ընկերությունն անգամ՝ կոնտակտային տվյալներ չուներ, ինչի առթիվ մի անգամ էլ ,,Սուր անկյունն,, է ահազանգել հեռուստատեսությամբ։
Դատարանը կարող է պահանջել նաեւ ջրի վարձի իմ հաշվեհամարի
2010-2017թվերի ամբողջական էպիկրիզը՝ջրի վարձի մուծման , որից հստակ
կերեւա, որ մինչ ,,Վեոլիայի,, հայտնվելը, ամեն ամիս կանոնավոր մուծումներ
եմ կատարել՝առանց պարտք գոյացնելու/2010- 2014թվերին՝3 անձի հաշվարկով,
2014-2017թ․հունվար ժամանակահատվածում՝՝2 անձի հաշվարկով,/ըստ ջրմուղում իմ
ունեցած եւ նորացված պայմանագրերի եւ ըստ բնակարանի անձերի քանակի/այդ
առթիվ ջրմուղում կան համապատասխան փաստաթղթեր/։
32200դրամ ,,պարտք,, եւ 1500դրամ՝պետտտուրքը՝ինձնից բռնագանձելու, , համարում եմ անօրինական՝ելնելով վերը նշած հանգամանքներից։,,Վեոլիայի,, հայցը ենթակա է մերժման ոչ միայն այն հիմնավոր պատճառներով, որոնց արդյունքում ի վիճակի չենք ջրաչափ տեղադրել, բայց եւ ի վիճակի չենք այդ հաշվարկով գումար մուծել, այլեւ՝որ ,,Վեոլիան,, ինձ հետ չունենալով պայմանագիր, խախտել է նաեւ մինչ այդ իմ ունեցած պայմանագրի՝՝2014թ․հունվարի 22-ի որոշման 7-րդ կետը․՝,,Վեճերի լուծման կարգը,,։Այն է՝,,պայմանագրի կապակցությամբ ծագած վեճերը լուծվում են բանակցությունների միջոցով։Բանակցությունների արդյունքում փոխադարձ համաձայնության չգալու դեպքում վեճերը լուծվում են դատական կարգով,,/Կից ներկայացվում է 2014թ․պայմանագիրը/։,,Վեոլիան,, ինձ հետ պայմանագիր չունի, ինձ գրավոր չի զգուշացրել՝վարձի բարձրացման մասին, այդ սակագնով՝5400դրամ, վարձ հաշվարկելու առթիվ չկա հիշատակություն՝անգամ ,,Վեոլիայի,, նոր պայմանգրերում/այլ միայն՝խողովակի տարողությունն է մատնանշվում՝որպես 30խ/մ․երբ որ մինչ այդ հաշվարկվել է 12խ/մ․եվ սա այն դեպքում, երբ հանրապետությունում նույն խողովակներն են, նույն շենքերն են,,/։
,,Վեոլիայի,, կողմից իմ դեմ
ներկայացված հայցադիմումի պատասխանը սահմանված ժամկետում, այն է՝որոշումն
ստանալուց հետո՝երկշաբաթյա ժամկետում դատարան չներկայացնելու պատճառն այն
է, որ այս ընթացքում բողոք-նամակներ եմ ուղարկել Հանրային Խորհրդին, Մարդու
իրավունքների պաշտպանին/վերջինիս՝երկրորդ անգամ, քանի որ առաջին անգամ
ուղարկած նամակի պատասխանը`12.07.2017թ․ իմ ներկայացած հիմնախնդիրը չէր
շոշափում եւ չէր կարող ինձ գոհացնել․ես բողոք էի ներկայացրել, որ ջրաչափ
տեղադրելը տեխնիկապես անհնար է, ՄԻՊ գրասենյակը խորհուրդ էր տվել ջրաչափ
տեղադրել/ , քանիցս ահազանգել եմ ,,Վեոլիայի,, սահմանած 5400դրամ/ավելի
կոնկրետ՝30 խ/մ հաշվարկ/ առասպելական սակագինը հաստատելու ՀԾԿՀ-ի գաղտնի
որոշումը չեղարկելու մասին/քանի որ այն ոչ միայն իմ, այլեւ՝համանման
օբյեկտիվ պատճառներով ջրաչափ տեղադրելու հնարավորություն չունեցող
բաժանորդների շահերին էր առնչվում, սակայն պատասխան չեմ ստացել/։Ըստ այդմ,
խնդրում եմ ՀՀ քաղ․դատ․օր․95հոդվածի 1-ին կետով, այն է՝,,Ելնելով գործի
առանձնահատկություններից՝դատարա
Կից ներկայացնում եմ․
1․ ՀՀ մարդու իրավունքների պաշտպանի գրասենյակի պատասխանը՝առաջին նամակիս առթիվ,,
2․ ,,Լոռի,, ջրմուղի հետ 2014թ․ իմ պայմանագրի պատճեն։
3․ 2017թ․հունվար եւ փետրվար ամիսների ջրի վարձի մուծման անդորրագրերը:
ԳԱՅԱՆԵ ՀՈՎՍԵՓՅԱՆ
пятница, 2 февраля 2018 г.
,,Բանը հասավ դիվանբաշուն,,
Ահա եւ եկանք հասանք ,,Վեոլիայի,, կողմից իմ դեմ դատական հայց ներկայացնելու առթիվ իմ կողմից հայցադիմումի պատասխան ներկայացնելու փուլին։Անկեղծ ասած՝միայն այսօր եմ պարզել, որ պատասխան հայցը պարտավոր եմ ներկայացնել իմ դեմ հայցն ստանալուց հետո՝երկշաբաթյա ժամկետում/քանի որ միայն այսօր եմ մանրամասն ուսումնասիրել հայցադիմումին կից փաստաթուղթը՝իմ իրավունքների ու պարտականությունների մասին․հույս ունեի, որ մեր ,,ժողովրդավարական երկրում", որտեղ օմբուդսմենն էլ, ՀԾԿՀ-ն էլ, այլ համապատասխան կառույցներն էլ, ում բաց նամակով եւ էլեկտրոնային փոստով ուղարկել էի բողոք-նամակս՝ահազանգելով, որ ՀՀ-ում շարքային քաղաքացու իրավունքների աննախադեպ ոտնահարում է տեղի ունենում՝,,Վեոլիայի,, կողմից սահմանված անտրամաբանական որոշման առթիվ/այն է՝2017թ․հունվարից անջրաչափ բաժանորդների համար ջրի վարձ սահմանել 5400դրամ՝անկախ ընտանիքի անդամների քանակից /, միջոցներ կձեռնարկեն այդ տխրահռչակ որոշումը չեղարկելու համար, բայց, ցավոք, այդ կառույցները մնացին քաղաքացու ահազանգի հանդեպ քար-անտարբերության տիրույթներում։Հիշեցնեմ, որ բաց նամակով դեկտեմբերին ահազանգել էի նաեւ ՀՀ նախագահին։
Ըստ այդմ, ստիպված եմ օգտագործել առկա օրենքի բոլոր հնարավորությունները՝,,Վեոլիայի,, դեմ իմ պայքարում, եւ դատարանին միջնորդել, որ հայցադիմումը ուշացումով ընդունի՝ելնելով քաղ․դատ․օր-ի 95 հոդվածի 1-ին կետից, որի համաձայն՝,,Ելնելով գործի առանձնահատկություններից՝դատարանը կարող է սահմանել պատասխան ընդունելու ավելի երկար ժամկետ կամ պատասխանողի միջնորդությամբ երկարաձգել պատասխանը՝ներկայացնելով ժամկետը,,։Հարցի առիթվ այսօր դատարանի ներթին հեռախոսով կապվեցի դատավորի գործավարի հետ, պատասխանեց, որ կարող եմ հայցադիմումի պատասխանը ներկայացնել, սակայն այն ընդունելու հայեցողությունը թողնված է դատարանի վրա։
Սպասենք մինչեւ երկուշաբթի։
․․․Ի դեպ, երեկ տեղեկացանք, որ դատարան դիմելու սպառնալիքով մի քաղաքացի էլ է զգուշացվել ,,Վեոլիայի,,կողմից, սակայն քաղաքացին էլ իր հերթին, ,,Վեոլիայի,, ներկայացուցչին է զգուշացրել․,,Հլա փորձեք դատի տվեք․մինչեւ Եվրոդատարան կգնամ,,։Ու հրաժարվել է եւ պայմանագիր կնքելուց՝այդ ահռելի սակագնով վարձ մուծելու պատրաստակամության վերաբերյալ, եւ ջրաչափ տեղադրելուց է հրաժարվել։,,Ասեցի 1100դրամ ամեն ամիս մուծում եմ, էլ ի՞նչ եք ուզում,,-տեղեկացրեց վթարային շենքի բնակչուհին, որ նույնպես հնարավորություն չունի ջրաչափ տեղադրել։
ԳԱՅԱՆԵ ՀՈՎՍԵՓՅԱՆ,Վանաձոր,2․02․2018թ․
четверг, 1 февраля 2018 г.
Գնա վարկային պատմություն ստեղծի՝արի վարկ տամ
Որ վարկ չտան՝վարկային վատ պատմություն ունենալու, անբարեխիղճ հաճախորդ լինելու համար՝դա հասկանալի կլինի, բայց որ վարկ չտան՝վարկային պատմություն չունենալու համար՝դա արդեն տարօրինակ է․մանավանդ, երբ մեկին տրվում է, մյուսին չի տրվում/երբ որ երկուսն էլ վարկային պատմություն չունեն/։Ամբողջ հանրապետությունում, այդ թվում՝Վանաձորւմ, արդեն 2 ամիս է՝անտոկոս ու անգրավ, կարճաժամկետ վարկերի համար հերթեր են նորաբաց մի բանկում, որի հետեւանքով մյուս բանկերում ,որոնք բարձր տոկոսներով են վարկ տալիս ու գրավի կամ աշխատավարձի առկայությամբ, իդեալական խաղաղություն է։Արդեն 2 օր է՝ուսումնասիրություն եմ կատարում․հերթերը կանոնավոր են, խաղաղ, հանգիստ, լարվածություն չկա, երիտասարդ աշխատողները բարեհամբույր պատասխանում են ու տարբեր հաճախորդների բացատրում նույն կանոնները՝մի քանի անգամ, առանց հոգնելու․բայց՝երեւի թե հրահանգված է՝չասել ամենակարեւորը․այն, որ վարկային պատմություն չունենալը կարեւոր ,,այիբ,, է վարկ վերցնողի համար, ու այն հավաստեց այդտեղ գտնվող մի զինվորական․,,Ես ձեզ բան եմ ասում՝եթե վարկային պատմություն չունեք՝հաստատ չեն տա, հրեն իմ եղբորը մերժել են,,։Ասածի հավաստիությունն ստուգելու նպատակով՝աշխատողին հարցում արվեց, բայց՝վերջինս ժխտեց այն, ասելով, թե ,,համակարգիչն է դա որոշում,,։Ու սպասողներից մեկը, որ վարկային պատմություն չուներ, շարունակեց սպասել․բայց, երբ հերթը հասավ նրան՝զինվորականի ասածը հաստատվեց, քանի որ վերջինիս մերժեցին վարկ հատկացնել, պատճառաբանելով, որ ,,համակարգիչն այս պահին մերժում է, դուք վարկային պատմություն չունեք,,։Մի հետաքրքիր, բայց չգրված նախապայման էլ բջջային հեռախոսի առկայությունն է ու անպայման՝աշխատողը պետք է այդ պահին զանգի հաճախորդի հեռախոսի վրա ու պահանջի, որ էկրանը պահեն դեպի իրեն/բայց չէ՞ որ կարող է այդ պահին մեկի մոտ չլինել հեռախոսը, կամ այդ մարդը բջջային հեռախոս չունենա, ուրեմն նրան վարկ չի հասնու՞մ/։
Ասում էին, որ սոցիալապես ամենաանապահով խավերն են գալիս այստեղ՝վարկ ստանալու․դրանում էլ համոզվեցինք՝մի կնոջ հետ զրույցի բռնվելով․,,Էկել եմ վարկը մարեմ, ու նոր վարկ վերցնեմ, որ ուղարկեմ Արցախ՝էրեխես էնտեղ հիվանդանոցում է, վիրավորվել է՝չգիտեմ էլ, թե ինչի հետեւանքով է վիրավորված,,-ասաց ամուսինը մահացած, 2 որդիների մայր կինը՝մեր հետ զրույցում, միաժամանակ հավելելով, որ ականջով է ընկել, որ կառավարությունը մտադիր է կրճատել աղքատության նպաստները, եւ թողնել միայն երեխաների նպաստը, ու մտահոգված էր, որ իր նպաստն էլ՝որպես տնակի բնակչի, կկտրեն։Միաժամանակ տեղեկացանք, որ մի վարկն արդեն մարել էր՝2000դրամ օրավարձու տաժանակիր աշխատանքի հաշվին, ու պատրաստվում էր այդ աշխատանքի հաշվին էլ նոր վարկ վերցնել․․․․
․․․Նայելով այդտեղ հավաքված մարդկանց, ու իմանալով նրանց կյանքի պատմությունները, գալիս ենք եզրակացության, որ ազգը սոսկալի ու ողբալի վիճակում է։
ԳԱՅԱՆԵ ՀՈՎՍԵՓՅԱՆ
․․․Հ․Գ․Այնուամենայնիվ հետաքրքիր է, թե ինչպե՞ս է, որ վարկային պատմություն չունեցող մեկի վարկ է հասնում, մյուսին՝չի հասնում։Երեւի մտածում են, որ եթե մինչեւ հիմա վարկ չեն վերցրել, ուրեմն կարող է վերցնեն ու ,,թռնեն,, երկրից։Այս վարկածը հաստատեց ծանոթներիցս մեկը՝ինձ հետ զրույցում․,,Մեկ էլ տեսար՝վերցրին ու թռան․ի՞նչը պետք ա բռնագրավեն, եթե բնակարանը սեփականաշնորհված լինի ու միակ սեփականությունը, օրենքն էլ թույլ չի տալիս մարդուն զրկել միակ սեփականությունից։Էդտեղ մարդիկ են գալիս վարկ ստանալու, որ ախր զարմանում ես, թե ոնց են վարկ փակելու․․․․,,։
Подписаться на:
Сообщения (Atom)